[原創]對于艇仔嘅幾個動作
<P>今日打完羽毛球，有個老友話：“好辛苦啊，行路行到棹下棹下啊。”</P><P>而家啲細路可能唔知呢個“棹”字係乜嘢動作嚟嘅。</P>
<P>好多人都講過，粵語係好嚴謹嘅，就艇仔嘅動作都至少有三個：撐、扒、棹。（注意：“劃、划”字唔係粵語嚟嘅）</P>
<P>“撐”，應該好多人都識嘅，當只艇喺淺水嘅水面，就用一條長竹嚟撐，叫“撐船、撐艇”。</P>
<P>順便講下，以前一啲比較大嘅貨船，即使有機頭(“計”)都好（中號以下嘅機動船叫“機帆”，大嘅叫“火船”“大火船”、“輪船”），之係去到淺水嘅河道，車葉就有可能cung（碰）到河底，于是就要揾幾個大只佬撐船嘞，通常佢哋會由船頭行到船尾噉嚟撐嘅。</P>
<P>一般艇仔都係用兩只槳嚟扒，多數都係一個人用兩槳打交叉噉嚟扒嘅，呢樣唔使多講。</P>
<P>有啲中號或以下嘅船或者艇仔就喺尾后裝一只槳，左右噉擺，呢樣就叫做“棹”嘞。</P>
<P> </P>
<P>另外講一下“火船”，南粵好早就有大貨船出入，因為以前嘅大船都係燒柴或者燒煤嘅，因此同“火車”一樣，叫“火船”。</P>
[此帖子已經被作者於2007-8-30 22:34:39編輯過]
<P>「或」船確實好陌生，的確唔係粵語。但係如果講「蛙?」船係咪就覺得有啲耳熟呢？其實呢個又係拜咗簡化字所賜，先至會講出『「劃、划」字唔係粵語』嘅話嚟。</P>
<P>實際上「劃」同「划」係兩個唔同嘅字：「劃」讀waak6，組詞有劃分、計劃等；「划」照韻書本嘅話應該係讀waa4，但係實際口頭上基本都變讀成waa1，可以組出划船、划艇、划槳等詞，其實喺粵語中相當常用。只不過由於簡化字將「劃」併咗入「划」嘅原因，好多人都分唔清呢兩個字，將所有嘅「划」通通讀成waak6，所以咪覺得「劃」船好陌生，唔係粵語囉。</P>
[此帖子已經被作者於2007-8-30 23:48:46編輯過]
<P>“划waa4”都唔係粵語，只不過係對滿語嘅“划”字嘅變音而已。你幾時聽過“划龍舟”咖？</P>
<P>再講，呢個“划”字本嚟就係“劃”字嘅簡化字，而個“劃”係刀字邊，應該係用利器劃噉解，同船係冇關系嘅。</P> <P>如果未聽過“划龍舟”就話“划”唔係粵語嘅話，我同樣未聽過“棹龍舟”，按照樓上嘅邏輯，係咪“棹”亦都唔係粵語呢？</P>
<P>划：【唐韻】戸花切【集韻】【正韻】胡瓜切，??音華。【廣韻】撥進船也。【集韻】舟進竿謂之划。又【正字通】方音讀若話，俗呼小船爲划子。又【廣韻】【集韻】??古臥切，果去聲。鐮也。【玉篇】刈??也。又【廣韻】【集韻】??古火切，音果。割也。</P>
<P>劃：〔古文〕??【唐韻】呼麥切【集韻】【韻會】忽麥切【正韻】霍虢切，??轟入聲。【說文】錐刀也。又【廣韻】劃，作事也。又【玉篇】以刀劃破物也。又【唐韻】【集韻】??胡麥切，音獲。裂也。【集韻】或作劐。亦作??。</P>
<P>以上係《康熙字典》嘅條目，“划”讀舒聲，“劃”讀入聲，區別十分清晰。雖然《康熙字典》係清代編撰嘅，但係其中引用嘅【唐韻】【廣韻】等韻書均遠早於滿清，其中嘅【唐韻】更加係成書於唐玄宗天寶年間，同滿清完全無關，所以唔好乜都同滿語扯埋一齊。</P> <P>槳喺船側邊謂之“扒”，因此當然係“扒龍舟”而唔係“棹龍舟”啦。</P>
<P>即使古書出現過嘅字，都唔一定就係粵語，好簡單，個“不”字、“是”字、“來”字等等雖然古書用得好多，但係就唔係粵語，有乜咁出奇啊。</P>
<P>再講，有好多純正粵語發音嘅字喺古書度根本揾唔到，噉係唔係因為古書冇呢啲字我哋就放棄呢啲發音啊？</P>
<P>作為粵人，首先就要肯定同埋尊重粵語就係粵語呢個事實，我哋嘅歷史唔係兩仟，而係七仟年八仟年，甚至更長。</P>
<P>有音冇字并唔可怕（最多就好似日語噉用拼音字），最怕就係連音都冇埋。</P> <P>既然你唔鍾意考究古籍，鍾意語言經驗，噉我就同你講粵語語感。「划艇仔」係我自細就聽就講嘅，我九十幾歲嘅住喺西關嘅婆婆阿公，六十幾歲嘅阿爸阿媽，四五十歲嘅舅父姑姐全部都係噉講，佢哋亦係自細就喺西關同東山地區生活，「划」船、「划」艇絕對係流傳久遠嘅粵語。去公園租架艇仔「划」下係唔錯嘅休閒活動，如果講成「扒」反而好奇怪，好似要同人比賽噉。</P>
<P>當然，我哋亦有講「扒」龍船（我哋係唔講「扒龍舟」嘅）。諗返轉頭，「扒」同「划」嘅分別其實係在於落槳嘅角度：「扒」係緊貼船身落槳，「划」係將槳橫向伸出，落槳點距離船身比較遠。</P> 从音而论，“扒艇”同“划艇”都有－－寡人听过不下三十年！
頁:
[1]