在線粵語國學班（每週不斷更新）

余OK 發表於 2007-3-13 06:15:49

壇主近日有幸參加現今買少見少、甚至瀕臨絕種之粵語國學班。雖則每週僅一堂課亦甚為寶貴，能得一曾讀「??齋」之老先生親身教授，如沐春風，深感前數年於學校所學之中文知識猶如鷄肋，大有恨不相逢「讀私塾」時之感。白話話齋：係時候要惡補吓國學知識喇！　　現將所學盡數公諸同好，不敢一人獨享，獨樂樂不如眾樂樂也。　　第一課：96年3月11日，《大學》開篇（精講）、《詩經·周南》前三篇（誦讀） 　　其一：《大學》開篇——大學之道，在明明德，在親民，在止於至善；知止而後有定，定而後能靜，靜而後能安，安而後能慮，慮而後能得。 　　筆記精要：（後補）　　其二：《詩經·周南》前三篇 　　　　　關關雎鳩，在河之洲，窈窕淑女，君子好逑。參差荇菜，左右流之，窈窕淑女， 　　　　　寤寐求之。求之不得，寤寐思服，悠哉悠哉，輾轉反側。 　　　　　參差荇菜，左右采之，窈窕淑女，琴瑟友之。 　　　　　參差荇菜，左右芼之，窈窕淑女，鍾鼓樂之。（關雎·周南）viewFile.asp?ID=1821 　　　　　葛之覃兮，施于中谷，維葉萋萋。黃鳥于飛，集于灌木，其鳴喈喈。 　　　　　葛之覃兮，旋于中谷，維葉莫莫。是刈是濩，為絺為綌，服之無斁。 　　　　　言告師氏，言告言歸，薄汙我私，薄澣我衣。害澣害否？歸寧父母。（葛覃·周南） 　　　　　采采卷耳，不盈頃筐。嗟我懷人，寘彼周行。 　　　　　陟彼崔嵬，我馬虺隤。我姑酌彼金罍，維以不永懷。 　　　　　陟彼高岡，我馬玄黃。我姑酌彼兕觥，維以不永傷。 　　　　　陟彼砠矣，我馬瘏矣，我僕痡矣，云何吁矣！（卷耳·周南） 　　難字註音及本人朗讀錄音：（後補）<hr/>蚊瞓筆記大學之道，在明明德，在親民，在止於至善； 此為開篇綱領，淺譯如下： 系統正規教育學習嘅目的宗旨， 在于彰明天賦畀人嘅美德品行禮儀等， -（呢個係修身也，要達到目的一定要有能力而為之也，「德」其實可以係好多嘢。） 在于不脫離群眾，不斷學習更新，不被蒙蔽，使到群眾也得到革新， -（我理解為學以致用，要做乜嘢，學習后為咩服務。） 在于（要求自己）到達完美（道德等）境界為止。 -（呢個係一個處理事情標準定位，要做到點樣為止呢？） 詳細解釋： 大學：老師話先讀《大學》于《論語》之前，學習何謂大學之道也。古時候未有孔子嗰種教育思想，所以教育未普及未平民化嘅，當時講嘅大學與如今講嘅大學——高等學府當然有別：當時只有禮，樂有設學，即開始有正規教育，但都為宮廷化，非平民所能學嘅。而且學嘅人年紀大（成人之學，所以謂之大學），嗰時候嘅大學者，即係啲大人，成人其實係冇乜標準嘅（古時候男子20歲弱冠成人喇，但係「學」嘅人年齡跨度大，幾十歲嘅人都有）。大學乃入德之門也。道：目的，宗旨。大學教學目的，唔係為咗畀「異學者」——虛而不實在，非學存于心中——以及「泛學者」——泛泛而學，只學皮毛，不專心研究，只學半桶水——學習而開設。明德：天賦予人嘅美德，呢個係大學之道好主要嘅問題。 明（明德）：動詞，明白、學到心里、體現于思考修為、做人處事；明明德，要求知性養性也。 　　所謂虛，靈，不昧。（mui6） 　　虛：在圣不在心，將所學學于心中，作為修身； 　　靈：在于將學進行融會貫通，分析問題，運用嚟處理問題； 　　不昧：明辨是非曲直后、解決問題后，達到不糊涂、不困惑、明明白白嘅狀態與心境。 　　將自己嘅不昧推己及人 此處，講明，要先端正態度，先明白虛，要虛心而學，非「異學」（異學者——心虛而不實在，非所學存于心中）、泛學（泛學者——泛泛而學，只學皮毛，不專心認真研究　，只學半桶水）親民：親，動詞，使到，讀「新」，方便后面解釋之用。 學習目的為咗使到群眾也革新。首先要不脫離群眾，其次不斷自我更新學習，自己不斷明辨事理不被蒙蔽，才能繼續「親民」。止：到達。。。。。。才停止。作為某一定位，要去到咩程度。至善：最完美嘅（道德等）境界。 知止而後有定，定而後能靜，靜而後能安，安而後能慮，慮而後能得。 解釋：知道定位后方能立定主意，明確目標；然后先可以排除干擾，靜心落嚟；然后先得到安穩嘅狀態；然后開始思考問題；最后有所得著。止：接上句「止」，到達某定位，知其所以然。 定，確定，不三心兩意，立定主意，明確目標。 靜：靜心，排除干擾。 安：安穩，心理狀態在環境中達到安穩。 慮：思考，深思熟慮，表裡思考等。前三個前提為慮作保證。所慮據所「德」而慮，啫係咩人諗咩問題，唔好空想，諗埋啲不切實際嘅嘢。 得：所得，得著，成果，結果，成事。此句說明當遇事嘅時候，所做嘅過程。每件事情「至善」不相同，所「得」都唔一樣。可能所「得」又產生新問題，新「至善」，以至于又再新遇事，再經歷呢個過程處理事情。如此循環反復，其實就係一個做事嘅過程體現。 當然，做事，好決定性就係前面提及嘅「德」，你學習悟道嘅「德」就指導你做咩事，點樣做事，做事所達到嘅「至善」去到邊度。 所以綜合解釋「德」，我諗就係所謂嘅，世界觀，人生觀，價值觀呢類嘢。<hr/>馬萬千筆記大學之道、在明明德、在民、在止於至善。 ○親讀新【大學】此處「大學」並非現今所講的「大學生」之大學，而係「大人之學」，大人即成人。 【道】即宗旨 【明】知道、明白 【明德】此詞内涵極深。本人都不知甚解，原話照錄。朱熹注：「明德者、人之所得乎天、而虛靈不昧、以具眾理而應萬事」 先生語：天賦的是「命」，冇得改； 人受的是「性」，孟子認為「人之初，性本善」，但荀子認為「人性本惡」，因為細路哥好鍾意打交； 注於身是「心」； 古人認為「在性不在心」、「知性養性」。虛：即學到入心(古人認為用心思考，現代人就認為用腦)； 靈：靈活運用； 不昧(音妹6，今人多錯讀為「味」):審度同分析。但係人往往因私欲蔽之。最近鳳凰台播某地官員行為一向好乾淨，被人查到佢貪污，家人通通不信。後來先知該官員係一時間糊塗「因私欲蔽之」就貪。所以要做到「明明德」就不能受私欲所蔽。【親民】即「新民」。新字為動詞，使之新。使百姓祛除陋習。使之新並唔係好似五六十年代噉打爛人哋啲古董，舊嘢唔一定係衰嘢,新嘢唔一定係好嘢。（講起此段解釋時，先生語氣略帶悲涼之感。不堪往事盡於不言之中）【止】即係到「極」，到至善為止。表明學習的定位、目標。知止而后有定、定而后能靜、靜而后能安、安而后能慮、慮而后能得。 ○后通後（本人注：古籍中《大學》常以「后」通後，今之簡體字從之）【止】與上句的止呼應。止是目標，至明理、知其所以然也。 【定】即不移。立定目標就不變。 【靜】即不受干扰。 【安】安於所處的地方。 【慮】周密地思考。 【得】有所結果。到此為「止」，即又回到開始。此句用的手法就係所謂的「頂真」。香港劇《大地恩情》中孫老師（張瑛飾）教學時所講「知止而后有定定、而后能靜靜」，不知斷句，是江湖混飯食的人而己。

[此帖子已經被作者於2007-4-23 22:45:59編輯過]

粤语卫士 發表於 2007-3-13 06:24:48

<div class="msgheader">QUOTE:</div><div class="msgborder">以下是引用余OK在2007-3-12 22:15:49的發言： 　　壇主近日有幸參加現今買少見少、甚至瀕臨絕種之粵語國學班。雖則每週僅一堂課亦甚為寶貴，能得一曾讀「??齋」之老先生親身教授，如沐春風，深感前數年於學校所學之中文知識猶如鷄肋，大有恨不相逢「讀私塾」時之感。白話話齋：係時候要惡補吓國學知識喇！　　現將所學盡數供諸同好，不敢一人獨享，獨樂樂不如眾樂樂也。　　 </div>捉字蝨，應該系“公諸同好”
[此帖子已經被作者於2007-3-21 22:53:43編輯過]

余OK 發表於 2007-3-13 06:27:06

多謝2樓，一時手誤，已修改。

highyun 發表於 2007-3-13 07:13:17

好渴望知道《大學》開篇短短幾句點樣可以引申出咁多道理，以後每個星期都要擔凳仔學呢個在綫??齋。

monfan 發表於 2007-3-13 10:27:34

《大學》開篇——大學之道，在明明德，在親民，在止於至善；知止而後有定，定而後能靜，靜而後能安，安而後能慮，慮而後能得。 小弟第一課筆記如下：（加入小弟之理解速記，憶術講解返呢兩句嘅含義外延之類，可能會長氣啲。） 大學之道，在明明德，在親民，在止於至善； 此為開篇綱領，淺譯如下： 系統正規教育學習嘅目的宗旨， 在于彰明天賦畀人嘅美德品行禮儀等， -（呢個係修身也，要達到目的一定要有能力而為之也，“德”其實可以係好多嘢。） 在于不脫離群眾，不斷學習更新，不被蒙蔽，使到群眾也得到革新， -（我理解為學以致用，要做乜嘢，學習后為咩服務。） 在于（要求自己）到達完美（道德等）境界為止。 -（呢個係一個處理事情標準定位，要做到點樣為止呢？）詳細解釋： 大學：老師話先讀《大學》于《論語》之前，學習何謂大學之道也。古時候未有孔子嗰種教育思想，所以教育未普及未平民化嘅，當時講嘅大學與如今講嘅大學——高等學府當然有別：當時只有禮，樂有設學，即開始有正規教育，但都為宮廷化，非平民所能學嘅。而且學嘅人年紀大（成人之學，所以謂之大學），嗰時候嘅大學者，即係啲大人，成人其實係冇乜標準嘅（古時候男子20歲弱冠成人喇，但係“學”嘅人年齡跨度大，幾十歲嘅人都有）。大學乃入德之門也。道：目的，宗旨。大學教學目的，唔係為咗畀“異學者”——虛而不實在，非學存于心中——以及“泛學者”——泛泛而學，只學皮毛，不專心研究，只學半桶水——學習而開設。明德：天賦予人嘅美德，呢個係大學之道好主要嘅問題。 明（明德）：動詞，明白、學到心里、體現于思考修為、做人處事；明明德，要求知性養性也。 　　所謂虛，靈，不昧。（mui6） 　　虛：在圣不在心，將所學學于心中，作為修身； 　　靈：在于將學進行融會貫通，分析問題，運用嚟處理問題； 　　不昧：明辨是非曲直后、解決問題后，達到不糊涂、不困惑、明明白白嘅狀態與心境。 　　將自己嘅不昧推己及人 此處，講明，要先端正態度，先明白虛，要虛心而學，非“異學”（異學者——心虛而不實在，非所學存于心中）、泛學（泛學者——泛泛而學，只學皮毛，不專心認真研究　，只學半桶水）親民：親，動詞，使到，讀“新”，方便后面解釋之用。 學習目的為咗使到群眾也革新。首先要不脫離群眾，其次不斷自我更新學習，自己不斷明辨事理不被蒙蔽，才能繼續“親民”。止：到達。。。。。。才停止。作為某一定位，要去到咩程度。至善：最完美嘅（道德等）境界。 知止而後有定，定而後能靜，靜而後能安，安而後能慮，慮而後能得。 解釋：知道定位后方能立定主意，明確目標；然后先可以排除干擾，靜心落嚟；然后先得到安穩嘅狀態；然后開始思考問題；最后有所得著。止：接上句“止”，到達某定位，知其所以然。 定，確定，不三心兩意，立定主意，明確目標。 靜：靜心，排除干擾。 安：安穩，心理狀態在環境中達到安穩。 慮：思考，深思熟慮，表裡思考等。前三個前提為慮作保證。所慮據所“德”而慮，啫係咩人諗咩問題，唔好空想，諗埋啲不切實際嘅嘢。 得：所得，得著，成果，結果，成事。此句說明當遇事嘅時候，所做嘅過程。每件事情“至善”不相同，所“得”都唔一樣。可能所“得”又產生新問題，新“至善”，以至于又再新遇事，再經歷呢個過程處理事情。如此循環反復，其實就係一個做事嘅過程體現。 當然，做事，好決定性就係前面提及嘅“德”，你學習悟道嘅“德”就指導你做咩事，點樣做事，做事所達到嘅“至善”去到邊度。 所以綜合解釋“德”，我諗就係所謂嘅，世界觀，人生觀，價值觀呢類嘢。 
[此帖子已經被作者於2007-3-17 8:46:17編輯過]

highyun 發表於 2007-3-13 19:33:35

<div class="msgheader">QUOTE:</div><div class="msgborder">以下是引用monfan在2007-3-13 2:27:34的發言： 今晚写返啲??齋笔记当复习先，你管理员我开个金钱帖，你放上主楼啦～先占楼</div>“你管理员我开个金钱帖”呢句睇唔明啊，你真係要上多幾堂??齋至得喇。

monfan 發表於 2007-3-13 22:40:19

回覆：（highyun）以下是引用monfan在2007-3-13 2:27:34的發言：今晚写返啲...

我費事人哋唔買都睇到我哋啲正嘢，學習成果啫～唔明啊？高價冇人買，你哋睇到就系啦

朱利安 發表於 2007-3-13 23:08:24

妖，卜卜斋就卜卜斋啦，咩嘢粵語國學班啊，lan高档咁，哈哈．

monfan 發表於 2007-3-14 00:05:21

樓上嘅朋友連正字都睇唔到？又喺處吆我哋～我寫咗某部分筆記，你過目下先啦
[此帖子已經被作者於2007-3-13 16:08:37編輯過]

朱利安 發表於 2007-3-14 00:12:15

<div class="msgheader">QUOTE:</div><div class="msgborder">以下是引用monfan在2007-3-13 16:05:21的發言： 樓上嘅朋友連正字都睇唔到？又喺處吆我哋～我寫咗某部分筆記，你過目下先啦 </div>无安字库，有Ｄ字系睇唔到，不过都估得到七七八八，哈哈．

朱利安 發表於 2007-3-14 00:20:36

卜卜斋之所谓卜卜斋，系唔系因为唔听话就要被先生卜啊？唔知你地几位有无被先生卜呢？卜头定卜手板啊？千祈咪话我听系卜pat pat啊，哈哈．
[此帖子已經被作者於2007-3-13 16:22:43編輯過]

Wai 發表於 2007-3-14 01:49:40

等緊睇你哋嘅嘢。你哋上完講畀我哋聽。慳咗課錢。“扑扑齋 ”真係幾好，先生同學生之間多咗交流。“扑扑齋 ”學禮儀。齋，講求心靜。中國人就係要心靜。粵語有句：“學你話事齋。”唔知係唔係嚟自“扑扑齋 ”呢？

馬萬千 發表於 2007-3-14 07:49:34

大學之道、在明明德、在民、在止於至善。 ○親讀新【大學】此處「大學」並非現今所講的「大學生」之大學，而係「大人之學」，大人即成人。 【道】即宗旨 【明】知道、明白 【明德】此詞内涵極深。本人都不知甚解，原話照錄。朱熹注：「明德者、人之所得乎天、而虛靈不昧、以具眾理而應萬事」 先生語：天賦的是「命」，冇得改； 人受的是「性」，孟子認為「人之初，性本善」，但荀子認為「人性本惡」，因為細路哥好鍾意打交； 注於身是「心」； 古人認為「在性不在心」、「知性養性」。虛：即學到入心(古人認為用心思考，現代人就認為用腦)； 靈：靈活運用； 不昧(音妹6，今人多錯讀為「味」):審度同分析。但係人往往因私欲蔽之。最近鳳凰台播某地官員行為一向好乾淨，被人查到佢貪污，家人通通不信。後來先知該官員係一時間糊塗「因私欲蔽之」就貪。所以要做到「明明德」就不能受私欲所蔽。【親民】即「新民」。新字為動詞，使之新。使百姓祛除陋習。使之新並唔係好似五六十年代噉打爛人哋啲古董，舊嘢唔一定係衰嘢,新嘢唔一定係好嘢。（講起此段解釋時，先生語氣略帶悲涼之感。不堪往事盡於不言之中）【止】即係到「極」，到至善為止。表明學習的定位、目標。知止而后有定、定而后能靜、靜而后能安、安而后能慮、慮而后能得。 ○后通後（本人注：古籍中《大學》常以「后」通後，今之簡體字從之）【止】與上句的止呼應。止是目標，至明理、知其所以然也。 【定】即不移。立定目標就不變。 【靜】即不受干扰。 【安】安於所處的地方。 【慮】周密地思考。 【得】有所結果。到此為「止」，即又回到開始。此句用的手法就係所謂的「頂真」。香港劇《大地恩情》中孫老師（張瑛飾）教學時所講「知止而后有定定、而后能靜靜」，不知斷句，是江湖混飯食的人而己。

淋直發表於 2007-3-15 04:53:53

獨樂樂不如眾樂樂也，樂樂，樂事也。

monfan 發表於 2007-3-17 16:48:04

以前都幾經常讀錯上面嗰句嘅音～搞到理解錯誤～

highyun 發表於 2007-3-19 05:01:25

ok君幾時整理馬萬千同蚊瞓嘅筆記上首帖畀衆人同樂？

sangoking 發表於 2007-3-21 23:02:27

唔係掛，又話有錄音有筆記，昆水啵。等我哋啲旁聽生都受惠啊嘛。

余OK 發表於 2007-3-25 05:44:34

　　唔好意思，本人呢段時間好唔得閒，但義務性質都唔可以怪得我係咪？試睇吓呢處有幾個眞心為粵語文化作出咗應有貢獻？唔好下下諸多要求而冇所付出。暫時等其他成員補充資料，等遲啲冇咁忙我會跟手去做嘢，稍安毋躁。

朱利安 發表於 2007-3-25 05:59:53

<div class="msgheader">QUOTE:</div><div class="msgborder">以下是引用余OK在2007-3-24 21:44:34的發言： 試睇吓呢處有幾個眞心為粵語文化作出咗應有貢獻？</div>我日日讲粵語啵，咁都系叫為粵語文化作出咗應有貢獻啊，哈哈．
[此帖子已經被作者於2007-3-24 22:01:35編輯過]

余OK 發表於 2007-4-24 06:50:49

　　今晚錄咗《關雎》放上嚟畀大家參考，主要係以讀凖老先生教授嘅音為出發點，未有花太多精力去講究抑揚頓挫（而且本人唔在行）。有時間再錄埋其他幾篇。

[ 本帖最後由余OK 於 2008-1-12 23:13 編輯 ]

頁: [1] 2

粵語協會's Archiver

在線粵語國學班（每週不斷更新）

回覆：（highyun）以下是引用monfan在2007-3-13 2:27:34的發言：今晚写返啲...