[原創]“唔该”同“多谢”系有分别嘅！
<p> 今日畅谈广州话嘅内容系顺应Ｉｓａｂｅｌｌａ嘅要求，讲下我哋经常都会讲嘅两句说话，亦都系<br/>好容易讲错、用错嘅两句说话。</p><p> 出外食饭或者购物嘅时候，要埋单嘞，经常会听见啲侍应生或者售货员讲：唔该几多几多钱。</p><p> 错！错！错！大错特错！</p><p> 日常生活当中，我哋少不免会得到人哋送赠一啲物件或者给予帮助：</p><p> 喺英文里面，向人道谢、表示感激，通常会讲“Ｔｈａｎｋｓ”或者“Ｔｈａｎｋ ｙｏｕ”——<br/>如果感谢嘅程度比较深就会讲：“Ｔｈａｎｋ ｙｏｕ ｖｅｒｙ ｍｕｃｈ！”</p><p> 日文就有分敬体同简体，敬体会话“ありがとうございます”，简体就话“どうも”，对平辈或者<br/>晚辈讲“どうも、ありがとう”或者“どうも”就可以嘞，最客气嘅讲法就系“どうも、ありがとうご<br/>ざいます”。</p><p> 普通话就得“谢谢”，最多喺后面嗰个对象词上面落些少功夫，用“你”或者“您”去区分对方受<br/>尊敬嘅程度——可见角乳嘅文化系几咁贫乏！</p><p> 但广州话就好唔同嘞！广州话向人表示感谢，唔同嘅场合，唔同嘅情景，有唔同嘅讲法。</p><p> 如果人哋帮你手做嘢，或者你麻烦咗人哋，咁你就应该讲“唔该”，例如：唔该递支笔畀我；唔该<br/>借借；唔该你帮手斟杯水；唔该借问声，呢个地方应该点去……</p><p> 如果人哋送咗一啲嘢畀你，你可以讲“多谢”——例如，如果你生日，我送本书畀你，你可以同我<br/>讲“多谢”；或者你去完旅行返嚟，带咗一啲当地嘅特产手信畀我，我都应该同你讲声“多谢”……</p><p> 咁好嘞，好似上述要埋单嘅时候，应该点讲呢？</p><p> ——冇错，应该讲“多谢”！因为喺单交易里面，我哋给予对方一个成交嘅机会，仲有金钱，所以<br/>应该讲“多谢”——多得我哋畀机会佢赚钱。</p><p> 最简单嘅例子就系，你畀钱个乞儿，佢都唔会话“唔该”，只会讲“多谢”。</p><p> 但现实有好多时候，有啲人喺某啲环境下，系唔识得点样讲嘅，下面就简单举一下例子，大家各自<br/>去体会。</p><p> 比如喺人屋企食饭，食完一碗之后，主人家通常都会好热情咁帮你装过一碗，呢个时候，我哋应该<br/>讲咩呢？——答案应该系“唔该”。虽然碗饭系主人“畀”我哋食嘅，算系“给予”，但个实质就系，<br/>个主人只不过系“帮”我哋装碗饭啫，我哋由于对人哋屋企嘅架步唔熟悉，需要人哋嘅帮忙，所以应该<br/>讲“唔该”。当然，当我哋享用完呢餐饭之后，可以讲“多谢你餐饭”或者“多谢你嘅招呼”。就好似<br/>如果你畀碗饭个乞儿或者露宿者食，佢都会同你讲声“多谢”一样。（哈哈哈！）</p><p> 好嘞，换转喺外面嘅食肆食饭又点呢？如果你要攞菜牌嚟睇、点餸、冲茶、添饭、换毛巾、叫埋单<br/>……都应该叫“唔该”，而唔系“多谢”。因为呢餐饭唔系食肆嘅老板或者员工畀你食嘅，佢哋只不过<br/>系喺你食饭嘅过程当中为你提供服务，给予帮助。到你埋单找数嘅时候，佢哋重要同你讲“多谢”添。</p><p> 喺日常生活当中，对于人哋给予嘅帮助，我哋有时都可以讲“多谢”嘅，但系就要睇环境啰，而且<br/>喺“多谢”后面，通常都会有个宾语。例如，而家我就要多谢大家帮我投票嘞！虽然表面上，系我麻烦<br/>咗各位投我嘅票，但实际上我系“得到”咗大家嘅信任同支持，系你哋“给予”咗我动力，所以我应该<br/>“多谢”咁多位一直以嚟对我嘅支持、鼓励同批评，等我可以不断进步！请大家继续支持我，不断帮我<br/>手投票啊！你哋嘅每一票都系咁关键咖！唔该晒！</p><p> 我哋平时用多啲“唔该”、“多谢”等呢类礼貌用语，可以拉近人与人之间嘅距离，增添社会祥和<br/>气氛。但系如果唔识用，乱咁讲嘅话，就好容易会闹笑话。如果喺旧时，唔识得正确使用“唔该”同埋<br/>“多谢”，系会被视为无礼，或者系冇家教嘅。因此我哋要留意：“唔该”同“多谢”系有分别嘅！</p> <p><font face="新細明體">“唔該幾多幾多錢。”，條友留口呀？</font></p><p><font face="新細明體">盧總講得啱，多啲“唔該”，“多謝”，呢個社會會和諧啲。</font></p><p></p> <p>盧總原創，實要加精啦。</p><p>“唔該幾多幾多錢”呢種表達方法冇問題。通常呢類疑問詞出現喺叙述句嘅時候，都會出現呢種連用嘅情况。例如：“佢成日話自己點慘點慘。”“成日計住晒人哋攞咗幾多幾多”……</p> <p>我唔係噉样理解喔.? 我觉得d waiter讲 "唔该几钱几钱"係唔该个顾客攞几多钱出嚟,然之后收咗钱就话 "多谢"</p> <p><font face="新細明體">“盛惠二百二十文。”收咗錢之後會講聲“多謝。”</font></p><p></p> <p>学咗小小，多謝</p> <p></p><p></p><p>普通话就得「谢谢」，最多喺后面嗰个对象词上面落些少功夫，用「你」或者「您」去区分对方受<br/>尊敬嘅程度——可见角乳嘅文化系几咁贫乏！</p><p></p><p>咁就可以睇出贫乏?</p> <div class="msgheader">QUOTE:</div><div class="msgborder"><b>以下是引用<i>卢总</i>在2007-2-22 14:52:10的發言：</b><p> 普通话就得“谢谢”，最多喺后面嗰个对象词上面落些少功夫，用“你”或者“您”去区分对方受<br/>尊敬嘅程度——可见角乳嘅文化系几咁贫乏！</p></div><p>太過以偏蓋全啦！</p><p>如果係咁，掉返轉諗，粵語無「你」、「您」之分，唔通咁又係文化貧乏？</p> 受教受教～～ 呢個話題以前都討論過吓，一齊加埋入嚟：<p><strong>「多謝」同「唔該」可唔可以混用？</strong></p><p><a href="http://bbs.cantonese.asia/dispbbs.asp?BoardID=108&replyID=20494&id=2779&skin=0" target="_blank"><font color="#000000">http://bbs.cantonese.asia/dispbbs.asp?BoardID=108&replyID=20494&id=2779&skin=0</font></a></p><p><strong>[轉貼]「唔該」與「多謝」</strong><a href="http://bbs.cantonese.asia/dispbbs.asp?BoardID=108&replyID=10860&id=1289&skin=0" target="_blank"></a></p><p><a href="http://bbs.cantonese.asia/dispbbs.asp?BoardID=108&replyID=10860&id=1289&skin=0" target="_blank"><font color="#000000">http://bbs.cantonese.asia/dispbbs.asp?BoardID=108&replyID=10860&id=1289&skin=0</font></a></p> <p>我认为"唔该几多几多钱"冇问题</p><p></p><p>"唔该"同"多谢"系有分别,但系好多时候,"唔该"已经有咗"多谢"嘅含义.呢个系语义嘅扩展,个人认为冇任何问题</p><p></p><p>BTW,按传统,waiter应该讲"盛惠几多几多钱"然后收钱之后再讲"多谢"</p><p></p><p>"唔该"一般做"请"或"劳驾"解. 喺"唔该几多几多钱"呢句入面,完全可以作"唔该(畀)几多几多钱"解,系"唔该"顾客畀钱呢个动作.</p> <p>别人送给你东西，要说多谢；别人帮你忙，要说唔該。</p> <P>我顶佢雅虎知识堂攞咗我呢篇文章去用，又唔署我个名，重要归类喺「外语」里面！</P><P> </P>
<P><A href="http://ks.cn.yahoo.com/question/1407022205928.html">http://ks.cn.yahoo.com/question/1407022205928.html</A><IMG alt="" src="http://bbs.cantonese.asia/images/smilies/default/huffy.gif" border=0 smilieid="5"> </P>
<P> </P>
<P>边个有注册开嘅，帮我插下佢！原文地址应该系：</P>
<P><FONT size=2><A href="http://general-lo.blogcn.com/diary,2223783.shtml">http://general-lo.blogcn.com/diary,2223783.shtml</A></FONT></P> <IMG alt="" src="http://bbs.cantonese.asia/images/smilies/default/sad.gif" border=0 smilieid="2"> 賤到出汁 <div>卢总喱篇文章的确写得几清楚，将「唔该」与「多谢」使用语境教会咗我哋，但我觉得下文有啲欠妥：</div><div><br></div><div>原帖由 <i>卢总</i> 於 2007-2-22 22:52 發表 <a href="http://bbs.cantonese.asia/redirect.php?goto=findpost&pid=34863&ptid=5216" target="_blank"><img src="http://bbs.cantonese.asia/images/common/back.gif" border="0" onclick="zoom(this)" onload="attachimg(this, 'load')" alt=""></a>
<span class="Apple-style-span" style="border-collapse: collapse; font-family: PMingLiU; line-height: 30px; "><span class="Apple-style-span" style="line-height: normal; ">咁好嘞，好似上述要<a href="http://www.blogcn.com/user25/general_lo/blog/31838118.html" target="_blank" style="word-wrap: break-word; color: rgb(84, 86, 76); text-decoration: none; line-height: normal; ">埋单</a>嘅时候，应该点讲呢？</span><p style="word-wrap: break-word; margin-top: 0px; margin-right: 0px; margin-bottom: 0px; margin-left: 0px; padding-top: 0px; padding-right: 0px; padding-bottom: 0px; padding-left: 0px; line-height: normal; "> ——冇错，应该讲「多谢」！因为喺单交易里面，我哋给予对方一个成交嘅机会，仲有金钱，所以<br style="word-wrap: break-word; line-height: normal; "></p></span><span class="Apple-style-span" style="border-collapse: collapse; font-family: PMingLiU; ">应该讲「多谢」——多得我哋畀机会佢赚钱。</span> </div><div><br></div><div><div>卢总係喱到无讲清楚讲「多谢」嘅究竟係边方面，係顾客讲抑或店主讲呢？虽然之后係针对外出食饭嘅情况已经清楚讲明「唔该」与「多谢」点样用，但我觉得係上文都应该讲明一下，因为你嘅具体解释并非放係前面。</div></div> 真係多谢曬喔～
頁:
[1]