盛赞庾澄庆要喺红馆ｒａｐ首粤语歌
<p> 头先食饭嘅时候睇《东张西望》，有“哈林”——庾澄庆嘅专访。只见哈林一边介绍佢喺台北嘅音乐工作室，一边听住ＴＶＢ嘅记者用广州话向佢提问，而佢亦都好认真噉一一作答。</p><p> 哈林系我最喜欢嘅台湾歌手——有十几年嘞。十几年前，当一班台湾嘅“过江龙”登陆香港乐坛嘅时候，我就开始注意起佢嘞。虽然嗰阵时张洪量嗰只《你知道我在等你吗》唱到街知巷闻，但感觉上佢好似就得呢一只——ｏｎｌｙ ｏｎｅ，后来除咗有只《美丽的花蝴蝶》同埋《罪人》系重记得之外，真系就冇咩印象。但系哈林就唔同嘞！佢有好多首歌我都记得，例如《想哭就到我怀里哭》、《让我一次爱个够》、《想念你》、《老实情歌》、《快乐颂》、《我最摇摆》……点解会记得呢？因为除咗系好听之外，我重感觉到认真同专注，佢唱亲歌都会七情上面，好有感情，完全将自己溶入音乐之中，十分陶醉，连作为听众嘅我都深深感受到佢嗰份热爱同执着！</p><p> 如此认真嘅音乐人，又怎教人不喜爱呢？</p><p> 今日睇《南方都市报》，Ｂ０２版娱乐大手笔，查小欣嘅专栏，提到庾澄庆四月廿六同廿七号会踏足香港红馆开演唱会。哈林二月先接受邀请，四月就要开演，初头佢重比较犹豫，因为怕准备时间不足，但后来佢就同自己讲：“不要想这想那，想去做就去做。”跟住就谂到要用广州话ｒａｐ一首歌。查小欣叫佢用普通话啦，驾轻就熟嘛。点知佢话：“Ｒａｐ一首广东歌是我对香港朋友的敬礼，比起海外的歌星，只学会一句半句广东话说‘你们好，我是某某某，我爱香港’有诚意得多。”</p><p> 系啰！讲得好啱啊！买得票入场睇你嘅电影或者演唱会嘅，个个都系你嘅米饭班主，个个都系你嘅老板——而家唔系好流行讲一句“有得拣，先至系老板”咩？老板都系讲开、听开广州话嘅，你点都应该就下你老板嘅口味！噉样嘅人先至襟捞，噉样嘅人先至成功！</p><p> 我记得软硬天师以前嘅歌词里面写到“Ｆａｎｓ系我哋嘅食粮，买我哋张碟又买我幅相”。唔知有几多人会明白个中嘅真正道理呢？</p> <p>原文发表于</p><p><a href="http://general-lo.blogcn.com/diary,2906417.shtml">http://general-lo.blogcn.com/diary,2906417.shtml</a></p><p>但愿每个人都明白，边个先系佢哋嘅老板，应该点样正确对待老板。</p> 对呢个歌手啲歌印象唔深，只知道《让我一次爱个够》呢首。 讲得啱！做老板，就一定要有得拣。 <p>我想知阿庚生“哈林”呢個名系點得返嚟嘅。</p> <p>我也喜歡他<img alt="" src="http://bbs.cantonese.asia/Skins/default/topicface/face1.gif"/></p><p>看他唱歌就能感受他把整個人融入音樂中....<img alt="" src="http://bbs.cantonese.asia/Skins/default/topicface/face1.gif"/></p> 感覺首歌一定會好好聽.
頁:
[1]