攪掂？搞掂？

冇名

究竟係 「攪掂」 定係「 搞掂」？

亂棍歐死越南仔

用搞算啰

Hung

去AM730睇返 彭志铭 嘅專欄，就知系乜嘅嘞

aiyaya

 最搞嘢嘅系有啲北佬讲成「搞定」

冇名

咁究竟係「搞」定係「攪」?

Lucciora

搞掂

攪：滾攪、打攪、攪拌

neolite

我觉得北佬嘅『搞定』个『定』用得几好啊。相反，『掂』係咩意思？『搞掂』应该係搞妥当嘅意思，讲到呢度就有『掂当』呢个词。

 

汉典係无『掂当』呢个词，不过可以查到『定当』，其中一条解析就係「处理、安排妥贴」。

 宋 朱熹 《答谢成之书》：「此中今年絶无来学者，只 邵武 一朋友，见编书説未备，近又遭丧，俟其稍定当，当招来讲究。」《儒林外史》第五四回：「你看看，恁般时候尚不曾定当，可不是越发娇嬾了？」

 

所以我有理由怀疑，「搞掂」係作出来嘅，北佬用嘅「搞定」有可能先至正确。

馬萬千

原帖由 neolite 於 2009-6-8 16:39 發表 我觉得北佬嘅『搞定』个『定』用得几好啊。相反，『掂』係咩意思？『搞掂』应该係搞妥当嘅意思，讲到呢度就有『掂当』呢个词。   汉典係无『掂当』呢个词，不过可以查到『定当』，其中一条解析就係「处理、安排妥贴」。 & ...

 

 

廣州話「掂」字解「竪、直」。引伸義先係「妥當」。

旺旺

有無聽過「掂過碌蔗」？有無關係？

neolite

我知道『掂』有竖直嘅意思，重有人讲过『搞掂』同『搞橫』，但係都只係知道佢读音。我搜索过以前嘅帖，重有人话係用口字旁加个店，即係『o店』。其实，諗下『傢私』点样变成『傢俬』，『傢具』写成『傢俱』，都可以估到一二，点解用呢个『掂』字。

 

至于个『掂過碌蔗』，之前嘅帖有讲过，係取谐音『甜』。

外外星人

好多俗語都係隨口噏嘅，唔使對住本書、字典查過先講嘅。ANL係講過掂應該用[口店]，我諗，好多人都明，但係呢個字唔係咁易打出嚟，下下用[口店]，認真唔「掂」檔。

 

掂個碌蔗，屬於冇厘頭嗰隻，你話掂過碌竹都得咖；搞掂，意思好易明啫；孫悟空被如來佛隻五指山迮住，郁都冇得郁，噉就真係搞定嘞！一定就定咗五百年，邊個有咁長命呢？

neolite

我都係随口嗑咋 [ 本帖最後由 neolite 於 2009-6-9 22:52 編輯 ]

牛腩

原帖由 外外星人 於 2009-6-9 20:37 發表 好多俗語都係隨口噏嘅，唔使對住本書、字典查過先講嘅。ANL係講過掂應該用[口店]，我諗，好多人都明，但係呢個字唔係咁易打出嚟，下下用[口店]，認真唔「掂」檔。   掂個碌蔗，屬於冇厘頭嗰隻，你話掂過碌竹都得咖；搞掂，意思好易明啫；孫悟空被如來佛隻五指山迮住，郁都冇得郁，噉就真係搞定嘞！一定就定咗五百年，邊個有咁長命呢？

笑死!!!

咁即係話, 係字庫嘅錯啰... 識得變通, 幾好吖...

 

UngooChan

睇返呢期《粵講粵過癮》：

http://bbs.cantonese.asia/viewthread.php?tid=16806