「掂」過轆蔗
本帖最後由 xxkai 於 2012-11-26 19:34 編輯匸隔離講開「掂下隻手」個「掂：dim3」字，順便開張新帖傾下「掂過轆蔗」個「掂：dim6」字。
爾個「掂」字系「橫掂」個「掂」，以前尐人已經傾過無數次，只一致同意爾個系借字，始終都冇結論話邊個系本字。有人話系「定」，有人話系「正」，又有人話系「直」，好可能本字已不可考，請問大家怎睇？
「dim6」而家有兩個比較流行嘅借字「掂」同「（口店）」，請問大家有乜恁法，覺得邊個好尐？ 本帖最後由 xxkai 於 2012-11-26 03:06 編輯
既然「掂：dim6」嘅正字已不可考，就索性討論下借字喇。
「搞掂」「橫掂」而家已經好多人寫，約定俗成矣，睇下睇下都習慣咗囉。
「（口店）」字系生僻字，而家「全拼」重未收。唔應該用。
如果可以返轉頭嘅話，我會噉恁：
「掂」乃為「直」「得」「成功」嘅意思，同個「橫」字嘅意思正好相反。
「橫」字從「木黃」，「木」指樹嘅橫枝，「黃」系提示音。
引申「掂」嘅借字都可以從「木」指樹嘅垂直主幹，再從一字取音。大家以為如何？ 純粹吹水性質，如果「掂」字要從「木」，大家會借邊個字？ 本帖最後由 xxkai 於 2012-12-4 00:40 編輯
偶然揾捯一個「掂：dim3」嘅疑似本字，「槇」。「槇」康熙註：《韻會》多年切，音巓。《說文》木頂也。《徐曰》木杪。又仆木也。與顚通。《書·盤庚》顚木。又《唐韻》都年切，音顚。義同。又《集韻》止忍切，音軫。木密。又《集韻》之人切，音眞。木根相迫迮也。又《集韻》堂練切，音甸。亭年切，音田。義同。我見：據康熙，「槇」嘅其中一個音系「甸：din6」，非常接近「dim6」，全拼同「掂」一樣都系「dian」。「槇」字從「木真」，「木」若樹幹，「真」有「真正」嘅寓意。而且「真」中藏「直」，正正系「掂」噉解。大家認為如何？例句：1）橫槇都系。2）爾輪好唔槇。3）兩下散手就搞槇。仍想大家提供「掂」嘅「靚借字」。==============================前文搞錯咗《說文》「木頂也」嘅意思，以為系「木造嘅牚」，其實應該解「樹木嘅頂部」。已修正。 本帖最後由 xxkai 於 2012-12-5 22:28 編輯
匸其他網站有網友話「枮」系本字，佢嘅論點系「枮」解「枮樹」，系用邌造「切菜用嘅砧板」之用，而砧板嘅樹紋一定要打掂。音亦相當接近。所謂有音有義。大家認為如何？
例句：
1）橫枮都系。
2）爾輪好唔枮。
3）兩下散手就搞枮。
就算「枮」唔系本字，用邌做借字又如何？ 我以上結論唔啱，本字系「扂」。
頁:
[1]