２００７年９月２０号《南方都市报》Ｂ１２

卢总發表於 2007-9-20 21:50:41

“攞命校车”
 
例汤正　　□老饼专栏　　 　　 　　今日汤料：话说孩童闷死在校车内的悲剧又一次重演！在东莞大朗镇一家无牌无证幼儿园上小班的两岁半男童阳阳被活活闷死在接送孩子的面包车上。该幼儿园现已关闭，负责人被警方拘留。　　 　　 　　我喺马路见到一部校车逼满三十几个小朋友，真係攞命！　　 　　我喺高速路见到一部校车仲攞命！至少逼满五十几个小朋友……　　 　　我喺停车场见到一部校车，入边只有一个小朋友啫！　　 　　新闻背景： 　　2007年9月19日《南方都市报》Ａ07版《校车闷死男童》
 
<A href="http://www.nanfangdaily.com.cn/southnews/dd/dsb/B12/200709200214.asp">http://www.nanfangdaily.com.cn/southnews/dd/dsb/B12/200709200214.asp</A>

卢总發表於 2007-9-20 21:52:12

今日汤料：话说孩童闷死在校车内的悲剧又一次重演！在东莞大朗镇一家无牌无证幼儿园上小班的两岁半男童阳阳被活活闷死在接送孩子的面包车上。该幼儿园现已关闭，负责人被警方拘留。　　 　　 　　我喺马路见到一部校车逼满三十几个小朋友，真系攞命！　　 　　我喺高速路见到一部校车重攞命！至少逼满五十几个小朋友……　　 　　我喺停车场见到一部校车，入边只有一个小朋友啫！

卢总發表於 2007-9-20 21:54:48

捞啲煤灰，冚啲猫屎　

疯狂粤语　　　　□肇文　　 　　 　　做小学鸡嗰阵，初学英文，肯定要喺屋企Ｓｈｏｗ一下。阿婆听到我读英文，总係笑骑骑噉同我讲：“学英文啊？係咪‘捞啲煤灰，冚啲猫屎’啊？”嗰时唔係好明阿婆讲嘅係咩意思，点解我讲英文会同“冚猫屎”有关呢？ 　　广州人养家猫（唔係宠物猫嗰啲高级品种），都会整个煤灰盆畀佢做大小二便嘅处所。猫大解之后都会一走了之，主人就要自己喐手攞啲煤灰将猫嘅便便冚住，费事臭气熏天。所以，听到阿婆话“捞啲煤灰，冚啲猫屎”，好自然就会谂到“冚猫屎”。唔通我啲英文真係咁差，阿婆唔识都听得出？ 　　后尾我问阿婆点解，佢话，呢句话係好耐以前係沙面嗰度听返嚟嘅。嗰阵好似係搞紧咩建设，要喺沙面搬石头、砖瓦。搬开之后，好多老鼠冲咗出嚟。当时有几个番鬼仔喺度，佢哋见到老鼠就大叫：“捞啲煤灰，冚啲猫屎”。 　　原来係噉！噉呢句话应该就係：Ｌｏｏｋ，ｔｈｅ　ｍｏｖｅ　ｃｏｍｅｓ　ｔｈｅ　ｍｏｕｓｅ（睇，啲老鼠跑出嚟啦）。因为阿婆冇学过英文，唔知番鬼仔讲乜，就用谐音方式记住咗呢句话。其实都好巧，因为啱好同我哋用煤灰冚猫屎嘅日常小事挂起咗钩！ 
<A href="http://www.nanfangdaily.com.cn/southnews/dd/dsb/B12/200709200213.asp">http://www.nanfangdaily.com.cn/southnews/dd/dsb/B12/200709200213.asp</A>

卢总發表於 2007-9-20 22:16:43

做小学鸡嗰阵，初学英文，肯定要喺屋企Ｓｈｏｗ一下。阿婆听到我读英文，总系笑骑骑噉同我讲：“学英文啊？系咪‘捞啲煤灰，冚啲猫屎’啊？”嗰时唔系好明阿婆讲嘅系咩意思，点解我讲英文会同“冚猫屎”有关呢？ 　　广州人养家猫（唔系宠物猫嗰啲高级品种），都会整个煤灰盆畀佢做大小二便嘅处所。猫大解之后都会一走了之，主人就要自己喐手攞啲煤灰将猫嘅便便冚住，费事臭气熏天。所以，听到阿婆话“捞啲煤灰，冚啲猫屎”，好自然就会谂到“冚猫屎”。唔通我啲英文真系咁差，阿婆唔识都听得出？ 　　后尾我问阿婆点解，佢话，呢句话系好耐以前喺沙面嗰度听返嚟嘅。嗰阵好似系搞紧咩建设，要喺沙面搬石头、砖瓦。搬开之后，好多老鼠冲咗出嚟。当时有几个番鬼仔喺度，佢哋见到老鼠就大叫：“捞啲煤灰，冚啲猫屎”。 　　原来系噉！噉呢句话应该就系：Ｌｏｏｋ，ｔｈｅ　ｍｏｖｅ　ｃｏｍｅｓ　ｔｈｅ　ｍｏｕｓｅ（睇，啲老鼠跑出嚟喇）。因为阿婆冇学过英文，唔知番鬼仔讲乜，就用谐音方式记住咗呢句话。其实都好巧（呢个字如果真系可以读“轿”嘅，应该注明。），因为啱好同我哋用煤灰冚猫屎嘅日常小事挂起咗钩！
 
［文中所讲嘅，啲猫屙完屎之后一走了之唔系好符合真正嘅事实！］

卢总發表於 2007-9-20 22:18:27

我做唔好呢份工　

港人讲嘢·黄子华栋笃笑　　 　　 　　□记录　莫夕　　 　　 　　我亦都曾经做过电视台嘅叫做助理编导啊，即係行内人叫做ＰＡ嘅。原则上呢，ＰＡ呢份工就几好嘅，因为有一日呢，你就从ＰＡ升到做导演嘅嘞。不过有些少嘅麻烦呢，就係呢……ＰＡ同导演做嘢就好唔同，导演当然就梗係做晒所有创作性嘅嘢啦，ＰＡ呢主要就係做导演唔做嘅嘢嘞。噉啊，包括咗斟茶递水啦、揾演员、揾道具、揾化妆、揾梳头、揾黑社会讲陀地费等等。噉啊，原本冇乜问题嘅呢个工作，弊在当时呢，即係我係心头比较高嘅人，即係我係成日迎住我係香港未来嘅黑泽明。你知唔知边个黑泽明啊？嗰个日本电影大师呢，佢曾经用10年嘅时间拍一部电影，叫做《乱》。犀利呢？不过我都唔逊色，我自己都乱咗卅年嘞，我屋企都係一样，唔係噉，第日点做黑泽明啊，係嘛？噉所以嗰时我要做ＰＡ啲咁湿碎嘅工作，我就觉得好难受，唔係为自己难受，为咗黑泽明难受啊嘛。“阿琴姐啊，啲冻柠水买咗返嚟嘞，趁热饮啦……阿婆啊，你借间屋畀我哋拍戏啦，唔会口架，唔会整花你埲墙口架，唔会口架，唔会打烂你啲嘢口架，唔会口架，唔会踩到个地下嘅我哋，你咁老，唔通我会呃你咩……大佬啊，我係度拍咗半个钟头戏，你哋三班黑社会问我攞陀地费嘞，你估我真係黑泽明啊？我拍紧《听歌学整车》咋……”就係噉，我好难过地过咗两年几，噉你知啦，日日哭丧嘅面都唔係几好睇啦，所以我卒之顶唔顺，我辞咗份工。 　　但係我当时就觉得好羞愧啊，我辞工嗰时，即係我觉得，一啲噉嘅磨练，你都顶唔顺，你仲话做黑泽明？所以我就畀咗个藉口自己，我唔係顶唔顺啲磨练，我係唔想做黑泽明。做黑泽明有乜好啊？依家八十几岁嘞仲喺度拍紧戏，仲喺度捱，我八十几岁仲要霸住嚟做，我不如做领导人啦。 　　我亦都曾经做过香港电台制作嘅《性本善》剧集，里面其中啊……当然係做男主角啦。嗰集里面呢，啊，就有个好年轻貌美，好贤淑嘅妻子；而我自己呢，就係做一个都几英俊下，年轻有为嘅性冇能。噉啊，我做得好唔好，我唔识得点去做。但係我好开心，因为我有得做戏。 
<A href="http://www.nanfangdaily.com.cn/southnews/dd/dsb/B12/200709200212.asp">http://www.nanfangdaily.com.cn/southnews/dd/dsb/B12/200709200212.asp</A>

卢总發表於 2007-9-20 23:18:51

我亦都曾经做过电视台嘅叫做助理编导啊，即系行内人叫做ＰＡ嘅。原则上呢，ＰＡ呢份工就几好嘅，因为有一日呢，你就从ＰＡ升到做导演咖嘞。不过有些少嘅麻烦呢，就系呢……ＰＡ同导演做嘢就好唔同，导演当然就梗系做晒所有创作性嘅嘢啦，ＰＡ呢主要就系做导演唔做嘅嘢嘞。噉啊，包括咗斟茶递水啦、揾演员、揾道具、揾化妆、揾梳头、揾黑社会讲陀地费等等。噉啊，原本冇乜问题嘅呢个工作，弊在当时呢，即系我系心头比较高嘅人，即系我系成日迎（呢个字好值得商榷，我认为应该系个“凝”字）住我系香港未来嘅黑泽明。你知唔知边个黑泽明啊？嗰个日本电影大师呢，佢曾经用10年嘅时间拍一部电影，叫做《乱》。犀利呢？不过我都唔逊色，我自己都乱咗卅年嘞，我屋企都系一样，唔系噉，第日点做黑泽明啊，系嘛？噉所以嗰时我要做ＰＡ啲咁湿碎嘅工作，我就觉得好难受，唔系为自己难受，为咗黑泽明难受吖嘛。“阿琴姐啊，啲冻柠水买咗返嚟嘞，趁热饮啦……阿婆啊，你借间屋畀我哋拍戏啦，唔会ロ架，唔会整花你埲墙ロ架，唔会ロ架，唔会打烂你啲嘢ロ架，唔会ロ架，唔会踩到个地下嘅我哋，你咁老，唔通我会呃你咩……大佬啊，我喺度拍咗半个钟头戏，你哋三班黑社会问我攞陀地费嘞，你估我真系黑泽明啊？我拍紧《听歌学整车》咋……”就系噉，我好难过地过咗两年几，噉你知啦，日日哭丧嘅面都唔系几好睇啦，所以我卒之顶唔顺，我辞咗份工。 　　但系我当时就觉得好羞愧啊，我辞工嗰时，即系我觉得，一啲噉嘅磨练，你都顶唔顺，你重话做黑泽明？所以我就畀咗个藉口自己，我唔系顶唔顺啲磨练，我系唔想做黑泽明。做黑泽明有乜好啊？依家八十几岁嘞，重喺度拍紧戏，重喺度捱，我八十几岁重要霸住嚟做，我不如做领导人啦。 　　我亦都曾经做过香港电台制作嘅《性本善》剧集，里面其中啊……当然系做男主角啦。嗰集里面呢，啊，就有个好年轻貌美，好贤淑嘅妻子；而我自己呢，就系做一个都几英俊下，年轻有为嘅性无能。噉啊，我做得好唔好，我唔识得点去做。但系我好开心，因为我有得做戏。

卢总發表於 2007-9-20 23:42:21

凉茶甘香有段古　

吹水唔抹嘴　　 　　 　　□南方卫视供稿　　 　　 　　基叔：以前喺广州市街头巷尾，一般你行一百多步就有一间凉茶铺。 　　何车：咩王老吉、三虎堂、上清饮、健生堂、黄振龙、徐其修、春和堂、耕田公啦，多到数都数唔清。 　　李嘉：你话天气热饮凉茶嗟，但依家中秋临近天气转凉，我哋吹凉茶会唔会唔係几合时宜呢？ 　　基叔：噉你就错嘞，边个话凉茶係天热先置饮得口架？正所谓“秋冬防肺燥、春夏祛暑湿”啊嘛，广东凉茶係四季皆宜，几时都饮得。 　　何车：而且你唔好以为凉茶只能治发热喔，发冷都能治口架。以前有间凉茶铺叫“常炯堂”，就宣称佢嘅凉茶专治发冷病。为咗吸引顾客，喺佢嘅门口就有两个人演戏，一个扮发冷，缩喺一边啲啲震，隔篱有个人将脸涂成青色，高举一个大锤，大声喊“常炯堂，一声雷，发冷病，尽祛除”。 　　基叔：即係一种活广告。 　　何车：係啊，佢噉样就吸引咗好多小朋友嚟睇，自不然就会有啲家长攞钱买一两杯凉茶嚟饮嘞，效果几好口架。 　　基叔：据香港1869年嘅宪报上记载，从香港出发运苦役去美国嘅船只上，係规定咗一定要有做凉茶嘅设施口架。当时嘅香港政府宪报上列明，每只“猪仔船”即係苦役船嘞，要备有二十四味嘅中药材料做凉茶，每种材料几多斤，亦都有规定。 　　李嘉：哇，咁早以前凉茶就已经咁盛行嘅嘞？噉最早嘅广东凉茶係咩时候出嘅呢？ 　　何车：最早嘅广东凉茶出自咩时候就真嘅无法考究嘞，但有品牌嘅应该就係王老吉。1828年广东鹤山人王泽邦喺广州十三行靖远街开设凉茶铺，经营水碗凉茶。呢个王泽邦乳名就叫做王吉，后嚟佢嘅凉茶出名嘞，就叫做“王老吉”。 　　基叔：以前好多广东人饮凉茶唔係到街边买嘅，而係自己煮嘅。以前好多家庭妇女都知道从市场或药店买啲夏枯草、冬桑叶、金银花等草药返屋企煲凉茶。依家很多年轻人亦都识嘞，凡係感冒喉咙痛，就算好咗之后仲要饮翻杯凉茶，先至能“断尾”。 　　何车：呢个恐怕係一种心理作用啫。 　　李嘉：其实话广东凉茶又威又潮，一啲都冇错，话佢威，係因为广东凉茶成为首批国家级非物质文化遗产；话佢潮，係因为即使係潮人，亦要定时定候到凉茶铺报到，特别晚上蒲完之后啊，一定要饮杯凉茶降降火。凉茶，已经成为广东人生活必不可少嘅一个元素。 
 
<A href="http://www.nanfangdaily.com.cn/southnews/dd/dsb/B12/200709200211.asp">http://www.nanfangdaily.com.cn/southnews/dd/dsb/B12/200709200211.asp</A>

卢总發表於 2007-9-21 02:13:40

基叔：以前喺广州市街头巷尾，一般你行一百几步就有一间凉茶铺。 　　何车：咩王老吉、三虎堂、上清饮、健生堂、黄振龙、徐其修、春和堂、耕田公啦，多到数都数唔清。 　　李嘉：你话天气热饮凉茶嗟，但依家中秋临近天气转凉，我哋饮凉茶会唔会唔系几合时宜呢？ 　　基叔：噉你就错嘞，边个话凉茶系天热先至饮得ロ架？正所谓“秋冬防肺燥、春夏去暑湿”吖嘛，广东凉茶系四季皆宜，几时都饮得。［“祛”读“驱”，唔系读“去”。］ 　　何车：而且你唔好以为凉茶只能治发热喔，发冷都能治ロ架。以前有间凉茶铺叫“常炯堂”，就宣称佢嘅凉茶专治发冷病。为咗吸引顾客，喺佢嘅门口就有两个人演戏，一个扮发冷，缩喺一边“弟弟”震，隔篱有个人将脸涂成青色，高举一个大锤，大声喊“常炯堂，一声雷，发冷病，尽祛除”。 　　基叔：即系一种活广告。 　　何车：系啊，佢噉样就吸引咗好多小朋友嚟睇，自不然就会有啲家长攞钱买一两杯凉茶嚟饮嘞，效果几好ロ架。 　　基叔：据香港1869年嘅宪报上记载，从香港出发运苦役去美国嘅船只上，系规定咗一定要有做凉茶嘅设施ロ架。当时嘅香港政府宪报上列明，每只“猪仔船”即系苦役船嘞，要备有二十四味嘅中药材料做凉茶，每种材料几多斤，亦都有规定。 　　李嘉：哇，咁早以前凉茶就已经咁盛行咖嗱？噉最早嘅广东凉茶系咩时候出嘅呢？ 　　何车：最早嘅广东凉茶出自咩时候就真嘅无法考究嘞，但有品牌嘅应该就系王老吉。1828年广东鹤山人王泽邦喺广州十三行靖远街开设凉茶铺，经营水碗凉茶。呢个王泽邦乳名就叫做王吉，后嚟佢嘅凉茶出名嘞，就叫做“王老吉”。 　　基叔：以前好多广东人饮凉茶唔系到街边买嘅，而系自己煮嘅。以前好多家庭妇女都知道从市场或药店买啲夏枯草、冬桑叶、金银花等草药返屋企煲凉茶。依家好多年轻人亦都识嘞，凡系感冒喉咙痛，就算好咗之后重要饮番杯凉茶，先至能“断尾”。 　　何车：呢个恐怕系一种心理作用啫。 　　李嘉：其实话广东凉茶又威又潮，一啲都冇错，话佢威，系因为广东凉茶成为首批国家级非物质文化遗产；话佢潮，系因为即使系潮人，亦要定时定候到凉茶铺报到，特别晚上蒲完之后啊，一定要饮杯凉茶降降火。凉茶，已经成为广东人生活必不可少嘅一个元素。

卢总發表於 2007-9-21 02:22:06

广州播客第156期　

同声同气　　 　　 　　□阿展专栏　　 　　 　　唔好意思 　　 　　本月某日，早上8点50分，江南大道某电信营业部，一个街坊拿出现金要交费时，同电信营业员有以下对话： 　　营业员：唔好意思，我哋唔收现金。（不好意思，我们不收现金。） 　　街坊：咁我碌卡。（那我刷卡。） 　　营业员：唔好意思，铺屎机坏咗。（不好意思，刷卡机坏了。） 　　街坊：咁我买充值卡啦。（那我买充值卡。） 　　营业员：唔好意思，充值卡卖晒。（不好意思，充值卡卖完。） 　　街坊：有冇搞错呀，依家几点呀，乜嘢业务都办唔到，咁你哋仲开门营业？（有没有搞错，现在几点钟啊，什么业务也办不了，那你们还开门营业？） 　　营业员：我哋仲可以查询。（我们还可以查询啊。） 　　街坊：噉我要查询。（那我要查询。） 　　营业员：唔好意思……（不好意思……） 　　街坊：又唔好意思！？ 　　营业员：我叫你攞张叫号纸啫……（我想叫你先拿张叫号纸……） 　　街坊：唔好意思，我唔×问啦，@#$#％$#@！（不好意思，我不问了，@#$#％$#@！） 　　——街坊边骂边走出营业厅。 
<A href="http://www.nanfangdaily.com.cn/southnews/dd/dsb/B12/200709200210.asp">http://www.nanfangdaily.com.cn/southnews/dd/dsb/B12/200709200210.asp</A>

卢总發表於 2007-9-21 02:25:29

唔好意思 　　 　　本月某日，早上8点50分，江南大道某电信营业部，一个街坊拿出现金要交费时，同电信营业员有以下对话： 　　营业员：唔好意思，我哋唔收现金。（不好意思，我们不收现金。） 　　街坊：噉我碌卡。（那我刷卡。） 　　营业员：唔好意思，铺屎机坏咗。（不好意思，ＰＯＳ机坏了。） 　　街坊：噉我买充值卡啦。（那我买充值卡。） 　　营业员：唔好意思，充值卡卖晒。（不好意思，充值卡卖完。） 　　街坊：有冇搞错呀，依家几点呀，乜嘢业务都办唔到，噉你哋重开门营业？（有没有搞错，现在几点钟啊，什么业务也办不了，那你们还开门营业？） 　　营业员：我哋重可以查询。（我们还可以查询啊。） 　　街坊：噉我要查询。（那我要查询。） 　　营业员：唔好意思……（不好意思……） 　　街坊：又唔好意思！？ 　　营业员：我叫你攞张叫号纸啫……（我想叫你先拿张叫号纸……） 　　街坊：唔好意思，我唔×问啦，@#$#％$#@！（不好意思，我不问了，@#$#％$#@！） 　　——街坊边骂边走出营业厅。 
原来之前有人贴过出嚟：
<A href="http://bbs.cantonese.asia/viewthread.php?tid=8043&extra=page%3D1">http://bbs.cantonese.asia/viewthread.php?tid=8043&extra=page%3D1</A>

卢总發表於 2007-9-21 02:27:35

6·18文质彬彬，然后君子　

栋笃论语·雍也第六　　 　　 　　□子野专栏　　 　　 　　【原文】子曰：“质胜文则野，文胜质则史。文质彬彬，然后君子。” 　　【译文】质，本质，道德修养噉解；文，口才、文采；野，粗野嘅意思；史，本来指史官，春秋时期嘅史官仲兼职做巫师，成日做啲神神鬼鬼嘅嘢，讲啲难以证实嘅话，所以呢个“史”字，引申为玄虚、浮夸嘅意思；彬彬，係配合得啱啱好嘅意思。 　　孔子话：“人嘅道德修养如果超过佢嘅口才、文采，噉就显得粗野咗啲；人嘅口才、文采如果高过佢嘅实质修养，噉就显得虚浮咗啲。口才、文采同埋实质修养配合得啱啱好，先至係君子。” 　　【栋笃】其实讲到《论语》嘅魅力呢，就唔单止係喺孔Ｓｉｒ讲嘅大道理上边。佢嘅语言魅力，就世代流传都唔会过时嘅啵。 　　比如，今日呢一句：“质胜文则野，文胜质则史。文质彬彬，然后君子。”你读多几次，係咪觉得，呢句说话，好有韵律感、好有音乐感呢？直情就係诗一般嘅语言嘞！ 　　啊，我站在21世纪网络文字的垃圾堆上／目光／却穿越两千年的迷瘴／我情愿让诗经的万丈光芒／把它灼伤／再次灼伤…… 　　哎哟……得嘞得嘞，唔好再掟鸡蛋嘞。我一时诗兴大发，都係畀孔Ｓｉｒ感染咗啫。原谅我嘞，都係揾两餐晏仔食下啫，使乜去到咁尽啊！ 　　好嘞，闲话少说，就言归正传。其实呢，头先我牺牲咗下自己，係为咗等大家睇清楚啲，有姿势，冇实际嘅嘢，就叫做“史”嘞：） 　　冇错，孔Ｓｉｒ讲嘅係人，质，係人嘅本质，人嘅修养；文，係人嘅口才、文采。呢两家嘢，喺一个人身上结合到恰到好处，嗰个人就係君子嘞。但係，讲开又讲，质同文，其实係所有事物入边都存在嘅，噉就即係“内容”同埋“形式”嘞。细到商品、艺术，大到宗教、国家，内容同埋形式嘅和谐，就係最高标准嘞。如果你买个生肉包，睇起身好正，白雪雪噉。但係你发现，咬开入边最重要嘅“质”，居然係纸做嘅，噉样嘅包，就係一个好“史”嘅包。你花咗六七十蚊买张飞，睇咗一场使咗成几亿“文”拍嘅电影，然之后你发觉你其实係睇咗一个“馒头”，噉样嘅电影，的确係“无极”到“史”啊……噉嘅话，野、史虽然都唔得，只不过，史就仲衰过“野”多多声嘞（《论语集注》：然则与其史也，宁野），野，虽然唔係坚嘢，仲係有“野”喺度啫，史呢，就係“流嘢”嘞。点解依家咁多人买月饼宁愿买散装都唔买嗰啲包装精美嘅，就係呢个道理嘞。 　　依家大家明白未啊？头先我喺度扮诗人朗诵，睇起身有啲“文”样，但係入边嘅“质”（诗句），其实就只係“史”诗嚟嘅啫：）不过，孔Ｓｉｒ呢句说话就唔同嘞，好似我开头讲嘅噉，思想正确，语言优美，简直就係“文质彬彬”嘅最好典范嘞。
 
<A href="http://www.nanfangdaily.com.cn/southnews/dd/dsb/B12/200709200209.asp">http://www.nanfangdaily.com.cn/southnews/dd/dsb/B12/200709200209.asp</A>

卢总發表於 2007-9-21 02:52:31

【原文】子曰：“质胜文则野，文胜质则史。文质彬彬，然后君子。” 　　【译文】质，本质，道德修养噉解；文，口才、文采；野，粗野嘅意思；史，本来指史官，春秋时期嘅史官重兼职做巫师，成日做啲神神鬼鬼嘅嘢，讲啲难以证实嘅话，所以呢个“史”字，引申为玄虚、浮夸嘅意思；彬彬，系配合得啱啱好嘅意思。 　　孔子话：“人嘅道德修养如果超过佢嘅口才、文采，噉就显得粗野咗啲；人嘅口才、文采如果高过佢嘅实质修养，噉就显得虚浮咗啲。口才、文采同埋实质修养配合得啱啱好，先至系君子。” 　　【栋笃】其实讲到《论语》嘅魅力呢，就唔单止系喺孔Ｓｉｒ讲嘅大道理上边。佢嘅语言魅力，就世代流传都唔会过时嘅噃。 　　比如，今日呢一句：“质胜文则野，文胜质则史。文质彬彬，然后君子。”你读多几次，系咪觉得，呢句说话，好有韵律感、好有音乐感呢？直情就系诗一般嘅语言嘞！ 　　啊，我站在21世纪网络文字的垃圾堆上／目光／却穿越两千年的迷瘴／我情愿让诗经的万丈光芒／把它灼伤／再次灼伤…… 　　哎哟……得嘞得嘞，唔好再掟鸡蛋嘞。我一时诗兴大发，都系畀孔Ｓｉｒ感染咗啫。原谅我啦，都系揾两餐晏仔食下啫，使乜去到咁尽啊！ 　　好嘞，闲话少说，就言归正传。其实呢，头先我牺牲咗下自己，系为咗等大家睇清楚啲，有姿势，冇实际嘅嘢，就叫做“史”嘞：） 　　冇错，孔Ｓｉｒ讲嘅系人，质，系人嘅本质，人嘅修养；文，系人嘅口才、文采。呢两家嘢，喺一个人身上结合到恰到好处，嗰个人就系君子嘞。但系，讲开又讲，质同文，其实系所有事物入边都存在嘅，噉就即系“内容”同埋“形式”嘞。细到商品、艺术，大到宗教、国家，内容同埋形式嘅和谐，就系最高标准嘞。如果你买个生肉包，睇起身好正，白雪雪噉。但系你发现，咬开入边最重要嘅“质”，居然系纸做嘅，噉样嘅包，就系一个好“史”嘅包。你花咗六七十蚊买张飞，睇咗一场使咗成几亿“文”拍嘅电影，然之后你发觉你其实系睇咗一个“馒头”，噉样嘅电影，的确系“无极”到“史”啊……噉嘅话，野、史虽然都唔得，只不过，史就重衰过“野”多多声嘞（《论语集注》：然则与其史也，宁野），野，虽然唔系坚嘢，重系有“野”喺度啫，史呢，就系“流嘢”嘞。点解依家咁多人买月饼宁愿买散装都唔买嗰啲包装精美嘅，就系呢个道理嘞。 　　依家大家明白未啊？头先我喺度扮诗人朗诵，睇起身有啲“文”样，但系入边嘅“质”（诗句），其实就只系“史”诗嚟嘅啫：）不过，孔Ｓｉｒ呢句说话就唔同嘞，好似我开头讲嘅噉，思想正确，语言优美，简直就系“文质彬彬”嘅最好典范嘞。

頁: [1]

粵語協會's Archiver