[轉帖]我看推普
原文出自：http://www.musicanton.com/bbs/dispbbs.asp?boardid=3&id=3781&star=1#12233好多论坛上嘅朋友都好关心嘅一个问题就係“推普”。个人嘅睇法，向推普之余，对其他嘅方言亦无理由要赶尽杀绝，毕竟普通话都不过系同其他嘅方言一样，只系“汉语”嘅一种构成，而且对方言嘅热爱往往系一个人对自己家乡嘅感情嘅起源，正所谓“乡音未改鬓毛衰”，更加系对自我身份嘅一种认同，如果人连自己嘅家乡都唔认同，好难想象，佢如何可以真正咁热爱自己嘅国家同其文化。
只有唔用脑谂嘢嘅愚民们先会自以为中文就係等同普语、其他嘅方言就係“鸟语”，可悲嘅係我地呢个国家里面呢种被洗脑而不自知、甚至以此为自喜嘅愚民实在太多，外地嘅好多人将自己嘅方言睇底于普语一等已经系好普遍嘅现象，之前睇羊晚，见到有个咩7唔知边年嘅广东地区语文高考状元夸夸其谈自己点样“为左学好语文而训练自己唔用广州话、清一色用普语”嘅经验，我除佐想讲一句“叼”之外，感觉更多嘅系对佢嘅一种无奈同可悲，枉你系语文状元，但係对于自己国家同自己家乡嘅文化、文字，认识竟然系如此浅薄、肤浅同功利，更加可悲于佢对自己母语同母文化嘅鄙视同自轻。向呢位状元身上，现行嘅语文教育无疑系成功的；但同时向佢嘅身上，我地亦可以好明白咁睇出，现行嘅语文教育彻底系失败。
很庆幸自己当年学语文遇到好嘅老师，虽然唔系读重点中学，但係向我就读嘅果间普通中学里面，遇到嘅几位语文老师都好坚持“母语教学”，使我对汉语言文化自小就有佐一个有别于正统嘅认识。果d所谓嘅语文状元，未曾见过有哪个日后真係会成为大文学家，因为佢地自以为所精通嘅语文，不过系考试嘅利器，离真正嘅文学精神可以话系南辕北辙，一个广州人，如果连自己嘅母语都唔去热爱、尊重同精通，任凭国语学得再好（他日为左更大嘅利益，亦好可能将英文看得高于普语），不过系一个无自己灵魂嘅文字玩客。
Re:[轉帖]我看推普
嗯，第一次看到这个的帖子。虽然我刚学粤语，但是大部分都看懂了！
楼主有些词语不免有些过激，但是也同时说明了一个普遍的现象。
不知怎么回答。无语！
Re:[轉帖]我看推普
对于佢所讲嘅［洗脑］百分百认同！Re:[轉帖]我看推普
我淨係想知道昔日嗰啲“狀元”而傢擔任紧啲乜嘢職位點解无報章跟踪采訪報道佢哋嘅豐功偉績呢？
Re:[轉帖]我看推普
舊年省實嗰個雙料高考狀元黃同學反而好維護廣州話，報道話佢接受採訪要求記者畀佢用廣州話回答，後嚟好似去咗中大。後屘我見到電視一個節目邀請晒幾乎全部嘅廣東高考狀元上嚟，有兩三個講講吓廣州話有啲詞彙唔曉講眞係用普語講出嚟，我覺得認眞丟架。。。Re:[轉帖]我看推普
強制推普係錯嘅。
頁:
[1]