形容動作慢吞吞的用語~~~~~
又要麻煩大家幫我解答啦~~~~前幾日睇劇......
我聽到一個詞........
一個男人嫌側邊嘅人"熰河"(差唔多係呢個音 au ho)
字幕係"磨蹭"(嫌佢動作慢吞吞、咪摸)
我突然間醒起~好多年前,我記得有人話過一個人嘅性格好"熰局"(小家)
一直以來,都唔知點寫.....
究竟"熰河"同"熰局"係點寫???thanks!! 本帖最後由 xxkai 於 2012-11-16 21:05 編輯
話人動作慢吞吞，廣府口語系「立糯」，音「lap9 lo6」，本字系「（立夾）䇔」 我聽到的不是「lap9 no6」的音
我補上影片了~~
"熰河"是在tvb電視劇"天梯"第23集裡陳山聰(飾 黎濟民),跟他的三姨太說了一句,嫌她零舍熰河,http://www.youtube.com/watch?v=pZWufEteIEk
在影片18秒處
說慢吞吞好像有點不太貼切,不好意思,我表達得不是很好!
"熰局"是在tvb電視劇"創世紀2"完結那集,~~因為郭可盈躲了很多年終於肯見羅家良了,然後陳慧珊對羅家良說了一句,不要嫌她熰局(我沒記錯的話,之前我看的時候字幕好像是翻 "嬌縱")
http://www.youtube.com/watch?v=Y5HysRV_NyM&feature=plcp
在影片1:19處 兩組詞都系「ngo1 go6」，音「柯1 哥6」。
爾個詞系話人：多聲氣，唔得爽快，恁得太多。
我暫時「本字」、「借字」都唔識寫。請其他網友補充。 呢兩個字"「ngo1 go6」，音「柯1 哥6」"係冇正寫嘅，只有語音，所以可以借音寫柯個都得,
不過，點都好過用"磨蹭"呢兩個字，話哂都係華語噃！而"磨蹭"是滿洲語" Moduo "嘅借音。
http://www.anakv.com/msc.php?input=Moduo&font=1&wpc=5&fontsize=25&cspace=10&fcolor=Black&bcolor=White
Moduo(磨蹭) 版主好厲害，連滿語都精通。 版主好厲害，連滿語都精通。
xxkai 發表於 2012-11-10 20:24 http://bbs.cantonese.asia/images/common/back.gif
兄台客氣客氣！在下只是剛剛開始學習，屬BB班，可惜满文學習資源很少，單靠網上很難有進步，好在佢係屬阿爾泰語係，曾研習過同屬阿爾泰語係嘅韓語、日語就比較有多尐把握！舉少少例：
滿語嘅"ambi, ombi, imbi embi"等助動詞、就等如日語嘅 " する(suru),します(Shimasu),ます(masu),です(desu)" 和韓語嘅" ,하다(Hada),합니다(Hamnida),입니다(imnida) "等都係同一應用方式。
學問無邊大、請多多指教！
原來2組都在講同一個字,陳山聰發得像"河"音,讓我以為是不同的~~
謝謝你們 我觉得广州话mo1本字就系＂磨＂。
至于满州话moduo，我觉得系借自关内移民的官话，＂磨跺＂？
满州话称稻米为handu，我觉得系＂韩稌＂，理由在于关内移民种小麦高粱玉米，不种稻，满州话称关内人为nikan，而不是han。 冇錯，滿洲話稱漢語文為"Nikan Gisun"。
http://www.anakv.com/msc.php?input=Nikan&font=1&wpc=5&fontsize=25&cspace=10&fcolor=Black&bcolor=White http://www.anakv.com/msc.php?input=Gisun&font=1&wpc=5&fontsize=25&cspace=10&fcolor=Black&bcolor=White
( Nikan ) ( Gisun )
其實要兩組字應由上至下相連先至啱，不過為了清楚注音，我先將啲字分開寫而矣！
再者，現代滿洲文字嘅格式，已改為打橫寫，如芵文一樣，不過字形較難識別，
不如全拉丁化(Latinized)吧啦！
回覆 2# xxkai
請教xxkai兄，「lap9 no6」，本字系「（立夾）䇔」之出處。睇字形就唔多似喇。 本帖最後由 xxkai 於 2012-11-14 18:35 編輯
回覆xxkai
請教xxkai兄，「lap9 no6」，本字系「（立夾）䇔」之出處。睇字形就唔多似喇。 ...
香江白丁 發表於 2012-11-14 13:58 http://bbs.cantonese.asia/images/common/back.gif
「廣東俗語考」釋性質篇錄得「柔緩曰（立夾）䇔」。 錦繡中華註：「（立夾）䇔」讀若立懦。做事柔緩曰（立夾）䇔。『集韵』行不正也。『說文』痿也。『類篇』弱立貌。（立夾）䇔為痿弱之形。是以柔緩也。（立夾）字全拼打唔到，建議用「濕納納」個「納」，即「納䇔」 回覆 12# xxkai
據潘永強著＜廣府俗語探奇＞，及黃氏＜捍衛粵語＞，「lap9 no6」中的「lap9」字，有不同見解，潘說是〔黍日〕或〔黍刃〕（兩字不能直接鍵出），而黃則說是〔米囚〕（字亦不能直接鍵出）。
〔黍日〕或〔黍刃〕＜廣韻．質部＞均注音「尼質切」，後經粵人音轉為「lap9」，＜說文解字．黍部＞：「〔黍日〕，黏也。」
〔米囚〕，＜集韻＞亦解作粘（黏），見宋以後字書，潘推斷為後造之俗字。
〔黍日〕糯，不才揣測是由黍帶黏性，引申做事慢吞吞也。（立夾），據兄台所引，解痿也、行不正也，似乎不及前者耳。 據潘永強著＜廣府俗語探奇＞，及黃氏＜捍衛粵語＞，「lap9 no6」中的「lap9」字，有不同見解 ...
香江白丁 發表於 2012-11-15 01:43 http://bbs.cantonese.asia/images/common/back.gif
「本字」亦有分唔同年代嘅本字，先生講嗰三個可能系好早期好古嘅本字。
「（立夾）䇔」得自「廣東俗語考」，故系1933年用緊嘅本字無疑。 本帖最後由 香江白丁 於 2012-11-16 00:18 編輯
「本字」亦有分唔同年代嘅本字
*******************************
非常有創意的講法．不才惟有寫個服字．
試看看從黍部的字，有：黏，黐，〔黍日〕，〔黍刃〕，
〔米囚〕，也是從米部，你認為比較〔立夾〕，那個合理些？ 本帖最後由 xxkai 於 2012-11-18 01:37 編輯
「本字」亦有分唔同年代嘅本字
*******************************
非常有創意的講法．不才惟有寫個服字．
香江白丁 發表於 2012-11-16 00:08 http://bbs.cantonese.asia/images/common/back.gif
我哋談論「本字」，類似考古嘅工作，可供考證嘅資料已經得返好少，好多時口同鼻詏，有時唔系一定要確定邊個啱與唔啱，最緊要系態度要開放。以決定自己匸應用上嘅取捨，先生所講嘅固然有你嘅道理，但我所講嘅亦唔系空言。怎解你一定要咁認真計較哩？如果要追溯到第一手「本字」，可能會系「甲骨文」哩。 中文經過咁多個朝代嘅洗禮，有幾個時期重系由「非中文」民族管治，每個朝代嘅官方對文字嘅取捨都唔同，而且我哋講緊嘅系方言，古時極有可能亦系方言，唔同時期有唔同嘅「本字」有乜出奇。「本字亦有分唔同年代嘅本字」爾個講法，絕對唔系「我說了算」。舉一個例，「污糟」已經匸廣府話生咗根，成為今時今日嘅正寫，但匸1933年，爾個詞嘅「本字」仍然系「齷齪」， 先生大可以參考1933年嘅「廣東俗語考」。我相信幾百年之後，尐人會話爾兩個詞都系「本字」，系唔同年代嘅「本字」。 本帖最後由 wongkm33 於 2012-11-16 20:32 編輯
「廣東俗語考」釋性質篇錄得「柔緩曰（立夾）䇔」。 錦繡中華註：「（立夾）䇔」讀若立懦。做事柔緩曰 ...
xxkai 發表於 2012-11-14 17:32 http://bbs.cantonese.asia/images/common/back.gif
在網上字典可以找到這個字，可惜貼上不能顯示出來！
http://ctext.org/dictionary.pl?if=gb&char=%F0%A5%AA%82 回覆 16# xxkai
老兄言：｛如果要追溯到第一手「本字」，可能會系「甲骨文」哩。｝對啊，因為文字之演變，甲骨文祇能用來研究，不能作生活上應用。同理，也須套落所謂之本字。故此，時人怎樣用，大家便跟著怎樣用，必須清楚，語言首要功能是溝通，即使有某些不合古法，也祇好從眾，即約定俗成。當然，也不宜字字句句都從俗，須兼顧本詞本字義思，牽涉太廣，在此不贅言了。
跟老兄討論的幾個字，不才有不持開放態度乎？不才是問：「那個合理些」？而不是「一定要分對錯」，請兄明察。幾千年之中文，內涵博大精深，文字、成語、詩詞歌賦，那個權威敢隨便說對錯呢！
「污糟」，「齷齪」，還有更古的「腌臢」，不同時代具不同意義，何必拘泥一定要「本」，以至產生第一手本字，第二手本字．．．．這種古怪之講法哉！ 香江白丁先生講嘢總系有你嘅道理，我投降認輸喇，拜服。 满州话称稻米为handu，我觉得系＂韩稌＂，理由在于关内移民种小麦高粱玉米，不种稻，满州话称关内人为nikan，而不是han。使君子 發表於 2012-11-11 23:26 http://bbs.cantonese.asia/images/common/back.gif
满州話"Handu"應該是指水稲吧！"Handu Orho"是稲草；如果是"韓稌"是指韓糥米，應是兩種不同類別吧？
http://www.anakv.com/msc.php?input=Handu&font=1&wpc=5&fontsize=25&cspace=10&fcolor=Black&bcolor=White http://www.anakv.com/msc.php?input=Orho&font=1&wpc=5&fontsize=25&cspace=10&fcolor=Black&bcolor=White
( Handu ) ( Orho )
韓稌(한도)，稌是糯米，韓稌應是韓糥米。
頁:
[1]
2