12.13《南方都市報》

鑊鑊金 發表於 2007-12-17 11:25:31

白话广州 　　 　　栋笃论语·述而第七 　　 　　□子野专栏 　　【原文】子曰：「圣人，吾不得而见之矣！得见君子者斯可矣！」子曰：「善人，吾不得而见之矣！得见有恒者斯可矣！亡而为有，虚而为盈，约而为泰，难乎有恒矣。」 　　【译文】孔子话：「圣人，我系见唔到口架（?）喇，可以见到君子，就算唔错喇！」孔子话：「善人，我系见唔到口架（?）喇，可以见到有恒心行善嘅人，就算唔错喇！本来冇，就扮有；本来空虚，就扮满盈；本来贫困，就扮奢华——噉嘅人，系好难有恒心口架（?）。」 　　【栋笃】唔知大家仲（重）记唔记得，喺「雍也第六」嘅最后一章，子贡问阿孔Sir话：「如有博施于民而能济众，何如？可谓仁乎？」孔Sir就话：「何事于仁，必也圣乎！尧舜其犹病诸……」嗱，喺孔Sir嘅「仁君排行榜」上边名列冠亚军嘅尧舜，都唔算系「圣人」，噉天底下确实冇「圣人」喇。所以，唔怪得朱熹对「圣人」嘅解释系：神明不测之号。噉君子呢，佢解释系「才德出众之名」。噉睇嚟，君子，系有可比性口架（?），你喺一群人里边，才、德都叻过第啲人，你就系君子喇；圣人，系冇标准，亦系冇得比口架（?）。 　　讲到善人，孔Sir又话冇，噉就奇喇。照依家嘅定义，所谓「善人」，就系行善积德嘅人——今年嘅「胡润慈善榜」上边，捐款过亿嘅「慈善家」就有15位，点解会冇呢？仲（重）系要睇下朱熹嘅解释喇，佢话：善人者，志于仁而无恶。嗱，睇到未，要「无恶」噃。比尔·盖茨当然系慈善榜嘅No.1喇，但系佢嘅公司多次畀美国政府裁定为垄断——垄断，够「恶」嘞（喇）啩？更加唔好讲有唔少「慈善家」，系因为作恶过多，惊报应，先至行善积德嘞（嘅）。既然「善人」都系冇嘅，噉可以坚持「向善」嘅，算唔算呢？即系话，行善积德，关键一个「恒」字，要坚持落去。咩人坚持唔到啊（吖）？冇扮有，空扮满，穷扮富嘅人，实好难坚持落去嘞。 　　不过，孔Sir谂唔到嘅系，喺佢身后，「圣人」就层出不穷喇，比如咩咩画圣、医圣、诗圣、酒圣等等（之类），而孔Sir更加谂唔到嘅系，佢亦都成为咗圣人，仲（重）系「至圣」——即系「圣中之圣」添，名声低咗少少嘅孟子，亦都有「亚圣」嘅称号。 　　咁多「圣人」满天飞，只可以讲明一个问题：「圣人」嘅标准降低咗，「圣人」嘅名号畀人滥用。而对呢种滥用嘅恶搞，就系周星驰嘅《赌圣》喇。当神圣被恶俗嘅时候，无厘头，就噉样成为咗讽世嘅文化波谱，咔咔。　(插图：老饼)
嚟自:
<A href="http://www.nanfangdaily.com.cn/southnews/dd/dsb/B13/200712130365.asp">http://www.nanfangdaily.com.cn/southnews/dd/dsb/B13/200712130365.asp</A>

[ 本帖最後由鑊鑊金於 2007-12-17 17:50 編輯 ]

鑊鑊金 發表於 2007-12-17 11:40:14

<SPAN lang=EN-US style="FONT-SIZE: 9pt; COLOR: black; FONT-FAMILY: Tahoma; mso-font-kerning: 1.0pt; mso-fareast-font-family: 宋体; mso-ansi-language: EN-US; mso-fareast-language: ZH-CN; mso-bidi-language: AR-SA">
                半汤包　                                            2007-12-13 09:26:37 　　时下广州有茶饮嘅地方基本上都有「上海小笼包」呢个品种，佢系属于灌汤包(本地人习惯叫「半汤包」)嘅一种。区别仅在于前者包馅入边加咗唔少姜啫。其实灌汤包系广州传统点心之一，喺广州历史悠久喇。好不幸（唔好彩），大概喺十年前，畀「入侵」嘅「上海小笼包」取代咗，唔系优胜劣汰，而系贪新厌旧、随大流啫。 　　事实上同多咗辛辣之味嘅上海小笼包相比，传统嘅本地灌汤包岂只更适合口味清淡嘅广州人——灌汤包里（入）边嘅「汤」若然照传统方法制作，就好食好多，（重）适合任何人添喇！例如已经执笠嘅（改为：已经执咗笠  顺口啲唔会同后边「嘅」字重复）、位于北京路聚宝酒家旧址嘅「江苏馆」，虽然有个外省名称（称字可以去掉），但其灌汤包、煎饺够正，风味同其他酒家一致，所以无论本地人抑或喺附近逛街购物嘅外地人，都好多帮衬口架（? ）。 　　灌汤包皮系用一成熟面粉、九成生面粉、少量鸡蛋、清水搓成；用瘦肉、冬菇、虾仁等做馅。但至关键嘅系佢嘅「汤」——用新鲜猪皮熬成「猪皮胶」制成，味道特别鲜甜。但后来（嚟）改用冇（无）色冇（无）味嘅大菜(琼脂)代替咗「猪皮胶」，就鲜味大失嘞！当然亦有好处：悭功夫吖嘛。 　　嗱，另一个关键之处就系食用方法嘞（喇）。要即蒸即食，蒸好之后摆得耐，包入边嘅汤汁就会畀包皮吸晒口架（?）嘞。我哋时时喺酒楼食到啲所谓「冇嘢到」嘅上海小笼包，原因就喺呢度啰，所以最好系即点即蒸，或者睇住销量嚟蒸，唔懒得口架（?）！       
 
 
嚟自：    
<A href="http://www.nanfangdaily.com.cn/southnews/dd/dsb/B13/200712130367.asp">http://www.nanfangdaily.com.cn/southnews/dd/dsb/B13/200712130367.asp</A>

[ 本帖最後由鑊鑊金於 2007-12-17 17:47 編輯 ]

鑊鑊金 發表於 2007-12-17 11:54:06

同声同气　　　 　　1.阿Sir，畀佢唱埋啦屎（加个双引号会好啲）一支啦（喇）。(阿Sir，让他唱完最后一支歌吧。) 　　——昌岗路一巴士站旁，一个街头卖艺者正在自弹自唱，围了几十人，忽然一辆城管执法车驶到，正要驱赶，有个路人向城管求情，结果城管站着听完青年唱完最后一支歌，青年在大家的掌声中收拾东西离去。 　　2.甲：依家教细路除咗唔好做坏事，仲（重）有一样好紧要(现在教小孩除了不要做坏事，还有一样很重要)…… 　　乙：乜嘢呀（吖）(是什么)？ 　　甲：唔好做好人，真真假假，细路唔识分(不要做好人，真真假假，小孩分不清)。 　　乙：大人都唔识分啦（喇）(大人也分不清)。 　　——晓港，两个师奶在小学门口等接小孩放学，聊起教育小孩的心得。 　　3.呢个「西关小姐」定系「西关阿姨」呀（吖）(这个到底是西关小姐还是西关阿姨)？ 　　——西关小姐复赛现场，有人对参赛者评头品足。 　　4.半夜三点几嚟偷電线嘅，一冇咗电，我哋就追出去睇啦（喇）。点知啲贼佬有二三十人，唔够佢打，仲（重）畀佢哋追返转头添(半夜三点几（多）来**线，一没有电，我们就追出去看啦，谁知贼人（那些小偷）有二三十人，打不过他们，还让他们反过来追我们)。（用「小偷」可能会好啲） 　　——市郊某村今年电线被盗69次，村民对来采访的电视台记者这样说。 　　5.女：圣诞节你谂住去边度玩呀（吖）？(圣诞节你准备去哪里玩呀？) 　　男：人哋个仔生日咋啵（噃），关你乜嘢事呀？你阿爸生日你仲（重）记唔记得呀（吖）？(别人的儿子生日，关你什么事呀？你阿爸生日你还记不记得呀？) 　　女：人哋个仔生日？(别人的儿子生日？) 　　男：耶稣吖嘛。(耶稣啊) 　　——一对少男少女在麦当劳开玩笑。         
 
嚟自：        <A href="http://www.nanfangdaily.com.cn/southnews/dd/dsb/B13/200712130369.asp">http://www.nanfangdaily.com.cn/southnews/dd/dsb/B13/200712130369.asp</A>    
 
 
    

[ 本帖最後由鑊鑊金於 2007-12-17 17:40 編輯 ]

鑊鑊金 發表於 2007-12-17 12:05:34

气势如虹嘅《男儿当自强》
金曲寻味 　　　　 　　□卢碧玲 　　　　 　　傲气面对万重浪／热血像那红日光／胆似铁打骨似精钢／胸襟百千丈／眼光万里长／我发奋图强做好汉／做个好汉子／每天要自强……让海天为我聚能量／去开天辟地／为我理想去闯…… 　　呢首係（系）中国人都听过、都识得哼番两句嘅《男儿当自强》，原唱者係（系）香港乐坛第一代实力派歌手林子祥。佢凭住独一无二嘅唱腔以及既柔情浪漫、又劲道十足嘅歌曲赢得无数歌迷嘅喜爱。 　　自细喺英国长大嘅林子祥，唱英文歌嗰时寂寂无闻，反而一转唱粤语歌就开始掂喔（?）！尤其一曲意境优美嘅《在水中央》令佢声名大噪，迅速走红；及后推出嘅（可删）热血沸腾嘅《男儿当自强》仲（重）巴闭，一直以嚟唔知畀几多电影、电视攞去做插曲、背景音乐！ 　　催人奋发嘅励志歌多不胜数，但呢首歌能喺当中脱颖而出实在归功于林子祥唱腔嘅别树一帜。唔知大家有冇留意，佢好多时唱到高音区係（系）嗌、甚至尖叫出嚟嘅！噉会好听咩？但林子祥就叻喺呢度嘞——人哋唔好听，净得佢好听！ 　　我哋千祈唔好以己度人，以为佢唔够气先至要嗌喔（?）！听过佢嘅《十分十二寸》呢首歌嘅人都应该知道佢嘅好气、长气喇！事实上佢嘅「嗌」係（系）有选择性噶（嘅），譬如《男儿当自强》呢类劲歌，就能够通过「嗌」呢种特殊唱法，从而增强震撼力嘞（喇）！ 　　同样欣尝（欣赏）林子祥音乐嘅另一种特色——佢唔少歌曲会将尾段重唱一至三遍，其间节奏由缓趋快、音调拾级而上，使人渐入佳境，使听者「肉紧」得嚟又入「戏」！正如《泽田研二》噉：火一般的他／将歌声温暖我／心声不禁要相和／热力又似火／烘烘燃亮我／迷人难如他的歌(重唱，转快……) 　　佢对日本歌星泽田研二嘅高度赞赏，何尝唔係（系）我哋对林子祥音乐嘅感受？
 
 
<A href="http://www.nanfangdaily.com.cn/southnews/dd/dsb/B13/200712130370.asp">http://www.nanfangdaily.com.cn/southnews/dd/dsb/B13/200712130370.asp</A>

[ 本帖最後由鑊鑊金於 2007-12-17 17:52 編輯 ]

鑊鑊金 發表於 2007-12-17 12:19:03

冷暖邻居
广州随笔 江晖 　　　 　　礼拜六一早落楼，见到二楼嘅张姨喺佢屋企门口贴红纸。我问佢喺度贴咩呀（吖），佢笑笑口话：「系噉贴下啫。」我临急临忙眼尾睄到横额写住「百年好合」，不过就费事八卦，走人。 　　中午返到屋企攰赖赖，瞓个晏觉喇，点知瞓到好稔嗰阵，畀几下爆破声吓醒咗。懵懵松松行去个窗度睇下，原嚟系有人结婚放礼炮仔。卒（捽）下眼再睇真啲，新郎哥竟然系张姨个仔。我先谂起今朝佢贴红纸，原嚟系晏昼娶新抱。照计我同张姨咁多年楼上楼下，见亲面都会打招呼，对比今时今日好多楼层里边冷淡嘅邻居关系嚟讲，我哋都算熟嘞（喇），做乜今朝见到面，提都唔提下件大喜事呢？ 　　读初中之前我住喺越秀区嘅一条横街入边，晚黑间间屋啲人都坐喺门口透（唞）凉倾计，隔篱邻舍啲街坊，个个都识得，个个都好熟落。有间屋个婆婆因为同我阿爷同姓，就叫我阿爷做阿（亚）哥，我就叫佢做姑婆，叫到依家。后嚟大部分旧屋清拆，好多街坊都搬走晒，就拆剩我屋企呢边四间。而我哋间屋，依家就剩番阿爷阿嫲同个保姆住。隔篱住嘅伯伯婆婆依家都老晒嘞（喇），不过街坊之间嘅感情就有增冇（无）减，几家老人都成日窜门倾计（偈），有碗数碗有碟数碟。阿爷一开始请保姆嗰阵，隔篱咏姨见到间屋无拉拉（无那那？）多个人，仲（重）专登过嚟问下咩事。如果边家有咩喜事，就一定敲锣打鼓噉话畀其它（他）几家知道。啲老人仲（重）好关心我哋啲细嘅，我久唔久返去嗰边，佢哋都会问我依家做嘢做成点呀（吖）等等。 　　邻居关系疏远呢个话题好早就议论过，但我都冇去关心疏远嘅原因。我净系听过有个朋友话，依家个社会，你睇到新闻话边个中头奖，奖金几百万都可以冇反应，但你知道你隔篱屋个人发咗达或者过得好过你，就肯定会唔抵得，所以最好都系关埋栋（度)门。
<A href="http://www.nanfangdaily.com.cn/southnews/dd/dsb/B13/200712130371.asp">http://www.nanfangdaily.com.cn/southnews/dd/dsb/B13/200712130371.asp</A>

[ 本帖最後由鑊鑊金於 2007-12-17 17:59 編輯 ]

卢总發表於 2007-12-17 17:20:43

啲字好细只，大家可能睇得比较辛苦——千祈唔好贪快，应该将标题同内文分开嚟复制、粘贴，以免将啲垃圾网页代码都带埋过嚟。
 
呢种风格的确系有别于我嗰种，可能对于某啲人嚟讲，系有新鲜感，较为方便、直观；但在我嚟讲，我就觉得嗰种对比性同纠错性似乎就唔够强烈嘞。
 
不过唔紧要嘅，你继续试住先，唔一定要按照我嗰套，睇下大家嘅反应如何再作改善——讲唔定大家钟意你呢种都唔定，唔一定要「萧规曹随」嘅。

鑊鑊金 發表於 2007-12-17 17:24:17

原帖由 卢总 於 2007-12-17 17:20 發表 <A href="http://bbs.cantonese.asia/redirect.php?goto=findpost&pid=67989&ptid=9097" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 啲字好细只，大家可能睇得比较辛苦——千祈唔好贪快，应该将标题同内文分开嚟复制、粘贴，以免将啲垃圾网页代码都带埋过嚟。   呢种风格的确系有别于我嗰种，可能对于某啲人嚟讲，系有新鲜感，较为方便、直观；但在我嚟讲，我就 ... 
 
多謝指點！！
我去改下啲字！

頁: [1]

粵語協會's Archiver

12.13《南方都市報》