《撥亂反正》之十七：熱氣 vs 上火
<P>正所謂“日啖荔枝三百顆，不辭長作嶺南人”，以上語句出自東坡蘇被貶嶺南後所作，全詩為：</P><P>羅浮山下四時春，盧橘黃梅次第新。 <BR>日啖荔枝三百顆，不辭長作嶺南人。</P>
<P>荔枝，嶺南佳果也，其味美撩人，香甜可口，足令世間萬人醉倒。唐代君主玄宗拜倒在楊貴妃之石榴裙下，而貴妃則傾倒於荔枝之下。杜牧《過華清宮》詩云：</P>
<P>長安回望繡城堆，山頂千門次第開。</P>
<P>一騎紅塵妃子笑，無人知是荔枝來。</P>
<P>不過荔枝食得多都唔係好事，皆因今日嘅主題：<FONT color=#3300ff size=4>熱氣</FONT>！又有云：一粒荔枝三把火。可見荔枝幾咁厲害！！亞媽教落“食完記得飲返碗鹽水”，降火。。</P>
<P>荔枝食得多會<FONT color=#0000ff size=4>熱氣</FONT>，噉我唔食唔得囉！噉你又錯囉噃，唔食荔枝固然唔會<FONT color=#3300ff size=4>熱氣</FONT>。但係你日日食煎炸，去埋啲麥檔路，德州揸雞，難保你唔會唔<FONT color=#0000ff size=4>熱氣</FONT>勒！以上情況我哋都會感到<FONT color=#3300ff size=4>熱氣</FONT>，點解？問中醫，我唔識。。一係飲涼茶。。。</P>
<P><FONT color=#3300ff size=4>熱氣</FONT>深深植根於我腦海中，由細到大都唔知<FONT color=#3300ff size=4>熱氣</FONT>過幾多次喇！但係直到。。。。</P>
<P>嶺北人講上火，原來就係我哋所講嘅<FONT color=#3300ff size=4>熱氣</FONT>，上火一詞，唔知佢哋係點得返嚟嘅！同佢哋講<FONT color=#3300ff size=4>熱氣</FONT>，沒門兒。。叫上火！！</P>
<P>之不過佢哋原來並冇上火一說，上火一說係自<FONT color=#3300ff size=4>熱氣</FONT>一詞而產生！但佢哋唔講<FONT color=#3300ff size=4>熱氣</FONT>，而叫上火。再加上而家王老吉賣廣告賣到去C台，打正旗號：“怕上火？喝王老吉！”！王老吉，相信大家都知道係邊架啦！既然你哋都係話上火咯，噉我重使乜就你講<FONT color=#3300ff size=4>熱氣</FONT>啫！一於就叫上火啦，係噉話！</P>
<P>事已至此，我祇有輕聲問一句：“你今日<FONT color=#0000ff size=7>熱氣</FONT>咗未吖？”···</P>
<P> </P> <P>好似而家好多人都講"燥熱"喎</P> <P>確實幾“氣”吓~~</P> <P>拨乱反正首先就要正下你嗰个“東坡蘇”先啦！</P>
<P>子瞻先生又非番邦夷人，噉样称呼佢似乎有啲不伦不类！</P> <P>外國人知乜叫“Yit hey”，唔知道乜叫“fire up”</P>
<P>食物荔枝會熱氣係因爲血液入邊嘅果糖過多，所以飲鹽水嚟解好過飲涼茶</P>
[此帖子已經被作者於2007-7-12 14:46:21編輯過]
<P>“怕上火，喝王老七”</P>
<P>“上叉飲，就是不上火”</P> <P> 熱氣同上火意義上唔完全等同，前者偏向於指物指狀態，後者偏向於指人熱氣狀態嘅發生（即作動詞）。</P>
<P> 例如：1、禽晚通頂，喉嚨上晒火。 2、近牌好熱氣，唔知係咪經常太夜瞓。<BR> 中醫有個術語叫“肝火上炕”，可見“上火”古已有之並非僅存在於官話中。而且，粵語有“下火”、“降火”呢啲詞，點解唔可以有“上火”呢？</P>
頁:
[1]