過車,超車
lin車lin係邊個字??? 本帖最後由 xxkai 於 2012-12-10 19:20 編輯
本字系「捵」
「捵」音年上上聲。手執為捵。『集韵』他典切。手伸物也。伸之則長。故有捵長條頸之說。又捵扁捵緊。有用力揸住之意。
例句：
「捵香腸」
「捵車」可能因為「抯軚盤」貌似「捵香腸」，故用「捵」。
「捵死你」
======================================
修正：本字系「摙」嘅機會較大。請看八樓回覆。 本帖最後由 xxkai 於 2012-12-10 19:21 編輯
「捏」粵音「聶：nip9」解「以指握緊」。用作「捏車」亦通。一音之轉。
重有個「捻」字，音「跈：nin2」，都系「以指握緊」噉解。「用作「捻車」，就唔使轉音嘞。
其實，「lin2 車」系近代詞，當時應該系用咗「lin2 頸」個「lin2」，若以音為優先考慮，則「捵車」或者「捻車」都得。
======================================
修正：本字系「摙」嘅機會較大。請看八樓回覆。 我之前search捻車都冇資料,最多係有人用連or練,以為係我錯,
但係用練車有大部份係講緊練習揸車
sorry講得唔係好仔細,我意思係心存故意嘅過車,即係同人鬥車噉解 摙lin2 車
http://cpls.proj.hkedcity.net/cpls/canton.jsp?canton=9694&goback=allcanton&cat=&leavecat=# 摙lin2 車
wongkm33 發表於 2012-12-5 10:36 http://bbs.cantonese.asia/images/common/back.gif
小弟對於黃兄提供「摙」一字，查看「廣東俗語考」，得捯結論，極有可能「摙」先至系本字。 「廣東俗語考」釋動作篇（上）錄得「搬物曰摙」註：「摙」音連上聲。搬運也。有左摙右摙。摙上摙落之說。『唐韵』力展切。擔運物也。『南史』何遠為武昌太守。以錢買井水。不受錢者。摙水還之。『埤雅』果嬴摙泥作房。如併竹管。 我見：好明顯，「摙」字匸1933年仍然系用緊嘅廣東口語，解「搬運」，而家已經冇人噉樣講。以前嘅職業搬運工人，俗稱「咕喱」，一定系叫「搬貨」為「摙貨」。我恁大家偶然睇返尐粵語殘片裏面都有睇過，碼頭咕喱將一包包嘅貨物由船摙到岸上，每摙一件，就攞捯一支竹籌，用邌收工點算當日嘅摙貨量，以定工資。凡人必有爭勝之心，大隻尐嘅咕喱，摙貨量必比其他咕喱多，遇啱兩個或幾個孔武有力嘅咕喱，必然想睇下邊個摙得最多，爾種明爭暗鬥嘅競爭，嗰陣時應該就系叫「摙過」嘞。後來約定俗成，時至今日人人都叫「競爭」做「摙過」，反而「摙貨」一詞，就冇人再用。故「競爭賽車」畀人叫做「摙車」，亦系因此而邌。
頁:
[1]