２００７年９月２１号《南方都市报》Ｂ１３

卢总發表於 2007-9-22 01:25:45

《遥远的她》，遥远的爱　
 
 　　金曲寻味　　 　　 　　□曾锦燊　　 　　 　　让晚风轻轻吹送了落霞／我已习惯每个傍晚去想她／……遥远的她／不可以再归家／我在梦里却始终只有她／遥远的她／可知我心中的说话／热情若无变／哪管它沧桑变化…… 　　呢首《遥远的她》已有廿几年啰，佢係张学友嘅成名曲。笔者喜欢张学友早期嘅歌曲正係从呢首歌开始嘎。记得嗰年我喺“遥远”嘅外地做嘢，“独在异乡为异客”，加之正处喺情窦初开少年时，就更加自然而然噉畀《遥远的她》所蕴含嘅哀怨、悲壮所打动，产生更大嘅共鸣嘞。 　　一对恋人依依惜别，纵使山重水阻，却坚信两情相悦“岂在朝朝暮暮”，展望美好嘅明天。可惜天意弄人，经得起时空嘅考验，却斗唔过病魔嘅无情，两人阴阳永隔。然而，即便“遥远的她／不可以再归家，我在梦里却始终只有她！”曲中音乐、歌词呈现嘅激情，以及张学友嘅动情演绎，好似远山嘅呼唤，嗰种孤绝、悲鸣，好似喺度讲畀我哋知，乜嘢叫做“痛心疾首”。正如泰戈尔所讲：“爱情的欢愉只有一瞬，爱情的痛苦伴随终身。”当我哋期盼住有幸拥有一段刻骨铭心嘅爱情嘅时候，其实係咪已经同时不幸噉预设咗“苦楚”呢样代价喺里边呢？ 　　当然嘞，相形之下，当下流行嘅快餐文化、“现代爱情故事”，就梗係少咗好多痛感——痛感少咗，无病呻吟嘅流行曲就多咗喇！但无论如何，信任、纯洁、忠贞等始终係人类嘅美德嚟嘅，所以先至值得念之咏之醉之啫！所以我到依家仲係咁钟意《遥远的她》，怀缅嗰个纯朴嘅年代、纯朴嘅佢…… 
 
<A href="http://www.nanfangdaily.com.cn/southnews/dd/dsb/B13/200709210602.asp">http://www.nanfangdaily.com.cn/southnews/dd/dsb/B13/200709210602.asp</A>

卢总發表於 2007-9-22 01:31:13

让晚风轻轻吹送了落霞／我已习惯每个傍晚去想她／……遥远的她／不可以再归家／我在梦里却始终只有她／遥远的她／可知我心中的说话／热情若无变／哪管它沧桑变化…… 　　呢首《遥远的她》已有廿几年啰，佢系张学友嘅成名曲。笔者喜欢张学友早期嘅歌曲正系从呢首歌开始嘎。记得嗰年我喺“遥远”嘅外地做嘢，“独在异乡为异客”，加之正处喺情窦初开少年时，就更加自然而然噉畀《遥远的她》所蕴含嘅哀怨、悲壮所打动，产生更大嘅共鸣嘞。 　　一对恋人依依惜别，纵使山重水阻，却坚信两情相悦“岂在朝朝暮暮”，展望美好嘅明天。可惜天意弄人，经得起时空嘅考验，却斗唔过病魔嘅无情，两人阴阳永隔。然而，即便“遥远的她／不可以再归家，我在梦里却始终只有她！”曲中音乐、歌词呈现嘅激情，以及张学友嘅动情演绎，好似远山嘅呼唤，嗰种孤绝、悲鸣，好似喺度讲畀我哋知，乜嘢叫做“痛心疾首”。正如泰戈尔所讲：“爱情的欢愉只有一瞬，爱情的痛苦伴随终身。”当我哋期盼住有幸拥有一段刻骨铭心嘅爱情嘅时候，其实系咪已经同时不幸噉预设咗“苦楚”呢样代价喺里边呢？［点解泰戈尔嘅说话唔可以系“爱情嘅欢愉只有一瞬，爱情嘅痛苦伴随终身”？］ 　　当然嘞，相形之下，当下流行嘅快餐文化、“现代爱情故事”，就梗系少咗好多痛感——痛感少咗，无病呻吟嘅流行曲就多咗喇！但无论如何，信任、纯洁、忠贞等始终系人类嘅美德嚟嘅，所以先至值得念之咏之醉之啫！所以我到依家重系咁钟意《遥远的她》，怀缅嗰个纯朴嘅年代、纯朴嘅佢……

卢总發表於 2007-9-22 01:50:59

扮猪食老虎　

孖辫妹　　文／谈芳波　莫夕　　 　　 　　 　　光头啊，你话一斤棉花重啲啊，定係一斤石头重啲啊？　　 　　 　　梗係一样重啦。　　 　　 　　哦，噉啊？　　 　　 　　噉如果依家我话用一斤棉花同一斤石头嚟掟你个光头，你话边样爽啲啊嘞？ 
 
<A href="http://www.nanfangdaily.com.cn/southnews/dd/dsb/B13/200709210601.asp">http://www.nanfangdaily.com.cn/southnews/dd/dsb/B13/200709210601.asp</A>

卢总發表於 2007-9-22 01:54:15

光头啊，你话一斤棉花重啲吖，定系一斤石头重啲啊？［前面一个用“吖”会比较符合广州话嘅习惯。］　　 　　 　　梗系一样重啦。　　 　　 　　哦，噉啊？　　 　　 　　噉如果依家我话用一斤棉花同一斤石头嚟掟你个光头，你话边样爽啲吖嘞？［用“吖”会比较符合广州话嘅习惯。］

卢总發表於 2007-9-22 01:56:00

粤语自由行（“润”字篇）　

论尽母语　　 　　 　　□Ｐｉｐｐｏ　阮　　 　　 　　润，《说文》入面讲：“水曰润下”；现有潮湿、细腻、光滑、恩惠、利益等意。但係喺粤语入面，佢有更加多嘅意思喔。好似猪肝、鸡肝等等动物嘅肝脏，我哋会讲成猪润、鸡润（亦可写作“膶”）。可能係由于“干干”声，唔够吉利啩。另外，“润”喺粤语入面重有挖苦、嘲弄嘅意思。譬如依家物价飞涨，而你份粮又得鸡碎咁多，你朋友却笑笑口噉同你讲：“得嘅，你收入高，做嘢又勤力，唔使几耐实会住别墅，揸靓车嘅。”你就可以话佢：“大家朋友，唔使讲埋晒呢啲嘢嚟润我嘅。” 　　同“润”一样，“咸”喺粤语入面都有另外一种意思，係指利润空间唔大，投入产出率低。好似有人会话：“依家建筑材料升晒价，人工又贵咗，投标价又压到咁低，呢单工程真係好咸，冇咩嘢执。” 
 
<A href="http://www.nanfangdaily.com.cn/southnews/dd/dsb/B13/200709210600.asp">http://www.nanfangdaily.com.cn/southnews/dd/dsb/B13/200709210600.asp</A>

卢总發表於 2007-9-22 02:03:30

润，《说文》入面讲：“水曰润下”；现有潮湿、细腻、光滑、恩惠、利益等意。但系喺粤语入面，佢有更加多嘅意思喔。好似猪肝、鸡肝等等动物嘅肝脏，我哋会讲成猪润、鸡润（亦可写作“膶”）。可能係由于“干干”声，唔够吉利啩。另外，“润”喺粤语入面重有挖苦、嘲弄嘅意思。譬如依家物价飞涨，而你份粮又得鸡碎咁多，你朋友却笑笑口噉同你讲：“得嘅，你收入高，做嘢又勤力，唔使几耐实会住别墅，揸靓车嘅。”你就可以话佢：“大家朋友，唔使讲埋晒呢啲嘢嚟润我嘅。” 　　同“润”一样，“咸”喺粤语入面都有另外一种意思，系指利润空间唔大，投入产出率低。好似有人会话：“依家建筑材料升晒价，人工又贵咗，投标价又压到咁低，呢单工程真係好咸，冇咩嘢执。”［可能系我孤陋寡闻啦，“咸”字有噉嘅解释，我都系第一次听。我估佢应该系想讲个“行”（“十三行”个“行”）字。］

卢总發表於 2007-9-22 02:04:49

都是奥数惹的祸　

街坊话事　　 　　 　　□冯富华　　 　　 　　李姨：开咗学啦，你嗰女啲成绩咁好，一定係考咗间省重点初中啦？ 　　何姨：唉，唔好提啦，都係怪我唔好，佢净係读得间全区最屎嘅学校。 　　李姨：你嗰女唔单只成绩好，而且好自立，佢考成点又关你事？ 　　何姨：係噉嘅，佢读小学五年级嗰时，老师通知家长叫啲学生读啲乜嘢奥数。我谂，报纸讲咗话学校唔准开办奥数班…… 　　李姨：係啊，当时报纸係噉讲，唔好睬嗰啲老师就啱啦，都係滚钱滚粮票嘅。 　　何姨：就係啰，我当时就冇畀嗰女读奥数。 　　李姨：噉你嗰女点睇呢？ 　　何姨：佢梗係举双脚赞成啦，学校已经畀咗咁多学习压力啰，梗係少啲课外学习好啦。 　　李姨：我都同意吖，唔好畀啲学生仔学生女净係挂住咪书，变成个伯爹爷公伯爷婆至得。 　　何姨：我当时就係噉谂，结果衰咗…… 　　李姨：点解呢？ 　　何姨：嗰啲省重点、市重点收免费生要睇奥数成绩，如果唔係嘅话，对唔住，读自费班啦！ 　　李姨：噉你点吖？ 　　何姨：读自费班？哼，攞我命好过啦！噉样咩就由得佢安排咯，噉就安排咗间全区最屎嘅学校啦。 　　李姨：噉我就戥你唔抵啰。 　　何姨：有乜抵唔抵嘅啫，唯有等嗰女生生性性，係间屎啲嘅学校读出好成绩嚟啦。 
 
<A href="http://www.nanfangdaily.com.cn/southnews/dd/dsb/B13/200709210599.asp">http://www.nanfangdaily.com.cn/southnews/dd/dsb/B13/200709210599.asp</A>

卢总發表於 2007-9-22 02:51:36

李姨：开咗学啦，你个女啲成绩咁好，一定系考咗间省重点初中啦？ 　　何姨：唉，唔好提喇／嘞，都系怪我唔好，佢净系读得间全区最屎嘅学校。 　　李姨：你个女唔单只成绩好，而且好自立，佢考成点又关你事？ 　　何姨：系噉嘅，佢读小学五年级嗰时，老师通知家长叫啲学生读啲乜嘢奥数。我谂，报纸讲咗话学校唔准开办奥数班…… 　　李姨：系啊，当时报纸系噉讲，唔好睬嗰啲老师就啱嘞／喇，都系滚钱滚粮票嘅。 　　何姨：就系啰，我当时就冇畀个女读奥数。 　　李姨：噉你个女点睇呢？ 　　何姨：佢梗系举双脚赞成啦，学校已经畀咗咁多学习压力啰，梗系少啲课外学习好啦。 　　李姨：我都同意啊，唔好畀啲学生仔学生女净系挂住咪（？眯）书，变成个伯爷公伯爷婆至得。 　　何姨：我当时就系噉谂，结果衰咗…… 　　李姨：点解呢？ 　　何姨：嗰啲省重点、市重点收免费生要睇奥数成绩，如果唔系嘅话，对唔住，读自费班啦！ 　　李姨：噉你点啊？ 　　何姨：读自费班？哼，攞我命好过喇／嘞！噉样咩就由得佢安排咯，噉就安排咗间全区最屎嘅学校喇／嘞。 　　李姨：噉我就戥你唔抵啰。 　　何姨：有乜抵唔抵嘅啫，唯有等个女生生性性，喺间屎啲嘅学校读出好成绩嚟啦。

卢总發表於 2007-9-22 02:52:52

太平沙牛腩　

食在广州　　 　　 　　□陈明　　 　　 　　北京路太平沙有间百年字号财记牛腩粉，驰名省港。细个同老妈去北京路逛街，老妈总要带我哋兄妹嚟呢度食一碗牛腩粉，嗰时财记係细细嘅店面，矮矮嘅木台同平板凳，如果人多嘅话台都冇，要捧住个碗食先得。仲记得当时我吃咗碗好香嘅牛腩粉同店外面拥挤排队买粉嘅人龙，老板係一个光头伯伯。依家分店多咗，不过我仲係喜欢老店，新店虽装修好靓，但缺少咗老店嘅嗰种感觉。 　　嗰日我又嚟到太平沙财记，要咗牛腩粉加牛三星汤，牛腩汁超浓，牛三星爽口，啖汤好浓。我每次必点牛腩粉同三星汤，一碗够晒饱！牛腩粉条柔软爽口，汤汁浓厚香醇，牛腩炖得软嫩香滑，7蚊嘅牛腩粉咁好食真係好抵，所以食牛腩粉首选就係哩度。依家环境变咗价钱亦变，但嗰碗香香嘅牛腩粉依然唔变，粉有韧性爽口弹牙；牛腩选料精，焖得啱好，够烂又入味，汤亦够浓，再加自制辣椒酱带出牛肉嘅香气，真係好美味。太平沙财记出品嘅牛腩块头大分量足，嫩滑嘅牛腩唔同其他风味。 　　听讲呢度嘅牛腩用新鲜嘅黄牛坑白腩，保证鲜滑唔韧，配料同火候适当，焖好后1个钟内要卖晒，保证味道同口感。牛杂牛腩新鲜入货，早上5点就开始制作。而牛腩、猪肠、猪手所需嘅料汁亦各有唔同，甚至连辣椒酱都係自家秘制特别鲜味。牛腩係每日早上厨师用秘制嘅调料炖上个几钟备好，调料嘅秘诀除咗姜蒜八角，仲加入咗好多种中药材成分，係乜嘢使牛肉咸淡鲜香係商业秘密。再嚟太平沙，我已唔係嗰个懵懂嘅细路，而太平沙牛腩由以前嘅车仔档到依家分布各区嘅分店，真係觉得太平沙陪伴住我哋呢代人成长。 
 
<A href="http://www.nanfangdaily.com.cn/southnews/dd/dsb/B13/200709210598.asp">http://www.nanfangdaily.com.cn/southnews/dd/dsb/B13/200709210598.asp</A>

卢总發表於 2007-9-22 03:56:32

北京路太平沙有间百年字号财记牛腩粉，驰名省港。细个同阿妈／老妈子去北京路逛街，阿妈／老妈子总要带我哋兄妹嚟呢度食一碗牛腩粉。嗰时财记系细细嘅店面，矮矮嘅木台同平板凳，如果人多嘅话台都冇，要捧住个碗食先得。重记得当时我食咗碗好香嘅牛腩粉同店外面拥挤排队买粉嘅人龙，老板系一个光头伯伯。依家分店多咗，不过我重系喜欢老店，新店虽装修好靓，但缺少咗老店嘅嗰种感觉。 　　嗰日我又嚟到太平沙财记，要咗牛腩粉加牛三星汤，牛腩汁超浓，牛三星爽口，啖汤好浓。我每次必点牛腩粉同三星汤，一碗够晒饱！牛腩粉条柔软爽口，汤汁浓厚香醇，牛腩炖得软嫩香滑，7蚊嘅牛腩粉咁好食真系好抵，所以食牛腩粉首选就系哩度。依家环境变咗价钱亦变，但嗰碗香香嘅牛腩粉依然唔变，粉有韧性爽口弹牙；牛腩选料精，焖得啱好，够烂又入味，汤亦够浓，再加自制辣椒酱带出牛肉嘅香气，真系好美味。太平沙财记出品嘅牛腩块头大分量足，嫩滑嘅牛腩唔同其它风味。 　　听讲呢度嘅牛腩用新鲜嘅黄牛坑白腩，保证鲜滑唔韧，配料同火候适当，焖好后1个钟内要卖晒，保证味道同口感。牛杂牛腩新鲜入货，早上5点就开始制作。而牛腩、猪肠、猪手所需嘅料汁亦各有唔同，甚至连辣椒酱都系自家秘制特别鲜味。牛腩系每日早上厨师用秘制嘅调料炖上个几钟备好，调料嘅秘诀除咗姜蒜八角，重加入咗好多种中药材成分，系乜嘢使牛肉咸淡鲜香系商业秘密。再嚟太平沙，我已唔系嗰个懵懂嘅细路，而太平沙牛腩由以前嘅车仔档到依家分布各区嘅分店，真系觉得太平沙陪伴住我哋呢代人成长。

卢总發表於 2007-9-22 03:57:25

广州播客第157期　

同声同气　　 　　 　　□阿展专栏　　 　　 　　1.阴功啰，仔，睇下你啦，满头大汗。个老师又係嘅，体育课咁跑法想收买人命咩？嚟啦，老母带你出去食大餐补返！（真可怜，儿子，看你满头大汗的，那个老师真是的，体育课这样跑法想要人命吗？来吧，阿妈带你出去吃大餐补偿一下。） 　　——一个母亲接儿子放学时，看到他累得满头大汗，就对他这样说。 　　2.甲：你又话斩手指戒赌嘅，乜咁快又生番晒嗱？（你不是说斩手指戒赌吗，怎么这么快又长出来了？） 　　乙：斩脚趾都冇用口架，电灯着，鬼掤脚，天一黑，对脚就识自己行过嚟口架啦。（斩脚趾都没用，天一黑，双脚就会自己走过来。） 　　——小区里，很多老人都会在居委会的棋牌室聚集，一个街坊遇到熟人，就开起了玩笑。 　　3.死啦，听日要去农行帮阿妈攞退休金，你知唔知边间人少啲呀，听讲依家入亲银行闲闲地都要三几个钟先出得嚟啵，噉我咪要带张埋折凳去排队？都係带埋干粮同饮水去稳阵啲。”（糟了，明天要去农行帮阿妈拿退休金，你知道哪间人少点吗？听说现在到银行办业务没有三五个钟头出不来，那我不是要带张折凳去排队？我还是带上干粮和水稳妥点。） 　　——一个街坊想起要到银行办业务就有种排队的恐惧，他向友人这样说。 
 
<A href="http://www.nanfangdaily.com.cn/southnews/dd/dsb/B13/200709210597.asp">http://www.nanfangdaily.com.cn/southnews/dd/dsb/B13/200709210597.asp</A>

卢总發表於 2007-9-22 04:39:32

1.阴功啰，仔，睇下你啦，满头大汗。个老师又系嘅，体育课噉跑法想收买人命咩？嚟啦，老母带你出去食大餐补返！（真可怜，儿子，看你满头大汗的，那个老师真是的，体育课这样跑法想要人命吗？来吧，阿妈带你出去吃大餐补偿一下。） 　　——一个母亲接儿子放学时，看到他累得满头大汗，就对他这样说。 　　2.甲：你又话斩手指戒赌嘅，乜咁快又生返晒嗱？（你不是说斩手指戒赌吗，怎么这么快又长出来了？） 　　乙：斩脚趾都冇用ロ架，电灯着，鬼掹／擝脚，天一黑，对脚就识自己行过嚟ロ架啦。（斩脚趾都没用，天一黑，双脚就会自己走过来。） 　　——小区里，很多老人都会在居委会的棋牌室聚集，一个街坊遇到熟人，就开起了玩笑。 　　3.死啦，听日要去农行帮阿妈攞退休金，你知唔知边间人少啲呀，听讲依家入亲银行闲闲地都要三几个钟先出得嚟噃，噉我咪要带埋张折凳去排队？都系带埋干粮同饮水去稳阵啲。”（糟了，明天要去农行帮阿妈拿退休金，你知道哪间人少点吗？听说现在到银行办业务没有三五个钟头出不来，那我不是要带张折凳去排队？我还是带上干粮和水稳妥点。） 　　——一个街坊想起要到银行办业务就有种排队的恐惧，他向友人这样说。

卢总發表於 2007-9-22 04:40:54

6·19　人之生也直　

栋笃论语·雍也第六　　 　　 　　□子野专栏　　 　　 　　【原文】子曰：“人之生也直，罔之生也幸而免。” 　　【译文】直，正直；罔，欺罔，唔正直；幸，侥幸；免，唔使畀灾祸所害。 　　孔子话：“人生活喺呢个世上，靠嘅係正直；嗰啲唔正直嘅人，佢哋生活喺呢个世上，靠嘅係侥幸避开灾祸。” 　　【栋笃】听住嘞，又一句劝世良言嚟嘎。人生在世，要好好噉过一世，靠嘅係咩？係正直。因为人係一种社会动物，每一个人，都唔係孤立存在嘅。你正直，佢正直，我正直，大家都正直，人祸梗係会消失，即使有咗天灾，大家都可以齐心合力，去战天斗地，维护自己嘅家园－－噉样嘅社会，就係一个理想社会嘞。讲返转头，如果你“罔”，佢“罔”，我“罔”，大家都互相欺骗，尔虞我诈，勾心斗角，噉样嘅社会，直情就係地狱添，边个愿意生活喺噉样嘅社会入边啊？ 　　之不过，“理想社会”同埋“地狱式社会”，同我哋都有一段距离。现实世界入边，“直”嘅人固然唔少，“罔”嘅人，亦都有一定嘅比例。但係我哋睇到嘅，往往係正直嘅人生存得好艰难，欺罔嘅人反而活得潇洒－－南京“彭宇案”嘅审判结果，再次畀咗我哋“千祈唔好做好人”嘅教训，噉又係点呢？ 　　孔Ｓｉｒ话畀我哋知，欺罔嘅人，佢哋嘅生存，靠嘅係侥幸。讲实话，彭宇案嘅真相我唔知，如果从网上一边倒嘅言论，同埋嗰个上庭作证嘅老伯喺案件判决之后嘅愤激言语，噉嗰个老太，就係一个“罔老太”，佢同佢嘅屋企人赢咗呢场官司，就係“幸而免”；而法官多次使用嘅“按常理推断”，就係建立于“人之生也罔”呢个基础上边嘅嘞。 　　其实佛家嘅解释，就相对彻底啲，亦都更加“理想化”一啲。“善有善报，恶有恶报，不是不报，时候未到。”呢句说话大家都好熟嘞，欺罔嘅人一时活得潇洒－－“时候未到”啫；有啲“罔人”成世都福禄寿全，真正係“冚家富贵”啵－－下世会有报应口架嘞。 　　“但係佛祖啊，下世我睇唔到啵。”係噉嘅话，要保证“人之生也直”，要令到“罔之生难幸而免”，仲係需要一套完善嘅制度保障。噉样嘅制度，依家有冇呢？讲起身好似有，又好似冇……咔咔。　（插图：老饼） 　　 　　图： 　　……有时“直”得滞仲容易惹祸上身啊！ 
 
<A href="http://www.nanfangdaily.com.cn/southnews/dd/dsb/B13/200709210595.asp">http://www.nanfangdaily.com.cn/southnews/dd/dsb/B13/200709210595.asp</A>

卢总發表於 2007-9-22 04:46:37

【原文】子曰：“人之生也直，罔之生也幸而免。” 　　【译文】直，正直；罔，欺罔，唔正直；幸，侥幸；免，唔使畀灾祸所害。 　　孔子话：“人生活喺呢个世上，靠嘅系正直；嗰啲唔正直嘅人，佢哋生活喺呢个世上，靠嘅系侥幸避开灾祸。” 　　【栋笃】听住嘞，又一句劝世良言嚟嘎。人生在世，要好好噉过一世，靠嘅系咩？系正直。因为人系一种社会动物，每一个人，都唔系孤立存在嘅。你正直，佢正直，我正直，大家都正直，人祸梗系会消失，即使有咗天灾，大家都可以齐心合力，去战天斗地，维护自己嘅家园－－噉样嘅社会，就系一个理想社会嘞。讲返转头，如果你“罔”，佢“罔”，我“罔”，大家都互相欺骗，尔虞我诈，勾心斗角，噉样嘅社会，直情就系地狱添，边个愿意生活喺噉样嘅社会入边啊？ 　　之不过，“理想社会”同埋“地狱式社会”，同我哋都有一段距离。现实世界入边，“直”嘅人固然唔少，“罔”嘅人，亦都有一定嘅比例。但系我哋睇到嘅，往往系正直嘅人生存得好艰难，欺罔嘅人反而活得潇洒－－南京“彭宇案”嘅审判结果，再次畀咗我哋“千祈唔好做好人”嘅教训，噉又系点呢？ 　　孔Ｓｉｒ话畀我哋知，欺罔嘅人，佢哋嘅生存，靠嘅系侥幸。讲实话，彭宇案嘅真相我唔知，如果从网上一边倒嘅言论，同埋嗰个上庭作证嘅老伯喺案件判决之后嘅愤激言语，噉嗰个老太，就系一个“罔老太”，佢同佢嘅屋企人赢咗呢场官司，就系“幸而免”；而法官多次使用嘅“按常理推断”，就系建立于“人之生也罔”呢个基础上边嘅嘞。 　　其实佛家嘅解释，就相对彻底啲，亦都更加“理想化”一啲。“善有善报，恶有恶报，不是不报，时候未到。”呢句说话大家都好熟嘞，欺罔嘅人一时活得潇洒－－“时候未到”啫；有啲“罔人”成世都福禄寿全，真正系“冚家富贵”噃－－下世会有报应ロ架嘞。 　　“但系佛祖啊，下世我睇唔到噃。”系噉嘅话，要保证“人之生也直”，要令到“罔之生难幸而免”，重系需要一套完善嘅制度保障。噉样嘅制度，依家有冇呢？讲起身好似有，又好似冇……咔咔。　（插图：老饼） 　　 　　图： 　　……有时“直”得滞重容易惹祸上身啊！

huang 發表於 2007-9-24 17:11:35

物極必反，矯枉過正！
好似個  啊同吖！！！
其實用係   先到正確！！
 
其它嘅我就唔講啦，不過我都幾讚賞你可以將啲文章睇得咁認真（雞肋文章)！

卢总發表於 2007-9-25 11:59:30

唔该搞清楚，咩叫“矫枉过正”先啦！

pippo 發表於 2007-9-26 09:51:38

你好。呢篇文章係我寫嘅。“咸”字確有此意，可向該行業嘅相關人士了解。

頁: [1]

粵語協會's Archiver