“鬀鬚”定係“剃鬚”呢？

highyun 發表於 2006-12-14 19:54:38

啱啱見到殺人王嘅簽名，係用“鬀”。但一直以嚟，我哋都係接受呢個“剃”字。究竟邊個先係正字？佢哋之間究竟係繁簡體嘅關係抑或俗字本字嘅關係，抑或兩個都啱呢？

殺人王 發表於 2006-12-14 23:16:42

剃字係"鬀"俗字鬀字字典解釋如下:【說文】??髮也。大人曰髡，小兒曰鬀，盡及身毛曰??。【註】今俗別作剃，非是。即係大人剃髪叫髡,細路剃髪叫鬀,剃全身就叫??.可見漢語分工精細另廣東俗語考都有記鬀音替。俗作剃。『說文』剔髮也。大人曰髠。小兒曰—。盡及身毛曰易（髟頭）。
[此帖子已經被作者於2006-12-14 15:17:45編輯過]

dada 發表於 2006-12-14 23:22:15

《說文》﹕「鬀，??髮也。从髟弟聲。大人曰髡，小人曰鬀，盡及身毛曰??。臣鉉等曰：今俗別作剃，非是。」《說文》用「鬀」﹐但係九百年前嘅《龍龕手鏡》已經有個「剃」字﹐都算古色古香有餘。我唔支持用「鬀」﹕ 一、今日「剃」係正字﹔ 二、如果要跟《說文》﹐就要跟到底﹐「大人曰髡，小人曰鬀，盡及身毛曰??」﹔ 三、我覺得剃同刀嘅關係﹐比同髟嘅關係重要得多﹐有意思得多。

highyun 發表於 2006-12-15 00:15:43

我都支持用“剃”，因爲呢個字而家已經廣爲接受，而且本身意義又合適，並唔係錯字。反觀“鬀”，一來未必個個睇得明，二來既然要跟古意，則意思唔準確，只適合“小人”。有啲嘢唔需要用到就會自然退化，正如唐代嘅“馬”有n種講法，而家已經得返一種。正如粵語中嘅大量俗語、歇後語。。。。雖然無奈，不過係事實。以上所講“鬀”唔適合，只係話正規用法，當然唔係針對殺人王本人嘅簽名檔啦。

殺人王 發表於 2006-12-15 00:31:37

<div class="msgheader">QUOTE:</div><div class="msgborder">以下是引用highyun在2006-12-14 16:15:43的發言： 我都支持用“剃”，因爲呢個字而家已經廣爲接受，而且本身意義又合適，並唔係錯字。反觀“鬀”，一來未必個個睇得明，二來既然要跟古意，則意思唔準確，只適合“小人”。有啲嘢唔需要用到就會自然退化，正如唐代嘅“馬”有n種講法，而家已經得返一種。正如粵語中嘅大量俗語、歇後語。。。。雖然無奈，不過係事實。以上所講“鬀”唔適合，只係話正規用法，當然唔係針對殺人王本人嘅簽名檔啦。</div>你支唔支持同呢個係咪正字都唔拉更,而且同貼都唔拉更自己個貼係問人呢個係咪正字,話咗呢個係正字之後個貼就好似變咗味,變成批評古字.
[此帖子已經被作者於2006-12-14 16:33:22編輯過]

highyun 發表於 2006-12-15 01:10:03

<div class="msgheader">QUOTE:</div><div class="msgborder">以下是引用殺人王在2006-12-14 16:31:37的發言： 你支唔支持同呢個係咪正字都唔拉更,而且同貼都唔拉更自己個貼係問人呢個係咪正字,話咗呢個係正字之後個貼就好似變咗味,變成批評古字. </div>我唔覺得變味，成個過程就係我唔知道邊個係正寫，跟住你同dada回答咗呢張帖，我通過分析你哋嘅回答，覺得用“剃”字好，“鬀”唔好。呢個過程有咩問題？點唔拉更法？

余OK 發表於 2006-12-15 04:25:17

　　青菜蘿蔔，各有所愛，祇要冇用錯字都可以接受，話知佢係古字定現代字，不過粵協有一套推薦首選用字畀大家參考，唔強迫人人接受，但最好都咪用錯字。

余OK 發表於 2006-12-15 04:25:22

Wai 發表於 2006-12-15 17:22:02

中國嘅古文字咁多，信都要信權威嘅字典。但唔得斷章取義。

殺人王 發表於 2006-12-16 02:15:47

我嘅意思係本貼有尐離題啫

愛粵者 發表於 2006-12-24 20:53:36

大家只顧查個「鬀」，點解唔查埋個「剃」字係咩意思？《康熙字典·剃》他計切。音替。??髮也。《玉篇》：除髮也。亦作鬀。《集韻》：本作??，或作剔。嚴格啲講。 大人曰髡，小人曰鬀，盡及身毛曰??。 「剃」就一個字就包括髡、鬀、??。 如果殺人王要當自己係「小人」，可以用「鬀」。 但大家都未必當自己係「小人」，所以贊成用「剃」。以上內容離題否？

殺人王 發表於 2006-12-31 13:44:43

<div class="msgheader">QUOTE:</div><div class="msgborder">以下是引用愛粵者在2006-12-24 12:53:36的發言： 大家只顧查個「鬀」，點解唔查埋個「剃」字係咩意思？《康熙字典·剃》他計切。音替。??髮也。《玉篇》：除髮也。亦作鬀。《集韻》：本作??，或作剔。嚴格啲講。 大人曰髡，小人曰鬀，盡及身毛曰??。 「剃」就一個字就包括髡、鬀、??。 如果殺人王要當自己係「小人」，可以用「鬀」。 但大家都未必當自己係「小人」，所以贊成用「剃」。以上內容離題否？</div>嚴格來講,唔通你話我用"鬀"無"剃"嘅意思?每個人用咩字同詞都有佢嘅自由.如果用"鬀"係"小人"嘅話,咁樣干涉他人用古字同對他人簽名指三道四更是"真.小人"!!!
[此帖子已經被作者於2006-12-31 5:49:52編輯過]

peterluk 發表於 2007-1-5 06:59:36

一直以來,大家都是用這個剃字,無謂改啦,但,知道其本字,可以增加中文字的詞彙也好.......

頁: [1]

粵語協會's Archiver

“鬀鬚”定係“剃鬚”呢？