《羊城小景——巴士二三事》
<P> 《羊城小景——巴士二三事》<BR> 九点几钟落班，周身攰赖赖，仲要赶住去坐尾班车。着住对有D刮脚嘅高踭鞋，企都有D企唔稳，好在，我响车门边搵到一个位坐。跟响我后面上车嘅系一个师奶，佢冇羊城通，揸住张五蚊纸同司机讲：“我畅开先过嚟买票。”佢行到车中间，问：“唔该边个帮我畅开张五蚊纸买票。？”我真系想帮佢，不过我个袋入面剩系得两张100蚊纸，爱莫能助。有三两个乘客开始吟袋，其中一位阿叔帮佢畅开咗。<BR> 车开到下一站，人唔系多，上来一个一身粉尘，灰头土脸嘅靓仔，十六七岁啦，一睇就知系个来穗打工嘅民工仔。佢又系揸住张五蚊纸，上咗车先发现无人售票。我心谂：麻烦嘞。外地人对广州人嘅负面印象之一就是睇唔起外地人，睇不起民工。何况啱啱有人已经畅过一次钱啦，唔通仲会有人为佢再一次去吟荷包咩，就算系大家愿意，仲有冇咁多散纸啊？我郁咗下我嘅挎包，谂谂下想攞出我个羊城通帮佢打张票。出乎意料，呢个时候，坐响我对面嘅一位阿姨吟出个塑料袋，攞出一堆散纸，耐心咁数出五蚊，有一蚊一张嘅，又有五毫嘅，递畀个民工。阿姨对着昏暗嘅车灯，一张一张数钱嗰个样真系令我好感动，就响一个咁普通嘅夜晚，一辆有D拥挤嘅巴士上，大家因为工作后嘅疲惫都显得安静异常，冇讲嘢，却只用几个动作，几个眼神便演绎咗咁温暖嘅一幕。<BR> 个民工向投币箱里放咗一蚊，并冇向后走，就一直企响前门。我仲未从啱啱嗰一幕嘅幸福感觉中定番神，车好快又到站嘞，民工乌低身对司机讲（普通话）：“师傅，请您开下前门，我从前门下去。”司机头都唔抬就话：（普通话）“下车往后走，前门上后门下”。我都觉得唔妥，“前门上后门下”已经提倡咗好耐啦，响广州，已经好少有人唔知呢个规矩，唔通呢个民工两步都懒得郁？有可能佢做咗一日嘅重体力劳动，太攰了啩，我咁样估估下。民工却开咗口：“师傅，我身上脏，不想和别人挤”。听咗呢句话，我成个定咗形。我重新打量咗下呢个民工，唔系好高，细细粒粒，虽然件衫同埋条裤上一大片一大片嘅都系粉尘，大概系做装修嘅时候整到嘅，不过衬衫纽一个个扣得规规矩矩，天咁热，都冇话扣少几个纽而敞胸露怀。对鞋都系被灰尘冚得失去咗原本嘅黑亮，不过同条裤，件衫配得有条有理。我谂，真系一个勤劳，又懂事有修养嘅打工仔呀。<BR> 民工从前门落咗车，司机关咗门，对后面强调说：“都从前门上后门落啊，这次系特殊情况。”<BR> 热心善良嘅广州市民，勤劳懂事嘅民工仔，认真敬业嘅巴士司机。我嘅语言匮乏，冇办法记录晒当晚我心头涌起嘅所有感动，我只能用我苍白嘅文字，尽量将嗰D生活嘅闪光同大家分享。我爱广州!</P><P> </P>
<P> （这是从其他论坛转贴过来的网文，我将它译成粤语，并非贪天之功，原创者已找不到，只是觉得此事太过‘和谐’，有点不真实，权当故事听听，有趣。）</P> 哈哈哈！家下乜Ｑ都讲“和谐”！
頁:
[1]