G肉佬之日常：Psoriasis
<P> 周不時見電燈柱上貼住咩「老中醫專治皮膚病」，但廣州嘅皮膚病睇嚟唔係嗰啲老中醫可以醫得好嘅。——G肉佬（2007年5月9日）</P><P><BR> 每日到咗收檔嗰時，個人就攰到好似散咗噉。今日都唔例外，收檔就成條喪屍噉飄返屋企。</P>
<P><BR> 熱天日頭長，個天冇點黑，但都好晏了。返到屋企門口睇都唔睇就插條鎖匙入門，但平時鎖匙窿嘅位置好似消失咗噉，插嚟插去都插唔入。舊樓嘅光線差，用手機照吓，小喇叭！鎖匙窿嘅位置畀人貼咗張「牛皮癬」，又係咩通坑渠嘅！好在黐得唔係好實，我撕咗出嚟，入到門踩到啲嘢，原嚟又係咩幫人送煤氣嘅優惠卡同超市嗰啲傳單。睇樣係門罅攝入嚟嘅，真係忍無可忍，於是我攞起嗰張通坑渠嘅「牛皮癬」，打通咗個電話，聽到有人「喂」，於是我吸啖氣，然後大叫一聲：「蒲你阿麽！」跟住立即收線。</P>
<P><BR> 其實呢啲「牛皮癬」已經貼勻呢區嘅舊樓，因為唔係咩「小區管理」，冇保安管，嗰啲死人頭锺意就貼幾張，貼到外牆、樓梯、信箱、地下……周圍都係！但貼住鎖匙窿咁有創意嘅，我都係第一次見。電燈柱、人行道、車站呢啲都已經係「牛皮癬」嘅天下喇，點知啲冚家祥連我屋企棟門都唔放過！</P>
<P><BR> 有時喺車站等車，會見有啲人鬼鬼祟祟兩頭望，然後手掌係車站牌度一拍，又黐好一張！難為嗰啲環衛工人，鏟成日都鏟唔乾淨。唔知佢哋嬲起上嚟會唔會好似我噉，打電話去蒲人哋阿麽呢？</P>
<P><BR>By the way：辦證電話周街都係，唔係用毛筆寫就系用噴漆噴，反正可以寫到字的平面幾乎都見到，我其實好好奇想打去問吓，可唔可以辦個「劏豬八級證書」呢？ <BR></P>
[ 本帖最後由 gboss 於 2008-11-13 15:49 編輯 ] TOM，我系小惠呀，系呢度见到你，真系开心喇，不过上次卢总发起的“插竹行动”，点解唔见你呀~~你有无去到呀~~ <P>冇去，唔多清楚呢件事。</P> <P>勁唔環保啊，不過點解班陷樣會週街貼啫？就係因爲貼咗之後有生意囉，所以最衰都係嗰啲幫襯佢哋嘅pk。</P>
<P>ps：係“鍾意”，唔係“中意”。</P> 肯定有市场需求先有啲噉嘅嘢，收到“钟意”，一时手快
頁:
[1]