２００７年１１月２号《南方都市报》

卢总發表於 2007-11-3 03:32:32

<IMG src="http://www.nddaily.com/C/res/1/20071102/56291193934776281.jpg" border=0>
 
<A href="http://www.nddaily.com/C/html/2007-11/02/content_297399.htm">http://www.nddaily.com/C/html/2007-11/02/content_297399.htm</A>

卢总發表於 2007-11-3 03:41:09

7·6四有旧人　

栋笃论语·述而第七　　 　　 　　□子野专栏　　 　　 　　【原文】子曰：「志于道，据于德，依于仁，游于艺。」 　　【译文】孔子话：「志立于道，行守于德，心归于仁，身游于艺。」 　　【栋笃】咪住，听我读下资料先：1985年，全国共青团思想政治工作会议上提出：要加强和改进新时期的青年思想政治工作，在四化建设的伟大实践中培养和造就一代有理想、有道德、有文化、有纪律的共产主义新人。从此，「做四有新人」的口号和以此为主题的活动在全国各行各业展开。 　　嗱，唔系我捞过界，想学阿林野王写咩「旧年旧词」专栏，确实系我读到孔Ｓｉｒ呢句说话嘅时候，心入面好自然噉就浮起咗「四有新人」呢个「旧年旧词」（其实亦唔系好旧，廿几年啫），于是我即刻就去百度度Ｇｏｏｇｌｅ下，揾到咗呢啲资料，攞过嚟同大家分享下喇。 　　我唔知提出「四有新人」呢个口号嘅嗰位大佬，有冇读过《论语》嘅呢一章，如果冇嘅话，「历史是这样惊人的重复」，事隔两千几年，佢同阿孔Ｓｉｒ都「不约而同」噉向啲年轻人提出咗相同嘅要求。我哋嚟睇下：志于道，即系「有理想」；据于德，即系「有道德」；依于仁，即系「有纪律」；游于艺，即系「有文化」，顺序可能有少少唔同，要求就一模一样喇。 　　再讲深一层，新旧「四有」喺轻重之分上边，又系不谋而合ロ架。孔Ｓｉｒ系「道、德、仁」为重，「艺」为轻ロ架。佢讲嘅另一句话可以证明：「弟子入则孝，出则弟，谨而信，汎爱众，而亲仁，行有余力，则以学文。」（1·6）重有另一句，我哋学过冇几耐：「君子博学于文，约之以礼，亦可以弗畔矣夫！」（6·27）即系话，仁义道德，系最重要ロ架，「博学」嘅人，要用「礼」去约束佢，先至唔会乱嚟。而新「四有」之中，「有文化」嘅排名虽然上升咗一位，排喺「有纪律」嘅前边，但系就仍然要受到「理想」、「道德」嘅制约。至于「四有」提出之前嘅六七十年代，全国学习「白卷英雄」，「又红又专」嘅「专」就完全唔要，一於「红」就得，而嗰啲被评为「白专」（思想「反动」嘅专业人才）嘅，就受到咗残酷嘅批判、打倒喇。
 
　　图： 　　「四有古人」系要有道、德、仁、艺，点解「四有新人」变咗要有道、德、艺、仁嘅？　　 　　有道德嘅艺人好难揾啫！

卢总發表於 2007-11-3 03:45:09

http://www.nddaily.com/C/res/1/20071102/56341193934776187.jpg

<IMG src="http://www.nddaily.com/C/res/1/20071102/56341193934776187.jpg" border=0>
 
<A href="http://www.nanfangdaily.com.cn/southnews/dd/dsb/B13/200711020670.asp">http://www.nanfangdaily.com.cn/southnews/dd/dsb/B13/200711020670.asp</A>

卢总發表於 2007-11-3 14:55:56

见义为不为

街坊话事　　 　　 　　□冯富华　　 　　 　　夫：老婆，你睇你老公几勇啊，打走个贼，帮嗰个女仔攞返部手机。 　　妻：系呀，你好叻啦？你讲畀我听，嗰个女仔同你系乜嘢关系？老老实实噉坦白！ 　　夫：唉呀，我唔识佢ロ架！ 　　妻：哼，唔识佢？噉你咁勇去帮佢打走啲贼仔攞返部手机？ 　　夫：路见不平，拔刀相助；维护社会治安，人人有责嘛。 　　妻：但系，如果畀啲贼仔「吉」两刀，我嘅下半世点过呀？ 　　夫：啲贼冇咁狼死啩？ 　　妻：报纸电视都经常讲啦，啲贼为咗三几百蚊杀人都敢嘅，佢哋有乜嘢做唔出嚟呀？ 　　夫：噉又系。但系，如果为咗维护社会治安，有啲乜嘢豆腐冬瓜，政府唔会唔理啩？ 　　妻：你以为啦。喺计划经济嗰个年代，单位可以当你系工伤，生养死葬。而家，冇咗呢支歌仔唱咯，所以啲人唔管见到啲乜嘢都当透明啰。 　　夫：话又唔系噉讲嘅，依家有个见义勇为基金，奖励啲为维护社会治安有贡献嘅群众ロ架。 　　妻：你唔好咁「萌塞」好唔好？电视讲，有个做厨师嘅，因为捉贼伤咗只手，见义勇为基金奖咗几百蚊畀佢，但佢伤咗只手做唔到嘢，所以老世唔请佢，搞到连食饭都成问题。你话啦，啲人点有积极性去见义勇为啊？ 　　夫：照你噉讲，唔通人人见到贼都去理咩？ 　　妻：见义勇为重系要提倡嘅，不过，最紧要系保存自己，比方话，喺第一时间报警，跟踪住啲贼，等阿Ｓｉｒ去拉啲贼。 　　夫：老婆，你讲得都几啱ロ架，警察系我哋市民嘅保护神嘛。 　　妻：使乜讲，边会学你做嘢咁莽撞ロ架。

卢总發表於 2007-11-3 15:06:45

<IMG src="http://www.nddaily.com/C/res/1/20071102/39161193934775953.jpg" border=0>
 
<A href="http://www.nanfangdaily.com.cn/southnews/dd/dsb/B13/200711020676.asp">http://www.nanfangdaily.com.cn/southnews/dd/dsb/B13/200711020676.asp</A>

卢总發表於 2007-11-3 15:08:43

真正目的

白话广州　　 　　孖辫妹　　 　　 　　□图／谈芳波　文／谈芳波　莫夕　　 　　 　　光头，你讲啊！你点解唔撑我？　　 　　系咪因为你已经唔爱我嘞？　　 　　老师话ロ架，日日晨跑，对身体好ロ架！　　 　　你要跑就自己着好鞋去跑！唔好旨意我晨七咁早起身帮你绑鞋带啊！

卢总發表於 2007-11-3 15:10:31

<IMG src="http://www.nddaily.com/C/res/1/20071102/66911193934776453.jpg" border=0>
 
<A href="http://www.nanfangdaily.com.cn/southnews/dd/dsb/B13/200711020673.asp">http://www.nanfangdaily.com.cn/southnews/dd/dsb/B13/200711020673.asp</A>

卢总發表於 2007-11-3 15:24:33

《白玉红梅》寄真情

粤韵飘香　　 　　 　　□李池湘　　 　　 　　「寻梅穿花径，雨初晴。景物分外明媚，院里阵阵幽香放，芳满庭！余性独爱红梅，梅幽静……」 　　名曲《白玉红梅》，讲述咗一个生死恋嘅故事：南宋已故李总兵嘅女李慧娘酷爱梅花。有一日，慧娘喺自家嘅梅院赏梅，书生裴禹路过，畀梅花香味吸引。慧娘知道佢原来就系敢抗权奸嘅裴生，即刻请佢入梅院倾谈，两人一见钟情，临走时两人互换信物。点知天有不测风云，慧娘被奸相贾似道强抢为妾……一日，贾似道带一班侍妾游西湖，慧娘隔船见到裴生，手捧玉佩泪如雨下。凶残暴戾嘅贾似道发现咗佢哋嘅恋情，竟将慧娘杀咗，重将裴生关入咗密室。慧娘嘅鬼魂同裴生幽会，救裴生脱险，最后慧娘杀死咗无恶不作嘅贾似道…… 　　《白玉红梅》呢段曲，就系讲男女主人公见面诉情，互赠信物嘅情景，系全剧中最抒情同埋最浪漫嘅一段。 　　曲嘅开头，系一段抒情嘅小曲「贵妃醉酒」：「寻梅穿花径，雨初晴，景物分外明媚。」交代咗女主人公雨后赏梅嘅美景，将一幅美丽嘅赏梅图呈现喺观众面前。书生出场，系一段流畅抒情嘅「长句二流」：「红紫竞芳菲，湖山多美景，江南花草万般情。」反映咗主人公向往同埋欣赏美好生活嘅意愿；接落嚟：「骚客逢春本该游兴盛，怎奈我无心赏玩竟绪难宁。怀国恨，愤难平，我要上表诛除奸佞！」反映裴生系个爱国青年，呢个亦系慧娘爱佢嘅原因。最动听嘅系，作者用咗「南音」嘅曲牌唱出慧娘嘅心声：「攀梅客，骨格比梅清。相逢梅下慰生平。他昂立梅边，梅失其秀挺，不由梅主暗心倾……」［好多人经常会将「分」「份」搞错，「分」有两个读音，其中一个同「份」，具体系点，建议各位查下字典，噉样印象会深刻好多；将「反映」打成「反唤」，估计系用笔画输入法嘅时候将近似字搞错咗。］ 　　呢支曲系粤剧名伶罗家宝同林小群嘅名曲，由上世纪五十年代唱到依家，几十年历唱不衰，系因为曲嘅曲牌好听、曲词易记。记得十几年前，罗家宝同林小群喺西关一个私伙局演唱呢支曲，好多人都跟住一齐唱添，唱唱下，两个人对唱嘅曲变成咗大合唱。

卢总發表於 2007-11-3 15:26:19

<IMG src="http://www.nddaily.com/C/res/1/20071102/61193934776625.jpg" border=0>
 
<A href="http://www.nanfangdaily.com.cn/southnews/dd/dsb/B13/200711020674.asp">http://www.nanfangdaily.com.cn/southnews/dd/dsb/B13/200711020674.asp</A>

卢总發表於 2007-11-3 15:36:48

阿妈学英文

广州笔记　　 　　 　　□刘晓甜　　 　　 　　唔知系咪2008北京奥运会嘅缘故，妈子呢牌话要学英文，重好大热情添。我睇佢买咗本英文单词书返屋企，得闲冇事做就翻下，跟住学音标，读单词。妈子决定先学够500個单词，再学埋简单嘅句子。啲朋友过嚟我屋企玩，见到妈子好勤力睇书，个个都赞佢好叻。妈子听咗好开心，更加上进。如果见到唔识读嘅单词，就行埋嚟问我。 　　我问妈子呢阵学到边度，妈子话学到动物类嘅词汇啦。「哇，犀利咯！」我觉得阿妈真系好掂，妈子笑笑下，攞本单词书问我，「'鳄鱼'英文点读啊？」我话系Ｃｒｏｃｏｄｉｌｅ。妈子好认真噉记住，读咗几次。我听人讲呢個单词都唔系好多人识拼识读，所以就嗌佢唔使咁「执着」。 　　过一牌，妈子好神秘同我讲，佢啲动物类英文单词记得七七八八嘞，嗌我考下佢，我讲中文意思，佢话英文。果然，阿妈考试过关，我问佢啲动物名，佢几乎都答啱咗，特別系「鳄鱼」，妈子居然记得，重讲得几标准添。我好奇怪，问妈子乜方法可以学得咁快？阿妈细细声行埋嚟我耳仔边讲：「其实好简单，你上次同我讲'鳄鱼'嘅英文发音，我就用白话记落系'搉（白话」敲打「之意）佢大佬'，好顺口，又易记，哈哈。」［「殼」其实只不过系「壳」嘅繁体，并非读「搉」（ＫＯＫ１）］

卢总發表於 2007-11-3 15:37:43

<IMG src="http://www.nddaily.com/C/res/1/20071102/53971193934776531.jpg" border=0>
 
<A href="http://www.nanfangdaily.com.cn/southnews/dd/dsb/B13/200711020675.asp">http://www.nanfangdaily.com.cn/southnews/dd/dsb/B13/200711020675.asp</A>

卢总發表於 2007-11-3 15:50:38

「和」从口出

广州随笔　　 　　 　　□曾锦燊　　 　　 　　俗语话：「祸从口出」，因此好多人以为，见到乜嘢都唔出声就最好。我就唔系噉睇嘞，喺自身安全利益唔受损害嘅情形之下，该出声嘅时候重系出声为好。 　　有一次，我同一个朋友坐公交车去探访另一个朋友。因为唔熟路，差唔多该落车嘅时候抓／攞唔定主意，重喺度议论紧而错过咗站。将到下一站，后边个阿婶先话：「过咗啦……」我讲声唔该之后笑住反问一句：「你点解唔早啲出声啊？」 　　重有一次，亦系喺公交车上。好多人，好逼。一个男人从前边逼入嚟唔小心一脚踩到另一个男人，被踩者闹咗句粗口。踩人者好嬲：「咩话！揾我老母？你再讲一声吖嗱……」「我几时有×你啊……」一来一往之后，已到咗剑拔驽张之际。「冇，佢冇闹你。」忽然身后一个男人平静噉出声嘞！踩人者即时平静咗啲，但重唔肯收口。呢个时候坐喺座位上嘅在下，不失时机噉出手（出口）嘞：「喂，呢位老兄！既然人哋都话冇听到佢闹你，噉你咪算数啰，嘈落去大家都冇益噶噃！」踩人者一听，就收声嘞！可能，我哋嘅出声使佢觉得争落去会被孤立？又或者，我哋呢两句话畀咗佢停战嘅台阶啩？［呢两个问号用得比较无厘头。］ 　　可见，「和」从口出。适时「出口」，轻易就可以予人方便；甚至轻易就可以化干戈为玉帛添。我哋又何乐而不为呢？

頁: [1]

粵語協會's Archiver