「马留人」与「马骝」
<P>猴子，系粤语里叫做「<FONT size=2>马骝</FONT>」，这种说法在宋代就已经出现。阮阅《诗话总龟》载：「马留，盖优人呼沐猴之名。」李渔《宋稗类钞.诋毁篇》所载：北宋熙宁年间的名臣吕惠卿天资清瘦，每逢说话的时候，总喜欢指手画脚，神情与猴子酷似，时人遂称之「说法马留」。由此看来，「马留」或指其人瘦小如猴，行为举止如猴。</P><P> </P>
<P> </P>
<P>同时，古人对南方某滴群体称呼为「马留人」。</P>
<P>宋代邵博的《闻见后录》引《新唐史.南诏》：南诏语中海岛、溪峒间蛮人，马援南征留之不诛者，谓‘马留人’。</P>
<P>「马留人」又称「马人」。</P>
<P>《炎徼纪闻》载：「马人本林邑蛮，相传随马援南征，散处南海。或曰卢循遗种也；故又曰卢亭云」；《赤雅》载：「马人本林邑蛮，深目猳鼻，散居峒落」；《四夷考》也载：「马留人为深目猳喙」。现在的南洋人、傣泰族以及两广人的眼睛多数大而深陷，鼻子稍大而较平，唇略厚，与《赤雅》、《四夷考》描述的相似。所谓「林邑蛮」，指生活在林邑国（今越南中部）的土著。</P>
<P> </P>
<P>我估计「马留人」实际上就是马来人（Melayu，发音与「马留」接近）。所谓「马援所留」，不过是音译之后望文生义的牵强解释。</P>
<P> </P>
<P>同时，粤人之所以把猴子称呼为马留，系由于古代汉族对少数民族的文化歧视，为左贬低少数民族，故意把猴子称呼为马留。</P> 有冇根據0架？？ <P>對於呢個詞,有太多嘅說法</P>
<P>"馬留"為Melayu音變？未必</P>
<P>挽下手係由北方傳入來嘅都唔定，宋朝趙彥衞《雲麓漫鈔》：「北人諺語胡孫為馬流」（胡孫=猢猻，即猴子，馬騮也）。到明朝《西遊記》「菩薩道：我把你這大膽馬流，村愚的赤尻。。。。。。。冚棒唥省略。。。。。」將猴子叫做「馬流」其實並唔係粵語所獨有。</P>
<P> </P>
<P>另外，從官話中其實稱猴子作為「馬流」嘅近似音都唔係話無。例如: 大猴子，官話叫「彌猴」，「馬猴」或「沐猴」，而「猴」字係後起之秀，古時稱「猴」作「夒」後簡化為「猱」同「猴」（猴，若要咬文的話，古時應為小猴）。現代官話中「猱」讀「nao」，白話嘅審配詞字庫只記「naau4 nou4」兩音，不過《集韵》記一音為「柔」（而由切，音柔）而「yau4」呢個音，到咗南方呢邊轉讀咗成「lo＂音，因為閩南話中 「猱＂字係讀成 「lo」嘅。</P>
<P> </P>
<P>「彌，馬，沐」三字都為M聲母，M-同N-兩者容易互換，因此白話「彌」字有兩個讀音「mei4 nei4」呢度不多解釋。「猱」字雖讀nao，不過N-音只不過係古音，到咗近世早已轉讀成y-（而由切，音柔），有些許音韵知識嘅朋友或者都已經會知道，古代以N-為聲母嘅音，後世多轉為Y-音，而現代普通話則多會轉為R-音，如「飪」「而」「爾」，粵語中Y-音同官話互變N-音例子都有如：「逆」字。 「彌猴」，「沐猴」，「馬猴」同我地嘅 「馬留」我覺得本身都係同源嘅。此外，重有一個「母猴」。「母」字官話同白話都係M-聲母，據我所知呢個 「母」字古音並非讀「MU」而係近似「MA」音，即近代嘅 「媽」字係後世「母」字書面讀音改變而新造出嘅字，同理「爸」嘅出處為「父」字，F-聲同P- B-嘅關係相信好多人都知道（此為題外話，呢個兩個字嘅出處喺北大論壇有個帖討論過）因此無論係「彌猴」，「馬猴」，「沐猴」或者「母猴」同「馬留」其實都應該係同源嘅。因此「馬騮」此詞其實從古就有，如果話係因為北音南傳過程中發生咗音轉-----話佢古音遺存又好，古漢人南遷同南越人文化産生融合從而使發音帶有土著又好，總之，我覺得詞係由「馬來人」呢個音轉嘅可能性唔高。</P>
<P>到近代章炳麟《新方言》：「<說文>：‘猶，玃屬。’《水經注》‘猶猢似猴而短足。’今廣州謂猴為馬猶。猶音如留，酋，酉，丣，本一聲也。」19世紀嘅省城音或者稱「馬留」講成「馬猶」不過而家基本上都係發「馬騮」呢個音，音變過程卻係有迹可尋。</P>
<P> </P>
<P>我唔否定「馬騮」呢個詞係由當時百越低層詞彙或馬來音譯得來呢個可能性，不過如果搵到有相同詞源嘅話由南越傳入中原嘅可请能性唔會好大。畢竟兩種語言交融之時，古漢語因為政治同文化嘅關係自然會佔咗極大嘅勢力，按文化層面來講，南越各族借用漢語應該為多。當然，古漢語亦會受其他語言影響，如戰國之時各地口音未曾統一，各地語言自然會有融合嘅過程。不過，有嘅都應該都只會係由南楚影響到中原嘅漢語，而唔會係當時嘅越地。</P>
<P> </P>
[ 本帖最後由 殺人王 於 2008-4-15 21:58 編輯 ]
頁:
[1]