南方都市報讀者問題：「楊箕」點讀
<P> Q：前些天我從深圳坐和諧號列車到東站，再轉地鐵一號線到西門口，聽到地鐵的廣播讀「楊（發『仰』音）箕」，覺得有些不習慣。「楊」作為姓氏不是讀作「陽光」的「陽」嗎？當然如果叫人「老楊」也可以讀「仰」。<BR> A：讀者此問題音韻學上可納入「小稱變調」範疇，簡單嚟講就係個別地名、昵稱或其他詞語喺口語中，一字受前後字聲調或習慣講法影響而發生聲調改變。粵語常見嘅變調情況係陽平、陽去聲變作陰上聲，具體變調規則既有規律性又存在特殊性，限於篇幅唔細述。變調嘅成因多係民間為出於講嘢順口，改變字音可使之喺詞語或句子中更動聽（古人尤其注重音韻平仄悅耳）。就省港地名、稱謂而言，此變調現象極為常見，茲舉數例（加點字須變調）：黃沙、龍洞、沙面、沙河、油麻地、堅道（地名）；老劉、聾耳陳、小王、大肚黃、阿倫（人名）；永隆銀行、美林證券（公司名）……<BR> 須注意另一現象，有啲地名如番禺石碁（「基」音，本應為「其」音，數年前曾有日本人指出過）、都那（「挪」音，非「哪」音）、南海鄱陽（「盤」音，非鄱陽湖之「播」音）等，均為當地約定俗成嘅講法，若碰到呢種情況最好係名從主人，遵循其習慣講法。</P><P><BR> 以上粵語協會官方回答版本由余OK主筆，其簡化字版載於2007年12月11號《南方都市報》嘅「白話廣州」版（略有刪節）。</P> <P>小稱變調??</P>
<P>唔係小稱都有大把情況係化陰上聲嘅喎....</P> 睇咗
頁:
[1]