廢俊龍

desmond

乜個「費」字做姓氏嗰陣唔係讀「秘」音咖咩 點解新聞個個都讀「廢俊龍」？

余OK

以前有個官員叫“費孝通”，我聽粵語新聞“費”都係讀返“廢”喎。讀“秘”從何談起？！

highyun

噉“仇”做姓够话读“求”啦，又有几个人会噉读。

desmond

highyun在2005-10-14 20:58:00說道：[br]噉“仇”做姓够话读“求”啦，又有几个人会噉读。

我有個朋友就糾正我哋讀「求」。

desmond

余ok在2005-10-14 19:52:01說道：[br]以前有個官員叫“費孝通”，我聽粵語新聞“費”都係讀返“廢”喎。讀“秘”從何談起？！

新聞報道可以讀錯咗，中學教出師表嘅「費禕」這個人物，就係讀「秘」。

余OK

姓“費”有啲名氣嘅重有一个歌手“費翔”，我諗古人名係讀“秘”囉，現代人就唔肯定。講眞我都係第一次知姓“費”係讀“秘”，可能普語對應嘅拼音係：mi。可惜喺內地，呢類字嘅粵音冇幾個會曉，有時重需要通過普語估吓粵語點發音，重唔知啱唔啱添，覺得幾可悲。好細個嘅時候，阿爺嗰輩冇乜邊個字唔曉粵語點發音，可惜而家。。。 至於“仇”好細個就知做姓時讀“求”，類似嘅重有姓“樸”讀“嫖”（好搞。。。）

highyun

讲起个“费”我又谂起啲嘢。我呢拍落三水啲农村，当地人唔少人将“交费”讲成“交fei3”好有可能呢个ei韵先接近古读；而又知道古代冇f音，所以“费”字古代系声母“b”嘅，因此，极有可能呢个“费”字古代只有一个“bei3”音。

Anl

highyun呢種推測極有可能。應該話事實就係古有bei3音。所以用做姓嘅時候，讀“秘”。 有時唔一定要按廣州話嘅發音去研究，有啲發音雖然係廣州音，不過嗰個廣州音實質可能係變咗質，有啲地方發音先更準確。 有一個廣州話詞發音係“又餿又臭”，可能大家會以爲正寫就係“又餿又臭”。但呢個詞如果從新會四邑話中，可以推測應該正寫“又餿又嗅”。我亞媽四邑話經常講“又餿又嗅(hau3)”。呢個發音即何文匯講已經唔用嘅‘香夠切’。 何文匯祇識研究廣州話，唔識四鄉話，所以根本就唔識得用四鄉音嚟做論證。 嗅嘅“香夠切”依然保留喺四邑話當中。 廣州人除咗講“嗅(hung3)吓嗅(hung3)吓”同“嗅(cau3)覺”呢兩個音，hau3音根本上用唔着。所以何文匯就理所當然認爲粵語已經冇咗“嗅”(hau3)音，天眞兼垃圾教授之證。

Yucky豕

唔通我成日聽人哋講嘅[麥俊龍]就係[費俊龍]~~但[麥]都唔同[秘]啊~~唔通我聽錯?~ 講起[又餿又嗅(hau3)]~我亞爺都會講[一陣嗅(hau3)ceoi4(隨)]~我問佢咩係hau3~佢話即係[臭]~ 我爺爺問我[食唔食]啲乜嘢都係講成[睺(hau1陰平高降)唔睺]~~其實會唔會就係個[嗅]字?~

Anl

嗅應該冇“hau1”呢個音

NGF

我都係第一次知姓“費”係讀“秘”，至于“仇”读“求”音我就有听过。。。不过一直都改唔到。。。因为太少遇到。。。 ps:yucky，你讲嗰个hau1字好可能係另有其字。

highyun

yucky讲嗰个hau1应该系“睺”，表示“虎视耽耽噉睇实”。

Anl

其實按照姓氏嘅起源，姓“費”有人讀“秘”，有人讀“廢”。呢個要視乎佢個“費”字嘅起源係喺邊度。 呢個網址有講解：http://www.chinalane.org/life013/bookstore/name/00002377.html

九唔搭八

“任”做姓讀“淫”。

dada

「費、廢」﹐我讀pai3。

tantg

九唔搭八在2006-01-16 14:34:15說道：[br]“任”做姓讀“淫”。

未聽過“淫劍輝”噉講噃

Anl

更加冇人聽過“任達華”讀成“淫達華”啦。

大吉利市

之前聽過一個故仔，想同大家分享吓...

知唔知個「費」字做姓氏果陣讀「秘」音ga...
差人：差人查身分證.... 叫咩名.....
路人：費密 (秘密)
差人：差人做野呀..... 咪玩la.....
費密：都話費密 (秘密) 咯......
差人：仲玩？！阻差辦公呀..... 拎身分證o黎！
費密乖乖畀身分證差人.....
差人：哦.... 原來係費密 (廢物) .....
費密：唔係呢... 係費密 (秘密)....
差人：費密 (廢物) 就費密 (廢物) la.... 秘乜鬼密丫.....
神神秘秘咁.....係就係核突Ｄ......
費密：........