《廣州方言詞典》年華漸逝之詞彙歸納（連載）
<p> 樓主按：《廣州方言詞典》係一本內地出版粵語辭書方面嘅好書，內容翔實，收錄粵語詞彙極為全面，且採用傳統字編排，另外睇得出編者對本字或正字、俗字都作過一定研究，甚為難得。現按詞典編排順序並改用粵拼作為索引摘錄嗰啲現今唔常用嘅詞彙，還望佢哋冇咁快入博物舘。每個詞語嘅解釋喺參照原文嘅基礎上略作修改並以粵語表達，個別詞語容易理解則祇作簡短註釋或對比其現行講法，有與粵協推薦用字唔同者則括號另註原文用字但以前者為首選用字。全集以多期連載嘅方式同大家細數年華漸逝之粵語靚詞。（註：加粗者為推薦多加使用之重點詞）</p><p><br/>baa</p><p><strong>吧喳——1. 好出主意，包攬事務，凡事都插一手 2. 能幹，有魄力，做事潑辣<br/></strong>把家姑婆——舊時自梳女自立之後，就有權將娘家睇作自己嘅家，將娘家嘅事睇作自己嘅事，可以幫娘家管家，俗稱「把家姑婆」<br/>把舦——即揸舦<br/><strong>把屁——而家多數講「有?用」</strong><br/><strong>把炮——1. 把握（亦可以講成「揸拿」） 2. 靠山，可倚仗嘅人 3. 計策，辦法</strong><br/><strong>把心唔定——而家多數講「心大心細」</strong><br/>霸家柵（訓讀作zaa6音）——1. 樣樣嘢都霸佔為己有者 2. 把家，唔准其他人掂自家啲嘢<br/>霸掗（枒）——霸道，凡事都插手，干涉他人，而家多數講「掗拃（詞典寫作「????」）」<br/>霸篼鷄——霸佔飼料盤嘅鷄，引申為霸道嘅人<br/>霸巷鷄乸——比喻惡婦<br/><strong>罷就——而家多數講「就算」</strong></p><p></p>[此帖子已經被作者於2006-12-12 22:06:06編輯過]
帖子數達50先可以瀏覽？有乜意義呢？ 樓主原意係唔想唔發言者睇到佢嘅勞動成果，不過門檻確實係設得過高嘅，我而家將佢改細咗。 我係逐隻字逐隻字根據詞典內容打上去嘅，冇功勞都有苦勞，我嘅初衷唔係想要人哋回帖先睇到，而係想畀有心入嚟粵協且有所付出嘅朋友睇到，起碼曉得尊重我哋嘅辛勞，並鼓勵大家多發帖，門檻太低嘅話祇會縱容更多不勞而獲之徒，希望大家明白。 <p>余OK真係有心囉，</p><p>總結出嚟嘅詞，睇咗好地道。</p><p>“罷就”而家都有聽人講。</p> <p>好嘅.......................等我頂起佢</p>
[此帖子已經被作者於2006-12-8 13:14:23編輯過]
<p>再頂丅先</p> <p> 睇睇上邊呢位仁兄嘅舉動使我不得不又想加高啲門檻。</p> <p>我認為可以將此貼置頂,設高尐都無所謂.</p><p></p> <div class="msgheader">QUOTE:</div><div class="msgborder"><b>以下是引用<i>余OK</i>在2006-12-8 13:29:16的發言：</b><br/><p> 睇睇上邊呢位仁兄嘅舉動使我不得不又想加高啲門檻。</p></div><p>或者人哋真係想求知呢。。。。</p><p>嚟得呢個版嘅，總好過一注册就入下載版嘅人。</p> <p>”把屁“同唔同”把鬼“？ </p><p>把鬼就得聽比較多。”罷就“都聽得比較多。</p><p>重有一個好似係講”??（口七）就“唔知意思係唔係差唔多？？</p><p></p> <p>paa</p><p>扒扒挖挖——到處he3嘢，亂搞啲嘢，例：嗰個細路哥眞係乞人憎嘅，成日都喺處～噉<br/><strong>扒頭——而家多數講「超車」</strong><br/>扒長龍——舊時指強盜船嚟搶劫<br/>扒屈頭艇——舊時指嫖尼姑 ‖屈，集韻迄韻渠勿切：「博雅短也。一曰無尾」<br/><strong>扒逆水——1. 喜歡同人哋爭辯 2. 做事不合時宜 ‖逆，此處白讀成ngaak6，文讀jik6</strong><br/><strong>爬皮——非常怕熱，多用於細路仔</strong><br/>爬離挖壁——參看「扶籬挖壁」（後補）<br/>筢撓——筢取柴草用嘅竹器 ‖撓，此處白讀成jaau1，文讀naau4</p>
[此帖子已經被作者於2006-12-12 22:04:46編輯過]
筢撓 個'筢' 係咪豬八戒嘅'九屎釘筢"? <p></p><p>maa</p><p>媽夫——諷刺，挖苦 ‖同音字<br/>螞螂艇——一種尖頭小艇，一人喺艇尾搖穞，有船篷，陳設講究。要僱用須包艇，價較貴。可坐四五人，艇上可設酒宴 ‖據講此種艇划行好快，如蜻蜓點水，故名「螞螂」。音借滿語，即蜻蜓。而家北京口語仍叫蜻蜓做「螞螂」<br/>孖孖頭——並頭，形容親密無間<br/>孖頭——戲指頭上長有大肉瘤嘅人<br/><strong>孖頭公仔——雙頭玩偶，形容兩人形影不離<br/>麻茶——而家多數講模糊<br/>麻米——1. 孤寒，小氣 2. 鍾意挑剔，瑣碎，刻薄<br/></strong>麻經——加工較粗嘅、鬆鬆噉擰起嚟嘅雙股麻繩 ‖亦叫「粗麻繩」，經，白讀成gaang1<br/>麻鷹——亦叫「崖鷹」<br/><strong>麻糖鷄渜——黃色嘅稀鷄屎 ‖渜，讀nan1<br/></strong>麻通——芝麻同糖做成嘅圓筒形嘅食品，飲茶時作茶點<br/>麻鬣——舊時婚禮所用嘅油炸饊，兩端相連，上面有芝麻 ‖鬣，讀lip3<br/>嫲姐——舊時指較年輕嘅女傭<br/>痳痘——痳疹同天花嘅統稱<br/>馬子膠——膠布，橡皮膏嘅舊稱<br/>馬杌——較大嘅四方木櫈 ‖杌，讀wu2，訓讀字。亦可能係借北方音。北京叫四方大櫈做「杌子」<br/>馬鱭魚——即鳳尾魚<br/><strong>馬騮（留）衣——又短又窄嘅、唔啱身嘅衣服（含貶義）<br/>馬後跳——舊時指辦喜事嘅人家臨時僱嚟嘅人，服務內容諸如請客人、送客人、送禮物、分嘢等<br/></strong>馬標——即賽馬票<br/>馬臣席——南洋進口嘅一種精緻嘅席，用細藤皮編成 ‖馬臣，印尼語譯音<br/><strong>馬閘——1. 一種可以摺疊嘅挨椅 2. 唔能夠摺疊嘅木製挨椅：酸枝～<br/>榪——1. 用繩紥 2. 用釘釘</strong><br/>榪釘——一種好長嘅鐵釘<br/>碼子——天平上用嘅銅砝碼，豬腰形<br/><strong>螞螂kong4——螳螂</strong></p><p></p>
[此帖子已經被作者於2006-12-12 22:09:09編輯過]
<div class="msgheader">QUOTE:</div><div class="msgborder"><b>以下是引用<i>殺人王</i>在2006-12-9 11:33:47的發言：</b><br/>筢撓 個'筢' 係咪豬八戒嘅'九屎釘筢"?</div><p></p>小說原文係用“耙”。 <div class="msgheader">QUOTE:</div><div class="msgborder"><b>以下是引用<i>highyun</i>在2006-12-9 13:20:38的發言：</b><br/><p></p>小說原文係用“耙”。</div><p></p>筢 從 竹 又點會係豬八戒嘅武器呢...我咁都諗唔到.... 我觉得，呢张贴应该要好好分享，而家设置门槛有点不敢恭维 <div class="msgheader">QUOTE:</div><div class="msgborder"><b>以下是引用<i>eddiejones</i>在2006-12-10 21:33:27的發言：</b><br/>我觉得，呢张贴应该要好好分享，而家设置门槛有点不敢恭维</div><p></p> 喺論壇發夠20帖都唔係難事啫。若果係有心入嚟粵協學嘢同分享成果嘅，應該多啲支持論壇並且共同搞旺佢，而唔係一味噉要求分享人哋所有嘅辛勞得返嚟嘅果實，發多兩張帖（當然唔好係口水帖啦）絕對係舉手之勞。 <p>好多詞都未見過。</p><p>睇嚟真係要惡補吓先得囉。</p><p>都係舊時嘅詞好玩啲，生鬼啲。</p> <div class="msgheader">QUOTE:</div><div class="msgborder"><b>以下是引用<i>余OK</i>在2006-12-10 21:54:03的發言：</b><br/><p></p> 喺論壇發夠20帖都唔係難事啫。若果係有心入嚟粵協學嘢同分享成果嘅，應該多啲支持論壇並且共同搞旺佢，而唔係一味噉要求分享人哋所有嘅辛勞得返嚟嘅果實，發多兩張帖（當然唔好係口水帖啦）絕對係舉手之勞。</div><p></p>我今日先注册，我係抱住学嘢嘅态度上嚟呢度架