Anl
發表於 2006-10-18 03:12:44
另外「文」唔係「蚊」，錢唔係昆蟲。<br/>“一文”、“幾百文”，唔應該寫成“一蚊”、“幾百文”。
Anl
發表於 2006-10-18 06:03:05
<p>援助、魅力、傳奇、兩肋插刀、存摺、利市、使用</p>
余OK
發表於 2006-10-18 06:20:22
<p>2006-10-17 21:53:16 ΛＮL 李<br/>近期天氣報告鍾意用“灰霾”呢個詞。<br/>啲人讀“灰埋” </p><p>2006-10-17 21:54:17 Lucciora<br/>灰霾 香港讀 "离",廣州讀"迷" </p><p>2006-10-17 21:54:54 ΛＮL 李<br/>讀“埋”，“迷”，“離”？ </p><p>2006-10-17 21:55:05 Lucciora<br/>TVB同陳SIR </p><p>2006-10-17 21:55:21 Lucciora<br/>"埋"未聽過</p>
rugal
發表於 2006-10-19 02:41:23
<p><a href="http://humanum.arts.cuhk.edu.hk/Lexis/lexi-can/search.php?q=%C5%B5">http://humanum.arts.cuhk.edu.hk/Lexis/lexi-can/search.php?q=%C5%B5</a></p><p>呢度將“埋”作正音，所以我就讀“埋”喇。</p>
余OK
發表於 2006-10-19 05:27:16
「瑰」寶點讀？
desmond
發表於 2006-10-19 06:57:48
<p>瑰寶 /gwai3bou2/</p>
余OK
發表於 2006-10-19 06:58:56
<p> 我今晚聽到電視臺係讀gwai1嘅，而且不下三次。。。</p>
superjill
發表於 2006-10-19 07:35:41
<p>白居易</p><p>杜甫</p><p>將進酒</p>
余OK
發表於 2006-10-19 08:06:31
ΛＮL 李(52954820) 23:59:56<br/>反饋：讀反貴，非讀反潰。<br/>呢個字經常出現喺服務行業，對於用戶反映嘅意見，會用“反饋”一詞。好多人甚至電臺電視臺都讀“反潰”。眞係字形相似就理所當然同音。“饋”字係食字邊，我哋亦都經常聽到有廣告話“饋贈親友”，亦係用呢個“饋”。《說文解字》从食貴聲。即係食字部，讀“貴”音。饋贈親友就冇乜人讀錯，但反饋就錯到周街都係，以後要注意吓喇。
Anl
發表於 2006-10-19 08:11:51
廣：讀gwong2，非讀港。<br/>粵語正音，先由「廣州話」個「廣」字講起。簡單講，廣州話「廣」字同普通話發音根本相似。大家都以g做聲母，以w[烏]或u[烏]做介音，以「黃」做諧音，皆因傳統字（繁體字）當中，广字中間有個「黃」字做諧音，所以發音唔同，粵語讀「黃」音，普通話讀音。所以粵語係 g w ong 嘅拼合，讀廣。如果唔取「黃」做諧音，就連介音 w 音都發唔出。所以現時好多人將「廣」讀成「港」，因爲佢唔知原來繁體字係借「黃」字做音之故。
Anl
發表於 2006-10-19 08:12:02
粗獷：讀操廣，非讀操礦。<br/>曠課：讀曠貨，非讀抗貨。<br/>提過「廣州」嘅「廣」要讀出介音w出嚟。同樣道理，以「廣」字做聲旁嘅漢字，都要有介音，例如粗獷、曠課、礦泉、擴大等等，統統都有w介音。另外一提，粗獷一詞，經常被人錯讀成粗礦，其實係懶查字典之故，誤以爲形似礦泉個礦，就讀礦。但查一查字典，就唔難發現正確讀音。「曠課」亦如是。介紹大家可以喺書店買到嘅字典有《廣州音字典》《廣州話正音字典》。
Anl
發表於 2006-10-19 08:12:34
汞：讀控，非讀貢。<br/>此字當今連中小學老師都唔識讀。自細老人家就稱紅藥水（化學名：汞溴紅）做「紅汞水」。喺老人家一輩口中一律讀「控」，再翻查《廣州話正音字典》，確實讀「控」。何解我哋中小學老師大多數都教學生讀「貢」？大概係因爲現時普及普通話嘅同時忽略咗對方言嘅保護，今後不斷討論粵語嘅正字正音問題。
Anl
發表於 2006-10-19 08:12:56
觸：讀足，非讀速。<br/>呢個字係一個經常有人讀錯嘅字。有人將之錯讀成「速」，大概受普通話發音影響。聲母跟咗普通話chù，將粵語發音讀成「速」。其實呢個詞應該讀「足」。感觸、一觸即發 呢類詞語經常聽得多，以後大家要注意一下喇。
Anl
發表於 2006-10-19 08:13:05
蹈：讀道，非讀滔。<br/>經常聽見有人講「重'滔'覆轍」，究竟「滔」係何字？原來係舞蹈個「蹈」字。但點解有人讀「滔」呢？因爲佢講錯囉。其實,「蹈」係「踐」和「踏」嘅意思，「重蹈覆轍」、「舞蹈」同「赴湯蹈火」嘅蹈，都係「踐」和「踏」嘅意思，冇理由第二、三個讀「道」而第一個 讀「滔」o架，呢個就係唔加思考嘅結果嘞。
Anl
發表於 2006-10-19 08:13:17
魅力：讀未歷，非讀妹歷。<br/>林子祥歌詞有唱「魅力是沒法擋」。佢個「魅」字就唱啱音嘞。皆因「魅」字係一個形聲字，鬼表形，以「未」字做聲。無論普通話或是粵語，都以「未」音發音。臺灣歌手張惠妹曾有演唱會廣告詞「張惠妹，魅（妹）力沒法擋」。因爲用普通話嚟創作嘅廣告詞，祇有普通話先至有意義，粵語讀就未必讀出該神韻嘞。
Anl
發表於 2006-10-19 08:13:42
詛咒：讀助皺，非讀咀皺<br/>唔知受咩影響，「咀咒」一詞周街都可以聽到，因爲周街都有人喺度「咀咒」人哋。究竟咩叫咀咒，咀咒又點寫？其實係言字邊加個且，呢個字應該讀「助」。《康熙字典》使(讀洗)人行事阻限於言也。即係話用言語令人家做事受到阻礙。意思近於「阻擋」個阻字，而且《康熙字典》亦提及「阻」古通「詛」。故此雖然經歷音變之遷，但亦與「阻」音相近，現今讀助，切記切記。
Anl
發表於 2006-10-19 08:13:50
敞：讀厰，非讀躺。<br/>有好多字，都存在錯誤嘅異讀音。例如呢個「寬敞」個敞，有唔少人會讀「寬躺」，點解呢？如果我哋認繁體字，就知道工厰個厰字裏面部份就係呢個「寬敞」嘅敞。厰字亦係靠呢個「敞」做諧音偏旁。另外我哋經常會用到「敞開心扉」一詞，亦係寬敞個敞，所以同樣係讀厰。
Anl
發表於 2006-10-19 08:13:58
文：讀蚊，表示元。<br/>中國用元寶做貨幣有千多年歷史，「元」係全國貨幣統一單位，直到而家依然係元。元即係元寶。但粵語用「蚊」嚟稱呼，究竟個「蚊」字係咪現時寫慣嘅「虫+文「呢？當然唔係啦，因爲虫字邊嘅蚊係表示昆蟲，但錢唔係昆蟲，所以唔應該用「蚊」。而我哋平時所講嘅「蚊」實則係文化個「文」字。呢個字古時表示銅錢，銅錢俗話又叫大餅，一個銅錢就一文錢，粵語亦喜歡變調，將較低沉嘅「文」讀較響亮嘅「蚊」。廢除銅錢後，到民國大洋又係一個一文，現時硬幣又係一個一文。所以「文」係經歷咗千多年歷史，依然留存於粵人口語當中，粵語確實係歷史嘅活化石。
Anl
發表於 2006-10-19 08:14:07
兩肋插刀：肋讀勒，非讀協<br/>因爲忽視粵語教育，及現今對時代人懶查字典之故，好多字嘅粵語畀人讀錯或者遺忘。今次講爲朋友忠肝義膽，「兩協插刀」。可能大家都聽慣，唔覺得有咩問題，但問題就出現究竟兩「協」插刀嘅「協」喺邊個位？其實大家都覺得應該係我哋俗稱胳肋底嘅地方。但嗰度叫「勒」，肋骨嘅地方。肋骨我哋就唔會讀「協骨」，但點解同樣係呢個肋字，用喺兩「肋」插刀呢個詞上，就讀錯成「協」呢？大概同簡體「协」字相似嘅緣故。祇要我哋平時用心思考，就唔會讀錯啦。
Anl
發表於 2006-10-19 08:14:16
酷：讀huk9，非讀箍，非讀浩。<br/>受普通話大潮影響，酷每個人都知同英文cool發音差唔多。但大家有冇諗過「西+告」粵語係點讀？亦係讀cool？非也。粵語應讀huk9，並非讀緊箍咒個箍，亦非讀浩浩蕩蕩個浩。呢個字無論咩情況都係讀huk9，例如酷熱,酷愛,酷刑,殘酷等等統統都讀huk9。受咗普通話嘅影響，相信而家後生仔識讀huk9嘅少之又少囉。