２００７年１０月１０号《南方都市报》

卢总發表於 2007-10-11 02:19:23

Ｂ１２版　盗贼心理　
 
　　粤讲粤明　　 　　 　　□易钦富　　 　　 　　依家啲房价高到飞起，为咗唔使瞓街边，我唯有喺城中村入边租咗间单间，都算係有个窦啦。所谓凡事两面睇，城中村係就係平啲，但治安方面我就真係唔敢恭维嘞，再加上啲闲杂人等又多，你都咪话唔担心。 　　再加上交房嗰阵，房东又冇同我换锁。听讲有啲地方发生过前任房客用以前配嘅锁匙入屋偷嘢嘅事啵！为咗稳阵起见，我专程买咗一把大锁头挂喺门口，一出去就「啲」埋，双重「保险」，嗰心都定啲。 　　经过我咁严密嘅防守，住咗入去三个月都平安冇事，睇嚟嗰个「铁将军」又几使得下啵。于是，我就放心噉去享受我嘅十一黄金周乡下游嘞。点知2号嗰日，房东打电话嚟话我间房畀人爆窃。 　　冇谒，我唯有嗱嗱声赶返嚟盘点损失。但係我好意外，个贼净係抄到我啲衣物擸擸乱，居然冇「帮」我搬走埋部电脑，噉都算係不幸中嘅万幸嘞。而房东亦都叫埋整锁佬嚟，师傅三两下手就换埋内锁同焊好畀个贼剪断嘅挂勾。 　　我喺一边就话嘞：「依家啲贼真係犀利，我都加咗锁嘅啦，噉都畀佢撬开嘅？」师傅听咗就笑住话：「噉你就错嘞，一般嚟揾我整锁嘅都係好似你噉加咗锁嘅住户口架！啲贼见你出边挂住锁头又係喺十一嘅时候，就估到你冇人喺屋企嘅啦。」 　　我恍然大悟，就自我解嘲：「噉唔係加唔加锁都死？」师傅解析：「噉又唔係噉讲，依家出边啲摄像头咁多啊，啲贼又唔敢太过猖狂嘅。所以佢哋一般都係偷啲细件嘅嘢，唔係你部电脑早就渣都冇得剩嘞！」 　　睇嚟，同啲盗贼作斗争都要讲下心理战术先至得嘞。 
 
<A href="http://www.nanfangdaily.com.cn/southnews/dd/dsb/B12/200710100505.asp">http://www.nanfangdaily.com.cn/southnews/dd/dsb/B12/200710100505.asp</A>

卢总發表於 2007-10-11 02:41:21

依家啲房价高到飞起，为咗唔使瞓街边，我唯有喺城中村入边租咗间单间，都算系有个窦啦。所谓凡事两面睇，城中村系就系平啲，但治安方面我就真系唔敢恭维嘞，再加上啲闲杂人等又多，你都咪话唔担心。 　　再加上交房嗰阵，房东又冇同我换锁。听讲有啲地方发生过前任房客用以前配嘅锁匙入屋偷嘢嘅事噃！为咗稳阵起见，我专程买咗一把大锁头挂喺门口，一出去就「啲」埋，双重「保险」，嗰心都定啲。 　　经过我咁严密嘅防守，住咗入去三个月都平安冇事，睇嚟嗰个「铁将军」又几使得下噃。于是，我就放心噉去享受我嘅十一黄金周乡下游嘞。点知2号嗰日，房东打电话嚟话我间房畀人爆窃。 　　冇计，我唯有嗱嗱声赶返嚟盘点损失。但系我好意外，个贼净系抄到我啲衣物立立乱，居然冇「帮」我搬走埋部电脑，噉都算系不幸中嘅万幸嘞。而房东亦都叫埋整锁佬嚟，师傅三两下手就换埋内锁同焊好畀个贼剪断嘅挂钩。 　　我喺一边就话嘞：「依家啲贼真系犀利，我都加咗锁咖啦，噉都畀佢撬开嘅？」师傅听咗就笑住话：「噉你就错嘞，一般嚟揾我整锁嘅都系好似你噉加咗锁嘅住户ロ架！啲贼见你出便挂住锁头又系喺十一嘅时候，就估到你冇人喺屋企咖啦。」 　　我恍然大悟，就自我解嘲：「噉唔系加唔加锁都死？」师傅解释：「噉又唔系噉讲，依家出边啲摄像头咁多啊，啲贼又唔敢太过猖狂嘅。所以佢哋一般都系偷啲细件嘅嘢，唔系你部电脑早就渣都冇得净嘞！」 　　睇嚟，同啲盗贼作斗争都要讲下心理战术先至得嘞。

卢总發表於 2007-10-11 02:42:35

环保销毁　

例汤正　　 　　 　　□　老饼专栏　　 　　 　　今日汤料：话说《广州市城市管理综合执法条例（草案）》公开征求公众意见。根据该《草案》，城管查封、扣押物品须当场开具财政部门统一印制的收据，查扣易腐烂变质的蔬果经批准可在登记后销毁，但应拍照或者录像予以记录。 　　 　　 　　图：　　 　　听讲你哋将收缴嘅蔬果进行环保销毁，仲有全程录像跟踪，我想睇睇。　　 　　 　　嗱，蔬果首先由回收口进入，然后经过一系列嘅分解处理……　　 　　 　　最后由排放口排出。　　 
 
<A href="http://www.nanfangdaily.com.cn/southnews/dd/dsb/B12/200710100504.asp">http://www.nanfangdaily.com.cn/southnews/dd/dsb/B12/200710100504.asp</A>

卢总發表於 2007-10-11 02:43:47

今日汤料：话说《广州市城市管理综合执法条例（草案）》公开征求公众意见。根据该《草案》，城管查封、扣押物品须当场开具财政部门统一印制的收据，查扣易腐烂变质的蔬果经批准可在登记后销毁，但应拍照或者录像予以记录。 　　 　　图：　　 　　听讲你哋将收缴嘅蔬果进行环保销毁，重有全程录像跟踪，我想睇睇。　　 　　 　　嗱，蔬果首先由回收口进入，然后经过一系列嘅分解处理……　　 　　 　　最后由排放口排出。

卢总發表於 2007-10-11 02:44:56

黃金「执」　

街坊话事　　 　　 　　□叶丽贞　　 　　 　　茶客甲：报纸话呀，2号嗰日受台风「利奇马」影响，渡轮停航，上、下川岛有五六千人走唔到噃。唔单只噉，嗰啲酒店、餐厅仲「趁机狠宰」，餐费住宿费涨咗成倍、甚至几倍；仲有啲人钱又洗晒，唔知点算…… 　　茶客乙：过埋10月份天气就转凉，到时海滩线就「鬼影」都唔多只嘞，佢哋仲唔趁住呢个天赐良机「好天揾埋落雨柴」咩！不过话时话呀，有啲游客又几蠢啫。 　　茶客甲：点蠢法啊？ 　　茶客乙：出远门之前就应该先留意下天气预报吖嘛！ 　　茶客甲：噉又係，去得旅行梗係要有啲安全意识嘅。但当地啲有关部门够唔掂啦——如果及时介入，你话啲商家有冇咁猖狂？啲游客又点会咁无奈啊？ 　　茶客乙：黃金周仲唔休晒息咩！好在，收尾喺发生咗游客打烂码头玻璃，出事之后开始重视…… 　　茶客甲：睇嚟，对上、下川岛啲老细嚟讲，今次国庆长假唔能够叫做「黃金周」嘞。 　　茶客乙：噉叫咩啊？ 　　茶客甲：「黃金执」啰！ 　　茶客乙（笑）：噉佢哋就真係一要多谢老天爷嘅「关照」，二要多谢有关部门嘅「唔关照」至得嘞。 
 
<A href="http://www.nanfangdaily.com.cn/southnews/dd/dsb/B12/200710100503.asp">http://www.nanfangdaily.com.cn/southnews/dd/dsb/B12/200710100503.asp</A>

卢总發表於 2007-10-11 02:47:47

茶客甲：报纸话呀，2号嗰日受台风「利奇马」影响，渡轮停航，上、下川岛有五六千人走唔到噃。唔单只噉，嗰啲酒店、餐厅重「趁机狠宰」，餐费住宿费涨咗成倍、甚至几倍；重有啲人钱又使晒，唔知点算…… 　　茶客乙：过埋10月份天气就转凉，到时海滩线就「鬼影」都唔多只嘞，佢哋重唔趁住呢个天赐良机「好天揾埋落雨柴」咩！不过话时话呀，有啲游客又几蠢啫。 　　茶客甲：点蠢法啊？ 　　茶客乙：出远门之前就应该先留意下天气预报吖嘛！ 　　茶客甲：噉又系，去得旅行梗系要有啲安全意识嘅。但当地啲有关部门够唔掂啦——如果及时介入，你话啲商家有冇咁猖狂？啲游客又点会咁无奈啊？ 　　茶客乙：黃金周重唔休晒息咩！好在，收尾喺发生咗游客打烂码头玻璃，出事之后开始重视…… 　　茶客甲：睇嚟，对上、下川岛啲老世嚟讲，今次国庆长假唔能够叫做「黃金周」嘞。 　　茶客乙：噉叫咩啊？ 　　茶客甲：「黃金执」啰！ 　　茶客乙（笑）：噉佢哋就真系一要多谢老天爷嘅「关照」，二要多谢有关部门嘅「唔关照」至得嘞。

卢总發表於 2007-10-11 02:50:23

Ｍｒ.Ｂｅａｎ，既「憨」且「戆」　

论尽母语　　 　　 　　□卢嘉琳　　 　　 　　最近和同事就「Ｍｒ.Ｂｅａｎ是‘憨豆’还是‘戆豆’」这个问题展开激烈讨论。各自从网络上寻查证据后，发现我们双赢：有「憨豆」，也有「戆豆」。 　　戆，愚也。从心，赣声（《说文解字》）。在广州方言中有鲁莽、冒失之意，如：戆言（言语鲁莽、冒失）；戆激（鲁莽而激烈）；戆头戆脑（傻头傻脑）等。 　　憨，痴呆，傻气，忠厚直率。憨态（天真娇痴的神态），憨笑（朴实天真地笑），憨虫（傻瓜），憨砖（笨蛋）。《说文解字》作「戆」解，从心，敢声。戆、憨二字某程度上是相通的。 　　第一次看Ｍｒ.Ｂｅａｎ　时我就脱口而出：「佢好戆居吖！」操粤语方言的人，第一时间想到用「戆」来形容Ｍｒ.Ｂｅａｎ　。翻译成「戆豆」，理所当然。 　　近日某论坛吵得面红耳赤，楼主旗帜鲜明地狠批港台腔，说港台腔不伦不类，不知所谓。像「佢好戆居」这样的话，楼主视为港腔，加以批判。此举似乎有所偏颇。首先，佢、戆居都是粤方言，粤方言现通行于广东、广西境内，以广州话为中心，使用总人口约8000多万，其中广西境内就有2500万以上。佢、戆居，不能狭义地认为是港腔。 　　其次，佢、戆皆是古韵。粤方言是汉语七大方言中语言现象较为复杂、保留古音特点和古词语较多、内部分歧较小的一个方言。「佢」古时作「渠」，形声。从水，榘省声。代指「他」，如「渠会永无缘」（《玉台新咏·古诗为焦仲卿妻作》）。「戆」，许慎在《说文解字》中释义「愚也」，等同于呆。《荀子·大略》就有「悍戆好斗」，《史记·高祖本纪》有「然陵少戆，陈平可以助之」。古时就有「佢」和「戆」，它们所代表的「他」、「愚」这两个意思古今相通。 　　由此看来，如果把粤方言当作现时矫揉造作的港台腔来批判，未免数典忘祖了。 
 
<A href="http://www.nanfangdaily.com.cn/southnews/dd/dsb/B12/200710100502.asp">http://www.nanfangdaily.com.cn/southnews/dd/dsb/B12/200710100502.asp</A>

卢总發表於 2007-10-11 03:04:05

论尽母语　　 　　 　　□卢嘉琳　　 　　 　　最近和同事就「Ｍｒ.Ｂｅａｎ是‘憨豆’还是‘戆豆’」这个问题展开激烈讨论。各自从网络上寻查证据后，发现我们双赢：有「憨豆」，也有「戆豆」。 　　戆，愚也。从心，赣声（《说文解字》）。在广州方言中有鲁莽、冒失之意，如：戆言（言语鲁莽、冒失）；戆激（鲁莽而激烈）；戆头戆脑（傻头傻脑）等。 　　憨，痴呆，傻气，忠厚直率。憨态（天真娇痴的神态），憨笑（朴实天真地笑），憨虫（傻瓜），憨砖（笨蛋）。《说文解字》作「戆」解，从心，敢声。戆、憨二字某程度上是相通的。 　　第一次看Ｍｒ.Ｂｅａｎ　时我就脱口而出：「佢好戆居啊！」操粤语方言的人，第一时间想到用「戆」来形容Ｍｒ.Ｂｅａｎ　。翻译成「戆豆」，理所当然。 　　近日某论坛吵得面红耳赤，楼主旗帜鲜明地狠批港台腔，说港台腔不伦不类，不知所谓。像「佢好戆居」这样的话，楼主视为港腔，加以批判。此举似乎有所偏颇。首先，佢、戆居都是粤方言，粤方言现通行于广东、广西境内，以广州话为中心，使用总人口约8000多万，其中广西境内就有2500万以上。佢、戆居，不能狭义地认为是港腔。 　　其次，佢、戆皆是古韵。粤方言是汉语七大方言中语言现象较为复杂、保留古音特点和古词语较多、内部分歧较小的一个方言。「佢」古时作「渠」，形声。从水，榘省声。代指「他」，如「渠会永无缘」（《玉台新咏·古诗为焦仲卿妻作》）。「戆」，许慎在《说文解字》中释义「愚也」，等同于呆。《荀子·大略》就有「悍戆好斗」，《史记·高祖本纪》有「然陵少戆，陈平可以助之」。古时就有「佢」和「戆」，它们所代表的「他」、「愚」这两个意思古今相通。 　　由此看来，如果把粤方言当作现时矫揉造作的港台腔来批判，未免数典忘祖了。

卢总發表於 2007-10-11 03:05:37

广州播客第163期　

同声同气　　 　　 　　□阿展专栏　　 　　 　　1.小女孩：妈咪，佢整亲只脚。（妈咪，他的脚受伤了。） 　　母亲：你行唔行呀？八妹！（你走不走啦？小三八！） 　　——北京路步行街附近，两母女看见一个残疾乞丐在乞讨，有以上对话。 　　 　　2.你收声啦！旁观者不得依牙松杠呀！你识唔识呀？（你住口吧，观棋不语，你懂不懂？） 　　——小区休闲区，下象棋的台上竟然煞有介事地摆上了计时器，有旁观者多口，就立即被人训斥。 　　 　　3.你估係神仙咩，食几多着几多，整定嘅。（你又不是神仙，吃多少穿多少，天注定。） 　　——周一股市收市后，两个股民在一港式快餐店喝着奶茶，讨论得失，一人这样说。 　　 　　4.三嚿水一张飞直情係揾笨啦，远到佢个样都睇唔到，唱功同唱卡拉ＯＫ差唔多，最攞命就係嗰句：「射射你。」（三百元一张票实在不值，太远连她的样子都看不清，唱功跟唱卡拉ＯＫ差不多，最要命还是那句：「射射你。」） 　　——一个歌迷看完香港某歌星的演唱会回来有以上感受。 
 
<A href="http://www.nanfangdaily.com.cn/southnews/dd/dsb/B12/200710100501.asp">http://www.nanfangdaily.com.cn/southnews/dd/dsb/B12/200710100501.asp</A>

卢总發表於 2007-10-11 03:33:45

1.小女孩：妈咪，佢整亲只脚。（妈咪，他的脚受伤了。） 　　母亲：你行唔行呀？八妹！（你走不走啦？小三八！） 　　——北京路步行街附近，两母女看见一个残疾乞丐在乞讨，有以上对话。 　　 　　2.你收声啦！旁观者不得咿牙松弶呀！你识唔识呀？（你住口吧，观棋不语，你懂不懂？） 　　——小区休闲区，下象棋的台上竟然煞有介事地摆上了计时器，有旁观者多口，就立即被人训斥。 　　 　　3.你估 　　同声同气　　 　　 　　□阿展专栏　　 　　 　　1.小女孩：妈咪，佢整亲只脚。（妈咪，他的脚受伤了。） 　　母亲：你行唔行呀？八妹！（你走不走啦？小三八！） 　　——北京路步行街附近，两母女看见一个残疾乞丐在乞讨，有以上对话。 　　 　　2.你收声啦！旁观者不得依牙松杠呀！你识唔识呀？（你住口吧，观棋不语，你懂不懂？） 　　——小区休闲区，下象棋的台上竟然煞有介事地摆上了计时器，有旁观者多口，就立即被人训斥。 　　 　　3.你估系神仙咩，食几多着几多，整定嘅。（你又不是神仙，吃多少穿多少，天注定。） 　　——周一股市收市后，两个股民在一港式快餐店喝着奶茶，讨论得失，一人这样说。 　　 　　4.三嚿水一张飞直情系揾笨啦，远到佢个样都睇唔到，唱功同唱卡拉ＯＫ差唔多，最攞命就系嗰句：「射射你。」（三百元一张票实在不值，太远连她的样子都看不清，唱功跟唱卡拉ＯＫ差不多，最要命还是那句：「射射你。」） 　　——一个歌迷看完香港某歌星的演唱会回来有以上感受。

卢总發表於 2007-10-11 03:42:41

恩宁路上西关情（上）　

广州旧影　　 　　 　　□冯璐赟专栏　　 　　 　　恩宁路呢一条百年西关老街，成为全城焦点，已经半年有多嘞。经常都会去嗰度行下，因为迷恋嗰度嘅西关气息同市民味道。硬係冇办法相信，佢会消失喺人间。每到周末，恩宁路到处都係揸住相机嘅人，每个人都希望用影像嚟留低嗰度即将逝去嘅街巷，骑楼，同埋骑楼上面彩色玻璃弥漫嘅光韵。一切嘅一切，都係街坊对自己脚下嘅文化作出嘅努力。作为广州人，一直想讲讲我哋广州人自己嘅西关，尽管西关情永远道不尽。 　　 　　一、情牵骑楼 　　骑楼係有名嘅老广州建筑，係南欧建筑同广州特色相结合嘅产物。喺岭南地区热闹嘅商业街上面，一幢幢骑楼商铺建筑物连起身，就係一条半室内嘅长廊，人可以行係下面尽情购物，唔使担心日晒雨淋。 　　依家嘅广州，骑楼最多嘅，係喺「上下九」和「第十甫」一带，呢啲一直都係西关人所熟悉嘅商业街。先几年，嗰度破旧嘅骑楼外观都粉饰一新，油到「擸擸令」，装上咗「新咵咵」嘅木嵌彩色玻璃旧款玻璃窗，可能係想重现当年西关特色嘅景观。之不过，新过龙，就显得唔多协调。 　　恩宁路亦都係一条有名嘅骑楼街。从幽陌古巷行出蜿蜒绵长嘅老街车道，沿路两边都係层层嘅骑楼建筑，沉默，但係每一刻都提醒我哋，佢同样都係西关市井街边独特而深具人情味嘅一种建筑。佢适应南方天气潮湿多雨、但係商业楼宇又密集嘅独特情形而「度身」建造口架。骑楼方便咗顾客闲人自由购物逛铺头，成就咗西关繁盛商业区极具地方风情同生活特色嘅建筑景观。 　　中西合璧、雅致美观嘅旧日建筑，反映嘅係百几年前西关人居西风东渐、市井开化嘅生活氛围。 　　几百年前，岭南女子嘅袅袅娜娜，穿行过巷；几十年前，广州粉黛嘅脚踏木屐，声声入耳。 　　住喺多宝路嘅王阿姨话，一世人都离唔开骑楼。「我自细就係喺度大嘅嘞，噉多年嚟啊，风风雨雨咩未见过啊……」同佢倾偈嘅时候，王阿姨啱啱坐喺骑楼下面嘅木凳上面，唞凉，同人打「牙铰」。回忆当中嘅眼神，好似倒带一样，有啲困难。因为过日子嘅广州人，好少特别唯意一啲记忆。一时间要佢讲，要佢回忆，的确係有啲难。王阿姨有啲腼腆噉笑起身，「骑楼下面嘅难忘事啊？哦，我醒起嘞……最记得以前夜晚黑，喺骑楼下面开咗间炒石螺嘅，係夜晚先开嘅啫，我哋夜晚就坐喺骑楼下面食螺，係夏天嘅夜晚啰，好多人口架以前，最难忘嘅嘞，依家都冇咗啰……」 　　大家围埋一齐坐嘅，仲有几个阿姨。有啲人回忆起以前后生拍拖相睇嘅时候，骑楼下面嘅石柱，就係约定嘅地方，男仔送女仔返屋企，亦都只係到石柱止步。有啲又话以前啲仔女，细个要食糊仔嘅时候，摆个「耳笼」喺楼梯口，即係喺骑楼下面，细蚊仔坐入去，自己就喺条街度喂佢食糊仔口架啦。如果隔篱又有个噉上下大嘅苏虾仔，大家就斗喂嘞，呵呵。讲起呢一啲嘢，大家都好开心噉笑。笑声当中，一啲本来要谂好耐先谂返起嘅嘢，其实自自然然就会谂返起。因为，骑楼下面嘅人情，并唔需要刻意回忆。每一日坐喺度唞凉，三五成群倾下偈，呢啲就係骑楼人家嘅生活。好多嘢，都已经刻咗喺街坊嘅心入面，西关情浓啊嘛。 　　係啰，如果呢一条代表西关嘅骑楼街真係拆咗嘅话，以后，我哋嘅子子孙孙，唔知仲可唔可以揾到，佢哋嘅祖先，曾经生活嘅地方、曾经嘅生活方式，同埋包含喺里面嘅文化呢。　 
 
<A href="http://www.nanfangdaily.com.cn/southnews/dd/dsb/B12/200710100500.asp">http://www.nanfangdaily.com.cn/southnews/dd/dsb/B12/200710100500.asp</A>

卢总發表於 2007-10-11 04:14:35

恩宁路呢一条百年西关老街，成为全城焦点，已经半年有多嘞。经常都会去嗰度行下，因为迷恋嗰度嘅西关气息同市民味道。硬系冇办法相信，佢会消失喺人间。每到周末，恩宁路到处都系揸住相机嘅人，每个人都希望用影像嚟留低嗰度即将逝去嘅街巷、骑楼，同埋骑楼上面彩色玻璃弥漫嘅光韵。一切嘅一切，都系街坊对自己脚下嘅文化作出嘅努力。作为广州人，一直想讲讲我哋广州人自己嘅西关，尽管西关情永远道不尽。 　　 　　一、情牵骑楼 　　骑楼系有名嘅老广州建筑，系南欧建筑同广州特色相结合嘅产物。喺岭南地区热闹嘅商业街上面，一幢幢骑楼商铺建筑物连起身，就系一条半室内嘅长廊，人可以行喺下面尽情购物，唔使担心日晒雨淋。 　　依家嘅广州，骑楼最多嘅，系喺「上下九」同「第十甫」一带，呢啲一直都系西关人所熟悉嘅商业街。先几年，嗰度破旧嘅骑楼外观都粉饰一新，油到「擸擸令」，装上咗「新咵咵」嘅木嵌彩色玻璃旧款玻璃窗，可能系想重现当年西关特色嘅景观。之不过，新过龙，就显得唔多协调。 　　恩宁路亦都系一条有名嘅骑楼街。从幽陌古巷行出蜿蜒绵长嘅老街车道，沿路两边都系层层嘅骑楼建筑，沉默，但系每一刻都提醒我哋，佢同样都系西关市井街边独特而深具人情味嘅一种建筑。佢适应南方天气潮湿多雨、但系商业楼宇又密集嘅独特情形而「度身」建造ロ架。骑楼方便咗顾客闲人自由购物逛铺头，成就咗西关繁盛商业区极具地方风情同生活特色嘅建筑景观。［「佢适应南方天气潮湿多雨、但系商业楼宇又密集嘅独特情形而「度身」建造ロ架。」呢句好有问题，唔通顺！］ 　　中西合璧、雅致美观嘅旧日建筑，反映嘅系百几年前西关人居西风东渐、市井开化嘅生活氛围。 　　几百年前，岭南女子嘅袅袅娜娜，穿街过巷；几十年前，广州粉黛嘅脚踏木屐，声声入耳。 　　住喺多宝路嘅王阿姨话，一世人都离唔开骑楼。「我自细就系喺度大嘅嘞，噉多年嚟啊，风风雨雨咩未见过啊……」同佢倾偈嘅时候，王阿姨啱啱坐喺骑楼下面嘅木凳上面，唞凉，同人打「牙铰」。回忆当中嘅眼神，好似倒带一样，有啲困难。因为过日子嘅广州人，好少特别为意一啲记忆。一时间要佢讲，要佢回忆，的确系有啲难。王阿姨有啲腼腆噉笑起身，「骑楼下面嘅难忘事啊？哦，我醒起嘞……最记得以前夜晚黑，喺骑楼下面开咗间炒石螺嘅，系夜晚先开嘅啫，我哋夜晚就坐喺骑楼下面食螺，系夏天嘅夜晚啰，好多人ロ架以前，最难忘嘅嘞，依家都冇咗啰……」 　　大家围埋一齐坐嘅，重有几个阿姨。有啲人回忆起以前后生拍拖相睇嘅时候，骑楼下面嘅石柱，就系约定嘅地方，男仔送女仔返屋企，亦都只系到石柱止步。有啲又话以前啲仔女，细个要食糊仔嘅时候，摆个「椅笼」喺楼梯口，即系喺骑楼下面，细蚊仔坐入去，自己就喺条街度喂佢食糊仔ロ架啦。如果隔篱又有个噉上下大嘅苏虾仔，大家就斗喂嘞，呵呵。讲起呢一啲嘢，大家都好开心噉笑。笑声当中，一啲本来要谂好耐先谂返起嘅嘢，其实自自然然就会谂返起。因为，骑楼下面嘅人情，并唔需要刻意回忆。每一日坐喺度唞凉，三五成群倾下偈，呢啲就系骑楼人家嘅生活。好多嘢，都已经刻咗喺街坊嘅心入面，西关情浓吖嘛。 　　系啰，如果呢一条代表西关嘅骑楼街真系拆咗嘅话，以后，我哋嘅子子孙孙，唔知重可唔可以揾到，佢哋嘅祖先，曾经生活嘅地方、曾经嘅生活方式，同埋包含喺里面嘅文化呢？

頁: [1]

粵語協會's Archiver