陈胜点解需要吴广?
<P> </P><P> 令异议分子破解权威魔咒嘅法宝就系另外一个异议分子。</P>
<P> </P>
<P> 公元前２０９年，被征调去防守渔阳嘅９００名戍卒因为大雨误期，农民出身嘅屯长陈胜就同吴广联手杀咗押解佢哋嘅军尉，鼓动其他戍卒揭竿而起，提出「伐无道，诛暴秦」嘅口号，起义军好快发展到数万人，并建立「张楚」政权。陈胜同吴广后来虽然被消灭，但佢哋所点燃嘅反秦烈火却喺各地延烧，六国之后纷纷自立为王，秦王朝亦因此好快走上咗败亡之路。</P>
<P> </P>
<P> 喺呢场中国历史上第一次嘅农民起义里面，陈胜同埋吴广嘅名总系被并列喺埋一齐，令人谂起现代心理学「从众行为」同「服从权威」实验里面嘅「异端崛起」。喺「从众实验」里面，当七八个人异口同声讲出错误嘅答案嘅时候，有３７％嘅人会附同佢哋；但呢七八个人里面只要有一个讲出唔同嘅答案（即使亦系错嘅），原本孤军奋战嘅受测者附同多数意见嘅比例就会大幅减少８０％。而喺「服从权威」实验里面，如果有两个人喺实验半途公然反抗权威嘅命令，噉受测者一味服从命令到底嘅就只有１０％（原来系６５％）。</P>
<P> </P>
<P> 法国嘅实验更加显示，少数不单止可以对抗多数，重可以进而改变多数。研究指出，<FONT color=red>少数若果能以坚定嘅强烈态度表明自己嘅观点</FONT>，但喺其它方面又表现得开放、有弹性，噉就会令人觉得你好有自信，对坚持嘅嘢冇乜可能让步，而你嘅坚持显然亦好有道理，大家会因此变得比较愿意重新考虑。<FONT color=blue>只要你嘅观点经得起考验，噉重新考虑之后，附同你嘅人就会越嚟越多，喺形成气候之后，越嚟越多人开始感受到你哋嘅团体压力而顺从，于是少数就变成多数，异端遂成为正统。</FONT>伽利略嘅地球绕日说、达尔文嘅进化论、马奈嘅印象主义画派等所循嘅都系噉样嘅轨迹。</P>
<P> </P>
<P> 「德想不孤」，就「必须有邻」。一个异议分子必须去寻找另外一个异议分子、更多嘅异议分子，每个陈胜都必须去寻找佢嘅吴广。喺有咗帮手之后，唔单止可以大声讲出你嘅睇法，甚至重可以带动风潮，改变人哋同社会！<BR></P> <P>原文系王溢嘉嘅专栏作品：</P>
<P><A href="http://www.nddaily.com/C/html/2007-11/21/content_314495.htm">http://www.nddaily.com/C/html/2007-11/21/content_314495.htm</A></P>
<P> </P>
<P>不过而家被我卢总改写成合乎我哋习惯嘅文字，希望大家能够细心品味！</P> <P>如果我系陈胜，噉唔知你系唔系吴广！</P>
<P> </P>
<P>如果我唔系陈胜，你先至系，噉我就系你嘅吴广！</P>
<P> </P>
<P>噉你识做啦！陈胜、吴广家下招兵买马，扩大紧影响力：</P>
<P><A href="http://5yearstar.blogcn.com/5yearstar/m/individualshow?rs=1514">http://5yearstar.blogcn.com/5yearstar/m/individualshow?rs=1514</A></P> 我唔使表态喇系嘛?<IMG alt="" src="http://bbs.cantonese.asia/images/smilies/default/tongue.gif" border=0 smilieid="7"> 堅持壯大粵語 我哋要做嘅，唔单止系保护、推广、弘扬「广州话」一样嘢咁简单！ 陈胜、吴广，我嚟报到！
頁:
[1]