２００７年１２月６号《南方都市报》

Anl 發表於 2007-12-6 22:51:46

安全圈套　   　 2007-12-06 09:07:18  　   　 　　白话广州 　　 　　例汤正　　 　　 　　□老饼专栏　　 　　 　　今日汤料：话说防治艾滋病工作委员会近日与**门进行了协调，**门不再将携带安全套作为卖淫嫖娼的证据。有专家指出，其实早在2001年就有此规定，但执法机构但这几年间仍然根据「安全套证据」进行执罚。　　
　　新闻背景：《信息时报》2007年12月4日A30版《「安全套证据」见证了什么》 　　 　　【未经许可，本版图文不得转载】　　 　　 　　图：
　　点解要喺娱乐场所推广安全套？而安全套嘅主要作用又系咩呢？我哋嚟听下专业人士嘅精辟见解。　　 　　 　　两个字——安全。　　 　　 　　一个字——套！  
 
本文來自：<A href="http://www.nanfangdaily.com.cn/southnews/dd/dsb/B12/200712060333.asp">http://www.nanfangdaily.com.cn/southnews/dd/dsb/B12/200712060333.asp</A>

Anl 發表於 2007-12-6 22:54:03

安全圈套　   　 2007-12-06 09:07:18  　   　 　　白话广州 　　 　　例汤正　　 　　 　　□老饼专栏　　 　　 　　今日汤料：话说防治艾滋病（粵語人應該講「愛滋病」）工作委员会近日与**门进行了协调，**门不再将携带安全套作为卖淫嫖娼的证据。有专家指出，其实早在2001年就有此规定，但执法机构但这几年间仍然根据「安全套证据」进行执罚。　　
　　新闻背景：《信息时报》2007年12月4日A30版《「安全套证据」见证了什么》
 　　 　　【未经许可，本版图文不得转载】　　 　　 　　图：
　　点解要喺娱乐场所推广安全套？而安全套嘅主要作用又系咩呢？我哋嚟听下专业人士嘅精辟见解。　　 　　 　　两个字——安全。　　 　　 　　一个字——套！

Anl 發表於 2007-12-6 22:55:12

只要有一粒星星　   　 2007-12-06 09:07:18  　   　 　　金曲寻味　　 　　 　　□冯璐赟　　 　　 　　一次同朋友倾偈，讲到佢一定要去睇年底学友演唱会。提起《怎么舍得你》呢首歌，佢讲咗一个佢以前嘅故事畀我听。
　　高三嗰年，男仔每一日都关注住一个女仔。上课嘅时候，周不时望下窗外，睇下会唔会有佢嘅身影。「红笑脸，红裙红丝巾，白纸般，坦率还天真，一对眼，水晶般吸引，流转的舞步，像浮云」。着白衬衫，黑色百褶裙嘅女仔，同样有一对水晶一样嘅眼睛；大型晚会上面，实会有佢独舞嘅身影。男仔嘅眼睛，每次都会一直跟住女仔转。后尾，佢哋认识咗，之后，一齐食饭堂，一齐去自习，一齐放学。女仔细过男仔一届，男仔好快要高考嘞。女仔同男仔讲，我会唔舍得你。喺男仔走之后一段时间，女仔一直听住张学友嘅《怎么舍得你》。
　　高考结束，男仔去咗北京读书，佢哋分开咗。大学嘅生活好精彩，但系，男仔一直记挂住女仔，一直都保持联系，有长假仲会返嚟睇佢。男仔好中意问女仔一个问题，「你会唔会有一日唔记得我？」女仔嘅答案好浪漫，「只要天边有一粒星星，我一定会记得你。」两个人约定，北京见。
　　好多嘢，唔会咁顺摊，爱情亦唔可以决定一切。女仔屋企人喺佢高考之前，突然决定移民加拿大。女仔一直唔想去，唔舍得广州，唔舍得一个人。男仔知道之后，好伤心，佢学识咗食烟，每晚，一支支烟，为女仔燃烧到夜深。音箱里面循环传出嘅系《怎么舍得你》。好想「一丝丝，一点点，烧毁忆记」，点解会有噉样嘅遗憾呢？「只一心，等一天，日月如飞，却等不到你，愿忘记又想起你」，原先以为，会等到佢，等到幸福。命运令佢哋擦身而过。「愈想起，更加难入寐，紧抱你，抱紧的只得空气，明知得不到你」，但系，冇办法唔去谂。女仔要离开嘅前一日，佢赶咗返广州，第二日去机场送机。喺登机前，男仔同女仔讲，「只要天边仲有一粒星星，我一定唔会唔记得你」。
　　朋友讲完之后，有啲唏嘘。佢今年廿到「抆」嘞，已经准备同拍咗拖年几嘅女朋友结婚，女仔喺外国亦都揾到佢嘅幸福。佢话，嗰时好纯，真系会好爱好爱一个人，只系单纯噉一心去爱佢。人大咗，现实咗，呢种感觉，只可以喺学友呢只歌里面先揾得返嘞。 
 
本文來自：<A href="http://www.nanfangdaily.com.cn/southnews/dd/dsb/B12/200712060332.asp">http://www.nanfangdaily.com.cn/southnews/dd/dsb/B12/200712060332.asp</A>

Anl 發表於 2007-12-6 23:01:06

只要有一粒星星　   　 2007-12-06 09:07:18  　   　 　　金曲寻味　　 　　 　　□冯璐赟　　 　　 　　一次同朋友倾偈，讲到佢一定要去睇年底学友演唱会。提起《怎么舍得你》呢首歌，佢讲咗一个佢以前嘅故事畀我听。
　　高三嗰年，男仔每一日都关注住一个女仔。上课嘅时候，周不时望下窗外，睇下会唔会有佢嘅身影。「红笑脸，红裙红丝巾，白纸般，坦率还天真，一对眼，水晶般吸引，流转的舞步，像浮云」。着白衬衫，黑色百摺裙嘅女仔，同样有一对水晶一样嘅眼睛；大型晚会上面，实会有佢独舞嘅身影。男仔嘅眼睛，每次都会一直跟住女仔转。后尾，佢哋认识咗，之后，一齐食饭堂，一齐去自习，一齐放学。女仔细过男仔一届，男仔好快要高考嘞。女仔同男仔讲，我会唔舍得你。喺男仔走之后一段时间，女仔一直听住张学友嘅《怎么舍得你》。
　　高考结束，男仔去咗北京读书，佢哋分开咗。大学嘅生活好精彩，但系，男仔一直记挂住女仔，一直都保持联系，有长假重会返嚟睇佢。男仔好钟意问女仔一个问题，「你会唔会有一日唔记得我？」女仔嘅答案好浪漫，「只要天边有一粒星星，我一定会记得你。」两个人约定，北京见。
　　好多嘢，唔会咁顺摊，爱情亦唔可以决定一切。女仔屋企人喺佢高考之前，突然决定移民加拿大。女仔一直唔想去，唔舍得广州，唔舍得一个人。男仔知道之后，好伤心，佢学识咗食烟，每晚，一支支烟，为女仔燃烧到夜深。音箱里面循环传出嘅系《怎么舍得你》。好想「一丝丝，一点点，烧毁忆记」，点解会有噉样嘅遗憾呢？「只一心，等一天，日月如飞，却等不到你，愿忘记又想起你」，原先以为，会等到佢，等到幸福。命运令佢哋擦身而过。「愈想起，更加难入寐，紧抱你，抱紧的只得空气，明知得不到你」，但系，冇办法唔去谂。女仔要离开嘅前一日，佢赶咗返广州，第二日去机场送机。喺登机前，男仔同女仔讲，「只要天边仲有一粒星星，我一定唔会唔记得你」。
　　朋友讲完之后，有啲唏嘘。佢今年廿到「o敏」嘞，已经准备同拍咗拖年几嘅女朋友结婚，女仔喺外国亦都揾到佢嘅幸福。佢话，嗰时好纯，真系会好爱好爱一个人，只系单纯噉一心去爱佢。人大咗，现实咗，呢种感觉，只可以喺学友呢只歌里面先揾得返嘞。

Anl 發表於 2007-12-6 23:02:48

锁门、消夜vs宵夜　   　 2007-12-06 09:07:17  　   　 　　有问必答　　 　　 　　□粤语协会专栏　　 　　 　　Q：想知传统广州话嘅「锁门」点讲？好似有个seot1门，唔知啱唔啱？
　　A：系有seot1门嘅讲法，一说seot1为「戌」字，见《国语辞典》：「屈戌，用来开阖门窗的环纽」。元·陶宗仪《南村辍耕录·卷七》：屈戌：「今人家窗户设铰具，或铁或铜，名曰环纽，即古金铺之遗意，北方谓之屈戌，其称甚古。」
　　另外「闩(saan1)门」、「taap3门」其实都有锁门嘅意思。
　　Q：消夜、宵夜，边个先啱？
　　A：两个词都没有错，只是词义用法有不同。
　　「宵夜」系指夜间食用的点心、食物，作名词用，而「消夜」乃「食宵夜」之意，作为动词。《广东俗语考》解释曰：「中夜作食为消遣曰消夜……消夜二字甚雅。」 
 
本文來自：<A href="http://www.nanfangdaily.com.cn/southnews/dd/dsb/B12/200712060331.asp">http://www.nanfangdaily.com.cn/southnews/dd/dsb/B12/200712060331.asp</A>

Anl 發表於 2007-12-6 23:05:22

锁门、消夜vs宵夜　   　 2007-12-06 09:07:17  　   　 　　有问必答　　 　　 　　□粤语协会专栏　　 　　 　　Q：想知传统广州话嘅「锁门」点讲？好似有个seot1门，唔知啱唔啱？
　　A：系有seot1门嘅讲法，一说seot1为「戌」字，见《国语辞典》：「屈戌，用来开阖门窗的环纽」。元·陶宗仪《南村辍耕录·卷七》：屈戌：「今人家窗户设铰具，或铁或铜，名曰环纽，即古金铺之遗意，北方谓之屈戌，其称甚古。」
　　另外「闩(saan1)门」、「鎝（taap3）门」其实都有锁门嘅意思。
　　Q：消夜、宵夜，边个先啱？
　　A：两个词都没有错，只是词义用法有不同。
　　「宵夜」系指夜间食用的点心、食物，作名词用，而「消夜」乃「食宵夜」之意，作为动词。《广东俗语考》解释曰：「中夜作食为消遣曰消夜……消夜二字甚雅。」

Anl 發表於 2007-12-6 23:06:14

广州播客第196期　   　 2007-12-06 09:07:17  　   　 　　同声同气　　 　　 　　□阿展专栏　　 　　 　　本月某日早8时20分，一辆由东往西行的巴士行至冼村站时，停靠路边近15分钟。事因车上有一乘客忽然晕倒，不省人事。对于此事车上各人有不同的态度：
　　司机：「我系打工嘅，你喺我车上晕咗，如果再开车都唔知会发生乜嘢事，我都系报咗120先。」(我只是打工的，你在我车上晕了，如果再开车都不知会发生什么事，我都是先报了120再说。)
　　于是，司机拨打了120，并停靠路边等候救护车的到来。
　　乘客甲：「司机，开车啦！佢晕佢嘅事啫，我哋仲要赶住上班口架！开车啦！」(司机，开车啦！她晕是她的事，我们还要赶着上班的！开车啦。)
　　乘客乙：「知道自己病就唔好搭巴士啦！阻住大家上班！」(知道自己病就不要搭巴士啦！阻住大家上班。)
　　乘客丙：「死司机，你白痴口架？前面咪系空军医院啰，直接送去医院就得啦！快啲开车！」(死司机，你白痴呀？前面不是空军医院吗，直接送去医院就得啦！快点开车)
　　乘客丁：「晕，你就落车啦！阻住大家上班呀！我迟到被罚啲钱，你赔唔赔得起先？」(晕，你就下车啦！阻住大家上班呀！我迟到被罚的钱，你能陪得起吗？) 
 
本文來自：<A href="http://www.nanfangdaily.com.cn/southnews/dd/dsb/B12/200712060330.asp">http://www.nanfangdaily.com.cn/southnews/dd/dsb/B12/200712060330.asp</A>

Anl 發表於 2007-12-6 23:09:27

广州播客第196期　   　 2007-12-06 09:07:17  　   　 　　同声同气　　 　　 　　□阿展专栏　　 　　 　　本月某日早8时20分，一辆由东往西行的巴士行至冼村站时，停靠路边近15分钟。事因车上有一乘客忽然晕倒，不省人事。对于此事车上各人有不同的态度：
　　司机：「我系打工嘅，你喺我车上晕咗，如果再开车都唔知会发生乜嘢事，我都系报咗120先。」(我只是打工的，你在我车上晕了，如果再开车都不知会发生什么事，我都是先报了120再说。)
　　于是，司机拨打了120，并停靠路边等候救护车的到来。
　　乘客甲：「司机，开车啦！佢晕佢嘅事啫，我哋重要赶住上班o架（?）！开车啦！」(司机，开车啦！她晕是她的事，我们还要赶着上班的！开车啦。)
　　乘客乙：「知道自己病就唔好搭巴士啦！阻住大家上班！」(知道自己病就不要搭巴士啦！耽误大家上班。)
　　乘客丙：「死司机，你白痴o架（?）？前面咪系空军医院啰，直接送去医院就得啦！快啲开车！」(死司机，你白痴呀？前面不是空军医院吗，直接送去医院就得啦！快点开车)
　　乘客丁：「晕，你就落车啦！阻住大家上班呀！我迟到被罚啲钱，你赔唔赔得起先？」(晕，你就下车啦！耽误大家上班呀！我迟到被罚的钱，你能陪得起吗？)

Anl 發表於 2007-12-6 23:10:22

我喺电视台嘅日子(下)　   　 2007-12-06 09:07:17  　   　 　　港人讲嘢·黄子华栋笃笑　　 　　 　　□记录：莫夕　　 　　 　　男人使乜靓啊？男人有才华就得啦！各位男士，有冇试过带你啲才华去DISCO识女仔啊？人哋啲英俊嗰啲，入到DISCO，唔使几分钟就已经同啲女仔互相问问题嘞，我带住我啲才华入DISCO，几难揾到个女仔肯畀我表现下啲才华，佢一噏头，我成套《欢乐今宵》要做一次啊！然后间唔中，会有一个女仔话：「唉，好嘞好嘞，唔好做嘞，去你度定去我度啊？」呢个时候，我多数都会话：「梗系去我度啦，不过我自己去得嘞，因为我已经好攰喇……」不过讲笑啫，通常我套《欢乐今宵》做到卖广告，啲女仔已经走咗嘅嘞。但系，各位男士，唔紧要啊，我哋识唔到女仔，你咪自己返屋企关埋道房门，发泄咗佢咯，跟住你又系一个好市民嘞。但系做戏就唔同做爱啊嘛，做爱你梗系要匿埋嚟做啦，有啲人要扱住个车牌先入得去做添。噉但系你做戏，匿埋做系冇快感嘅嘛，你几时见过人哋拍戏，CAMERA　！‘喂，埋嚟，埋嚟做啊，唔好畀人睇到啊嘛！’冇口架嘛！一定要公开做先有嘅嘛！」
　　一句话我唔靓仔唔畀我做戏……同埋系好唔公平咯。大家有冇谂过依家，做女仔就唔使靓嘅，依家做戏，大啊得嘅嘞！你靓唔靓呢天生嘅系咁上下口架嘞，你大有得后天栽培啊嘛！所以依家啲人话，叶子媚好Cheap，我话啲人都傻嘅，叶子媚唔知救咗几多想做戏嘅女人啊，以后你想做戏咩？你入到嚟，我唔使睇你靓唔靓，亦都唔使睇你好唔好戏，因为呢啲嘢都唔客观嘅，埋去磅啦，「开厘六斤半！」「小姐，六斤半呢即系六千五蚊片酬一日啊，你做唔做啊？」「开厘八斤半有疤痕！」「小姐，八斤半就应该八千五蚊啊有疤痕呢就减返八千五蚊疤痕费，即系八千蚊一日，你做唔做啊？」几客观啊！ 
 
本文來自：<A href="http://www.nanfangdaily.com.cn/southnews/dd/dsb/B12/200712060329.asp">http://www.nanfangdaily.com.cn/southnews/dd/dsb/B12/200712060329.asp</A>

柳寻风 發表於 2007-12-6 23:10:26

顶ANL!

Anl 發表於 2007-12-6 23:20:42

我喺电视台嘅日子(下)　   　 2007-12-06 09:07:17  　   　 　　港人讲嘢·黄子华戙豚笑　　 　　 　　□记录：莫夕　　 　　 　　男人使乜靓啊？男人有才华就得啦！各位男士，有冇试过带你啲才华去DISCO识女仔啊？人哋啲英俊嗰啲，入到DISCO，唔使几分钟就已经同啲女仔互相问问题嘞，我带住我啲才华入DISCO，几难揾到个女仔肯畀我表现吓啲才华，佢一岌头，我成套《欢乐今宵》要做一次啊！然后间唔中，会有一个女仔话：「唉，好嘞好嘞，唔好做嘞，去你度定去我度啊？」呢个时候，我多数都会话：「梗系去我度啦，不过我自己去得嘞，因为我已经好攰喇……」不过讲笑啫，通常我套《欢乐今宵》做到卖广告，啲女仔已经走咗嘅嘞。但系，各位男士，唔紧要啊，我哋识唔到女仔，你咪自己返屋企关埋度房门，发泄咗佢咯，跟住你又系一个好市民嘞。但系做戏就唔同做爱啊嘛，做爱你梗系要匿埋嚟做啦，有啲人要扱住个车牌先入得去做添。噉但系你做戏，匿埋做系冇快感嘅嘛，你几时见过人哋拍戏，CAMERA　！‘喂，埋嚟，埋嚟做啊，唔好畀人睇到吖嘛！’冇o架嘛！一定要公开做先有o架嘛！」
　　一句话我唔靓仔唔畀我做戏……同埋系好唔公平咯。大家有冇谂过依家，做女仔就唔使靓嘅，依家做戏，大啊（急讀，「就」讀成「啊」）得嘅嘞！你靓唔靓呢天生嘅系咁上下o架嘞，你大有得后天栽培啊嘛！所以依家啲人话，叶子媚好Cheap，我话啲人都傻嘅，叶子媚唔知救咗几多想做戏嘅女人啊，以后你想做戏咩？你入到嚟，我唔使睇你靓唔靓，亦都唔使睇你好唔好戏，因为呢啲嘢都唔客观嘅，埋去磅啦，「开厘六斤半！」「小姐，六斤半呢即系六千五文片酬一日啊，你做唔做啊？」「开厘八斤半有疤痕！」「小姐，八斤半就应该八千五文啊有疤痕呢就减返八千五文疤痕费，即系八千文一日，你做唔做啊？」几客观啊！ 
（八千五文減八千五文疤痕費，何來有八千文一日？） 

[ 本帖最後由 Anl 於 2007-12-6 23:31 編輯 ]

Anl 發表於 2007-12-6 23:21:54

7·22　天生德于予　   　 2007-12-06 09:07:17  　   　 　　栋笃论语·述而第七　　 　　 　　□子野专栏　　 　　 　　【原文】子曰：「天生德于予，桓魋其如予何！」
　　【译文】桓魋(国、粤语音同「颓」)，系宋国嘅司马，个名叫向魋，因为系宋桓公嘅后人，所以又叫做「桓魋」。
　　孔子话：「个天生就咗仁德畀我，桓魋吹得我涨咩！」
　　【栋笃】孔Sir为咗推销仁政，周游列国，加加埋埋十四年，同阿唐僧西游嘅时间差唔多。一个为咗传经，一个为咗取经，一路上，两人遇到嘅艰难险阻，亦都系有得一比。呢一章，讲嘅就系孔Sir周游过程之中嘅一次遇险。
　　《史记·孔子世家》入边关于呢件事系噉记载口架：「孔子过宋，与弟子习礼大树下，桓魋伐其树，孔子去。弟子曰：可速矣。孔子曰：天生德于予，桓魋其如予何！」孔Sir周游列国经过宋国嘅时候，同佢嘅学生喺一樖大树底下实习礼仪。呢个时候，宋国司马桓魋就将樖树斩咗，威胁要杀咗佢哋，要孔Sir师生即刻躝尸趷路(滚蛋)。啲学生见到噉嘅情况，就同孔Sir话：我哋快啲扯喇！孔Sir就懒咁唔有型噉讲：个天畀咗仁德我，桓魋吹得我涨咩！
　　哇，真系「这次第，怎一个，‘勇’字了得」啊！我相信，孔Sir讲呢句说话嘅时候，肯定摆咗一个好Cool嘅Pose，直情可以同毛泽东当年喺最后一刻撤离延安相比啊！
　　但系，天下冇无缘无故嘅恨，桓魋点解咁憎阿孔Sir呢？原来，桓魋呢个人好奢侈口架，佢曾经动用咗好多工匠为自己建造一副石棺，嘥咗三年时间都未做完。孔Sir听讲呢件事，就闹佢：「咁嘥，早死早着喇！」桓魋听到咗，嬲到飞起。今次孔Sir嚟到佢地头，仲要宣讲乜乜仁德，佢梗系冇咁好气喇，就谂住要杀咗孔Sir，先至可以解自己嘅心头之恨。
　　孔Sir呢个Pose，的确摆得好型。但系，讲完呢句说话，畀记者影咗相之后，孔Sir即刻就「微服而去」喇——礼服都唔敢着，便衣走佬，离开咗宋国，算系大难不死喇。佢如果真系以为「桓魋其如予何」，栋喺度唔走，历史会点改变我就唔知，呢一部《论语》，实会薄咗好多嘞，咔咔。(插图：老饼)　　 　　 　　【未经许可，本版图文不得转载】　　 　　 　　图：
　　点解桓魋要斩树嘅？点解阿Sir你又要走佬嘅？　　 　　 　　我谂系因为佢听咗我嘅教诲，所以决定改用木头做棺材，噉我咪功成身退啰！  
 
本文來自：<A href="http://www.nanfangdaily.com.cn/southnews/dd/dsb/B12/200712060328.asp">http://www.nanfangdaily.com.cn/southnews/dd/dsb/B12/200712060328.asp</A>

Anl 發表於 2007-12-6 23:30:25

7·22　天生德于予　   　 2007-12-06 09:07:17  　   　 　　戙豚论语·述而第七　　 　　 　　□子野专栏　　 　　 　　【原文】子曰：「天生德于予，桓魋其如予何！」
　　【译文】桓魋(国、粤语音同「颓」)，系宋国嘅司马，个名叫向魋，因为系宋桓公嘅后人，所以又叫做「桓魋」。
　　孔子话：「个天畀咗仁德畀我，桓魋吹得我涨咩！」
　　【戙豚】孔Sir为咗推销仁政，周游列国，加加埋埋十四年，同阿唐僧西游嘅时间差唔多。一个为咗传经，一个为咗取经，一路上，两人遇到嘅艰难险阻，亦都系有得一比。呢一章，讲嘅就系孔Sir周游过程之中嘅一次遇险。
　　《史记·孔子世家》入边关于呢件事系噉记载嘅：「孔子过宋，与弟子习礼大树下，桓魋伐其树，孔子去。弟子曰：可速矣。孔子曰：天生德于予，桓魋其如予何！」孔Sir周游列国经过宋国嘅时候，同佢嘅学生喺一樖大树底下实习礼仪。呢个时候，宋国司马桓魋就将樖树斩咗，威胁要杀咗佢哋，要孔Sir师生即刻躝尸趷路(滚蛋)。啲学生见到噉嘅情况，就同孔Sir话：我哋快啲扯喇！孔Sir就懒咁唔有型噉讲：个天畀咗仁德我，桓魋吹得我胀咩！
　　哗，真系「这次第，怎一个，‘勇’字了得」啊！我相信，孔Sir讲呢句说话嘅时候，肯定摆咗一个好Cool嘅Pose，直程可以同毛泽东当年喺最后一刻撤离延安相比啊！
　　但系，天下冇无缘无故嘅恨，桓魋点解咁憎阿孔Sir呢？原来，桓魋呢个人好奢侈o架（?），佢曾经动用咗好多工匠为自己建造一副石棺，嘥咗三年时间都未做完。孔Sir听讲呢件事，就闹佢：「咁嘥，早死早着喇！」桓魋听到咗，嬲到飞起。今次孔Sir嚟到佢地头，重要宣讲乜乜仁德，佢梗系冇咁好气喇，就谂住要杀咗孔Sir，先至可以解自己嘅心头之恨。
　　孔Sir呢个Pose，的确摆得好型。但系，讲完呢句说话，畀记者影咗相之后，孔Sir即刻就「微服而去」喇——礼服都唔敢着，便衣走佬，离开咗宋国，算系大难不死喇。佢如果真系以为「桓魋其如予何」，戙喺度唔走，历史会点改变我就唔知，呢一部《论语》，实会薄咗好多嘞，咔咔。(插图：老饼)　　 　　 　　【未经许可，本版图文不得转载】　　 　　 　　图：
　　点解桓魋要斩树嘅？点解阿Sir你又要走佬嘅？　　 　　 　　我谂系因为佢听咗我嘅教诲，所以决定改用木头做棺材，噉我咪功成身退啰！  

[ 本帖最後由 Anl 於 2007-12-8 00:09 編輯 ]

茗荷介 發表於 2007-12-7 12:58:40

Notes and Questions：
 
1. 只要有一粒星星　 
    可唔可以解釋下個「o敏」字？
 2. 同声同气
    估唔到連普通話都要正埋字，搞笑。改得好！<IMG alt="" src="http://bbs.cantonese.asia/images/smilies/default/tongue.gif" border=0 smilieid="7">
    ps：睇完篇嘢，覺得人情淡薄。
 
3. 港人讲嘢·黄子华栋笃笑
    「开厘」係咩意思？
 
4. 天生德于予
    (1)「躝尸趷路」是否就係正寫？
    (2) 哗，真系「这次第，怎一个，‘勇’字了得」啊！我相信，孔Sir讲呢句说话嘅时候，肯定摆咗一个好Cool嘅Pose，直情可以同毛泽东当年喺最后一刻撤离延安相比啊！
       應該用「直程」定係「直情」？

[ 本帖最後由茗荷介於 2007-12-7 13:07 編輯 ]

highyun 發表於 2007-12-7 14:08:37

係「一道門」，唔係「一度門」，原文係啱嘅。
 
應該係「直程」。

Anl 發表於 2007-12-7 23:08:41

原帖由 highyun 於 2007-12-7 14:08 發表 <A href="http://bbs.cantonese.asia/redirect.php?goto=findpost&pid=66524&ptid=8933" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 係「一道門」，唔係「一度門」，原文係啱嘅。   應該係「直程」。《香港粵語詞典》、《廣州話詞典》均用「一度門」。

Anl 發表於 2007-12-8 00:08:23

原帖由 茗荷介 於 2007-12-7 12:58 發表 <A href="http://bbs.cantonese.asia/redirect.php?goto=findpost&pid=66519&ptid=8933" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> Notes and Questions： 
1. 只要有一粒星星　 
    可唔可以解釋下個「o敏」字？
 2. 同声同气
    估唔到連普通話都要正埋字，搞笑。改得好！<IMG alt="" src="http://bbs.cantonese.asia/images/smilies/default/tongue.gif" border=0 smilieid="7">
    ps：睇完篇嘢，覺得人情淡薄。
 
3. 港人讲嘢·黄子华栋笃笑
    「开厘」係咩意思？
 
4. 天生德于予
    (1)「躝尸趷路」是否就係正寫？
    (2) 哗，真系「这次第，怎一个，‘勇’字了得」啊！我相信，孔Sir讲呢句说话嘅时候，肯定摆咗一个好Cool嘅Pose，直情可以同毛泽东当年喺最后一刻撤离延安相比啊！
       應該用「直程」定係「直情」？ 
答
1：現時爲止有字典係用「o敏」，unicode亦有收集此字，但本論壇不能顯示，詳見：<A href="http://www.unicode.org/cgi-bin/GetUnihanData.pl?codepoint=20F4A&useutf8=false">http://www.unicode.org/cgi-bin/GetUnihanData.pl?codepoint=20F4A&useutf8=false</A>
 
2：廣州人嘅人情已經變得好淡薄
 
3：「开厘」唔知，所以唔敢講啱定唔啱。
 
4：
 (1)「躝屍趷路」係正字
 (2)係「直程」，已更改。

頁: [1]

粵語協會's Archiver

２００７年１２月 ６号《南方都市报》

２００７年１２月６号《南方都市报》