粤语有冇长短音呢？
其实我本人都认为有，所有入声字都系短音，非入声字都系长音。因为粤语系唔存在长音嘅入声字，好似英文嘅sheep、seat呢类，喺粤语系冇嘅。唔知大家点认为呢？Re:[討論]粤语有冇长短音呢？
highyun在2005-05-26 00:09:59說道：其实我本人都认为有，所有入声字都系短音，非入声字都系长音。因为粤语系唔存在长音嘅入声字，好似英文嘅sheep、seat呢类，喺粤语系冇嘅。
唔知大家点认为呢？
我認為粵語嘅韻母係有長短之分嘅。
長韻母 aa aai aau e eu i iu o oi ou u ui oe yu
短韻母 ai au ei ing/ik ung eo
係因為有長短韻母，所以粵語音節有長短音之分，但係入聲（-p -t -k）就反而唔係影響音節長短嘅因素嘞。例如「格gaak3」字發音長過「吉gat1」字，係因為「格」字含長韻母 /aa/，而「吉」字含短韻母 /a/。佢哋雖然同時係入聲字，但係音長就唔同嘞。
Re:[討論]粤语有冇长短音呢？
我唔同意你嘅讲法，你所举嘅例子，其实并唔能够说明孰长孰短，aa同a呢两个音素，虽然拼音方案系一个双a一个单a，但实际上系唔影响个音嘅长短，而只系影响发音时口嘅大少。因此，革gaak3、吉gat1其实都系发短音。粤语“拍paak3”字，实际上同英文park嘅发音系唔同嘅，park入面ar发嘅系真正嘅长音，而“拍”字系发短音。
Re:[討論]粤语有冇长短音呢？
首先我哋要睇吓革gaak3同吉gat1呢兩個音邊個長啲，我覺得革gaak3長過吉gat1。噉即係證明咗粵語有長短元音之別。英文park嘅發音可能長過拍paak3，但係明顯拍paak3係讀得長過失sat1。Re:[討論]粤语有冇长短音呢？
desmond在2005-05-26 00:56:31說道：首先我哋要睇吓革gaak3同吉gat1呢兩個音邊個長啲，我覺得革gaak3長過吉gat1。噉即係證明咗粵語有長短元音之別。呢两个音边个发长啲完全视乎发音嗰个人，我完全可以将 吉 拖长啲，长过 革。
但有一样可以肯定，革 嘅发音绝对长过 继gai3
Re:[討論]粤语有冇长短音呢？
我覺得粵語係有長短音嘅特性，但係呢個特性冇用到嚟分辨詞意（同印歐語、日文唔同）。所以我哋可以將「吉」拖長啲，長過「革」，而又唔改變詞意。但係用自然發音嚟講，長元音嘅音節係好自然會拖得長過短元音嘅音節，好似「革gaak3」同「繼gai3」嘅長短關係。
Re:[討論]粤语有冇长短音呢？-desmond移-
长短音我觉得喺讲嘢嗰时係随机嘅,视乎个人习惯,说话风格,环境,词语摆放位置,情绪等等.Re:[討論]粤语有冇长短音呢？-desmond移-
你们想想: 入声字里的阴入, 韵腹为长的, 如"鸭", 文读调通通为第三调(店调)入声字里的阴入, 韵腹为短的, 如"急", 文读调通通为第一调(周调)
再想想: "声"字, 白读为长, 文读为短.
这些现象都是有广泛性的, 不是一两个字的特性.
可想而知长短音的规律转换对于粤语是多重要了.<br><br><br><br><div id="postmessage_168847" class="t_msgfont"><font size="6"><span style="font-weight: bold; font-family: 標楷體; color: Red;" id="thread_20465"><a href="viewthread.php?tid=20465&extra=page%3D1"><span style="color: Red;">我用 Penkyamp 输入软件打字，十分方便，建议下载使用</span></a></span><span style="font-weight: bold; font-family: 標楷體;">
</span><span style="font-weight: bold; font-family: 標楷體;" class="threadpages"> <a href="viewthread.php?tid=20465&extra=page%3D1&page=1">1</a> <a href="viewthread.php?tid=20465&extra=page%3D1&page=2">2</a> </span></font></div><br>
[ 本帖最後由 penkyamp 於 2010-1-15 16:51 編輯 ]
Re:[討論]粤语有冇长短音呢？-desmond移-
什么是长元音, 什么是短元音, 下面的连接有详尽的解释:http://www.cantonese.asia/bbs/topic.asp?l_id=14&t_id=1015&page=1
规律性地表达广东话的长, 短元音是guongdonkwa penkyampji与别的拼音方案最根本的不同之处.
Re:[討論]粤语有冇长短音呢？-desmond移-
各位重記唔記得粵曲呢？一葉輕舟去
^^--^^--^^^^
人隔萬重山
^^--^^--^^^^
長短音可以隨節奏變o架嘛。
英語音標/漢語拼音裡面都冇長短音呢種講法。
雙輔音有需要咪用囉，好似英語時態咁樣，有時要雙寫最尾個輔音。
Re:[討論]粤语有冇长短音呢？-desmond移-
“英語音標/漢語拼音裡面都冇長短音呢種講法”呢句非常唔同意，英语音标入面系严格分长短音嘅。例如sit，系短音，seat系长音。至于汉语，如果你所指嘅汉语系普通话，噉就确实冇分长短音，至于其它汉语分支，我就唔清楚喇。
而粤语嘅原因，我认为都系唔分长短音嘅，控制佢长短嘅系入声。例如“一葉輕舟去”呢句，“一”同“葉”正常嚟讲系唔可以拉长嘅，否则就冇咗个入声效果。而另外三个字，系唔可以过分短促嘅，否则就会变得好怪，唔似粤语。
Re:[討論]粤语有冇长短音呢？-desmond移-
無錯，英語同好多印歐語系(indo-european)嘅語言一樣，元音係有分長短音嘅。呢個係印歐語系嘅其中一個特色。如果英語唔分長短元音，噉sheet就會同shit同音，講紙張咪變咗講粗口囉。至於粵語，我始終認爲有長短元音之分。highyun話入聲控制元音長短，但我就覺得入聲音節祇不過係代表呢個音節係用-p, -t, 或者-k 收尾，同元音長短冇關嘅。基本上嚟講，粵語嘅前元音(front vowels)同後元音(back vowels)同係長元音，而中元音(centre vowels)就係短元音。
我有一個諗法，就係研究粵語語音嘅時候，唔好受限於傳統嘅粵語語音理論，因爲舊時嘅平上去入等等嘅理論，都未必能夠完全描述眞實嘅粵語語音系統。
Re:[討論]粤语有冇长短音呢？-desmond移-
舉例來講，中文'語言上'確實係有'高'低'長'短'之分。我哋平時講一個句子，都係會於詞之間稍作停頓，令聽者更容易聽明白。
只不過，呢種停頓太短，不足以加上標點符號。
一般而言，長音多數出現於詞尾，對於單字來講，就要視位置去決定長短音。
音樂，樂字發長音。
樂韻，樂字發短音。
Re:[討論]粤语有冇长短音呢？-desmond移-
試吓讀吓「請cing2」同「請ceng2」，你哋會覺得cing2嘅發音長度係短過ceng2嘅。證明咗粵語有啲元音長音,有啲元音係短音。Re:[討論]粤语有冇长短音呢？-desmond移-
我自己唔覺cing2同ceng有乜長短分別。除非有時刻意強調個「請」字，但正常情況，不論讀請還是請，個發音長短係一樣的。不過舌位不同而已。Re:[討論]粤语有冇长短音呢？-desmond移-
我覺得粵語同英語都係無分長短音嘅，因為長短音係由發聲嘅時間長短來區分嘅，而唔係由音質嘅因素來決定，即對應嘅長短音之間，佢哋嘅音色應該係一樣嘅，但係我聽到嘅粵語同英語嘅所謂長短音之間嘅音色有相當明顯嘅唔同。比如粵拼嘅aa係，a係[ɐ](倒轉嘅，將編碼改成utf-8即可顯示)；英語音標嘅「i:」就係，而「i」則係；「u:」係，「u」係[ʊ]；「ɔ:」係[ɔ]，「ɔ」係[ɒ]，佢哋嘅分別絕對唔係發長啲音或者發短啲音就可以體現出來嘅。以上有啲音標顯示唔出來，轉換成utf-8編碼就可以睇到呢啲音標，但係其它字又成亂碼喇，如果呢個網站可以支持unicode就好喇。
Re:[討論]粤语有冇长短音呢？-desmond移-
jumpsey：本網站支持七萬cjk漢字及國際音標。祇要安裝相應嘅字體即可顯示，安裝相應嘅輸入法可以打埋出嚟添。我呢度睇你張帖完全冇亂碼。
Re:[討論]粤语有冇长短音呢？-desmond移-
呢個論壇程式嘅傳取資料庫方面唔支持utf-8，麻煩。咁jumpsey你認唔認為「殺」/sa:t/ 字發音係長音，「失」/sat/ (倒轉嘅)字發音係短音？
Re:[討論]粤语有冇长短音呢？-desmond移-
我認為「殺」同「失」喺語音上嘅分別在於聲調同韻腹元音嘅音質嘅唔同，而唔在於長短。聲音有音調、音強、音長、音質(音色)四要素，粵語使用咗其中嘅音調同音質兩個要素作區分語義之用，而長短音屬於音長嘅範疇，唔起區分語義嘅作用。作為一對對應嘅長短音，佢哋嘅差別只在於佢哋發音嘅時間長短而其它要素應該一致，但係aa同a好明顯喺音質方面亦有顯著嘅唔同。「達」同「突」兩個字，佢哋嘅聲母、聲調、韻尾都相同，所唔同嘅只有韻腹元音，我哋之可以分辨出呢兩個字係佢哋嘅韻腹元音嘅音色聽起身就係唔同。至於長短，則係唔確定嘅，可以「達」發長啲，亦可以「突」發長啲，重可以發得一樣長，所以長短並唔可以作為分辨呢兩個字嘅依據。不過，aa同a確係有唔同嘅特性，就係a唔穩定，唔會單獨做韻母。再睇下英語中嗰啲音標：,[ʊ],[ɒ]等，都有呢個特性，佢哋一係同其它穩定嘅元音構成複元音，一係同輔音組成閉音節，總之就係唔會單獨作為開音節嘅元音，因為一般人好難長時間穩定噉發出呢啲音，總係有向其它較穩定嘅音變化嘅趨勢，好似粵拼嘅a噉，就有嚮aa變化嘅趨勢。細心啲體會一下發aa音嗰陣，喺由無聲到進入發aa音嘅穩定狀態之間有一個同aa唔同嘅聲音，就好似a音，我諗呢個就係有人將a作為aa嘅短音嘅原因喇。但係我覺得長短音係音長上邊嘅比較結果，只有其它三個要素都相同，先有比較嘅意義，而aa同a係有音色上嘅唔同，將aa同a單純睇成係長短音嘅話，就湮沒咗佢哋喺音色上嘅差別，對粵語學習者有誤導作用，我認為不妨對呢種情況另外起個名。我喺粵語會館度睇到一位網友將呢種情況稱為全元音同半元音，aa係全元音，a係半元音，我覺得幾好。
我發現將音標字體設成arial就可以顯示到出嚟。
Re:[討論]粤语有冇长短音呢？-desmond移-
唔講太多癈話~我比較支持highyun嘅講法~
頁:
[1]
2