《撥亂反正》之二十四：傾偈 Vs 聊天
今期講一樣網民日日都做住嘅嘢——網上傾偈。<BR> 唔知係咪受國內最多人使用嘅網上通訊工具騰訊QQ嘅影響，“聊天”、“群聊”、“語音聊”等字眼日以繼夜充斥住無數廣東網民眼球，久而久之，廣大粵語網民都見人就“聊”，搵唔到人“聊”，就覺得空虛“無聊”。其實都唔怪得人，騰訊軟件嘅開發人員九成九係北人，當然唔會專門照顧廣東人嘅語言習慣，要怪九怪廣東人唔爭氣，出唔到自己嘅軟件，更唔爭氣嘅就係人云亦云，連自己祖宗嘅語言都唔記得埋。<BR> “傾偈”，好多人錯寫爲“傾計”。呢個詞來源一說爲“傾談佛偈”，一說爲古時馬車“傾蓋而談”，當然，第一種講法接受者遠多於第二種，故此一般寫爲“傾偈”。祖先就已經一直用開嘅字詞我哋唔用，而用人哋嘅語言，係幾咁不孝呢。<BR> 以後上網，不妨試下同人“傾QQ”、“群傾”、“語音傾偈”啦，噉樣會更加同聲同氣。 <P>我鍾意撩～～</P> 我中意无聊。 我中意聊女仔，呢個“聊”系好地道粵語，冇乜唔妥[此帖子已經被作者於2007-8-23 1:39:14編輯過]
<DIV class=quote><B>以下是引用<I>youngfs</I>在2007-8-23 1:37:15的發言：</B><BR>我中意聊女仔，呢個“聊”系好地道粵語，冇乜唔妥<BR></DIV>
<P></P>此“聊”非彼“聊”，此“聊”有挑逗嘅意思。
頁:
[1]