G肉佬之日常：Markup
<P> 加、加、加！又加價！——G肉佬（2007年5月23日）</P><P><BR> 市場呢度嘅豬肉檔唔止我一檔，但呢兩日都講緊同一個話題：豬肉加價！今日嚟我度幫襯嘅師奶唔止一隻，但都會講同一式嘅話：再加價就唔鬼幫襯你！有啲講完重搣人，哎呀，痛嘎！</P>
<P><BR> 記得上年年底就已經試過一次豬肉大加價，啲新聞重話咩七年以來最高啊噉。嗰次嗰個噉嘅李大嬸重幾乎要用詠春拳嚟對付我，話我食水咁深，該打噉話……冤枉啊！加價都唔係我定嘅，加得價，就梗係攞貨價高咗先加啦！如果我可以亂咁加，街坊們肯過我，工商都唔肯過我啦！</P>
<P><BR> 廣州早就沒人養豬嘎喇，家陣我哋食緊嘅九成以上都係外省豬，今次加價都係因為外省毛豬嘅貨源少咗之嘛！沒嘢嘎，貴咪食第樣囉！我又沒逼你買我嘅豬肉，而且呢排雨水多，菜都加價啦！使乜大驚少怪啫！</P>
<P><BR> 查實五一過後豬肉價就開始有些微變動，呢兩日稍微犀利啲啫，報紙同新聞就猛咁講，驚死我哋有金執噉。大部分市場嘅瘦肉同排骨平均都加咗兩三蚊左右，老實講十幾蚊斤瘦肉係貴咗啲。不過鬼叫你要食人啲外省豬咩！睇來我去搞返個養豬場都有得諗喔！</P>
<P><BR> 話時話，今日賣魚彪啲生意好似唔錯。哎，啲師奶真係識計數。沒計啦，呢幾日唯有入少啲貨，費事賣唔晒！<BR></P>
[ 本帖最後由 gboss 於 2008-11-13 15:12 編輯 ] 我都話~而家噉嘅時勢，Sam hui首《加價熱潮》真係最啱聽喇~ <P>原帖由 <I>gboss</I> 於 2007-7-27 22:35 發表 <A href="http://bbs.cantonese.asia/redirect.php?goto=findpost&pid=51894&ptid=7189" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 加、加、加！又加價！——G肉佬（2007年5月23日）市場呢度嘅豬肉檔唔止我一檔，但呢兩日都講緊同一個話題：豬肉加價！今日嚟我度幫襯嘅師奶唔止一隻，但都會講同一式嘅話：再加價就唔鬼幫襯你！有啲講完重搣人，哎呀，痛嘎！記得上年年底 ... </P>
<P> </P>
<P>好在我唔鐘意食豬肉.</P> 宁可食无肉 不可居无竹<IMG alt="" src="http://bbs.cantonese.asia/images/smilies/default/biggrin.gif" border=0 smilieid="3"> <IMG alt="" src="http://bbs.cantonese.asia/images/smilies/default/biggrin.gif" border=0 smilieid="3">
頁:
[1]