"無"与"冇"

外外星人

神七咁早

原帖由 外外星人 於 2009-7-2 20:23 發表 粵語唔係造字多，而係太少嘞！

 

你呢条傻佬啊，人哋鬼佬个D系造词啊，唔系造字啊，英文字母始终都系只得26个咋

 

 

唔三唔四蠢魚

老子新造嘅字。

外外星人

無間道、無間，冇間，點分？

 

 

 

無間gaan3，親密無間；庖丁解牛：以無厚入有間gaan3。

 

冇間gaan3，間gaan1房冇間gaan3，空盪盪。

 

若果，係都要令到「冇=無」，除非無中生有啫！

殺人王

人地樓主問嘅係"無"字係咪"冇"字嘅本字.
認為係嘅就答係,唔係嘅就答唔係

答到後面離曬題.關於用"無"定用"冇"視乎個人而定.
"七孔流血"還七孔流血,"死"還死,係兩碼事，千祈唔好混埋一談.
[ 本帖最後由 殺人王 於 2009-7-3 10:28 編輯 ]

neolite

命題A:字唔夠；命題B：要造字。因爲字唔夠，所以要造字。充分條件，但非必要（「造字」推唔出「字唔夠」）。反例：本來有「來」，「嚟」多餘；有「畀」，「俾」多餘。證畢！

 

你個「無間」理論根本係斷章取義，借用你嘅「無毛雞」理論，可以理解成：沒有『毛雞』同『沒有毛』嘅雞。通過上下文理解就可以知道咩意思。又例如，「間房」係咩意思？究竟係「有一間房」呢，定「間隔房間」。講咗几多次，字係睇意思嘅，關讀音咩事。未有個「冇」字之前，啲人就唔識分？我都費事再同你嘥時間，一味喺度話「冇」≠「無」，個「無」字都咁多意思，你硬係要攞其中一個意思話唔等于另一個意思，肯定啦，集合內嘅元素都係互异嘎嘛！

 

證畢！

黐线德德B

原帖由 neolite 於 2009-6-28 14:42 發表  （1）渠，係佢嘅本字。無，係冇嘅本字。 （2）如果噉都否認，你不如話「淺」同「錢」唔係同一個字。粵語變調好正常。

（1）

其实讲咁多冇用嘅···渠係咪佢嘅本字我就唔知···

不过····如果用指··坑渠··水渠··嘅渠···摞嚟指作人嘅话··点都觉得唔妥···

汉字毕竟係象形文字··既然係用嚟指人嘅··点解要用木字底·带埋三点水嘅渠··而唔用单人边嘅佢呢？～

冇·本字係咪·無·我都唔知···我就係知道···用起上嚟好唔同···根本冇可能··冇=無··两字互用···

例如··無限大≠冇限大···虚無≠虚冇···

（2）

呢位仁兄··老师冇教过我···「淺」同「錢」係同一个字···「淺」係形容词··深嘅反义词··「錢」係名词···

而且呢两个字···据我所知···粤语读音··完全一样···

neolite

敢問樓上「一文錢」個「文」同「文雅」個「文」、「文章」個「文」、「天文」個「文」、「文化」個「文」是否都一樣意思？但係佢哋係唔係都係「文」呢？已經講過，一個字包含多個意思，你用其中一個意思話唔等于另一個意思，就等于本来鸡同鸭都係家禽（無），但因为鸡(無限，個無）唔等于鸭（冇，「無」裏面表示「沒有」嘅意思），所以鸭唔係家禽。荒謬！你識唔識「集合」嘅概念？文字就係一個集合，集合之所以為集合，其中一個重要性質就係「互異性」，亦之所謂每個元素都互不相同。

 

「錢」粵語有兩個讀音「cin4（前）」同「cin2（淺）」。如果你要根據讀音來劃分漢字嘅話，噉根本唔存在多音字。例如「錢」——cin4用一個字表示，cin2用另一個字表示。又例如廣州嘅流花湖，「花」讀「化」噉係唔係又寫錯啊？讀音同文字無必然嘅聯繫，文字代表抽象意思嘅集閤體嗻。

 

PS.現今漢字係由象形文字轉變過來，而非象形文字。你連「無」嘅原有意思都唔承認，就唔好提更耐之前嘅象形文字，好有可能你嘅粵語連漢語都唔係。

mokirui

冇mou5由無mou4變調而來 因受有yau5同化 所以讀成有冇yau5mou5

 

佢本字確是渠

 

不學無術 自以為是者認為斷不可能

 

坑渠咁污糟,點可作第三人稱污衊人 ?

 

事實啱啱相反

 

渠唔一定單指坑渠

 

渠於此不但不污穢,重係第三人稱敬語

 

常見於古文和傳統敬語體書信

 

所以粵語 佢  其實係對人嘅敬稱

 

同  有冇   原理一樣

 

佢被你nei5我ngo5同化變調讀keoi5

 

問渠那得清如許

 

為有源頭活水來

[ 本帖最後由 mokirui 於 2009-7-12 15:40 編輯 ]

lesly

原帖由 芬1012 於 2009-6-30 00:35 發表   嗰啲將有水有木嘅屎渠、臭坑渠嘅「渠」當成「佢」嘅啲人，真係對某樣嘢盲目到連尊嚴係乜都唔理咖嘞。

 

「渠」古漢語確實系有「他」嘅意思。見「問渠那得清如許、為有源頭活水來」，閣下應該唔會認為上句嘅「渠」系指水渠吧？

小狼

「冇」本字的確係「無」，
「佢」本字的確係「渠」。

在下主張在今天把「冇、無」兩字分工，把「佢、渠」兩字分工。不主張再用本字「無、渠」去取代「冇、佢」。
但問到「無、渠」是否本字，則必須答「是」。因為這個是事實。
不可以說你主張分工，就要竄改事實。
否則，就只會令自己今後的發言失去公信力。

牛腩

贊成用 "無" 作 "冇" 字來使用,

文字應該越簡化越好,

唔應該擺出個太矝貴個樣出街,

文字只不過係工具嚟啫, 重點係意思能否傳達精準....

不過,趨勢好似係 "無" 與 "冇" 會逐漸分開使用,

語言文字都會跟隨媒體嘅榜樣形式影響而逐漸自然發展變化,

 

而目前嘅媒體則以花樣百出為己任, 對文字嘅使用, 只增不減

所以, 個人嘅贊成與反對都沒有意義...  

 

 

 

反對用 "渠" 作 "佢" 字來使用. 無須理由. 絕對係個樣嘅問題

 

bajatvj

冇字是香港造字，古舞、無同字，可見無（毛）也讀作冇。現在好多人都將無、冇、毋混亂使用。

芬1012

原帖由 外外星人 於 2009-7-2 20:23 發表 9771

 

「粵語唔係造字多，而係太少嘞！」——講得啱。

andromedaro

進錯樓？

外外星人

原帖由 小狼 於 2009-7-17 04:27 發表 「冇」本字的確係「無」，「佢」本字的確係「渠」。 在下主張在今天把「冇、無」兩字分工，把「佢、渠」兩字分工。不主張再用本字「無、渠」去取代「冇、佢」。但問到「無、渠」是否本字，則必須答「是」。因為這個是事 ...

唔係啩？邊個證明先？

應該話，嗰陣時冇呢個字，啲爛鬼「文人」安鳩助柄至真。