中藥題
<p>廣東涼茶有一味叫“火炭母”（藥書係噉寫）嘅去濕藥，但通常啲人係講“火炭mou1”</p><p>據我所知，“毛”字可以變讀為陰平聲，但“母”字好似冇變讀嘅</p><p>如果可以變讀，點解“川貝母”又唔叫“川貝mou1”呢？偏偏係“火炭母”噉樣讀~</p> <p>首先，要理解變調，都係比較常用嘅詞語先變調，唔常用嘅詞都好少機會用，變咗調反而冇人知。<br/>粵語嘅變調可以有兩種，一係將陽聲字讀陰上聲，呢個係最常用嘅變調。<br/>另一種係將陰、仄聲字變陰平聲，呢種情況比較少，例如：“詐假意”就係一個好好嘅例子。</p><p>“詐假意”原讀，但通常口語中會讀做“炸家衣”<br/>同理，“火炭母”可能因爲忌諱“母”字，粵語中“母”讀“冇”，表示沒有，唔吉利，索性變調，讀火炭mou1</p><p>附：粵人將“伯母”稱“伯有”，皆因“母”同“冇”同音，（百冇）唔吉利。故稱“伯有”（百有）。</p>
頁:
[1]