「奧巴馬」譯音更近粵語

highyun

奧巴馬，如果用官話讀就係 Aobama，而粵語係Oubama。睇返Obama呢個名嘅O，係讀ou音嘅，點解北大人唔譯成「歐巴馬」？

 

另外，John McCain無論係「麥凱恩」抑或「麥堅」，都唔夠「莊 麥傾」咁近音。

余OK

原帖由 highyun 於 2008-11-5 08:59 發表 John McCain無論係「麥凱恩」疑惑「麥堅」

　　睇嚟普語拼音輸入法真係害人不淺！

gboss

原帖由 highyun 於 2008-11-5 08:59 發表 奧巴馬，如果用官話讀就係 Aobama，而粵語係Oubama。睇返Obama呢個名嘅O，係讀ou音嘅，點解北大人唔譯成「歐巴馬」？   另外，John McCain無論係「麥凱恩」抑或「麥堅」，都唔夠「莊 麥傾」咁近音。 ...

 

哈哈，可能係： 噢 ò 巴bā 馬mǎ 

外外星人

系咪粤语人士翻译咖？

lhk

單從譯名嘅角度，我就梗係支持奧巴馬啦。何解？

麥凱恩，首先用粵語發音同英文差天共地，其次，凱恩呢個名，尤其喺香港、澳門，相信有大把女性個名係發音「Hoi2 Yan1」嘅，特別個「凱」字，大陸人一般用作男人名，而港澳就大部分都係用作女人名。麥凱恩，set入粵語嘅語境，好容易就投射到佢係個女性。

而麥堅，就堅好多喇，有如老一輩廣東男人嘅名，短而鏗鏘有力，好似石堅o甘堅，而Caine呢個音節，我記得香港中區嘅Caine Road，都係譯作堅道。音近、意雅，不失爲一個好譯名。

（另外，美國前國防部長Rumsfeld，新華社叫「拉姆斯菲爾德」，而陶傑就堅持叫佢做「倫斯斐」，高下立見。）
[ 本帖最後由 lhk 於 2008-11-8 04:06 編輯 ]

外外星人

原帖由 lhk 於 2008-11-8 03:56 發表 單從譯名嘅角度，我就梗係支持奧巴馬啦。何解？麥凱恩，首先用粵語發音同英文差天共地，其次，凱恩呢個名，尤其喺香港、澳門，相信有大把女性個名係發音「Hoi2 Yan1」嘅，特別個「凱」字，大陸人一般用作男人名，而港澳就大部分都係用作 ...

 

坚道——香港人讲「坚赌」。

 

Rumsfeld，「拉姆斯菲爾德」 ，「倫斯斐」 。