關於廣府人士粵語n、l之分本人睇法
<p> 近日有網友持一觀點：粵語的確係有分n、l，但兩者區別冇普語咁明顯，我都大致認同此講法。即使有人話以前啲廣府民眾分到n、l，我感覺上佢哋兩者口音上嘅差別極之輕微，輕微到平常人分辨唔出，舉個例子，就算係對廣府話咬音特別執着嘅黃霑，我聽嚟聽去佢講嘢都唔係分得十分之明顯，大家不妨聽聽佢講嘢嘅錄音片段，又或者係許冠文、許冠傑，而據我判斷，正宗分到n、l嘅可能就如呢啲「老廣州」，重有就係省港澳名嘴前輩李我（李我老婆蕭湘亦係講古界名人，都係冇點分），切身體會就係近牌上粵語國學班授課嘅老先生亦係如此。另外有一部分人係後期通過正音訓練而特別注意（可以講係好刻意）n、l之別，尤其是香港話劇演員出身、香港電臺電視節目主持嗰啲人，發n都非常之重音，慌死聽眾話佢分唔到噉，人板就揦埋都好多個：鍾景輝、鍾偉明、詹瑞文、黃子華等等。迄今為止我發現n、l可以分得好仔細，但又唔至於畀人感覺好刻意嘅代表人物淨係得講古大師張悅楷，至於重有冇其他好似楷叔咬音咁字正腔圓嘅普通民眾就唔多清楚嘞。因此不妨將之分為四類人：</p><p> 1. n、l完全唔分之人：現時絕大部分廣府以及港澳普通民眾<br/> 2. n、l分到而且分得好明顯甚至有刻意之嫌：以經過正音訓練之人為主，代表人物：鍾景輝、鍾偉明、詹瑞文、黃子華<br/> 3. n、l輕微分到而且出於自然講嘢發音：部分「老廣州」人，代表人物：李我、黃霑、許冠傑、馬鼎盛<br/> 4. n、l清楚分到而且好自然：自然咬音清晰得嚟又經過實操注意區分，代表人物：張悅楷</p><p> PS：此討論祇限廣府、港澳、海外華人地區尤其是操廣州口音嘅民眾，其餘粵語區嘅口音唔喺此範圍之列（其他粵語區好多都可以自然且清晰噉分到n、l）。</p>[此帖子已經被作者於2007-5-1 8:02:15編輯過]
<p>其實而家好多60歲左右嘅廣州人都冇明顯區分，更何况年輕人。</p> <p>我以前留意到我婆婆係分得到嘅，不過幾個禮拜前已經以九十幾歲嘅高齡過咗身喇。</p> <p>聽講發“l”音時，係用舌尖先頂住上牙齦同牙齒含接o既部位，係發聲音一霎彈開；而發“n”音時，係用舌前部(即舌尖之後部份)頂住牙齦抵部(即弧形頂位置)，係係發聲音一霎彈開咁話喔。仲話其實發兩個音舌頭所放o既位置都一樣，只係觸點唔同，所以佢o地應該係有輕微o既差別先o岩咁話喔!......不過噹噹都係聽老師姨姨講o既嗟，唔知o岩唔o岩o既喔!......</p> <p> 我都分得到，不過我覺得有時候讀得太正D人反而唔覺得你好奇怪</p><p></p><p>其實我覺得 l n 音分晤係好大問題，反而應該重視下?懶音問題.. </p> <p>余生此言差矣</p><p></p><p>粤西呢边肇庆、罗定、云浮同梧州嘅广府同胞中，大部分人“n，l”都分得好清，完全唔系刻意所为。</p><p></p><p>都有将“n，l”分唔清嘅，貌似系刻意唔分清或者系觉得分唔清“n，l”嘅口音会潮啲。比如有啲去广州生活过嘅人，返来后省话唔见得有几标准，但系会刻意将“女人”读成“吕人”。我系听到都反胃。多数本地嘅朋友都会鄙视之。</p><p></p><p>不过，家下“n，l”唔分嘅人多咗少少，加之外地人融入比较多。唔分“n，l”都已经见惯不惯。但系，只要系本地生活嘅人，完全唔需要刻意去区分“n，l”，本来就系好自然分清。</p> <p>啲字体硬系觉得有啲唔对路。。。</p>
[此帖子已經被作者於2007-5-2 13:09:55編輯過]
基本上大多數廣府人都分得清,不過喺講嘅時候冇刻意去分嗟. 廣府片以外嘅好多粵語子方言區都可以清楚分到l、n。至於廣府片，其實有好大比例嘅人都知一個字發l音定n音，佢哋講普語分得清，唱歌嘅時候亦分得清。至於平時講嘢，可能處於習慣，根本冇去留意l、n。當然，亦有好大比例嘅人係完全分唔清嘅，有啲連讀普語、講英文，都係一律發l音。 <div class="msgheader">QUOTE:</div><div class="msgborder"><b>以下是引用<i>itxu2k</i>在2007-5-2 13:02:29的發言：</b><br/><p>余生此言差矣</p><p></p><p>粤西呢边肇庆、罗定、云浮同梧州嘅广府同胞中，大部分人“n，l”都分得好清，完全唔系刻意所为。</p><p></p><p>都有将“n，l”分唔清嘅，貌似系刻意唔分清或者系觉得分唔清“n，l”嘅口音会潮啲。比如有啲去广州生活过嘅人，返来后省话唔见得有几标准，但系会刻意将“女人”读成“吕人”。我系听到都反胃。多数本地嘅朋友都会鄙视之。</p><p></p><p>不过，家下“n，l”唔分嘅人多咗少少，加之外地人融入比较多。唔分“n，l”都已经见惯不惯。但系，只要系本地生活嘅人，完全唔需要刻意去区分“n，l”，本来就系好自然分清。</p></div><p> 點解現時啲國人文字理解同注意力咁弱嘅？樓頂帖最後一段PS早已講明呢點。</p> 敲噹噹!頂番上去! <div class="msgheader">QUOTE:</div><div class="msgborder"><b>以下是引用<i>余OK</i>在2007-5-5 0:42:42的發言：</b><br/><p> 點解現時啲國人文字理解同注意力咁弱嘅？樓頂帖最後一段PS早已講明呢點。</p></div><p>我可以好负责任咁话你知,就方言片区划分来讲,清远,绍关,肇庆,梧州等地区都系同广州一致嘅</p> <P>原帖由 <I>噹噹</I> 於 2007-5-1 18:30 發表 <A href="http://bbs.cantonese.asia/redirect.php?goto=findpost&pid=44099&ptid=5891" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 聽講發「l」音時，係用舌尖先頂住上牙齦同牙齒含接o既部位，係發聲音一霎彈開；而發「n」音時，係用舌前部(即舌尖之後部份)頂住牙齦抵部(即弧形頂位置)，係係發聲音一霎彈開咁話喔。仲話其實發兩個音舌頭所放o既位置都一樣，只係 ... </P>
<P> </P>
<P> </P>
<P>你意思是不是/n/和/l/的*發音部位*(指舌頭和口腔的接觸點)略有區別?</P>
<P> </P> <P>I am</P>
<P> </P>
<P>3. n、l輕微分到而且出於自然講嘢發音：部分「老廣州」人，代表人物：李我、黃霑、許冠傑、馬鼎盛<BR></P>
頁:
[1]