建議本論壇開「宗教信仰」板

殺人王

原帖由 xiss 於 2009-7-23 05:05 PM 發表 但係就見到大把人喺道大談「人種論」，高度排外，更有甚者事事與CCP聯係起身，一時話independent，一時又喺大肆從人種角度攻擊外省人，甚至 重話「粵人非漢人」，總之就係一個比一個嘅觀點激進，一個比一個更危言聳聽。但係，呢啲人又唔見佢哋對粵語有幾多探討興趣，對粵語有么嘢見解喔。「 ...

雖然我支持開版，不過呢段你講得啱

xiss

原帖由 殺人王 於 2009-7-28 09:00 發表 雖然我支持開版，不過呢段你講得啱

哈哈，殺人王版主，總算見到你喇，你已經好耐冇上嚟喇。

vincent10

實則上一個論壇 獨尊文化  脫離生活  

 

 

        想旺場 其實都系一件 好有難度嘅事

xiss

既然如此，粵協不如改版啦

由「粵語協會」改成「南粵論壇」

將一個純語言論壇改為一個包羅所有生活面嘅生活吹水+語言研究論壇吖。

首先論壇版面換一換，由宜家呢種老舊版面嘅顏色變成一啲鮮艷啲，時尚啲嘅顏色，例如可以改成DISCUZ7之類嘅時尚界面。

同時，論壇版塊大規模改革。分成生活以及學術兩大類。

生活入面就畀大家專攻吹水，講下生活上嘅瑣碎嘢

學術入面就畀大家探討下學術，例如粵語啊，其它方言啊，甚至乎外語啊。鑒于本論壇時時有部分人有啲好宏偉嘅政治構想，可以設置議政區（不過要嚴加管理，大量設置關鍵字替換），以及一個時事區，等大家可以去就社會目前某啲熱門話題進行吹水。

重有，鑒于呢個論壇嘅人來自五湖四海，可以專門喺生活版面下再根據廣東地區細分一啲地區版面，例如五邑區，潮汕區........等大家一啲唔方便喺綜合區講嘅嘢或者一啲十分地區性嘅話題可以再細分到某個地區嘅版面入面發表。

不過咁多嘅構想都要有一個大前提，就係咁多位粵協會員（包括管理員），尚未對呢個論壇失去熱情，愿意再次返嚟呢道，吹吹水。

神七咁早

原帖由 xiss 於 2009-7-28 15:39 發表 既然如此，粵協不如改版啦由「粵語協會」改成「南粵論壇」

 

唔系应该改成「越南论坛」嘎咩

xiss

原帖由 神七咁早 於 2009-7-28 18:57 發表   唔系应该改成「越南论坛」嘎咩

關越南叉事？中越戰爭，越南佬唔知殺我哋幾多廣東兵啊

此君

宗教版如果开办的话，相关的宗教的意识形态争论也会出现……

 

逸定軒

原帖由 xiss 於 2009-7-23 17:05 發表

我記得上年呢個時候，粵語重係好熱鬧嘅，而且做事亦都好多，例如當時喺拼音版以及書院版討論問題嘅人都好多，而且真真正正喺道討論實際問題。
但係宜家呢，語言問題唔見幾多人討論，更多嘅係一班天馬行空嘅人喺道大談「人種」「政治」之類嘅問題，而且思想一個比一個激進，一個比一個誇誇其談，實事嘅討論喺粵協已經變得越嚟越少。

粵協宜家已經同「粵語」離得越嚟越遠，網上攻擊粵語嘅唔見粵協有幾多人去積極反擊，問粵語問題嘅唔見有幾多人熱心回答。
但係就見到大把人喺道大談「人種論」，高度排外，更有甚者事事與CCP聯係起身，一時話independent，一時又喺大肆從人種角度攻擊外省人，甚至重話「粵人非漢人」，總之就係一個比一個嘅觀點激進，一個比一個更危言聳聽。但係，呢啲人又唔見佢哋對粵語有幾多探討興趣，對粵語有么嘢見解喔。

總之，宜家嘅粵協正在變質，從原來嘅探討粵語，為粵語作貢獻，幫助他人學粵語嘅一個論壇，變成一個畀部分人攞嚟發洩對社會嘅憤怒嘅地方（而且，呢啲人嘅憤怒唔見得多少理性分析，多是圖一時快感嘅偏激，乃至係種族歧視式嘅極其反現代化思想）。呢班人逐漸使粵協變得離理智越嚟越遠，使粵協作爲「粵語探討」基地嘅價值變得越嚟越低，更使得粵協越嚟越少理性，使得粵語越嚟越變得烏煙瘴氣，變成一個充滿各種駭人聽聞思想嘅地方。

...

 

我觉得有d无厘头七噶话题，已经严重影响左某d版区噶正常讨论

到底果种话题算唔算言论自由，我个人意见有保留，如果非要谈论不可呢，唔该正反「统独」双方都自觉去适当噶版面，唔好扰人耳根清静

 

开唔开版都系无得投票嘎啦，网上投票喔，注册成扎id上离一野搞掂啦

[ 本帖最後由 逸定軒 於 2009-7-29 14:51 編輯 ]

xiss

原帖由 此君 於 2009-7-29 14:08 發表 宗教版如果开办的话，相关的宗教的意识形态争论也会出现……  

冇錯，而且重會比宜家激烈得多

Barbecue5354

個BBS蛇蛇squaresquare咁，到時又搞到人欲言又止，開乜7都假。

外外星人

robert仔

乜嘢來？我禁用咗ActiveX，睇唔到~