《廣州方言詞典》年華漸逝之詞彙歸納（連載） - 第3頁 - 高級書院 Cantonese Academy - 粵語協會

余OK 發表於 2007-4-29 05:59:01

aa

aa丫丫開——1. 唔相干，冇關係　2. 唔協調，唔和諧 丫角——舊時細路仔嘅一種髮型，祇留頭兩側圓形頭髮，其餘部分全部剃晒 丫角髻——十二三歲女仔梳嘅髮型，頭兩側各有一圓形髻。亦有梳得一側嘅 阿揸——老五，排行第五者（背稱） 阿家——1. 姐姐（面稱）　2. 母親（面稱。帶迷信色彩） 阿啞——啞人，啞巴 阿蝦——嬰兒　‖亦叫「臊蝦仔」。蝦，同音字。本字可能係「孲」。集韻麻韻於加切：「孲??，赤子」 阿瓜——1. 闊少爺　2. 老四，排行第四者　‖2亦叫「瓜四」 阿姐——庶母、父親之妾（舊時面稱） 阿婆髻——舊時伯爺婆梳嘅小髻　‖亦講「婆仔髻」 阿駝——駝背者 阿初——新手，唔熟練者　‖亦叫「初哥」 阿傻——傻瓜，傻仔 阿傅——尼姑（面稱，較尊敬嘅語氣） 阿姑——細路女嘅舊稱　‖亦叫「姑仔」 阿大——父親嘅正妻（舊時面稱同背稱）　‖亦叫「阿娘」，大讀daai6 阿大——老大，排行最大者　‖亦叫「老大」，大讀daai2 阿奶——舊時有功名嘅人家面稱母親 阿孻——排行最屘一個，行末（父母叫子女） 阿跛——跛仔 阿肥——肥仔，肥胖者 阿泡——偸仔嘅別名　‖亦叫「泡哥」，泡讀paau1 阿愗——蠢人，舉動笨拙、淨係識食唔識做嘅人　‖一寫作「阿茂」，愗，讀mau6，廣韻候韻莫候切：「怐愗。」怐，苦候切：「怐愗，愚貌」 阿斗官——闊少爺，敗家仔 阿頭——領頭者，頭目 阿壽——蠢人，唔精叻、唔敏捷嘅人 阿舅——妻之兄弟嘅統稱 阿母——父之嫂（背稱）　‖亦叫「大母」 阿三——批馬騮　‖亦叫「馬騮三」 阿嬸——1. 叔父之妻　2. 夫之弟婦　3. 大嬸，中年婦女嘅泛稱　4. 母親。迷信者驚細蚊仔唔成人，改稱母為嬸　5. 伯父之妻（面稱。忌諱伯母，音同「百冇」） 阿妗——女性稱弟之妻（背稱） 阿單——單眼者 阿奀——矮細瘦弱者 阿官仔——紈絝子弟，好食懶做嘅人 阿崩——1. 缺唇、豁唇嘅人　2. 缺門牙嘅人 阿聲——先生，舊時對一般男人嘅尊稱。「聲」即「先生」嘅合音　‖先生嘅合音唔可以讀高平。又，而家稱先生嘅合音為saang1 阿丁——蠢人，冇知識亦冇本事嘅人 阿聾——耳聾者 阿笪——舊時指天足女人，唔扎腳嘅女人 阿紥——舊時指細腳婦女，扎腳嘅女人 阿擦——傲慢自大者　‖參看「牙擦」 阿乜人——等如「阿邊個」 阿隔——孤寒嘅人　‖參看「隔渣」 阿嚗——鄉下人　‖嚗，讀bok1，同音字 阿督——舊時指店鋪中嘅總管 阿叔——除常義外，另有指父親。迷信者驚細蚊仔唔成人，改稱父為叔
[此帖子已經被作者於2007-4-28 22:06:19編輯過]

余OK 發表於 2007-4-29 06:38:30

jaa、gwaa、kwaa、waa

jaa呀呀烏——最差，最次 廿四向——心意唔定，心猿意馬　‖亦講「卅六向」gwaa瓜皮艇——形如西瓜皮嘅無篷小船，兩端係齊頭嘅，用以運輸 瓜四——老四，排行第四者　‖亦叫「阿瓜」 瓜門——單扇門 瓜英——木瓜、黃瓜等切細絲用糖腌製，甜中帶酸，係五柳料之一，做五柳魚用 瓜竇——死咗 瓜老襯——1. 死咗　2. 失敗，整衰咗 瓜得——1. 死　2. 攞命 瓜直——1. 比喩死　2. 蝕咗大本錢 呱呱叫——1. 口出大言卻唔會做　2. 喊 寡仔——單身漢，未結婚嘅男子 寡淡、寡褪褪、寡瀎瀎——淡而無味 掛意——1. 掛念，掛心　2. 介意，在乎 掛帶——1. 牽掛　2. 惦記、記掛　3. 記住 掛爐鴨——明爐燒烤嘅脆皮鴨 掛單——去人家屋企搭食 掛單和尚——1. 去第處寺廟搭食嘅和尚　2. 喺人家屋企搭食者 掛燈——等如「開燈」 掛燈椅——高背椅 掛望——掛念，惦念 掛廊——老式房屋天井旁邊嘅走廊kwaa跨竈——個仔超過老竇 ?裙——舊時結婚三日後，新娘除咗鳳冠霞帔換上嘅衣服。上衣係黑底綉花褂，裙係紅底綉花嘅　‖?，讀kwaa2，廣韻馬韻苦瓦切：「?，衿袍也」waa挖——1. 用手指甲抓取　2. 用勺子刮取　‖挖，此處讀waa2，集韻馬韻烏瓦切：「吳俗謂手爬物曰挖」 話是——做主 話是偈——（某人）講嘅，轉述人哋嘅話時用 話口——講緊嘢，通常講「話口未完」 話三話四、话乜话物——唔講老實話，淨係講啲不着邊際嘅話

余OK 發表於 2007-4-29 07:22:54

be、pe、me、fe、de、le

be觱——哨子　‖觱，讀be1，廣韻質韻卑吉切pe??過你——鬧人嘅說話。呸　‖??，讀pe1，集韻脂韻篇夷切：「叱聲。」古脂韻幫系字應讀ei，口語變讀e韻。亦講「啋過你」 ??——蹣跚而行，走路姿勢唔正　‖??，讀pe5，廣韻脂韻房脂切：「???，體柔。」古濁平今變讀陰上調me孭仔屋——緊挨住大屋嘅附屬屋仔 孭櫈仔——指過生日 歪（乜）髻——舊時未婚女子梳嘅髮髻，歪喺一邊，直到結婚先改梳正式嘅髻 歪（乜）paang6 paang6、歪撐撐——歪斜嘅樣 歪（乜）踭——鞋跟磨損而歪斜 歪（乜）跉?——歪斜貌　‖跉，讀ling6，廣韻清韻呂貞切：「跉?。」?，讀cing3，廣韻清韻丑貞切：「跉?，行不正」?，古平聲今口語變讀陰去fe啡啡流——形容人做事唔負責任，靠唔住 ?——1. 用手撥開，使散開　2. 翻開，張開　‖?，讀fe3，廣韻未韻方味切：「覆耕。」有人讀作he3 ??貢——雙手亂抓嘅樣子　‖有人讀he3 he3 gung3。貢，同音字dede6——1. 水由高處淋落嚟　2. 鵝鴨食帶水嘅食料　‖擬聲字 哆——1. 裂開口　2. 低聲講話，喃喃　‖哆，讀de2，集韻馬韻丁寫切：「魚口張貌」 襶——下垂　‖襶，讀de2，俗借字 襶襶吊——1. 吊兒郎當，做事拖拉、散慢　2. 穿着唔修邊幅le離氣——1. 匆忙而狼狽　2. 衣着不整　3. 做事冇計劃，欠周密　4. 做事唔利落　‖本讀lei6 hei3，口語變讀e韻。亦講「離離氣氣」 離咁氣——1. 匆匆忙忙　2. 狼狽，手足無措　3. 做事冇計劃、冇步驟 褦?——1. 衣着不整　2. 吊兒郎當，馬馬虎虎　‖褦，俗借字。?，本讀fe3，呢處受前字調同化，變讀fe5。亦講「褦襶」
[此帖子已經被作者於2007-4-29 0:04:41編輯過]

随情飘雨 發表於 2007-5-1 07:36:09

那就努力回个看看先,以后在看

even9575 發表於 2007-5-3 20:53:08

救命，不过是想看一下有咩内容，竟然要发够20帖，我平时都好少上呢到，更加少发帖，即系唔使睇啦。

噹噹發表於 2007-5-5 18:35:52

咁就梗係要敲噹噹!頂!丫，仲要唔該夾多謝喔!
[此帖子已經被作者於2007-5-5 10:38:12編輯過]

auyeung 發表於 2007-5-9 05:57:11

好喇。。。我到嚟埋一份。。頂吓先啲詞同我所瞭解嘅有一定出入！！！！

auyeung 發表於 2007-5-9 05:59:22

喂，，，OK！！！你呃晒人啲錢，咁以後仲點睇吖？？？？？？？呢張水帖！！！！！

l77677 發表於 2007-5-6 18:32:44

这个很有用吗？

余OK 發表於 2007-5-7 04:45:03

ze、ce

ze遮頭——遮柄端手揸之處 遮嘴——遮柄嘅尖端 ze6——1. 炒菜時加啲水入鑊　2. 淋水以熄火　‖由聲音而嚟 姐姐噉手——好似小姐嘅手，唔識做嘢 借頭借路——藉口 借尿遁——指喺飯館食完飯唔畀錢而藉故溜走 借水遁——睺住機會溜走，製造迷霧以掩護自己甩身 借轉——借 蔗軲轆——甘蔗去皮後切成小段 蔗綟——甘蔗節 蔗枅——蔗綟生出嚟嘅芽　‖枅，讀gai1ce車歪（乜）——陀螺 車貨——私娼嘅舊稱 車軲轆——木製嘅滑輪，中間有小圓孔，用於冇軸嘅窗戶，靠佢拉上拉落以開閂窗門 車鞍——單車嘅sit1 車綫——軸綫，軲轆綫（用於衣車嘅） 車葉——螺旋槳 車渡——舊時嘅一種用人力踩轆而行嘅大木船 車腳——坐車嘅費用，車錢 斜——斜紋布 斜哩眼——舊時指天生嘅斜眼　‖而家亦叫「斜眼」 斜襟衫——斜領衫，多數係BB仔着 斜紋絨——一種斜紋呢子 扯瘕——哮喘　‖瘕，讀haa1，集韻麻韻虛加切：「喉病。」亦講「牽瘕」或「絣mang1瘕」 扯皮鞋——縫皮鞋，因將綫頭扯嚟扯去，故云 扯氣——臨死前喘氣　‖亦講「牽氣」 扯頭纜——牽頭，帶頭，發起　‖亦講「拉頭纜」或「帶頭」 扯綫——介紹，搭橋　‖亦講「拉綫」 扯風——通風，使空氣對流 扯風箱——1. 拉風箱　2. 比喻哮喘 跙，跙記——走開，離去　‖跙，讀ce2，集韻馬韻淺野切：「??跙，足利。」??，叉鑒切：「行貌。」一般寫作「扯」 跙人——同上　‖亦講「走人」 笡——1. 有坡度，陡　2. 斜坡，陡坡　‖笡，讀ce3，廣韻禡韻遷謝切：「斜逆也」 笡肩——削肩膀，俗謂美人肩　‖亦講「笡膊」
[此帖子已經被作者於2007-5-6 21:09:37編輯過]

余OK 發表於 2007-5-8 05:39:43

se、ke、je、we

se賒得過——躲得過去，能夠免去。一般用於否定語氣 蛇——1. 長蟲　2. 懶而且精明滑頭　3. 偷懶，躲懶 蛇仔——舊時指汽車司機嘅助手，幫助整車同招呼乘客 蛇頭——1. 蛇嘅腦袋　2. 手指頭上生嘅一種毒瘡 蛇殼——去皮去埋內臟嘅蛇 寫契——定契約 寫單——喺飯館用餐完畢叫服務員結賬　‖亦講「睇數」或「埋單」 社壇——社神所在，農村多設喺大樹腳底，亦有設喺街頭巷尾嘅 社公——社神，以一嚿大石頭刻上「社神」二字，放喺社壇上面以供祭祀 卸車——將車上嘅東西搬落嚟keke1——屎嘅俗稱 騎馬帶——月經帶 騎籬??——一種會上樹、會以尿射向敵人嘅青蛙，較瘦。以之喻瘦人　‖??，俗字 騎留王馬——吞沒經手嘅人哋嘅錢物 騎劫——打劫，搶劫je喏——1. 理睬，答理　2. 出聲，吭聲　‖喏，讀je1，廣韻寫作「??」，馬韻人者切：「應聲也。」今從集韻作喏，古上聲，今讀如陰平。有人讀nge1 椰——1. 椰子嘅簡稱　2. 戲指人個頭 椰升頭——舊時戲指剪短髮嘅女人髮式　‖亦叫「椰升殼」 野味——1. 可作肴饌嘅野生動物　2. 指暗娼 野貓——1. 野生嘅貓　2. 有姘夫嘅女人 夜鬼——夜貓子，鍾意喺夜晚做嘢嘅人 夜遊鶴——1. 鶴嘅一種　2. 比喻夜遊嘅人 夜盜蟲——一種硬殼蟲，夜晚出嚟咬花，日頭多數匿喺花盆底 夜冷——1. 二手貨，平價貨，舊貨　2. 賣平嘢貨、二手貨之處　‖英文yelling嘅音譯 夜冷貨——1. 拍賣嘅貨物　2. 舊貨，平價貨 夜工——夜班we撝——1. 咧開（嘴），裂開（口子）　2. （布類撕開後，毛邊）鬆弛歪斜　3. （布類、織物）鬆，唔平整　‖撝，讀we5，集韻紙韻羽委切：「裂也。」紙韻合口見系字一般讀wai韻，口語變讀we韻 撝身——（布匹）鬆，稀疏 撝口袋——1. 闊口嘅袋　2. 喻鍾意喊嘅細路 撝口——1. 咧嘴，張開嘴　2. 口闊大嘅 撝撝te5 te5——1. （布類、織物）鬆而變形，唔平整　2. 無精打采，做事唔起勁
[此帖子已經被作者於2007-5-9 10:23:20編輯過]

混合物 發表於 2007-5-16 05:23:24

姐系叫我唔好睇啦～～～

余OK 發表於 2007-5-16 05:54:38

<div class="msgheader">QUOTE:</div><div class="msgborder">以下是引用混合物在2007-5-15 21:23:24的發言： 姐系叫我唔好睇啦～～～</div>　　君言重嘞，然此帖的確係畀有心人睇嘅，尤其係想重拾返啲原汁原味粵語表達詞彙嘅人士。

噹噹發表於 2007-5-14 16:41:06

爺爺話：<div style="FONT-SIZE: 12px;">騎留王馬——吞沒經手嘅人哋嘅錢物 好似喺“骑牛王马”先至喺哦。</div>

jane 發表於 2007-6-15 00:27:18

<DIV class=quote>以下是引用混合物在2007-5-15 21:23:24的發言： 
姐系叫我唔好睇啦～～～
</DIV>
9494,我也睇唔到

余OK 發表於 2008-6-9 09:56:21

沉底陞起

　　應噖日外外星人之請求，將此帖陞起，望帶畀有需要人士參考作用。第日在下有時間有精力，但願可以繼續更新。

外外星人 發表於 2008-6-9 17:25:37

原帖由 余OK 於 2008-6-9 09:56 發表 <A href="http://bbs.cantonese.asia/redirect.php?goto=findpost&pid=85345&ptid=4315" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 　　應噖日外外星人之請求，將此帖陞起，望帶畀有需要人士參考作用。第日在下有時間有精力，但願可以繼續更新。 
 
唔该晒！<IMG alt="" src="http://bbs.cantonese.asia/images/smilies/default/smile.gif" border=0 smilieid="1"> 
 
据我所知，ANL都有做类似嘅嘢，只不过内容暂时未睇到，无论对错，我都希望摆出嚟供众人比较、研究。大家都系为光大发扬粤语，无分你我，系咪？（当然，对于离心分子、毒瘤之流，重系用外科手术式快速切除为妙）<IMG alt="" src="http://bbs.cantonese.asia/images/smilies/default/shy.gif" border=0 smilieid="8">

余OK 發表於 2008-6-10 22:59:49

買少見少

　　呢處歸納啲詞彙大家有幾多重經常會聽到？如有，此帖意義就唔大喇。

外外星人 發表於 2008-6-14 23:32:21

原帖由 余OK 於 2006-12-8 05:50 發表 <A href="http://bbs.cantonese.asia/redirect.php?goto=findpost&pid=27443&ptid=4315" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 　　樓主按：《廣州方言詞典》係一本內地出版粵語辭書方面嘅好書，內容翔實，收錄粵語詞彙極為全面，且採用傳統字編排，另外睇得出編者對本字或正字、俗字都作過一定研究，甚為難得。現按詞典編排順序並改用粵拼作為索引摘錄嗰啲 ... 霸家柵（訓讀作zaa6音）——1. 樣樣嘢都霸佔為己有者　2. 把家，唔准其他人掂自家啲嘢 霸掗（枒）——霸道，凡事都插手，干涉他人，而家多數講「掗拃（詞典寫作「????」）」 霸篼鷄——霸佔飼料盤嘅鷄，引申為霸道嘅人 霸巷鷄乸——比喻惡婦 
 
我以为霸家山添<IMG alt="" src="http://bbs.cantonese.asia/images/smilies/default/tongue.gif" border=0 smilieid="7"> 
霸蔸鸡未听过<IMG alt="" src="http://bbs.cantonese.asia/images/smilies/default/sweat.gif" border=0 smilieid="10"> 
我哋一般讲霸王鸡乸<IMG alt="" src="http://bbs.cantonese.asia/images/smilies/default/titter.gif" border=0 smilieid="9"> 
霸挜而家真系好少可有人讲啰！

外外星人 發表於 2008-7-6 06:52:04

原帖由 余OK 於 2006-12-8 19:30 發表 <A href="http://bbs.cantonese.asia/redirect.php?goto=findpost&pid=27480&ptid=4315" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 　　我係逐隻字逐隻字根據詞典內容打上去嘅，冇功勞都有苦勞，我嘅初衷唔係想要人哋回帖先睇到，而係想畀有心入嚟粵協且有所付出嘅朋友睇到，起碼曉得尊重我哋嘅辛勞，並鼓勵大家多發帖，門檻太低嘅話祇會縱容更多不勞而獲之徒，希望大家明白。 
 
希望系注册会员兼且有一定级数嘅先可以睇，支持OK。

頁: 1 2 [3] 4 5