２００７年１２月７号《南方都市報》

Anl 發表於 2007-12-7 23:13:45

酒徒阿威　   　 2007-12-07 10:12:34  　   　 　　街坊素描　　 　　 　　□曾锦燊　　 　　 　　上昼11点，我同阿文按约定嚟到阿威屋企附近嘅一个车站，准备去附近某饭店食饭。见阿威未到，阿文就打佢手机，但冇人接电话；再打去佢屋企，接电话嘅系佢阿爸，话阿威唔喺度。阿文话：「奇怪，佢一到休息日奉旨瞓得好晏嘅，兼且同我哋有约在先，冇理由仲一早出去饮酒口架？」
　　过咗一阵，阿威嘅手机卒之打通，听声音佢仲未瞓醒：「唔好意思……」又过咗一阵，佢脚步浮浮、阵阵酒气噉现身嘞。追问之下得知，原来佢并冇一早出去，而系今早8点返嚟——寻晚出去啫。
　　冇几耐，我哋喺一家餐厅坐低。服务员刚摆上碗筷，阿威就叫佢去攞两支啤酒。阿文就赞佢话：「嗱，你通宵饮嘅白酒仲未消化，今餐慢慢饮下啤酒，噉就啱嘞。」讲完就要咗支6两装嘅白酒，谂住净系我哋两个搞掂嘅。点知，仲有半支白酒嘅时候，阿威已经搞掂咗嗰两支啤酒——半支白酒就顺理成章入晒佢杯嘞。冇几耐，佢又叫多两支啤酒……
　　埋单嘞，佢争住畀钱：「93蚊啊，攞多支嚟，啱啱好唔使找！」跟住，佢问我哋：「一阵去边度食饭啊！」我同阿文话：「仲去？你寻晚通宵噃，返去休息下啦……」见我哋死都唔应承，佢开始手舞足蹈噉打电话约第个直落。打到第四个电话，佢卒之如愿以偿嘞。
　　喺返嚟途中阿文话：「唉，我依家先明白，佢阿爸点解话佢唔喺屋企！」我话：「我就到依家都未明白，佢点解唔攰嘅？」 
 
原文來自：<A href="http://www.nanfangdaily.com.cn/southnews/dd/dsb/B13/200712070625.asp">http://www.nanfangdaily.com.cn/southnews/dd/dsb/B13/200712070625.asp</A>

Anl 發表於 2007-12-7 23:17:49

酒徒阿威　   　 2007-12-07 10:12:34  　   　 　　街坊素描　　 　　 　　□曾锦燊　　 　　 　　上昼11点，我同阿文按约定嚟到阿威屋企附近嘅一个车站，准备去附近某饭店食饭。见阿威未到，阿文就打佢手机，但冇人接电话；再打去佢屋企，接电话嘅系佢阿爸，话阿威唔喺度。阿文话：「奇怪，佢一到休息日奉旨瞓得好晏嘅，兼且同我哋有约在先，冇理由重一早出去饮酒o架（?）？」
　　过咗一阵，阿威嘅手机卒之打通，听声音佢重未瞓醒：「唔好意思……」又过咗一阵，佢脚步浮浮、阵阵酒气噉现身嘞。追问之下得知，原来佢并冇一早出去，而系今早8点返嚟——寻晚出去啫。
　　冇几耐，我哋喺一家餐厅坐低。服务员刚摆上碗筷，阿威就叫佢去攞两支啤酒。阿文就赞佢话：「嗱，你通宵饮嘅白酒重未消化，今餐慢慢饮下啤酒，噉就啱嘞。」讲完就要咗支6两装嘅白酒，谂住净系我哋两个搞掂嘅。点知，重有半支白酒嘅时候，阿威已经搞o店咗嗰两支啤酒——半支白酒就顺理成章入晒佢杯嘞。冇几耐，佢又叫多两支啤酒……
　　埋单嘞，佢争住畀钱：「93蚊啊，攞多支嚟，啱啱好唔使找！」跟住，佢问我哋：「一阵去边度食饭啊！」我同阿文话：「重去？你寻晚通宵噃，返去休息吓啦……」见我哋死都唔应承，佢开始手舞足蹈噉打电话约第个直落。打到第四个电话，佢卒之如愿以偿嘞。
　　喺返嚟途中阿文话：「唉，我依家先明白，佢阿爸点解话佢唔喺屋企！」我话：「我就到依家都未明白，佢点解唔攰嘅？」

Anl 發表於 2007-12-7 23:19:07

「酷」的发音　   　 2007-12-07 10:12:34  　   　 　　有问必答　　 　　 　　□　粤语协会专栏　　 　　 　　Q：酷，有人读「号」，亦有广告读「箍」，究竟应该读咩音呢？
　　A：很多人都会读错「酷」这个字，读成「号」是因为受「浩」、「皓」等字影响；而读成「箍」乃系受普通话影响，媒体经常将英文单词cool译成「酷」，皆因英文与普通话发音相近。实际上用粤语念「酷」与cool是完全不同的，这个字正确读法是huk6，「哭」字的阳去声。不少流行曲都有这个「酷」字，下次唱K记得发准音，切莫出洋相了。 
 
本文來自：<A href="http://www.nanfangdaily.com.cn/southnews/dd/dsb/B13/200712070624.asp">http://www.nanfangdaily.com.cn/southnews/dd/dsb/B13/200712070624.asp</A>

Anl 發表於 2007-12-7 23:21:39

有头发会想做瘌痢？　   　 2007-12-07 10:12:34  　   　 　　街坊话事　　 　　 　　□Pippo阮　　 　　 　　听讲由于部分市民将未完全熄灭嘅煤灰煤渣倒入垃圾桶，呢类行为已对成千个垃圾桶造成唔同程度嘅损坏。有报纸对此进行咗报道，标题讲「上千垃圾桶被烧穿」、「煤渣成罪魁」。
　　咁啱喺街度听到有人谈论呢件事，有细路话：「依家咩年代啊？仲去烧煤，系都用煤气啦。」阿叔即刻驳佢，有头发边个想做瘌痢啊！你又唔知依家啲煤气卖到几贵，用得起先得口架。
　　瘌痢，亦叫「黄癣」，系一种生喺人头上嘅皮肤病，患者会脱发。瘌痢唔系一个好听嘅称呼，喺粤语入面仲有其他贬义嘅意思。所以但凡头发健康嘅人都尽量唔会整成秃头噉嘅样，畀人叫做「瘌痢」。
　　将「煤渣」作为近期垃圾桶受损嘅罪魁，睇嚟太过表面。其实广大市民心水最清，呢几年煤气价格不断攀升，好多中低收入阶层难以承受，「焗咳」要倒退用返蜂窝煤。今次唔系一个半个垃圾桶被烧坏，而系有成千个，噉又一次真实噉证明有唔少人不堪重负，只能降低生活环境通过烧煤嚟节省开支。
　　市容环卫部门嘅提醒系啱嘅：使用蜂窝煤后，一定要将其完全燃尽冷却后再倒入垃圾桶。但今次「罪魁煤渣烧毁垃圾桶」事件亦都反映出「冇头发者」嘅无奈，最近物价升得太快嘞，蔬菜、猪肉、食油轮住升。生活有压力，为咗唔至于令生活水平下降太大，只好猛咁谂谒：多啲灼菜少啲炒菜、烧煤唔烧气、冒住生命危险去排队买食用油……
　　依家成日听讲话经济形势不断向好，GDP不断地创造新高，呢啲系好消息嚟嘅。不过如果可以听到更多同民生有直接关系，或者同老百姓生活挂钩嘅来评价，而呢啲评价都系向好嘅话，噉就实际好多啰。愿天下再冇「瘌痢」啦！ 
 
本文來自：<A href="http://www.nanfangdaily.com.cn/southnews/dd/dsb/B13/200712070623.asp">http://www.nanfangdaily.com.cn/southnews/dd/dsb/B13/200712070623.asp</A>

Anl 發表於 2007-12-7 23:29:15

有头发会想做瘌痢？　   　 2007-12-07 10:12:34  　   　 　　街坊话事　　 　　 　　□Pippo阮　　 　　 　　听讲由于部分市民将未完全熄灭嘅煤灰煤渣倒入垃圾桶，呢类行为已对成千个垃圾桶造成唔同程度嘅损坏。有报纸对此进行咗报道，标题讲「上千垃圾桶被烧穿」、「煤渣成罪魁」。
　　咁啱喺街度听到有人谈论呢件事，有细路话：「依家咩年代啊？重去烧煤，系都用煤气啦。」阿叔即刻驳佢，有头发边个想做瘌痢啊！你又唔知依家啲煤气卖到几贵，用得起先得o架（?）。
　　瘌痢，亦叫「黄癣」，系一种生喺人头上嘅皮肤病，患者会脱发。瘌痢唔系一个好听嘅称呼，喺粤语入面重有其他贬义嘅意思。所以但凡头发健康嘅人都尽量唔会整成秃头噉嘅样，畀人叫做「瘌痢」。
　　将「煤渣」作为近期垃圾桶受损嘅罪魁，睇嚟太过表面。其实广大市民心绪（心緒，口語常常讀成「心水」）最清，呢几年煤气价格不断攀升，好多中低收入阶层难以承受，「局鲠（「被迫要承受」之意。鯁，魚骨鯁頸之「鯁」）」要倒退用返蜂窝煤。今次唔系一个半个垃圾桶被烧坏，而系有成千个，噉又一次真实噉证明有唔少人不堪重负，只能降低生活环境通过烧煤嚟节省开支。
　　市容环卫部门嘅提醒系啱嘅：使用蜂窝煤后，一定要将其完全燃尽冷却后再倒入垃圾桶。但今次「罪魁煤渣烧毁垃圾桶」事件亦都反映出「冇头发者」嘅无奈，最近物价升得太快嘞，蔬菜、猪肉、食油轮住升。生活有压力，为咗唔至于令生活水平下降太大，只好猛咁谂计：多啲灼菜少啲炒菜、烧煤唔烧气、冒住生命危险去排队买食用油……
　　依家成日听讲话经济形势不断向好，GDP不断地创造新高，呢啲系好消息嚟嘅。不过如果可以听到更多同民生有直接关系，或者同老百姓生活挂钩嘅来评价，而呢啲评价都系向好嘅话，噉就实际好多啰。愿天下再冇「瘌痢」啦！ 

[ 本帖最後由 Anl 於 2007-12-8 13:06 編輯 ]

Anl 發表於 2007-12-7 23:30:17

中山纪念堂与总统府　   　 2007-12-07 10:12:33  　   　 　　广州往事　　 　　 　　□庞力行　　 　　 　　广州越秀山嘅南面，东风路上嘅中山纪念堂雄伟庄严，宽阔嘅广场有孙中山先生嘅立像，周围绿树环抱。呢块神圣嘅土地上，曾经系中国革命先行者孙中山先生嘅总统府，孙中山喺依度经历过革命嘅挫折同炮火嘅硝烟……
　　清代末年，依度嘅一座建筑物，系清朝嘅抚标箭道、督练公所(即系招待所)。孙中山领导辛亥革命，推翻咗清朝政府后，呢座建筑物成咗广东督军衙门。1921年孙中山先生喺广州成立中华民国政府就任非常大总统，又选中咗呢座建筑物作为总统府。1922年6月风云突变，陈炯明叛变革命，佢嘅部下占领咗越秀山(嗰阵叫观音山)喺山上向总统府打炮，喺叛军炮轰总统府嘅硝烟中，孙中山同夫人宋庆龄喺护卫人员嘅保护下被迫离开咗总统府，穿过城里叛军控制嘅封锁线，登上咗喺珠江上嚟救援嘅永丰艇(后嚟叫中山舰)，避过咗一劫。但系总统府就畀叛军炮火摧毁咗嘞！
　　1925年孙中山逝世后，为咗纪念呢位伟大嘅革命先驱，陈济深等人组成筹备委员会，由当时地方政府同众多华侨捐资，几经选址，最后确定喺呢块原总统府嘅土地上建造中山纪念堂，并喺背后嘅越秀山上建造中山纪念碑以示纪念。
　　1929年中山纪念堂正式动工，由中国建筑师吕彦直设计，经过五年先至建成。后嚟新政府拨款进行维修保护，定为「省级文物保护单位」。呢颗镶嵌喺广州传统城市中轴线上嘅明珠，至今依然熠熠生辉！ 
 
本文來自：<A href="http://www.nanfangdaily.com.cn/southnews/dd/dsb/B13/200712070622.asp">http://www.nanfangdaily.com.cn/southnews/dd/dsb/B13/200712070622.asp</A>

Anl 發表於 2007-12-7 23:34:08

点样揿机先安全　   　 2007-12-07 10:12:33  　   　 　　广州笔记　　 　　 　　□司徒笨　　 　　 　　同事去柜员机揿钱，30张100蚊里面居然有一张系假嘅。因为喺消费嘅时候先发现，所以无仇报，唯有暗哑底自己啃咗呢只死猫。消息传开，即刻引起同事之间的激烈议论。
　　平时大家都系因为怕排队，所以先去用柜员机。但系柜员机居然会呕假钞，而且撞上咗仲无得同银行拗数，你都咪话唔惊。所以，大家嘅话题从讨论柜员机有无呕假钞转移到讨论点样去柜员机揿钱。
　　有位同事话：「而家柜员机上面都有摄像头，扌罗钱之后对住个摄像头一张张噉照，睇清楚就Ok啦！啲专家话，起码要正反面各10秒先够清晰喔！」呢个办法听落去几好喔，不过即时有人反对：「10秒？唔好咁搞笑啦！等你照得嚟，后面啲人早就闹死你啦！」系喔，一张银纸照成20秒，扌罗1000蚊咪要照成个字！大家都系唔想排队先去揿机，而家你噉搞同逼人排队有咩分别喔！有个同事做咗补充：「照银纸其实都无咩问题，大家都会理解你嘅！但系啲扑头党会更加开心，因为有个猪头喺度晒钱，你话你出去果阵唔俾佢扑就奇咯！」哈哈，呢样嘢先系关键啊！平时揿机都要提心吊胆，担心后面有人伸只手埋嚟，而家仲要噉嚟晒钱，真系揾贼埋身咯。
　　唉，点解扌罗钱使都要咁辛苦啊，中国人！ 
 
本文來自：<A href="http://www.nanfangdaily.com.cn/southnews/dd/dsb/B13/200712070621.asp">http://www.nanfangdaily.com.cn/southnews/dd/dsb/B13/200712070621.asp</A>

Anl 發表於 2007-12-7 23:38:19

点样揿机先安全　   　 2007-12-07 10:12:33  　   　 　　广州笔记　　 　　 　　□司徒笨　　 　　 　　同事去柜员机揿钱，30张100文里面居然有一张系假嘅。因为喺消费嘅时候先发现，所以无仇报，唯有暗哑底自己鲠咗呢只死猫。消息传开，即刻引起同事之间的激烈议论。
　　平时大家都系因为怕排队，所以先去用柜员机。但系柜员机居然会呕假钞，而且撞上咗重冇得同银行詏数，你都咪话唔惊。所以，大家嘅话题从讨论柜员机有无呕假钞转移到讨论点样去柜员机揿钱。
　　有位同事话：「而家柜员机上面都有摄像头，攞钱之后对住个摄像头一张张噉照，睇清楚就Ok啦！啲专家话，起码要正反面各10秒先够清晰喔！」呢个办法听落去几好喔，不过即时有人反对：「10秒？唔好咁搞笑啦！等你照得嚟，后面啲人早就闹死你啦！」系喔，一张银纸照成20秒，攞1000文咪要照成个字！大家都系唔想排队先去揿机，而家你噉搞同逼人排队有咩分别喎！有个同事做咗补充：「照银纸其实都冇咩问题，大家都会理解你嘅！但系啲扌暴（?）头党会更加开心，因为有个猪头喺度晒钱，你话你出去果阵唔畀佢扌暴（?）就奇咯！」哈哈，呢样嘢先系关键啊！平时揿机都要提心吊胆，担心后面有人伸只手埋嚟，而家重要噉嚟晒钱，真系揾贼埋身咯。
　　唉，点解攞钱使都要咁辛苦啊，中国人！

Anl 發表於 2007-12-7 23:39:06

广州播客第197期　   　 2007-12-07 10:12:33  　   　 　　同声同气　　 　　 　　□阿展专栏　　 　　 　　1.街坊：点解猪肠粉贵咗咁多嘅？(为什么猪肠粉涨价那么多？)
　　店主：猪肉加价咁犀利，猪肠粉点解唔加得呀？(猪肉加价那么多，猪肠粉为什么不能加价？)
　　街坊：我属猪，又唔见我有得加工资？(我属猪，怎没见涨我工资？)
　　店主：你系只蠢猪丫嘛。(因为你是头蠢猪呀。)
　　——一街坊在楼下的粉店买猪肠粉吃，不料发现猪肠粉大幅涨价，由原来的2元涨到3元。心中不免郁闷，就与店主理论起来。
　　2.千九蚊就棺材山地都包晒口架喇，好辛苦口架，做交通协管员！喺马路一企几个钟，吹鸡食尘吸废气，分分钟买药都未够啊！(1900元就什么都包括在里面了，做交通协管员很辛苦的，在马路上一站几个小时，吹哨吃尘吸废气，有可能买药都不够。)
　　——一个茶客饮早茶时，说到新招聘的交通协管员月薪1900元的待遇并不算多。
　　3.唔中你返嚟揾我啦，我日日喺呢度口架。(不中的话，你回来找我，我天天在这里的。)
　　——海珠桥中，一个摆卖私彩「必中贴士」的走鬼对一个路人这样说。 
 
本文來自：<A href="http://www.nanfangdaily.com.cn/southnews/dd/dsb/B13/200712070620.asp">http://www.nanfangdaily.com.cn/southnews/dd/dsb/B13/200712070620.asp</A>

Anl 發表於 2007-12-7 23:41:50

广州播客第197期　   　 2007-12-07 10:12:33  　   　 　　同声同气　　 　　 　　□阿展专栏　　 　　 　　1.街坊：点解猪肠粉贵咗咁多嘅？(为什么猪肠粉涨价那么多？)
　　店主：猪肉加价咁犀利，猪肠粉点解唔加得呀？(猪肉加价那么多，猪肠粉为什么不能加价？)
　　街坊：我属猪，又唔见我有得加工资？(我属猪，怎没见涨我工资？)
　　店主：你系只蠢猪吖嘛。(因为你是头蠢猪呀。)
　　——一街坊在楼下的粉店买猪肠粉吃，不料发现猪肠粉大幅涨价，由原来的2元涨到3元。心中不免郁闷，就与店主理论起来。
　　2.千九文就棺材山地都包晒o架（?）喇，好辛苦o架（?），做交通协管员！喺马路一企几个钟，吹鸡食尘吸废气，分分钟买药都未够啊！(1900元就什么都包括在里面了，做交通协管员很辛苦的，在马路上一站几个小时，吹哨吸尘吸废气，有可能买药都不够。)
　　——一个茶客饮早茶时，说到新招聘的交通协管员月薪1900元的待遇并不算多。
　　3.唔中你返嚟揾我啦，我日日喺呢度o架（?）。(不中的话，你回来找我，我天天在这里的。)
　　——海珠桥中，一个摆卖私彩「必中贴士」的走鬼对一个路人这样说。

Anl 發表於 2007-12-7 23:42:36

胶樽？旧樽？　   　 2007-12-07 10:12:33  　   　 　　孖辫妹　　 　　 　　□　图／谈芳波　文／谈芳波　莫夕　　 　　 　　【未经许可，本版图文不得转载】 　　 　　图：
　　光头，你快手啲啦！嗰个垃圾佬又嚟喇！　　 　　 　　妹妹仔，你屋企有冇啲旧樽唔要口架？可以换钱口架。　　 　　 　　嗱，我大佬攞紧过嚟喇。　　 　　 　　阿伯，你玩嘢咩？次次都话收旧樽，依家有嘞，你又唔要！　　
　　酸奶胶樽　　  
 
本文來自：<A href="http://www.nanfangdaily.com.cn/southnews/dd/dsb/B13/200712070619.asp">http://www.nanfangdaily.com.cn/southnews/dd/dsb/B13/200712070619.asp</A>

Anl 發表於 2007-12-7 23:43:32

胶樽？旧樽？　   　 2007-12-07 10:12:33  　   　 　　孖辫妹　　 　　 　　□　图／谈芳波　文／谈芳波　莫夕　　 　　 　　【未经许可，本版图文不得转载】 　　 　　图：
　　光头，你快手啲啦！嗰个垃圾佬又嚟喇！　　 　　 　　妹妹仔，你屋企有冇啲旧樽唔要o架（?）？可以换钱o架（?）。　　 　　 　　嗱，我大佬攞紧过嚟喇。　　 　　 　　阿伯，你玩嘢咩？次次都话收旧樽，依家有嘞，你又唔要！　　
　　酸奶胶樽

Anl 發表於 2007-12-7 23:44:19

7·23　吾无隐乎尔　   　 2007-12-07 10:12:33  　   　 　　白话广州 　　 　　栋笃论语·述而第七　　 　　 　　□子野专栏　　 　　 　　【原文】子曰：「二三子以为我隐乎？吾无隐乎尔！吾无行而不与二三子者，是丘也。」
　　【译文】孔子话：「你哋系咪以为我有咩瞒住大家啊？我冇口架！我边啲行为冇同大家喺埋一齐啊？孔丘我不嬲都系噉口架！」
　　【栋笃】「哇，各位街坊，行过路过千其唔好错过啊！快啲过嚟睇啊，孔Sir又发誓喇！」「咦，点解讲‘又’呢？」「嗱，上次你冇听过咩，孔Sir啊，去卫国见嗰个木子——哦唔系，系南子，学生子路就好有意见，搞到孔Sir对天发誓话佢咩都冇做噃。」「但系，今次孔Sir好似冇对天发誓?？」「嗱，你读得书少，我就唔怪你。头先你未听佢最后讲咗一声‘是丘也’咩？你唔知，古人强调自己冇做咩事嘅时候，将自己个名都讲咗出嚟，就相当于对天发誓喇。噉就好似依家，你加入咩团体，宣誓嘅最后，就系‘宣誓人吴广得’喇。」「哦，原来系噉。噉今次孔Sir又为咗咩要对天发誓啊？」「咪住，请听在下慢慢讲先——」
　　嗱，如果你交咗一笔高额嘅学费，去读咩咩名校嘅MBA，你好勤力噉读书，毕业之后，就发现学到嘅嘢同自己嘅预期目标差好远——呢个时候，你会怪边个？系咪会怪嗰个老师冇将自己啲看家本领冚棒唥教晒畀你？听讲以前啲拳师，教徒弟武功嘅时候，都会留一手嘅，点解？惊嗰个徒弟将来学晒全部功夫之后，教识徒弟唔要师傅，食碗面反碗底咯，留一手可以自保啊嘛(民间传说，方世玉最后就系畀佢师父五梅嗰手不传嘅绝招打死口架)。
　　当然喇，以仁义道德为学习内容嘅孔门，系唔会出现噉嘅情况口架。噉点解孔Sir嘅学生会误会佢留咗一手冇教落呢？其实原因都好简单：儒家思想，实在太过博大精深喇！兼且孔Sir用嘅系启发式教学，唔够叻嘅学生，进步就好慢，自然就会怀疑喇。子贡抱怨过，未听孔Sir讲过「性与天道」；冉求承认过，「非不说(悦)子之道，力不足也」；唔同嘅人去问咩系仁、咩系孝，都会得到唔同嘅答案；大家最想知道嘅关于鬼神嘅嘢，佢又唔讲，只系话要「敬而远之」……噉你话，以后啲论文点写、答辩点办啊？仲有人去问孔Sir嘅仔孔鲤添：「你老窦有冇教你多啲啊？」(《季氏第十六》)
　　咁多人误会，梗系要对天发誓，话自己冇保留，全部教晒喇。唔系嘅话，以后点招生啊？
　　讲笑啫。其实做孔Sir嘅研究生都几抵口架：交少少学费(十条腊肉)，就可以学习四书五经六艺，孔Sir仲经常推荐啲优秀生免试去做公务员。相比依家嗰啲交高学费、帮教授打工、毕业之后仲要自己辛苦去揾工作嘅研究生，孔门子弟，可以讲系生活喺天堂喇。　(插图：老饼)　　 　　 　　【未经许可，本版图文不得转载】 　　 　　图：
　　我本来以为自己嘅学识唔够多，但老师你头先话对我已经教无可教，原来系老师嘅学识唔够多！  
 
 
本文來自：<A href="http://www.nanfangdaily.com.cn/southnews/dd/dsb/B13/200712070618.asp">http://www.nanfangdaily.com.cn/southnews/dd/dsb/B13/200712070618.asp</A>

Anl 發表於 2007-12-7 23:56:24

7·23　吾无隐乎尔　   　 2007-12-07 10:12:33  　   　 　　白话广州 　　 　　戙豚论语·述而第七　　 　　 　　□子野专栏　　 　　 　　【原文】子曰：「二三子以为我隐乎？吾无隐乎尔！吾无行而不与二三子者，是丘也。」
　　【译文】孔子话：「你哋系咪以为我有咩瞒住大家啊？我冇o架（?）！我边啲行为冇同大家喺埋一齐啊？孔丘我不留（不留，口語常讀「不褸」）都系噉o架（?）！」
　　【戙豚】「哗，各位街坊，行过路过千其唔好错过啊！快啲过嚟睇啊，孔Sir又发誓喇！」「咦，点解讲‘又’呢？」「嗱，上次你冇听过咩，孔Sir啊，去卫国见嗰个木子——哦唔系，系南子，学生子路就好有意见，搞到孔Sir对天发誓话佢咩都冇做噃。」「但系，今次孔Sir好似冇对天发誓?？」「嗱，你读得书少，我就唔怪你。头先你未听佢最后讲咗一声‘是丘也’咩？你唔知，古人强调自己冇做咩事嘅时候，将自己个名都讲咗出嚟，就相当于对天发誓喇。噉就好似依家，你加入咩团体，宣誓嘅最后，就系‘宣誓人吴广得’喇。」「哦，原来系噉。噉今次孔Sir又为咗咩要对天发誓啊？」「咪住，请听在下慢慢讲先——」
　　嗱，如果你交咗一笔高额嘅学费，去读咩咩名校嘅MBA，你好勤力噉读书，毕业之后，就发现学到嘅嘢同自己嘅预期目标差好远——呢个时候，你会怪边个？系咪会怪嗰个老师冇将自己啲看家本领冚o棒唥教晒畀你？听讲以前啲拳师，教徒弟武功嘅时候，都会留一手嘅，点解？惊嗰个徒弟将来学晒全部功夫之后，教识徒弟唔要师傅，食碗面反碗底咯，留一手可以自保啊嘛(民间传说，方世玉最后就系畀佢师父五梅嗰手不传嘅绝招打死o架)。
　　当然喇，以仁义道德为学习内容嘅孔门，系唔会出现噉嘅情况o架。噉点解孔Sir嘅学生会误会佢留咗一手冇教落呢？其实原因都好简单：儒家思想，实在太过博大精深喇！兼且孔Sir用嘅系启发式教学，唔够叻嘅学生，进步就好慢，自然就会怀疑喇。子贡抱怨过，未听孔Sir讲过「性与天道」；冉求承认过，「非不说(悦)子之道，力不足也」；唔同嘅人去问咩系仁、咩系孝，都会得到唔同嘅答案；大家最想知道嘅关于鬼神嘅嘢，佢又唔讲，只系话要「敬而远之」……噉你话，以后啲论文点写、答辩点办啊？重有人去问孔Sir嘅仔孔鲤添：「你老窦有冇教你多啲啊？」(《季氏第十六》)
　　咁多人误会，梗系要对天发誓，话自己冇保留，全部教晒喇。唔系嘅话，以后点招生啊？
　　讲笑啫。其实做孔Sir嘅研究生都几抵o架：交少少学费(十条腊肉)，就可以学习四书五经六艺，孔Sir重经常推荐啲优秀生免试去做公务员。相比依家嗰啲交高学费、帮教授打工、毕业之后重要自己辛苦去揾工作嘅研究生，孔门子弟，可以讲系生活喺天堂喇。　(插图：老饼)　　 　　 　　【未经许可，本版图文不得转载】 　　 　　图：
　　我本来以为自己嘅学识唔够多，但老师你头先话对我已经教无可教，原来系老师嘅学识唔够多！

滙賢恭會 發表於 2007-12-8 02:48:53

粵文唔錯，喺呢度我哋粵文常用嘅「?」字好難顯示到，冚唪唥用呢個「字」

Lucciora 發表於 2007-12-9 22:22:44

應該係「焗鯁」或「（火告）鯁」
 
食唔落都要焗住食埋佢

Anl 發表於 2007-12-10 00:27:19

原帖由 Lucciora 於 2007-12-9 22:22 發表 <A href="http://bbs.cantonese.asia/redirect.php?goto=findpost&pid=66832&ptid=8942" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 應該係「焗鯁」或「（火告）鯁」   食唔落都要焗住食埋佢係「局住」唔係「焗住」。此「局」指「局限」，有強制之意。並非烹調的「焗」。
另「鯁」可作「骾」，「局骾」都可以，而且更加貼切上文。

柳寻风 發表於 2007-12-10 07:12:11

ANL好嘢，Lucciora 都好有型<IMG alt="" src="http://bbs.cantonese.asia/images/smilies/default/tongue.gif" border=0 smilieid="7">

pippo 發表於 2007-12-11 08:40:41

真係冇「焗咳」嘅咩？我哋用開「焗咳」嘅。

Anl 發表於 2007-12-11 13:27:10

原帖由 pippo 於 2007-12-11 08:40 發表 <A href="http://bbs.cantonese.asia/redirect.php?goto=findpost&pid=67065&ptid=8942" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 真係冇「焗咳」嘅咩？我哋用開「焗咳」嘅。恕我見多識少，請你解釋咩叫「焗咳」。

頁: [1] 2

粵語協會's Archiver

２００７年１２月 ７号《南方都市報》

２００７年１２月７号《南方都市報》