"剛才"粵語應該係"頭先"定"求先"?

HKCantonese

"剛才"粵語應該係"頭先"定"求先"?

 

你點講?

外外星人

求先就肯定唔啱嘞！

 

头先系咪可以解释为先头噉呢？有理由相信，头先系啱嘅。

xiss

我亦都打算遲尐問呢個問題，宜家有人幫我問咗lu......

顺德水蛇粥

原帖由 外外星人 於 2008-6-19 23:23 發表 求先就肯定唔啱嘞！   头先系咪可以解释为先头噉呢？有理由相信，头先系啱嘅。

睇下以下两个词例：

求家（音，原字待考），也有「刚才」嘅意思。

家下、而家（（音，原字待考），意即现在。

可见「头先」固然可信系正确，但「求先」（音，原字待考）未必系错。

dada

我覺得似「求」多過似「頭」﹐可能係「舊先」、「舊家」。

《國語辭典》﹕「舊家，過去、從前。宋．李清照．南歌子．天上星河轉詞：『舊時天氣舊時衣，只有情懷不似舊家時。』宋．楊萬里．答章漢直詩：『老裡睡多吟裡少，舊家句熟近來生。』」

粵語「剛才」嘅意思應該係由「過去、從前」變嚟。第日可以加入《每日一句與粵語有關之古詩詞》。

中二仔

我由細講到大都係「頭先」,平日都係聽「頭先」多

 

我覺得,「頭先」一定唔會有問題

tonybean

講會講「求先」，寫會寫「頭先」……

芬1012

原帖由 dada 於 2008-6-20 04:12 發表 我覺得似「求」多過似「頭」﹐可能係「舊先」、「舊家」。《國語辭典》﹕「舊家，過去、從前。宋．李清照．南歌子．天上星河轉詞：『舊時天氣舊時衣，只有情懷不似舊家時。』宋．楊萬里．答章漢直詩：『老裡睡多吟裡少，舊家句熟近來生。』 ...

 

睇你呢兩個例句，「舊家」應該指嘅係好耐之前啩，即係「舊時」。

 

「頭先」指嘅係啱啱發生嘅事噃。

外外星人

原帖由 HKCantonese 於 2008-6-19 23:14 發表 "剛才"粵語應該係"頭先"定"求先"?   你點講?

 

用正话啦！

dada

原帖由 芬1012 於 2008-6-21 00:53 發表   睇你呢兩個例句，「舊家」應該指嘅係好耐之前啩，即係「舊時」。   「頭先」指嘅係啱啱發生嘅事噃。

古時「舊家」係「舊時」﹐但幾百年後粵語轉咗少少意思唔係出奇。有人講「求家」（包括我自己）﹐我諗唔到「求家」唔同「舊家」嘅理由。

「頭先」的確唔係錯。《每日一句與粵語有關之古詩詞》﹕2006-12-24 頭先

 

《水滸傳．第二十七回　武松威震平安寨　施恩義奪快活林》﹕「看看天色晚來，只見頭先那個人又頂一個盒子入來。」

 

但有人講「求先」（包括我自己）。