[轉貼]粵語中二十個常用易錯語氣詞簡介
<P>幾年前喺Anl粵語學堂下載嘅文章。</P><P><BR>Lesson 27 粵語中二十個常用易錯語氣詞簡介</P>
<P><BR>吖：(解)此字一般不用於疑問句。<BR>係吖！你講得冇錯。<BR>唔係吖嘛？！</P>
<P><BR>呀：(解)表示驚訝或疑問的歎詞。<BR>你想點呀？</P>
<P><BR>啊：(解) ①驚歎、贊歎②疑問或反問③祈使式④驚歎(疑問式) ⑤允諾或醒悟<BR>①(此音不作疑問詞)啊！又係幾好喎！<BR>②咩啊？好似唔啱喎！<BR>③你唔好噉做啊！<BR>④今個星期又出嚟啊？<BR>⑤啊，就噉做啦！啊，原來係你！</P>
<P><BR>噃：表示叮囑，勸告，肯定。<BR>你唔好唔記得噃。咪飲咁多酒噃。我記得唔係噉噃！</P>
<P><BR>㗎[口架]：①強調語氣②半信半疑<BR>①佢好叻㗎！佢唔信你㗎！<BR>②你識得佢㗎？！唔通係你做㗎？！</P>
<P><BR>嘅：①語氣詞，疑問或反問，又表同意。②助詞，有肯定的意思。<BR>①做乜冇人嚟嘅？佢噉做係應份嘅！<BR>②我嘅書。答案係啱嘅！</P>
<P><BR>啩：表示半信半疑<BR>唔係啩？！佢唔會遲到啩！？</P>
<P><BR>吓：①疑問②相當於「一下」<BR>①吓？！冇理由唔啱㗎喎！吓？做乜嘢？<BR>②畀你嚇咗吓！</P>
<P><BR>吔：表示驚異或感歎<BR>哎吔！打得少啊你？</P>
<P><BR>吆：多用於不滿的笑罵語氣。<BR>吆！正衰人！吆，咪鬼煩住晒啦！</P>
<P><BR>喇：①表示祈使的用法。②表示告知。<BR>①一齊嚟喇！<BR>②我食飯喇！</P>
<P><BR>嘞：一般的表示肯定把握或情況<BR>我寫咗信嘞！我識做嘞！你知道就好嘞！</P>
<P><BR>哩：①相當於「啦」②肯定的疑問<BR>①係哩！你喺邊度做嘢？<BR>②我講得冇錯啊哩！都話咗係噉哩，我冇呃你㗎！</P>
<P><BR>囉(啰)：①表示告知②應答語氣<BR>①今日去咗行街囉！<BR>②係囉！冇囉！</P>
<P><BR>咯：①表示祈使②邀請語氣③表示完成語氣<BR>①你信佢咪得咯！<BR>②一齊去玩咯！<BR>③都話係咯！咁夜咯，早啲返去喇！</P>
<P><BR>呣：①表示疑問②表示肯定<BR>①呣？好似唔係喎！<BR>②呣！我知啦！</P>
<P><BR>嗱：表特指語氣<BR>嗱，你話㗎！嗱，畀你睇吓嘞！</P>
<P><BR>喎()[口呙]：①主觀感覺②轉述語氣<BR>①係喎！唔啱喎！<BR>②佢話係噉喎，你咪信佢咯！</P>
<P><BR>咋：氣詞，罷了的意思<BR>我唞咗一陣咋！我見過佢兩次咋！</P>
<P><BR>啫：①氣詞，罷了的意思②語氣詞，表示勸告或肯定否定，又有輕視語氣。<BR>①十幾斤重啫，我拎得起。<BR>②唔好去啫，做乜一定要應承佢啫？唔係噉啫！</P>
<P><BR>注意：「呀」同「啊」有時也可互用。<BR>「噃」寫成「啵」、「播」都不對。<BR>「㗎」[口架]寫成「咖」「嘎」「噶」都不對。各書籍寫「㗎」[口架]，可惜電腦打唔出。惟有用「o架」代替。<BR>「嘅」也有被寫成「噶」，亦都不對。<BR>「啩」不可寫作「掛(挂)」「呱」。<BR>「吓」第②解不可以寫成「下」。<BR>「吆」寫成「妖」代替是錯的。<BR>「啫」不可寫成「姐」「喈」「者」。<BR></P>
[ 本帖最後由 dada 於 2008-5-13 14:29 編輯 ] 為新版論壇重排。 「呀」唔应该系第一声！
頁:
[1]