|
嚟錄口供嘅阿sir叫馬SIR.呢位馬SIR做嘢嘅態度真係好麻麻.
佢幫鴨仔錄口供嗰時成日都漫不經心噉.成日都諗住嗱嗱聲搞掂單嘢,唔好煩住晒~.
突然間,佢見到靚雀孔雀行過嚟又想錄口供.
馬SIR即刻扮晒正經噉,笑騎騎噉問孔雀啲細節問題..雞仔幾時唔見咗啊 之類.
孔雀梗係好認真噉答佢啦,佢錄完口供,做完嘢,要走嘞.
但係佢又想見多孔雀幾面喎.所以佢决定全力幫孔雀呢個忙.
噉樣除咗可以見多孔雀幾面之外,重可以令孔雀對佢産生好感吖嘛~［「麵」系用麦粉做嘅食物，唔系人嘅头颅前部。］
於是乎,佢搵咗另一位破案好叻嘅阿SIR---老鼠頭嚟視察環境,搜集證據,睇吓有咩嘢綫索...~
馬SIR自己叫老鼠頭去摷吓有冇料到,自己就掛住喺度媾孔雀..
呢個老鼠頭好醒目嘅,就連啲"竉竉罅罅"佢都可以摷得一清二楚.［个「窿」字好似应该系个「竉」字，查下《最紧要正字》就知嘞。］
卒之,佢喺雞仔個竇度發現咗幾片蛇鱗!
佢突然間醒起,佢個"老死"---蟒蛇都係住呢度架噃!
唔通呢件事同蟒蛇有關~?
老鼠頭决定將啲蛇鱗自己收埋先,噉樣就可以幫蟒蛇洗脫罪名嘞!
由于老鼠頭係做緊虧心事,所以諗住鬼鬼祟祟噉樣行出間房,然後就話畀馬SIR知佢乜都搵唔到!
點知,佢鬼祟得滯,又或者係雞仔顯靈.老鼠頭臨出門口僕咗喺度.
鴨仔見佢僕街,好心過去扶一扶佢.
好衰唔衰,老鼠頭啱先袋住啲蛇鱗跌咗片出嚟,拮親鴨仔隻腳.
鴨仔feel到痛,但係又唔好意思叫出聲.因爲鴨仔好識大體嘅.有客喺度,費事失禮.
阿老鼠頭就噉攞咗啲證據走咗.
鴨仔見客人走咗嘞,即刻反轉個脚板底嚟睇吓究竟係乜嘢"碜"親佢.
竟然發現係一片蛇鱗!鴨仔發覺事有蹺蹊... | 
發表於 2008-5-4 12:22:48
好嘢!