２００７年１２月４号《南方都市报》

Anl 發表於 2007-12-4 22:57:18

针唔到肉又点知痛　    　 　　街坊话事　　 　　 　　Inzaggio　　 　　 　　阿锋：老友，近日有位建设部嘅一哥级人物喺接受媒体采访嗰阵话，我国嘅住房同房地产制度改革系好成功嘅改革；内地楼市有否存在泡沫，仲需要认真分析。
　　斌斌：哗，噉都得！
　　阿锋：有咩唔得啊？有记者唔生性问佢依家楼价系咪太贵，已经令到普罗大众买唔起，此公答得仲犀利。佢话如果依家啲屋冇人买嘞，记者嘅结论系啱嘅；不过仲系有人买喔，噉样呢个结论就好难讲嘞。
　　斌斌：呢位一哥讲啲嘢又几趣稚喔！系，依家高楼大厦越嚟越多，不过呢啲地产又系边个嘅呢？系属于普通百姓嘅咩？之前睇一个报告，话截至2006年底中国有成35万名富裕人士，拥有嘅财富总值去到1.7万亿美元。
　　阿锋：系啰，按呢个逻辑我哋就可以话其实我哋都几有米口架。仲有我哋有样嘢叻过人哋：中国富豪人数名列亚洲第一，而且房地产业嘅老总喺中国富豪榜里入面系大多数添。我谂佢哋实会觉得房地产制度改革系好成功嘅。
　　斌斌：所以做人，讲嘢都系负责任啲好。唔通依家楼价唔系走向全面泡沫化咩？唔通政府部门真系一啲责任都冇？唔通问题真系咁简单，咁易解决？其实自从呢位一哥2003年上任以嚟，啲楼价就好似火箭噉向上飙，大家都有眼睇到口架。
　　阿锋：或者有啲人对屋系唔需要自己担心，又唔使自己买。咪好似……
　　斌斌：哎呀，做咩攞嘢厾(音笃，刺、捅之意)我？
　　阿锋：呢啲咪叫做「针唔到肉唔知痛」啰！  
原文轉載自：<A href="http://www.nanfangdaily.com.cn/southnews/dd/dsb/B11/200712040468.asp">http://www.nanfangdaily.com.cn/southnews/dd/dsb/B11/200712040468.asp</A>

Anl 發表於 2007-12-4 23:03:43

针唔到肉又点知痛　    　 　　街坊话事　　 　　 　　Inzaggio　　 　　 　　阿锋：老友，近日有位建设部嘅一哥级人物喺接受媒体采访嗰阵话，我国嘅住房同房地产制度改革系好成功嘅改革；内地楼市有否存在泡沫，重需要认真分析。
　　斌斌：哗，噉都得！
　　阿锋：有咩唔得啊？有记者唔生性问佢依家楼价系咪太贵，已经令到普罗大众买唔起，此公答得重犀利。佢话如果依家啲屋冇人买嘞，记者嘅结论系啱嘅；不过重系有人买喎，噉样呢个结论就好难讲嘞。
　　斌斌：呢位一哥讲啲嘢又几趣稚喔！系，依家高楼大厦越嚟越多，不过呢啲地产又系边个嘅呢？系属于普通百姓嘅咩？之前睇一个报告，话截至2006年底中国有成35万名富裕人士，拥有嘅财富总值去到1.7万亿美元。
　　阿锋：系啰，按呢个逻辑我哋就可以话其实我哋都几有米o架（?）。重有我哋有样嘢叻过人哋：中国富豪人数名列亚洲第一，而且房地产业嘅老总喺中国富豪榜里入面系大多数添。我谂佢哋实会觉得房地产制度改革系好成功嘅。
　　斌斌：所以做人，讲嘢都系负责任啲好。唔通依家楼价唔系走向全面泡沫化咩？唔通政府部门真系一啲责任都冇？唔通问题真系咁简单，咁易解决？其实自从呢位一哥2003年上任以嚟，啲楼价就好似火箭噉向上飙，大家都有眼睇到o架（?）。
　　阿锋：或者有啲人对屋系唔需要自己担心，又唔使自己买。咪好似……
　　斌斌：哎呀，做咩攞嘢厾(音笃，刺、捅之意)我？
　　阿锋：呢啲咪叫做「针唔到肉唔知痛」啰！

Anl 發表於 2007-12-4 23:05:01

大排档三宝　    　 　　食在广州　　 　　 　　林德中　　 　　 　　时下广州嘅大排档已经日薄西山嘞。仲生存紧嘅已变得非驴非马，有如客运站门口嘅「南北莱馆」，难寻昔日正宗嘅本地风味咯。上世纪80年代系广州大排档嘅辉煌时期。记忆中印象最深、最受欢迎、最有代表性嘅系干炒牛河、鱼头煲、黃鳝煲呢三样嘢嘞！虽然都系寻常之物，但要做得好其实唔简单，好虾手势口架！
　　依家嘅沙河粉加咗料，一味够白、够韧，就乜水都「识」炒啦。相反，嗰时嘅沙河粉好食，但唔好睇，易断难炒；而「牛河」中嘅牛肉，从腌制技术到炒嘅火候，亦都相当重要——噉就「食到」师傅嘅手势啦！
　　鱼头煲嘅制作，系先将新鲜嘅大鱼头开边，用盐稍腌之后黏上蛋汁，再拍上薄生粉炸过，炸嘅火候、时间要掌握分寸，先至外脆内滑口架(近日喺某食肆食过一次：外焦内干，惨不忍食)；然后放入预先烧红嘅、内有炸过嘅支竹、蒜蓉，仲有冬菇丝、姜葱等调料嘅沙煲再焗片刻……送酒一流啦。
　　而黃鳝煲嘅黃鳝一定要即劏即整口架。连骨切段，先「飞飞」水除去啲「潺」，再猛火起镬爆香，倒入预先烧红嘅、有其他副料嘅沙煲焗熟，其间揭盖一两次，用筷子翻动，要均匀，时间要掌握得准，一过熟就「鞋口」，风味就大失啦……值得一提嘅系，依家好多食肆用铁煲代替沙煲——如此一来风味又再打折扣啦。  
 
原文轉載自：<A href="http://www.nanfangdaily.com.cn/southnews/dd/dsb/B11/200712040467.asp">http://www.nanfangdaily.com.cn/southnews/dd/dsb/B11/200712040467.asp</A>

Anl 發表於 2007-12-4 23:11:42

大牌档三宝　     　 　　食在广州　　 　　 　　林德中　　 　　 　　时下广州嘅大牌档已经日薄西山嘞。重生存紧嘅已变得非驴非马，有如客运站门口嘅「南北莱馆」，难寻昔日正宗嘅本地风味咯。上世纪80年代系广州大牌档嘅辉煌时期。记忆中印象最深、最受欢迎、最有代表性嘅系干炒牛河、鱼头煲、黃鳝煲呢三样嘢嘞！虽然都系寻常之物，但要做得好其实唔简单，好虾手势o架（?）！
　　依家嘅沙河粉加咗料，一味够白、够韧，就乜谁（此字要變調讀水）都「识」炒啦。相反，嗰时嘅沙河粉好食，但唔好睇，易断难炒；而「牛河」中嘅牛肉，从腌制技术到炒嘅火候，亦都相当重要——噉就「食到」师傅嘅手势啦！
　　鱼头煲嘅制作，系先将新鲜嘅大鱼头开边，用盐稍腌之后黏上蛋汁，再拍上薄生粉炸过，炸嘅火候、时间要掌握分寸，先至外脆内滑o架（?）(近日喺某食肆食过一次：外焦内干，惨不忍食)；然后放入预先烧红嘅、内有炸过嘅支竹、蒜蓉，重有冬菇丝、姜葱等调料嘅砂煲再焗片刻……送酒一流啦。
　　而黃鳝煲嘅黃鳝一定要即劏即整o架（?）。连骨切段，先「飞飞」水除去啲「潺」，再猛火起镬爆香，倒入预先烧红嘅、有其它副料嘅砂煲焗熟，其间揭盖一两次，用筷子翻动，要均匀，时间要掌握得准，一过熟就「嚡口」，风味就大失啦……值得一提嘅系，依家好多食肆用铁煲代替砂煲——如此一来风味又再打折扣啦。  

[ 本帖最後由 Anl 於 2007-12-7 00:15 編輯 ]

Anl 發表於 2007-12-4 23:12:37

奸人语录(一)　     　 　　粤讲粤白　　 　　 　　粤语协会Ungoo　Chan　　 　　 　　近期电视啱啱播完剧集《奸人坚》，剧中饰演奸人嘅栋笃笑始祖黄子华越奸越得观众中意，可谓「奸出新意思」。《奸人坚》延续咗《男亲女爱》嘅风格，全程妙语连篇。今期开始重温其中嘅「奸人语录」：
　　真系有型，天生硬朗无情，几多好汉为美人，冇财又冇丁①。
　　有恩不报未算差，有仇不报正傻瓜。
　　以和为贵，迟早乞米②；三十六着，恃强凌弱。
　　损人必利己，打赢靠暗器；损人不利己，不如跳井死。
　　我浪子美男计上计，打孖噉上，有边个女人唔死喺我手上。
　　一件污，两件秽，三件冇所谓。
　　女人就系咁简单，佢中意你你放笃屁，佢话你好有男人味。
　　人财两得，唔使咸湿。
　　系，我系奸人坚，但我奸得堂堂正正，光明磊落，我行得奸，企得奸！
　　猫捉老鼠，只老鼠死咗，噉只猫玩乜啫？我要慢慢玩残你。
　　你依家受我一拜，你就系一代宗师，你依家唔受，你就系一个乞嚏。
　　注解：
　　①：「丁」系指人，「冇财又冇丁」，即人财两空！
　　②：米系主要粮食，因此「乞食」广州话又叫「乞米」。  
 
原文轉載自：<A href="http://www.nanfangdaily.com.cn/southnews/dd/dsb/B11/200712040466.asp">http://www.nanfangdaily.com.cn/southnews/dd/dsb/B11/200712040466.asp</A>

Anl 發表於 2007-12-4 23:17:48

奸人语录(一)　    　 　　粤讲粤白　　 　　 　　粤语协会Ungoo　Chan　　 　　 　　近期电视啱啱播完剧集《奸人坚》，剧中饰演奸人嘅戙豚笑始祖黄子华越奸越得观众钟意，可谓「奸出新意思」。《奸人坚》延续咗《男亲女爱》嘅风格，全程妙语连篇。今期开始重温其中嘅「奸人语录」：
　　真系有型，天生硬朗无情，几多好汉为美人，冇财又冇丁①。
　　有恩不报未算差，有仇不报正傻瓜。
　　以和为贵，迟早乞米②；三十六着，恃强凌弱。
　　损人必利己，打赢靠暗器；损人不利己，不如跳井死。
　　我浪子美男计上计，打孖噉上，有边个女人唔死喺我手上。
　　一件污，两件秽，三件冇所谓。
　　女人就系咁简单，佢钟意你，你放笃屁，佢话你好有男人味。
　　人财两得，唔使咸湿。
　　系，我系奸人坚，但我奸得堂堂正正，光明磊落，我行得奸，企得奸！
　　猫捉老鼠，只老鼠死咗，噉只猫玩乜啫？我要慢慢玩残你。
　　你依家受我一拜，你就系一代宗师，你依家唔受，你就系一个乞嗤。
　　注解：
　　①：「丁」系指人，「冇财又冇丁」，即人财两空！
　　②：米系主要粮食，因此「乞食」广州话又叫「乞米」。  

[ 本帖最後由 Anl 於 2007-12-6 00:30 編輯 ]

Anl 發表於 2007-12-4 23:19:02

广州播客第194期　     　 　　同声同气　　 　　 　　阿展专栏　　 　　 　　1.做乜咁大声同阿妈讲嘢啊，作死啊？呢排成日发懵憎，都唔知系咪生积，要畀啲屎虫干你食下先得嘞。(干嘛这么大声跟老妈说话，找死呀？近来老发脾气，都不知是不是生疳积，看来要给些屎虫干你吃才行了。)
　　——一个师奶接仔放学，路上这样训斥他。
　　2.拎个电水煲去整，佢话要35蚊零件费再加18蚊维修费，买番个新煲先39蚊，你话系咪「妹仔大过主人婆」喇？(拿个电水煲去修理，说要35元零件费再加18元维修费，买一个新煲才39元，你说是不是划不来？)
　　——一位街坊向邻居抱怨。
　　3.对住只老虎可以几个钟都唔喐，又话畀支枪佢就打只老虎畀你睇，讲到只老虎好似佢屋企养咁，夸张啲啩！(对着只老虎可以几个钟不动，又说给他枪就打只老虎给你看，就像那老虎是他们家养的，太夸张了吧。)
　　——某茶客评论华南虎事件。  
 
本文轉載自：<A href="http://www.nanfangdaily.com.cn/southnews/dd/dsb/B11/200712040465.asp">http://www.nanfangdaily.com.cn/southnews/dd/dsb/B11/200712040465.asp</A>

[ 本帖最後由 Anl 於 2007-12-4 23:24 編輯 ]

Anl 發表於 2007-12-4 23:23:47

广州播客第194期　     　 　　同声同气　　 　　 　　阿展专栏　　 　　 　　1.做乜咁大声同阿妈讲嘢啊，作死啊？呢排成日发?（目+孟）盯，都唔知系咪生癪，要畀啲屎虫干你食吓先得嘞。(干嘛这么大声跟老妈说话，找死呀？近来老发脾气，都不知是不是生疳癪，看来要给些屎虫干你吃才行了。)
　　——一个师奶接仔放学，路上这样训斥他。
　　2.拎个电水煲去整，佢话要35文零件费再加18文维修费，买番个新煲先39文，你话系咪「妹仔大过主人婆」嘞？(拿个电水煲去修理，说要35元零件费再加18元维修费，买一个新煲才39元，你说是不是划不来？)
　　——一位街坊向邻居抱怨。
　　3.对住只老虎可以几个钟都唔喐，又话畀支枪佢就打只老虎畀你睇，讲到只老虎好似佢屋企养咁，夸张啲啩！(对着只老虎可以几个钟不动，又说给他枪就打只老虎给你看，就像那老虎是他们家养的，太夸张了吧。)
　　——某茶客评论华南虎事件。

Anl 發表於 2007-12-4 23:25:43

7·20　子不语　     　 　　栋笃论语·述而第七　　 　　 　　子野专栏　　 　　 　　【原文】子不语怪、力、乱、神。
　　【译文】孔子唔讲怪异、勇力、作乱、神鬼呢啲嘢。
　　【栋笃】呢两年国内嘅书市，边种类型嘅书卖得最火？以易中天、于丹为代表嘅「百家讲坛」系列？No，系以《诛仙》系列为代表嘅「玄幻小说」同埋以《鬼吹灯》为代表嘅「盗墓小说」。喺世界图书市场，《哈6》英文版一起印就系吓死人嘅1600万册，而《魔戒三部曲》嘅系列喺全球销量近亿，翻译成近40种语言，仅次于《圣经》……
　　呢啲最好卖嘅书，有咩共同点？概括起嚟就四个字：怪、力、乱、神。
　　再讲电影。第啲唔讲，呢几年嚟，国内电影票房最高嘅系：1.《英雄》，2.5亿；2.《无极》，1.8亿；3.《功夫》，1.55亿。其中，《英雄》嘅主题系「力、乱」；《功夫》系「怪、力、乱」；《无极》就「怪、力、乱、神」冚棒唥齐晒。
　　书本、电影，系人类文化艺术入边最有普遍性嘅领域。喺呢两个领域入边，「怪、力、乱、神」嘅大热，讲明啲乜？仲系钱穆讲得啱，「此四者人所爱言」——既然系「人所爱言」，当然亦都系「人所爱看」。人类嘅好奇心，左右咗市场嘅走向。
　　噉点解「人所爱言」，偏偏孔Sir就「不语」呢？唔通孔Sir唔系人？罪过罪过，孔Sir梗系人，只不过佢唔系普通人，系「圣人」。朱熹讲咗喇，怪、力、乱，「非理之正」，所以圣人唔讲；鬼神呢味嘢，好似镇坪嘅华南虎噉，究竟有冇，好难讲得清楚，孔圣人嘅态度，就系「敬而远之」，最多讲一声「鬼神嘅真假唔重要，保护祭祀礼仪先至系最重要口架」。
　　噉圣人讲啲乜啊？嗱，圣人唔讲怪，就讲「常」；唔讲力，就讲「德」；唔讲乱，就讲「治」；唔讲神，就讲「人」。即系话，常、德、治、人先至系「主旋律」，怪、力、乱、神，系「不和谐音符」，最好粒声都唔出。 
 
 
本文轉載自：<A href="http://www.nanfangdaily.com.cn/southnews/dd/dsb/B11/200712040464.asp">http://www.nanfangdaily.com.cn/southnews/dd/dsb/B11/200712040464.asp</A>

Anl 發表於 2007-12-4 23:31:19

7·20　子不语　    　 　　戙豚论语·述而第七　　 　　 　　子野专栏　　 　　 　　【原文】子不语怪、力、乱、神。
　　【译文】孔子唔讲怪异、勇力、作乱、神鬼呢啲嘢。
　　【戙豚】呢两年国内嘅书市，边种类型嘅书卖得最火？以易中天、于丹为代表嘅「百家讲坛」系列？No，系以《诛仙》系列为代表嘅「玄幻小说」同埋以《鬼吹灯》为代表嘅「盗墓小说」。喺世界图书市场，《哈6》英文版一起印就系吓死人嘅1600万册，而《魔戒三部曲》嘅系列喺全球销量近亿，翻译成近40种语言，仅次于《圣经》……
　　呢啲最好卖嘅书，有咩共同点？概括起嚟就四个字：怪、力、乱、神。
　　再讲电影。第啲唔讲，呢几年嚟，国内电影票房最高嘅系：1.《英雄》，2.5亿；2.《无极》，1.8亿；3.《功夫》，1.55亿。其中，《英雄》嘅主题系「力、乱」；《功夫》系「怪、力、乱」；《无极》就「怪、力、乱、神」冚o棒唥齐晒。
　　书本、电影，系人类文化艺术入边最有普遍性嘅领域。喺呢两个领域入边，「怪、力、乱、神」嘅大热，讲明啲乜？仲系钱穆讲得啱，「此四者人所爱言」——既然系「人所爱言」，当然亦都系「人所爱看」。人类嘅好奇心，左右咗市场嘅走向。
　　噉点解「人所爱言」，偏偏孔Sir就「不语」呢？唔通孔Sir唔系人？罪过罪过，孔Sir梗系人，只不过佢唔系普通人，系「圣人」。朱熹讲咗喇，怪、力、乱，「非理之正」，所以圣人唔讲；鬼神呢味嘢，好似镇坪嘅华南虎噉，究竟有冇，好难讲得清楚，孔圣人嘅态度，就系「敬而远之」，最多讲一声「鬼神嘅真假唔重要，保护祭祀礼仪先至系最重要o架（?）」。
　　噉圣人讲啲乜啊？嗱，圣人唔讲怪，就讲「常」；唔讲力，就讲「德」；唔讲乱，就讲「治」；唔讲神，就讲「人」。即系话，常、德、治、人先至系「主旋律」，怪、力、乱、神，系「不和谐音符」，最好粒声都唔出。 


[ 本帖最後由 Anl 於 2007-12-6 00:33 編輯 ]

highyun 發表於 2007-12-4 23:50:24

從前，有一個人不斷糾正人「中意」唔啱，「鍾意」先啱，但佢自己寫嗰篇稿畀人將全部「鍾意」改晒「中意」先出街。。。。。
 
今次隻死貓真係食得應！

huang 發表於 2007-12-5 00:00:11

原帖由 Anl 於 2007-12-4 23:17 發表 <A href="http://bbs.cantonese.asia/redirect.php?goto=findpost&pid=66220&ptid=8905" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 奸人语录(一)　   　　　粤讲粤白　　　　　　粤语协会Ungoo　Chan　　　　　　近期电视啱啱播完剧集《奸人坚》，剧中饰演奸人嘅栋笃笑始祖黄子华越奸越得观众钟意，可谓「奸出新意思」。《奸人坚》延续咗《 ... 
 
關於呢輯電視劇我都記錄咗啲鬼馬嘅，唔知有冇用？
第一集 有恩不報唔算差，有仇不報正人渣！ 跟堅哥，著數多！ 以和為貴，遲早乞米！ 三十六著，恃強淩弱！ 唱歌：真係有型，天生硬朗無情！幾多好漢為美人，冇財又冇丁. 真係抽刀斷水水更流，堅哥你吟詩吖，  唔通蟲啊？吟！ 烏哩馬「cha叉」。 歡喜 正所謂：佛祖都要交保護費，堅哥堅過玉王大帝。 心地好  我可唔可以家下就「中」你兩嘢。 
 好得咁交關 食到舔舔（羅an）脷 廣東十虎黃麒英據稱最勁， 畀我打到要喊驚冇晒男丁。 練武不練功，到老一場空。 拆你祖墳，揻你個腎！ 第二集： 损人必利已，打赢靠暗器。呢个世界係噉 ?  嘞，下话（係唔係吖） 有乜嘢「衫长裤短」 今晚食乜餸呀，淘茶茶又凍！ 第四集 惡人自有惡磨！ 做得奸人就預咗畀人奸，一奸死一奸鳴，天理循環。 有咁耐風流，有咁耐折墮! 黃師傅咁坐蕩吖！ 唔怕你精唔怕你呆，最怕你唔來！ 第五集
人財兩得唔使鹹濕! 損人不利己，不如跳井死！ 正所謂你間有情，你未死我就送你一程！ 女人超過六十斤，男女受受不親！ 棄我去者，昨日之日不可留 亂我心者，昨日之日多煩憂 真牙妒忌假牙人，聞所未聞！
 
 
 
係，我係奸人堅，但我奸得堂堂正正，光明磊落，我行得奸，企得奸！
寶芝林好咸濕,偷底褲暖笠笠,寶芝林鬼腳七.......
得閒奸一奸，大病都好番。
 
一條死魚掉番落海，咁佢始終係一條死魚?嘛，點解你唔接受
自己係一條死魚呢？ 人地扮靚係越扮越靚，唔係越扮越攞命吖嘛！一篤牛屎插朵花
，始終都係一篤牛屎，你明唔明呀？
女人唔係雞屎鴨屎，就係豬屎啦，我話你牛屎，講緊你係最高
級喎。
 
古語有云：野可以亂食，禮物唔可以唔收。
話之你係一代忠師,定係一代粉絲。
有人睇到就黃飛鴻，冇人睇到就一條蟲。
唔好愛上一個做大事嘅人。
 
通天干探：
牛肉炒韭菜各有心裡愛
一啖砂糖一啖屎
扮豬食老虎
一「蟹」不如一「蟹」！（一代不如一代？）
冇行
一啖沙糖一啖屎！
失魂魚
為自己嘅幸福著想，一於靠搶！
無風無險唔怕畀人點！
鱷魚頭，老襯底！
髹（油）墙
飲杯茶就冇問題，不過你唔係我嗰杯茶（對象）
嗒塘
引狼狗咬心口
唔使諗到發ta腯，我幫你登報搵人！
千年道行一朝喪
 

[ 本帖最後由 huang 於 2007-12-5 12:22 編輯 ]

Lucciora 發表於 2007-12-5 03:14:15

「中意」，係佬頭將「鍾意」改咗個字，正如我哋「埋單」，佢哋就改成「買單」

頁: [1]

粵語協會's Archiver

２００７年１２月 ４号《南方都市报》

２００７年１２月４号《南方都市报》