[求助]關於“海皮”~~
<p>以前嘅老人家，都習慣叫濱江邊叫“海皮”，但依家已經越嚟越少人噉叫啦~~</p><p>噉點解江邊會叫“海皮”嘅？？</p> 我地都係叫“海皮”，但皮字可能唔係正寫。知道正寫便可能推斷到字義道理。 <p>近海嘅地皮?!</p> 或者皮乃“邊皮”之意？海皮是海鄙 ?
<p>引用樓上 ： 或者皮乃「邊皮」之意？</p><p>網上看到的 ：</p><p>邊鄙 ：邊遠或靠近邊境的地區。</p><p><br/>（唐．元結˙賊退示官吏詩˙序：明年，賊又攻永破郡，不犯此州邊鄙而退。<br/>三國演義．第二十二回：增益舟楫，繕置軍器，分遣將兵，屯紮邊鄙。）</p><p>暫時的頭緒是 ，「海皮」好有可能即是 「海鄙」，因廣府話口語中，鄙皮同音（皮字有二音）。當然，如果是這樣推測的話，那海邊＝海皮＝海鄙，甚至與海岸亦有點類似意思喇，（祇不過是推測，未証實）。</p>[此帖子已經被作者於2007-4-4 21:49:28編輯過]
<p>重有“車皮”、“麥皮”，不過“皮”嘅意思都各有唔同。</p> <p>我都系叫“海皮”，但想问问楼上，“车皮”系何解？</p> <div class="msgheader">QUOTE:</div><div class="msgborder"><b>以下是引用<i>jasperhuang</i>在2007-4-4 17:18:45的發言：</b><br/><p>我都系叫“海皮”，但想问问楼上，“车皮”系何解？</p></div><p>铁路运输上，机车以外嘅每一节车厢就叫做“车皮”，即系所谓嘅“车卡”，不过通常都系指货车。</p> <p>我哋所讲嘅“海皮”并唔系单指滨江，而系泛指比较开扬嘅近水处，例如我细个嘅时候，都会称沙面南街对开，即系沙面公园、沙面网球场一带外面嘅岸边叫做“海皮”。</p><p>根据《大地恩情》金伯嘅经典对白——有麦皮就有道理，冇麦皮就冇道理，我经常食用麦皮，而且亦都推荐其他人食用麦皮，因此，我讲嘅嘢系有道理嘅！</p><p>请参考：《<a href="http://general-lo.blogcn.com/diary,2223759.shtml">燕</a><font color="3170658"><a href="http://general-lo.blogcn.com/diary,2223759.shtml">麦嘅妙用</a>》</font></p>
[此帖子已經被作者於2007-4-5 0:32:22編輯過]
一邊長堤，一邊海皮 海皮非单指“长堤”，只不过系广州近水嘅地方就得珠江边比较开阔而已吧。 <div class="msgheader">QUOTE:</div><div class="msgborder"><b>以下是引用<i>Lucciora</i>在2007-4-2 14:10:53的發言：</b><br/><p>近海嘅地皮?!</p></div><p>想落都有點道理，因為小時候大人講話：細路，去海皮附近行下咯！所以應該係幾闊落的地皮才可以行行走走，另外我地有時唔會直接講「出去散心」，講「行下」亦可包括此等意思在內。</p>
[此帖子已經被作者於2007-4-8 16:35:06編輯過]
边皮边皮，“海皮”即系“海边”（内陆人鈡意夸大，将“江”講成“海”），唔使搞到咁复杂吓嘛？
頁:
[1]