淋糝
廣東有冇「相聲」呢個名或者呢樣嘢就真係唔知嘞！事關嶺南冇文字寫嘅歷史，:'( 有嗰啲都係北人歷史，北人代寫嘅嶺南「歷史」。:@ 兼且，睇過歷史嘅人都知，無他都係啲殺人嘅事跡，嶺南人唔興打打殺殺，都係啲柴米油鹽醬醋茶嘅「淋糝」嘢，冇乜「激動人心」嘅「大事」，故此，寫「歷史」嘅人覺得唔入流...——睇咗上高呢段文字，你就明乜為之「淋糝」嘞！:victory: [糝] 字點讀？
「淋糝」= 柴米油鹽醬醋茶？:o 淋糝個糝我讀「審」,唔知合音唔合音:o
廣東得「講古」無「相聲」 點會冇相聲喎，黃俊英咪講相聲個囉
「淋糝」嘢咪即係啲小嘢小事
不過柴米油鹽醬醋茶係生計嚟個喎，都唔「淋糝」得曬咖 本帖最後由 xxkai 於 2012-11-25 20:34 編輯
本字應該系「淋糝」，「淋糝」嘢系指「油鹽醬醋茶」之類。形容「濕碎」嘢。
「淋」單字其中一個解釋系：澆：如「淋浴」、「日曬雨淋」。「淋」可以用邌形容將流質嘅調料落匸食物上，如「淋豉油」等。
「糝」單字匸「廣東俗語考」釋飲食篇錄得「葱花曰糝」註：「糝」音審。凡餚饌加以葱花芫荽曰糝『說文』「糝」以米和羹也。一曰粒也。葱花成粒。故曰「糝」芫荽葱。「糝」嘅粵音系「審2」，可以用邌形容將粉狀嘅調料落匸食物上，如「糝糖」、「糝鹽」、「 淫糝胡椒粉」等。
照噉睇，「淋淋糝糝」嘅嘢就系指廚房裏面嘅「調味料」嘞。由於「豉油」、「醋」等系「濕」嘅，而「糖」、「鹽」、「胡椒粉」等系「碎」嘅，所有又引申作「濕濕碎碎」嘅無謂嘢嘞。
上聯：「淋淋糝糝」下聯：「濕濕碎碎」
頁:
[1]