２００７年１１月２１号《南方都市报》

卢总發表於 2007-11-22 15:22:24

电视机背后嘅奋斗人生
 
　　广州旧影　　 　　 　　□冯璐赟专栏　　 　　 　　照片提供：袁秀莲 　　拍摄地点：自家屋企 　　拍摄时间：1978年 　　我哋以前住喺白鹤洞，单位宿舍嚟嘅，四层，成栋楼好多间，嗰阵时好旧，呢栋楼依家仲喺度。呢张相系我哋屋企里面嚟，台电视机望落就好扬眼嘞。有一块胶黏系表面，起过滤辐射作用嘅。1978年左右呢个时候，有电视机嘅人系唔多口架。依家望落去好旧、好老土，当其时系好新鲜嘅一件事。虽然一部电视机唔系话好贵，但系亦唔系大多数人能够买得起。 　　其实我哋屋企好穷下嘅咋，但系每个人都好勤力揾钱。因为我哋都可以讲系好有骨气嘅人，唔想畀人睇唔起，人哋有啲乜嘢，我哋都希望有。所以，大家都好努力去做嘢、赚钱。呢部电视机，系我哋几兄弟姊妹夹钱买嘅。 　　我哋一共五兄弟姊妹，我有两个大佬，一个细妹，一个细佬。「文革」嘅时候，一般一个家庭可留一个人喺城嘅，噉我大佬就留低。我同我二哥都经过下乡，我系1975年去农村，后尾1977广州市缝纫机厂招工返嚟嘅。以前系劳动局畀名额，畀咗边间厂就边间厂去找人。我当时知道嗰批可以回城嘅时候，我系谂住让我哥哥返嚟先嘅，因为我系女仔，又仲细个，谂住以后仲有机会，不如畀我哥哥返嚟先啦。我落户嗰个户主个大女，就喺知情办度做嘢嘅，佢就叫我返去。因为县知情办同市劳动局有沟通，佢知道一啲消息，话下一批要招男嘅，招公安，就叫我返去先，公安嗰阵时应该唔招女仔嘅，所以呢一批可以返就返先嘞。然之后，我话噉好啦，就返咗嚟广州缝纫机厂。我走咗之后半年，真系过去招公安，所以我哥哥就迟过我半年返嚟。 　　爸爸嗰阵时喺公路局，百零蚊一个月左近。我妈妈以前喺广钢嘅，74年开机嘅时候整亲手指，工伤退休，之后就冇做嘢，照顾我哋几兄弟姊妹。妈妈个岗位就由细妹嚟顶嘞。屋企收入其实唔系好高，变咗我哋几兄弟姊妹就好努力去揾钱返嚟照顾呢头家噉啰。 　　喺人哋眼里面，我哋全家人都喺广州有份工，全部都系「阿爷工」，生活比较安定。家庭条件，人哋睇落属于比较好。电视机、音响(半导体收音机)呢啲嘢都有。但系，自己嘅嘢自己清楚，呢啲嘢系我哋辛辛苦苦去争取口架。好似我噉，三年学徒期，啱啱开始嘅工资系12蚊、第二年系24蚊，之后返嚟广州，第一年系升到36，做咗几个月之后，转正就计件嘞。计件，多劳多得，做咗嘢就有钱，噉你咪要自己去搏啰。计件嘅话，嗰阵时后生女，有气有力梗系做多啲口架嘞，所以我哋嗰时好勤力去揾钱，开三班，十九岁都未够，咁细个就开三班做工人嘞。三班轮换制，日班同中班都系8个钟头，夜班就6个钟，好辛苦下嘅。不过嗰时成日会谂屋企，想屋企过得好啲，我又系大女，嫁人唔使几多钱，所以我系谂住先揾钱帮头家，要帮我两个哥哥成家。几兄弟姊妹夹份买电视机，整得屋企「试试正正」。以前啲人相睇啊咩嘢，都要嚟屋企睇过，觉得唔错先有下文，先至讲结婚口架。噉我哋屋企有部电视机嘞，人哋望落整整齐齐，屋企人工作又稳定，噉先话唔错啊。嗰阵时屋企冇钱乜滞，我就要储钱资助我哥哥。至于自己啲嫁妆，自己再储过啰。 　　嗰个年代部电视机系好紧要，门面嚟嘅。一步一步嘅努力，我哋都系为咗屋企人嘅人生顺利一啲，生活舒服一啲。唔可以话「三大件」净系生活水平嘅象征，佢亦都体现普通人踏踏实实通过勤力劳动嚟过日子嘅辛苦同实在。 
 
<A href="http://www.nanfangdaily.com.cn/southnews/dd/dsb/B12/200711210247.asp">http://www.nanfangdaily.com.cn/southnews/dd/dsb/B12/200711210247.asp</A>

卢总發表於 2007-11-22 15:34:03

我哋以前住喺白鹤洞，单位宿舍嚟嘅，四层，成栋楼好多间，嗰阵时好旧，呢栋楼依家重喺度。呢张相系我哋屋企里面嚟，台（Ｘ，部）电视机望落就好扬眼嘞。有一块胶黏喺表面，起过滤辐射作用嘅。1978年左右呢个时候，有电视机嘅人系唔多ロ架。依家望落去好旧、好老土，当其时系好新鲜嘅一件事。虽然一部电视机唔系话好贵，但系亦唔系大多数人能够买得起。［电视机系一部部嘅，唔系一台台嘅！］ 　　其实我哋屋企好穷下咖咋，但系每个人都好勤力揾钱。因为我哋都可以讲系好有骨气嘅人，唔想畀人睇唔起，人哋有啲乜嘢，我哋都希望有。所以，大家都好努力去做嘢、赚钱。呢部电视机，系我哋几兄弟姊妹夹钱买嘅。 　　我哋一共五兄弟姊妹，我有两个大佬，一个细妹，一个细佬。「文革」嘅时候，一般一个家庭可留一个人喺城嘅，噉我大佬就留低。我同我二哥都经过下乡，我系1975年去农村，后尾1977广州市缝纫机厂招工返嚟嘅。以前系劳动局畀名额，畀咗边间厂就边间厂去揾人。我当时知道嗰批可以回城嘅时候，我系谂住让我哥哥返嚟先嘅，因为我系女仔，又重细个，谂住以后重有机会，不如畀我哥哥返嚟先啦。我落户嗰个户主个大女，就喺知青办度做嘢嘅，佢就叫我返去。因为县知青办同市劳动局有沟通，佢知道一啲消息，话下一批要招男嘅，招公安，就叫我返去先，公安嗰阵时应该唔招女仔嘅，所以呢一批可以返就返先嘞。然之后，我话噉好啦，就返咗嚟广州缝纫机厂。我走咗之后半年，真系过去招公安，所以我哥哥就迟过我半年返嚟。 　　爸爸嗰阵时喺公路局，百零蚊一个月左近。我妈妈以前喺广钢嘅，74年开机嘅时候整亲手指，工伤退休，之后就冇做嘢，照顾我哋几兄弟姊妹。妈妈个岗位就由细妹嚟顶嘞。屋企收入其实唔系好高，变咗我哋几兄弟姊妹就好努力去揾钱返嚟照顾呢头家噉啰。 　　喺人哋眼里面，我哋全家人都喺广州有份工，全部都系「阿爷工」，生活比较安定。家庭条件，人哋睇落属于比较好。电视机、音响(半导体收音机)呢啲嘢都有。但系，自己嘅嘢自己清楚，呢啲嘢系我哋辛辛苦苦去争取ロ架。好似我噉，三年学徒期，啱啱开始嘅工资系12文、第二年系24文，之后返嚟广州，第一年系升到36，做咗几个月之后，转正就计件嘞。计件，多劳多得，做咗嘢就有钱，噉你咪要自己去搏啰。计件嘅话，嗰阵时后生女，有气有力梗系做多啲ロ架嘞，所以我哋嗰时好勤力去揾钱，开三班，十九岁都未够，咁细个就开三班做工人嘞。三班轮换制，日班同中班都系8个钟头，夜班就6个钟，好辛苦下嘅。不过嗰时成日会谂屋企，想屋企过得好啲，我又系大女，嫁人唔使几多钱，所以我系谂住先揾钱帮头家，要帮我两个哥哥成家。几兄弟姊妹夹份买电视机，整得屋企「四四正正」。以前啲人相睇啊咩嘢，都要嚟屋企睇过，觉得唔错先有下文，先至讲结婚ロ架。噉我哋屋企有部电视机嘞，人哋望落整整齐齐，屋企人工作又稳定，噉先话唔错啊。嗰阵时屋企冇钱乜滞，我就要储钱资助我哥哥。至于自己啲嫁妆，自己再储过啰。 　　嗰个年代部电视机系好紧要，门面嚟嘅。一步一步嘅努力，我哋都系为咗屋企人嘅人生顺利一啲，生活舒服一啲。唔可以话「三大件」净系生活水平嘅象征，佢亦都体现普通人踏踏实实通过勤力劳动嚟过日子嘅辛苦同实在。

卢总發表於 2007-11-22 15:36:27

有样学样

例汤正　　 　　 　　□　老饼专栏　　 　　 　　今日汤料：话说广州的毛猪货源再次紧张，导致市面已稳定3月有余的猪肉零售价再次攀升1元／斤，与今年出现的猪肉最高价持平。对于广州毛猪货源减少，有一种说法是，外地猪运来广州无利可图；另一种说法则是，全国猪源正在继续减少。　　 　　新闻背景：《南方都市报》2007年11月20日A35版《毛猪货源减半　肉价又涨》　　 
 　　今日啲猪肉又贵咗嘞！听讲系因为生猪产量减少，货源紧缺。　　 　　 　　噉落去唔系路口架啵！一定要谂办法促进猪嘅繁育，引起社会对猪嘅关注，再争取财政拨款……　　 　　 　　OK，我PS咗一张华南猪照。 
 
<A href="http://www.nanfangdaily.com.cn/southnews/dd/dsb/B12/200711210251.asp">http://www.nanfangdaily.com.cn/southnews/dd/dsb/B12/200711210251.asp</A>

卢总發表於 2007-11-22 15:38:06

今日啲猪肉又贵咗嘞！听讲系因为生猪产量减少，货源紧缺。　　 　　 　　噉落去唔系路ロ架噃！一定要谂办法促进猪嘅繁育，引起社会对猪嘅关注，再争取财政拨款……　　 　　 　　OK，我PS咗一张华南猪照。

卢总發表於 2007-11-22 15:39:08

7·13　乐不知肉　

栋笃论语·述而第七　　 　　 　　□子野专栏　　 　　 　　【原文】子在齐闻韶，三月不知肉味，曰：「不图为乐之至于斯也。」 　　【译文】孔子喺齐国听到咗韶乐，连续三个月食肉都唔知咩味。佢话：「估唔到音乐竟然有咁大嘅魅力。」 　　【栋笃】话说三国时候，司马昭灭蜀，将后主刘禅(阿斗)同埋一班大臣捉咗去洛阳。喺一次宴会之中，司马昭叫啲蜀人演奏蜀乐，蜀国嘅官员听完都喺度喊，惟有阿斗一样咁开心。司马昭就问佢：「颇思蜀否？」你系咪好怀念自己嘅国家啊？阿斗就嘻嘻哈哈噉话：「此间乐，不思蜀。」呢度好开心啊，我点会怀念自己嘅国家呢？ 　　呢个，就系成语「乐不思蜀」嘅来源。呢个成语，用嚟形容嗰啲乐而忘返或乐而忘本、冇故国故土嘅感情嘅人，系最啱不过喇。 　　孔Sir去齐国，系因为鲁国内乱，鲁昭公着草去到齐国，佢唔愿意留喺国内同啲「乱臣贼子」喺埋一齐，所以就跟埋去。当然喇，春秋时期，表面上嚟讲，天下仲系周天子嘅天下，诸侯国同诸侯国之间，「国家」嘅观念，同三国时期系唔一样嘅，同时，鲁昭公亦都唔系畀齐国捉咗去，而系自己投奔过去嘅。但系，话之边种情况，跟埋自己嘅国君走佬去到人哋嘅国家，讲句唔好听嘅说话，都系同丧家之犬差唔多口架。就喺呢种情况底下，孔Sir喺齐国听到美妙嘅韶乐，竟然「乐不知肉」喇。既然连肉都唔知咩味，噉佢记唔记得鲁国仲喺内乱之中呢？ 　　韶乐，相传系舜帝时候嘅乐曲。喺《论语》中，孔Sir仲有一次提到韶乐(八佾第三)，佢用咗「尽善尽美」嚟形容。《史记》入边讲到呢件事，喺「三月」之前仲有「学之」两个字，即系话，孔Sir喺齐国唔单止听，仲学咗三个月，喺呢段期间，佢全身心投入，完全畀音乐嘅美妙吸引住，食肉都唔知咩味。 　　攞孔Sir同阿斗进行类比，可能好多人会好嬲。系，我亦都知，喺孔Sir心目中，乐同礼，一样咁重要，而且，音乐喺陶冶性情、提高人嘅素质方面，发挥嘅作用更加大，佢嘅好学精神，亦都系冇得顶口架，噉样佢嘅「乐不知肉」先至会传为美谈吖嘛。但系，如果我话阿斗亦都系畀音乐嘅魅力感动，仲用咗历史发展嘅眼光嚟睇魏灭蜀嘅问题，认为「分久必合」系一种历史规律，「丧国之痛」只系「小我」，「天下一统」先至系「大我」，所以佢先至会「乐不思蜀」，噉你同唔同意呢？ 
 
<A href="http://www.nanfangdaily.com.cn/southnews/dd/dsb/B12/200711210248.asp">http://www.nanfangdaily.com.cn/southnews/dd/dsb/B12/200711210248.asp</A>

卢总發表於 2007-11-22 15:43:55

【原文】子在齐闻韶，三月不知肉味，曰：「不图为乐之至于斯也。」 　　【译文】孔子喺齐国听到咗韶乐，连续三个月食肉都唔知咩味。佢话：「估唔到音乐竟然有咁大嘅魅力。」 　　【栋笃】话说三国时候，司马昭灭蜀，将后主刘禅(阿斗)同埋一班大臣捉咗去洛阳。喺一次宴会之中，司马昭叫啲蜀人演奏蜀乐，蜀国嘅官员听完都喺度喊，惟有阿斗一样咁开心。司马昭就问佢：「颇思蜀否？」你系咪好怀念自己嘅国家啊？阿斗就嘻嘻哈哈噉话：「此间乐，不思蜀。」呢度好开心啊，我点会怀念自己嘅国家呢？ 　　呢个，就系成语「乐不思蜀」嘅来源。呢个成语，用嚟形容嗰啲乐而忘返或乐而忘本、冇故国故土嘅感情嘅人，系最啱不过喇。 　　孔Sir去齐国，系因为鲁国内乱，鲁昭公着草去到齐国，佢唔愿意留喺国内同啲「乱臣贼子」喺埋一齐，所以就跟埋去。当然喇，春秋时期，表面上嚟讲，天下重系周天子嘅天下，诸侯国同诸侯国之间，「国家」嘅观念，同三国时期系唔一样嘅，同时，鲁昭公亦都唔系畀齐国捉咗去，而系自己投奔过去嘅。但系，话之边种情况，跟埋自己嘅国君走佬去到人哋嘅国家，讲句唔好听嘅说话，都系同丧家之犬差唔多ロ架。就喺呢种情况底下，孔Sir喺齐国听到美妙嘅韶乐，竟然「乐不知肉」喇。既然连肉都唔知咩味，噉佢记唔记得鲁国重喺内乱之中呢？ 　　韶乐，相传系舜帝时候嘅乐曲。喺《论语》中，孔Sir重有一次提到韶乐(八佾第三)，佢用咗「尽善尽美」嚟形容。《史记》入边讲到呢件事，喺「三月」之前重有「学之」两个字，即系话，孔Sir喺齐国唔单止听，重学咗三个月，喺呢段期间，佢全身心投入，完全畀音乐嘅美妙吸引住，食肉都唔知咩味。 　　攞孔Sir同阿斗进行类比，可能好多人会好嬲。系，我亦都知，喺孔Sir心目中，乐同礼，一样咁重要，而且，音乐喺陶冶性情、提高人嘅素质方面，发挥嘅作用更加大，佢嘅好学精神，亦都系冇得顶ロ架，噉样佢嘅「乐不知肉」先至会传为美谈吖嘛。但系，如果我话阿斗亦都系畀音乐嘅魅力感动，重用咗历史发展嘅眼光嚟睇魏灭蜀嘅问题，认为「分久必合」系一种历史规律，「丧国之痛」只系「小我」，「天下一统」先至系「大我」，所以佢先至会「乐不思蜀」，噉你同唔同意呢？

卢总發表於 2007-11-22 15:47:42

广州播客第187期

同声同气　　 　　 　　□阿展专栏　　 　　 　　1.野生水鱼同饲养水鱼差价好大，明码实价就冇问题，如果有人混水摸鱼，咁就好易畀人「揿水鱼」。(野生水鱼同饲养水鱼差价很大，明码实价就没问题，如果有人混水摸鱼，就很容易受骗。) 　　——《活在广州》节目介绍如何辨别野生水鱼与饲养水鱼，欣姐这样提醒大家。 　　2.甲：几大都要食多餐烧鹅先走啦。(无论如何都要多吃一餐烧鹅再走。) 　　乙：加拿大冇烧鹅食咩？(加拿大没有烧鹅吃吗？) 　　甲：有就有，不过最弊嗰啲烧鹅就系屎塔煲粥——唔同咗味道呢。(有就有，不过就是味道已不同了。) 　　——江南大道一酒楼，一班食客在高谈阔论。 　　3.游客：请问北京路怎么走？ 　　街坊：呢度咪系北京路囉！(这里就是北京路了。) 　　——北京路步行街，一个游客用普通话向一个街坊问路，街坊用广州话回答。对普通话，许多老一辈广州人会听不会说。 　　4.呢次真系老猫烧须嘞，一时睇漏眼，畀你执只死鸡添。(这回真是阴沟里翻船，一时看漏眼，让你捡了个大便宜。) 　　——小区休闲区，一个下棋的街坊一招不慎，丢失一子，懊悔不已。 　　5.迟啲(过段时间)北风起，寒流到，我包你想见只流浪狗都难。」 　　——有人抱怨现在周街都是恶狗，遍地都是狗屎，一个街坊对他这样说。 
 
 
<A href="http://www.nanfangdaily.com.cn/southnews/dd/dsb/B12/200711210249.asp">http://www.nanfangdaily.com.cn/southnews/dd/dsb/B12/200711210249.asp</A>

卢总發表於 2007-11-22 15:49:45

1.野生水鱼同饲养水鱼差价好大，明码实价就冇问题，如果有人混水摸鱼，噉就好易畀人「揿水鱼」。(野生水鱼同饲养水鱼差价很大，明码实价就没问题，如果有人混水摸鱼，就很容易受骗。) 　　——《活在广州》节目介绍如何辨别野生水鱼与饲养水鱼，欣姐这样提醒大家。 　　2.甲：几大都要食多餐烧鹅先走啦。(无论如何都要多吃一餐烧鹅再走。) 　　乙：加拿大冇烧鹅食咩？(加拿大没有烧鹅吃吗？) 　　甲：有就有，不过最弊嗰啲烧鹅就系屎塔煲粥——唔同咗味道呢。(有就有，不过就是味道已不同了。) 　　——江南大道一酒楼，一班食客在高谈阔论。 　　3.游客：请问北京路怎么走？ 　　街坊：呢度咪系北京路啰！(这里就是北京路了。) 　　——北京路步行街，一个游客用普通话向一个街坊问路，街坊用广州话回答。对普通话，许多老一辈广州人会听不会说。 　　4.呢次真系老猫烧须嘞，一时睇漏眼，畀你执只死鸡添。(这回真是阴沟里翻船，一时看漏眼，让你捡了个大便宜。) 　　——小区休闲区，一个下棋的街坊一招不慎，丢失一子，懊悔不已。 　　5.迟啲(过段时间)北风起，寒流到，我包你想见只流浪狗都难。」 　　——有人抱怨现在周街都是恶狗，遍地都是狗屎，一个街坊对他这样说。

卢总發表於 2007-11-22 16:09:07

孔乙己(选段1)　

经典粤读　　 　　 　　□余OK　　 　　 　　原文： 　　鲁镇的酒店的格局，是和别处不同的：都是当街一个曲尺形的大柜台，柜里面预备着热水，可以随时温酒。做工的人，傍午傍晚散了工，每每花四文铜钱，买一碗酒，——这是二十多年前的事，现在每碗要涨到十文——靠柜外站着，热热的喝了休息；倘肯多花一文，便可以买一碟盐煮笋，或者茴香豆，做下酒物了，如果出到十几文，那就能买一样荤菜，但这些顾客，多是短衣帮，大抵没有这样阔绰。只有穿长衫的，才踱进店面隔壁的房子里，要酒要菜，慢慢地坐喝。 　　粤读： 　　鲁镇啲酒店嘅style，同其它地方唔一样：都系当街当巷摆个曲尺形嘅大柜台，柜入面趸定啲滚水，可以随时「庆」酒。啲打工仔，晏昼挨晚(maan1音)收咗工，周不时畀四文铜钱，买返碗酒——呢个系廿几年前嘅事咯，家阵经已升到十文一碗——凭(bang　6音)住个柜企喺处，热辣辣噉饮落肚然之后唞返吓；若果肯多畀一文，就可以买碟盐煮笋，或者茴香豆，爱嚟送酒嘞，若果出到成十几文，噉就可以买样杂吃嘞，但系呢处啲人客，多数系短衫帮，睇怕都冇咁疏爽？嘞。净系得着长衫嗰啲，先会靸入店面隔篱间VIP房，嗌酒嗌餸，姿悠淡定噉叹酒。 　　点评： 　　凭(bang　1)、靸(taat　1)等有地道口语发音嘅字；「周不时」、「挨晚(maan　1)」、「疏爽」、「姿悠淡定」等旧式粤语词汇，正渐渐消失，译者故意使用呢啲字词，意在使读者重新认识传统粤语。 
 
<A href="http://www.nanfangdaily.com.cn/southnews/dd/dsb/B12/200711210250.asp">http://www.nanfangdaily.com.cn/southnews/dd/dsb/B12/200711210250.asp</A>

卢总發表於 2007-11-22 16:12:48

原文： 　　鲁镇的酒店的格局，是和别处不同的：都是当街一个曲尺形的大柜台，柜里面预备着热水，可以随时温酒。做工的人，傍午傍晚散了工，每每花四文铜钱，买一碗酒，——这是二十多年前的事，现在每碗要涨到十文——靠柜外站着，热热的喝了休息；倘肯多花一文，便可以买一碟盐煮笋，或者茴香豆，做下酒物了，如果出到十几文，那就能买一样荤菜，但这些顾客，多是短衣帮，大抵没有这样阔绰。只有穿长衫的，才踱进店面隔壁的房子里，要酒要菜，慢慢地坐喝。 　　粤读： 　　鲁镇啲酒店嘅style，同其它地方唔一样：都系当街当巷摆个曲尺形嘅大柜台，柜入面趸定啲滚水，可以随时「庆」酒。啲打工仔，晏昼挨晚(maan1音)收咗工，周不时畀四文铜钱，买返碗酒——呢个系廿几年前嘅事咯，家阵经已升到十文一碗——凭(bang　6音)住个柜企喺处，热辣辣噉饮落肚然之后唞返吓；若果肯多畀一文，就可以买碟盐煮笋，或者茴香豆，爱嚟送酒嘞，若果出到成十几文，噉就可以买样杂吃嘞，但系呢处啲人客，多数系短衫帮，睇怕都冇咁疏爽ロ架嘞。净系得着长衫嗰啲，先会靸入店面隔篱间VIP房，嗌酒嗌餸，姿悠淡定噉叹酒。［将「荤菜」译成「杂吃」唔系咁好，望再修改，以臻善美。］ 　　点评： 　　凭(bang　1)、靸(taat　1)等有地道口语发音嘅字；「周不时」、「挨晚(maan　1)」、「疏爽」、「姿悠淡定」等旧式粤语词汇，正渐渐消失，译者故意使用呢啲字词，意在使读者重新认识传统粤语。

柳寻风 發表於 2007-11-22 20:57:07

王小强 發表於 2007-11-23 12:24:11

唔明呢句

「依家望落去好旧、好老土，当其时系好新鲜嘅一件事」

卢总發表於 2007-11-23 12:40:28

你系唔系唔明「当其时」？
「当其时」就即系「当时」。

danielairy 發表於 2007-11-23 12:51:01

點解」zung6一定要寫重,唔寫仲呢? 如果我想講"仲要"但係寫"重要"會唔會好亂呢?

卢总發表於 2007-11-23 12:53:43

点解系「重要」，而唔系「仲要」，你可以睇返《最紧要正字》。
另外你亦都可以去初级或者高级书院揾下答案。

頁: [1]

粵語協會's Archiver