從「小」講粵語——「小」得你「少」

UngooChan

　　五字真言之首嘅「屌」，民間又俗寫作，故此有人以門內之「小」代替「屌」，音近形近，既可免太過粗俗，又人人皆明。久而久之，諧音之「小」字流行程度更甚於原本嘅粗口字。
　　廣府話嘅「小」、「少」，音同義異，前者講質，後者講量。但由於音同，亦時被用於諧音，如廟街歌王尹光就有代表作《少理阿爸》，一睇歌詞，聽衆都知其用意。
　　「小」得你「少」，即係「五行欠鬧，前世未畀人鬧夠」噉解，呢句話同時出現「小」、「少」兩字，但前者實係諧音粗口，而後者則只係本意「數量少」。
　　由於「小」字既帶有原本含義，即「細小」之意，亦充當粗口字之諧音，因此就出現好多有創意嘅詞彙，如周星馳嘅電影對白就常出現「小喇叭」，驟睇落去似係講little bugle，實際講咩各人心知肚明。另有「小西」一詞，似乎係人名，但若聯想到「西」常被諧音另一粗口字，則呢個人名又變成一個動作喇！

 

原文見 http://www.cantonese.asia/?uid-9060-action-viewspace-itemid-75  或 http://hk.myblog.yahoo.com/ungoochan/article?mid=24

外外星人

睇过！