２００７年１０月２５号《南方都市报》

卢总發表於 2007-10-25 16:07:43

7·2诲人不倦
 
　　栋笃论语·述而第七　　 　　 　　□子野专栏　　 　　 　　【原文】子曰：「默而识之，学而不厌，诲人不倦，何有于我哉？」 　　【译文】孔子话：「读书默记于心，学习永不满足，教人不知疲累，噉对于我嚟讲，仲有咩难以做到嘅呢？」 　　【栋笃】上个星期，本报一条关于惠州嘅教育新闻话：惠州目前两万几嘅农村中小学教师中，研究生学历嘅净得两个，有本科学历嘅农村老师只係占到8％，农村小学教师出现咗青黄不接嘅现象…… 　　呢条新闻透露出嚟嘅信息，好似係话高学历嘅教师太少，係造成教育水平落后嘅主要原因。其实，呢种「唯学历论」我哋都好熟悉，但係，有噉样谂法嘅人，可能未意识到，为人师者，不断学习嘅精神係好紧要嘅，因为噉先可以适应教育发展嘅要求。咪话研究生，就算係一个博士，佢毕业之后去教中小学，如果觉得大材小用，从此将自我学习抛诸脑后，噉佢嘅教育效果，肯定冇一个不断学习、与时俱进嘅大中专师范生好。 　　所以，仲係孔Sir讲得啱，为人师者，要「默而识之，学而不厌，诲人不倦」。呢三件事，「默而识之」係学习方法，「学而不厌」係学习态度，「诲人不倦」就係学习目的嘞。即係话，要静心去学习，先至可以记得住；要有永不知足嘅学习态度，先至可以坚持不断学习。有咗噉样嘅方法同埋态度，先至能够做到不知疲累噉去教书育人。喺呢方面，孔Sir确实係做得好出色嘅，所以，佢先至有资格同佢嘅学生话：「何有于我哉？」既然我做得到，你哋亦应该做得到嘞。 　　噉如果自己喺学习嘅过程之中心浮气躁，过目即忘，学习态度又係「半桶主义」，满足于一知半解——噉样嘅老师，教多几年，就唔係「诲人不倦」，而係「毁人不倦」嘞，咔咔。
 
 
　　图： 　　啲学生都话你讲课一成不变、抱残守缺、不思进取，你应该改进一下。　　 　　我教嘅本来就係一成不变嘅历史，点能够随意纂改？
 
<A href="http://www.nanfangdaily.com.cn/southnews/dd/dsb/B12/200710250338.asp">http://www.nanfangdaily.com.cn/southnews/dd/dsb/B12/200710250338.asp</A>

卢总發表於 2007-10-25 16:12:23

【原文】子曰：「默而识之，学而不厌，诲人不倦，何有于我哉？」 　　【译文】孔子话：「读书默记于心，学习永不满足，教人不知疲累，噉对于我嚟讲，重有咩难以做到嘅呢？」 　　【栋笃】上个星期，本报一条关于惠州嘅教育新闻话：惠州目前两万几嘅农村中小学教师中，研究生学历嘅净得两个，有本科学历嘅农村老师只系占到8％，农村小学教师出现咗青黄不接嘅现象…… 　　呢条新闻透露出嚟嘅信息，好似系话高学历嘅教师太少，系造成教育水平落后嘅主要原因。其实，呢种「唯学历论」我哋都好熟悉，但系，有噉样谂法嘅人，可能未意识到，为人师者，不断学习嘅精神系好紧要嘅，因为噉先可以适应教育发展嘅要求。咪话研究生，就算系一个博士，佢毕业之后去教中小学，如果觉得大材小用，从此将自我学习抛诸脑后，噉佢嘅教育效果，肯定冇一个不断学习、与时俱进嘅大中专师范生好。 　　所以，重系孔Sir讲得啱，为人师者，要「默而识之，学而不厌，诲人不倦」。呢三件事，「默而识之」系学习方法，「学而不厌」系学习态度，「诲人不倦」就系学习目的嘞。即系话，要静心去学习，先至可以记得住；要有永不知足嘅学习态度，先至可以坚持不断学习。有咗噉样嘅方法同埋态度，先至能够做到不知疲累噉去教书育人。喺呢方面，孔Sir确实系做得好出色嘅，所以，佢先至有资格同佢嘅学生话：「何有于我哉？」既然我做得到，你哋亦应该做得到啦。［以「啦」字结尾，更加能够体现到个「哉」字嘅意思。］ 　　噉如果自己喺学习嘅过程之中心浮气躁，过目即忘，学习态度又系「半桶主义」，满足于一知半解——噉样嘅老师，教多几年，就唔系「诲人不倦」，而系「毁人不倦」嘞，咔咔。 　　图： 　　啲学生都话你讲课一成不变、抱残守缺、不思进取，你应该改进一下。　　 　　我教嘅本来就系一成不变嘅历史，点能够随意纂改？

[ 本帖最後由卢总於 2007-10-25 16:14 編輯 ]

卢总發表於 2007-10-25 16:15:40

我喺弥敦道企街嘅日子

港人讲嘢·黄子华栋笃笑　　 　　 　　□记录：莫夕　　 　　 　　我有李小龙嘅信心，罗拔迪尼路演技，喺八年前我就矢志成为香港嘅小龙迪尼路。喺一个噉嘅理想之下，你会想点样加入娱乐圈啊？当然都係用最理想嘅方法啦，係嘛？最理想嘅方法係咩啊？畀星探发现啰。我成日会发梦有啲噉嘅事情会出现：有一日行行下街，忽然间呢有人拍下你膊头，「先生你想唔想做戏啊？」「如果唔係做主角，我觉得冇乜必要讨论落去嘞。」「哦，噉呢层当然啦，片酬方面唔好超过七位数字太多……」「钱唔係最重要嘅。你边个做导演啊？」「哦，就今年啱啱攞咗金像奖嘅王家卫啱唔啱你啊？」「等我谂下……好啦，横掂我呢廿卅年我都得闲嘅。」啫应该係噉上下口架嘛，係嘛？所以呢，我就即刻开始咗我喺弥敦道朝九晚午畀星探发现嘅工作嘞。 　　终于，喺街度过咗好耐，亦都撞到好多其他啲喺度等紧星探发现嘅人，之后，有一次果然畀呢个星探发现。佢係属于嗰啲广告公司嗰啲星探呢，佢忽然间……哗，真係威到啊好多人围住你噃……当众问你：「啊你叫咩名啊？你好啱拍戏啊！」噉啊同你当众影相，然后问你攞电话，「你返屋企等我哋电话啦」。于是，我唔喺街等星探嘞，我返屋企等电话。 　　佢冇畀到电话我，佢以后都冇畀过电话我，直到永恒嘞，佢都冇畀过电话我。然后我就明白，望夫石嗰嚿嘢呢，唔係等个老公等成噉嘅，係等电话等成噉嘅。你知唔知一个等电话等得耐嘅人，好无聊吖嘛，佢会做番啲咩？佢会打番电话出去。首先就试下打电话问功课，跟住试下尽诉心中情啊可能，跟住就要试下4蚊……啊唔係，依家6蚊嗰啲啦，最后就可能会试下撒玛利亚会。旧年啊，有成几廿人自杀口架，有一半呢就係为情嘅，其他嗰半为咩啊？多数为咗等电话嘞。
 
<A href="http://www.nanfangdaily.com.cn/southnews/dd/dsb/B12/200710250339.asp">http://www.nanfangdaily.com.cn/southnews/dd/dsb/B12/200710250339.asp</A>

卢总發表於 2007-10-25 16:27:13

我有李小龙嘅信心，罗拔迪尼路演技，喺八年前我就矢志成为香港嘅小龙迪尼路。喺一个噉嘅理想之下，你会想点样加入娱乐圈啊？当然都系用最理想嘅方法啦，系嘛？最理想嘅方法系咩啊？畀星探发现啰。我成日会发梦有啲噉嘅事情会出现：有一日行行下街，忽然间呢有人拍下你膊头：「先生你想唔想做戏啊？」「如果唔系做主角，我觉得冇乜必要讨论落去嘞。」「哦，噉呢层当然啦，片酬方面唔好超过七位数字太多……」「钱唔系最重要嘅。你边个做导演啊？」「哦，就今年啱啱攞咗金像奖嘅王家卫啱唔啱你啊？」「等我谂下……好啦，横掂我呢二卅年我都得闲嘅。」啫应该系噉上下ロ架嘛，系嘛？所以呢，我就即刻开始咗我喺弥敦道朝九晚午畀星探发现嘅工作嘞。 　　终于，喺街度过咗好耐，亦都撞到好多其他啲喺度等紧星探发现嘅人，之后，有一次果然畀呢个星探发现。佢系属于嗰啲广告公司嗰啲星探呢，佢忽然间……哗，真系威到啊好多人围住你噃……当众问你：「啊，你叫咩名啊？你好啱拍戏啊！」噉啊同你当众影相，然后问你攞电话：「你返屋企等我哋电话啦」。于是，我唔喺街等星探嘞，我返屋企等电话。 　　佢冇畀到电话我，佢以后都冇畀过电话我，直到永恒嘞，佢都冇畀过电话我。然后我就明白，望夫石嗰嚿嘢呢，唔系等个老公等成噉嘅，系等电话等成噉嘅。你知唔知一个等电话等得耐嘅人，好无聊吖嘛，佢会做番啲咩？佢会打番电话出去。首先就试下打电话问功课，跟住试下尽诉心中情啊可能，跟住就要试下4文……啊唔系，依家6文嗰啲啦，最后就可能会试下撒玛利亚会。旧年啊，有成几廿人自杀ロ架，有一半呢就系为情嘅，其他嗰半为咩啊？多数为咗等电话嘞。

卢总發表於 2007-10-25 16:30:53

家长难做

例汤正　　 　　 　　□老饼专栏　　 　　 　　今日汤料：话说广州市不少小学都把「家长签字」作为监督孩子学习的一种形式，引起了部分年轻家长的不满。学校老师称家长签字有利于引导孩子学习，在小学低年级签字方式暂不会改。　　 　　我老窦係公司经理，成日都要签合同，返屋企仲要签作业，所以佢觉得好烦。　　 　　我老窦係单位领导，成日都要签文件，返屋企仲要签作业，所以佢觉得好厌。　　 　　奇怪，点解我老窦签作业又会咁High嘅？ 　　 　　新闻背景：《南方都市报》2007年10月23日A40版《每晚签字五六次　家长喊烦》
 
<A href="http://www.nanfangdaily.com.cn/southnews/dd/dsb/B12/200710250345.asp">http://www.nanfangdaily.com.cn/southnews/dd/dsb/B12/200710250345.asp</A>

卢总發表於 2007-10-25 16:33:02

今日汤料：话说广州市不少小学都把「家长签字」作为监督孩子学习的一种形式，引起了部分年轻家长的不满。学校老师称家长签字有利于引导孩子学习，在小学低年级签字方式暂不会改。　　 　　我老窦系公司经理，成日都要签合同，返屋企重要签作业，所以佢觉得好烦。　　 　　我老窦系单位领导，成日都要签文件，返屋企重要签作业，所以佢觉得好厌。　　 　　奇怪，点解我老窦签作业又会咁High嘅？ 　　 　　新闻背景：《南方都市报》2007年10月23日A40版《每晚签字五六次　家长喊烦》

卢总發表於 2007-10-25 16:34:34

广州播客第172期

同声同气　　 　　 　　□阿展专栏　　 　　 　　1.女：呢啲嘢我食过口架。(这些是我吃过的。) 　　男：我就係要食你食过嗰啲。(我就是要吃你吃过的。) 　　——一快餐店里，一对情侣在用餐。 　　2.冇嘢呀，打嚟想听下你把声啫。(没什么，打来就想听听你的声音。) 　　——地铁里，一个靓仔对着手机这样说。 　　3.唔係咁少事都托手踭嘛？唔得闲？噉我转头再打畀你啦。(不是这点小事都不答应吧？没空？那我待会儿再打来。) 　　——北京路步行街，一个穿西装的男人边走边打手机。 　　4.甲：「嫦娥一号」好巴闭咩？我日日都见啦，我老婆咪係啰。(「嫦娥一号」有什么了不起？我天天都看见，我老婆就是。) 　　乙：你老婆係嫦娥？有冇咁靓呀？(你老婆是嫦娥？有没有这么漂亮呀？) 　　甲：我话佢日哦夜哦呀，唔係「常哦」係乜嘢呀？(我说她日哦夜哦，不是「常哦」是什么？) 　　——两个街坊在开玩笑。
 
<A href="http://www.nanfangdaily.com.cn/southnews/dd/dsb/B12/200710250341.asp">http://www.nanfangdaily.com.cn/southnews/dd/dsb/B12/200710250341.asp</A>

卢总發表於 2007-10-25 16:37:25

1.女：呢啲嘢我食过ロ架。(这些是我吃过的。) 　　男：我就系要食你食过嗰啲。(我就是要吃你吃过的。) 　　——一快餐店里，一对情侣在用餐。 　　2.冇嘢呀，打嚟想听下你把声啫。(没什么，打来就想听听你的声音。) 　　——地铁里，一个靓仔对着手机这样说。 　　3.唔系咁少事都托手踭嘛？唔得闲？噉我转头再打畀你啦。(不是这点小事都不答应吧？没空？那我待会儿再打来。) 　　——北京路步行街，一个穿西装的男人边走边打手机。 　　4.甲：「嫦娥一号」好巴闭咩？我日日都见啦，我老婆咪系啰。(「嫦娥一号」有什么了不起？我天天都看见，我老婆就是。) 　　乙：你老婆系嫦娥？有冇咁靓呀？(你老婆是嫦娥？有没有这么漂亮呀？) 　　甲：我话佢日哦夜哦呀，唔系「常哦」系乜嘢呀？(我说她日哦夜哦，不是「常哦」是什么？) 　　——两个街坊在开玩笑。

卢总發表於 2007-10-25 16:44:14

近水救唔到近火

街坊话事　　 　　 　　□冯富华　　 　　 　　张姨：阿陈姨，点解十日八日唔见，你成嗰人残晒噉嘅？ 　　陈姨：唉，唔好提啦，我晚晚瞓唔着觉啊！ 　　张姨：身体冇事吖嘛？ 　　陈姨：托赖，身体都仲几好。不过就喺晚晚都扎醒几次，一扎醒就瞓唔返。 　　张姨：你仔大女大，应该冇乜牵挂嘎，点解会噉嘅啫？ 　　陈姨：前几日，我隔篱条街火烛，啲人打119，好快就有火烛车嚟到…… 　　张姨：噉应该冇乜事啰！ 　　陈姨：哼，点知因为嗰啲私家车阻住晒条路，火烛车冇办法埋去救火，唯有慢慢搬开啲私家车先至可以救火，噉咩就搞到好大件事啰。 　　张姨：隔篱条街火烛，噉你又唔使踩到芋荚当蛇口架。 　　陈姨：如果净喺得呢一单嘅话，噉就话唔使忧啫。你记唔记得，冇几耐前报纸、电视都有讲，喺员村嗰头，有间大学入边嘅宿舍火烛，又喺因为啲私家车阻住条路影响咗救火。 　　张姨：记得，冇几耐前啫嘛。噉就唔怪得你晚晚瞓唔着啦。 　　陈姨：就喺啰。嗰啲商场、酒店、夜总会之类，都有人时常去Check下啲防火通道，点解嗰啲居民区之类就冇人去Check，罚下嗰啲阻塞防火通道嘅人呢？ 　　张姨：你又问得几好呗。话时话啦，呢啲问题归边嗰部门管呢？
 
<A href="http://www.nanfangdaily.com.cn/southnews/dd/dsb/B12/200710250343.asp">http://www.nanfangdaily.com.cn/southnews/dd/dsb/B12/200710250343.asp</A>

卢总發表於 2007-10-25 16:50:43

张姨：阿陈姨，点解十日八日唔见，你成个人残晒噉嘅？ 　　陈姨：唉，唔好提嘞，我晚晚瞓唔着觉啊！ 　　张姨：身体冇事吖嘛？ 　　陈姨：托赖，身体都重几好。不过就系晚晚都扎醒几次，一扎醒就瞓唔返。 　　张姨：你仔大女大，应该冇乜牵挂嘎，点解会噉嘅啫？ 　　陈姨：前几日，我隔篱条街火烛，啲人打119，好快就有火烛车嚟到…… 　　张姨：噉应该冇乜事啰！ 　　陈姨：哼，点知因为嗰啲私家车阻住晒条路，火烛车冇办法埋去救火，唯有慢慢搬开啲私家车先至可以救火，噉咪就搞到好大件事啰。 　　张姨：隔篱条街火烛，噉你又唔使踩到芋荚当蛇嘎。 　　陈姨：如果净系得呢一单嘅话，噉就话唔使忧啫。你记唔记得，冇几耐前报纸、电视都有讲，喺员村嗰头，有间大学入边嘅宿舍火烛，又系因为啲私家车阻住条路影响咗救火。 　　张姨：记得，冇几耐前啫嘛。噉就唔怪得你晚晚瞓唔着啦。 　　陈姨：就系啰。嗰啲商场、酒店、夜总会之类，都有人时常去Check下啲防火通道，点解嗰啲居民区之类就冇人去Check，罚下嗰啲阻塞防火通道嘅人呢？ 　　张姨：你又问得几好噃。话时话啦，呢啲问题归边个部门管呢？
 
［若果呢位张姨系顺德人嘅话，个「嗰」字嘅音就啱，但系个字就唔啱。］

卢总發表於 2007-10-25 16:52:19

挂平价卖高价

粤讲粤明　　 　　 　　□李益军　　 　　 　　嗰日我入市场买餸。离远就见到一个夫妻菜档，档口一块纸皮牌写住：「丝爪1.50元／斤」，望下啲瓜又几靓啵。睇下其他菜档，同等嘅丝瓜冚口棒唥都係报价2元／斤，噉就走埋去拣啰。 　　点知秤完一听价钱觉得唔多对路，就问：「乜咁贵嘅？几钱斤嘎？」男档主话：「两蚊斤啊嘛！」「你个牌呢度明明写住蚊半嘅啵？」只见女档主拿起个纸皮牌，指住摆喺纸皮牌背面嘅嗰啲又残又老嘅丝瓜话：「呢啲先至係蚊半啫嘛！」哗，咁奸嘅嘢佢都畀佢谂到，「太有才了」！ 　　无独有偶，前几日，喺屋企附近嘅一间中型超市，居然又睇到上边条「桥」嘅翻版啵。有个牌写住「特价2.9元／瓶」，牌下面摆住最正宗嗰种「×岛啤」。呢种啤酒第度卖5蚊口架。执输行头惨过败家，我嗱嗱声攞咗两樽，交钱嘅时候又发现，屏幕显示每瓶5蚊……原来所谓「2.9元／瓶」嘅，係摆喺个牌后面嘅「×岛×水啤」。呵呵，又係嗰条「屎桥」。 　　平时，係商场见到啲顾客总係中意拣摆后边嘅货品，可能係贪佢干净啲新鲜啲啩，但本人却係觉得有啲小题大做。依家睇嚟，呢个举动都几啱吖，起码多咗重功能——唔会「攞错」嘢嘞。　　 
 
<A href="http://www.nanfangdaily.com.cn/southnews/dd/dsb/B12/200710250344.asp">http://www.nanfangdaily.com.cn/southnews/dd/dsb/B12/200710250344.asp</A>

卢总發表於 2007-10-25 17:08:30

嗰日我入市场买餸。离远就见到一个夫妻菜档，档口一块纸皮牌写住：「丝爪1.50元／斤」，望下啲瓜又几靓噃。睇下其他菜档，同等嘅丝瓜冚ロ棒唥都系报价2元／斤，噉就走埋去拣啰。［若果个菜档真系写住「丝爪」，噉就系菜档错，否则就系作者或者录入、校对错！］ 　　点知称完一听价钱觉得唔多对路，就问：「乜咁贵嘅？几钱斤咖？」男档主话：「两文斤吖嘛！」「你个牌呢度明明写住文半嘅噃？」只见女档主攞起个纸皮牌，指住摆喺纸皮牌背面嘅嗰啲又残又老嘅丝瓜话：「呢啲先至系蚊半之嘛！」哗，咁奸嘅嘢都畀佢谂到，「太有才了」！［「秤」只系衡重嘅器具，属于名词；测定重量嘅动词应该用「称」。］ 　　无独有偶，前几日，喺屋企附近嘅一间中型超市，居然又睇到上边条「桥」嘅翻版噃。有个牌写住「特价2.9元／瓶」，牌下面摆住最正宗嗰种「×岛啤」。呢种啤酒第度卖5文ロ架。执输行头惨过败家，我嗱嗱声攞咗两樽，交钱嘅时候又发现，屏幕显示每樽5文……原来所谓「2.9元／瓶」嘅，系摆喺个牌后面嘅「×岛×水啤」。呵呵，又系嗰条「屎桥」。 　　平时，喺商场见到啲顾客总系钟意拣摆后边嘅货品，可能系贪佢干净啲新鲜啲啩，但本人却系觉得有啲小题大做。依家睇嚟，呢个举动都几啱吖，起码多咗重功能——唔会「攞错」嘢嘞。

茗荷介 發表於 2007-10-25 23:14:05

「挂平价卖高价」呢条「桥」好旧嘅嘞噃，作者真系买得野少喇~
 
PS：「冚唪唥」可唔可以写成噉？

highyun 發表於 2007-10-26 00:01:14

字庫有「ロ棒」，不過呢個論壇唔支持ext-b字符，所以唔可以打呢個字出嚟。
我更反感人哋寫「冚辦爛」——懶音作怪。

頁: [1]

粵語協會's Archiver