求救！關于人名

abusayyaf

我想問下香港人的中文名字的英文拼音怎么翻譯的？
比如孫中山是sun yat-sen   有沒有網站可以在線翻譯的~~

 

penkyamp

孙中山   Seün Jönk-Sän

孙文 Seün Mant

孙逸仙 Seün Yàt-Sïn

xiss

原帖由 abusayyaf 於 2008-7-31 08:47 發表 我想問下香港人的中文名字的英文拼音怎么翻譯的？比如孫中山是sun yat-sen   有沒有網站可以在線翻譯的~~  

Sun Yat-sen唔係香港人嘅英文拼音，而係一種近代中國尚未有一套規則進行譯音時，外國人為咗介紹中國當時嘅風雲人物，「特事特辦」噉樣譯出嚟嘅拼音，相同例子嘅重有Chiang Kai-shek（蔣介石）。呢種「特事特辦」就好似我哋宜家嘅外國中文譯名一樣，例如「布什」「貝克漢姆」呢尐外國名人，我哋都有一個音譯嘅中文譯名，但係根本冇么嘢規則，只係當時負責翻譯嘅人，將英文發音一個一個分開嚟琢磨，然後就根據自己當時嘅「瞬間靈感」，搵到咗對應嘅可以用嚟擬音嘅「中文字」，然後串起身，就係我哋宜家見到嘅「中文譯名」。由此可見，呢尐都係個人一時感覺嘅產物，冇規則可言，例如，「布什」亦都有人譯成「布殊」，「貝克漢姆」亦都會譯成「碧咸」。
香港人中文名嘅英文拼音，最普遍嘅譯法係香港政府嘅嗰套譯法。例如，「張」香港人譯成「Cheung」，就係港府譯法。港府譯法有佢一定嘅潛在規則，不過就冇成文嘅規例，可以有好多种唔同譯法。但係，如果冇一套系統嘅介紹，噉樣只要唔係自細生於香港，自細同呢套譯法打交道，已經養成使用上嘅習慣嘅話，係好難熟練掌握呢套譯法。
而我根據各種途徑收集到多個香港中文名對應嘅港府譯法，終于自行摸索出一套港府譯法嘅「規則」，只要掌握呢套「規則」，就能夠好快噉樣掌握港府嘅譯法。
鏈接：http://bbs.cantonese.asia/viewthread.php?tid=11175&extra=page%3D1