人哋所謂嘅「粵文化」......(唔歡喜勿入嚟)
睇咗噉耐文,我得出一個結論,就係人哋所謂嘅「粵文化」主要係講粵話,無乜其他野咯係人哋所謂嘅「粵文化」:
粵文化=粵話粗口俗語(皆因平日常用)
粵文化=粵話流行歌(多人聽)
粵文化=粵話映畫戲(多人睇)
唔係人哋所謂嘅「粵文化」:
廣東音樂≠粵文化(無乜人聽)
粵曲大戲≠粵文化(無乜人睇)
粵話詩歌≠粵文化(無乜人作)
粵話古仔≠粵文化(自卑感作怪,無乜人作)
粵繡≠粵文化(無乜人知曉)
粵式建築≠粵文化(無乜人會理)
………
品茗而家都多人去,所以當佢一半係一半唔係
睇我唔順眼可當我無講過 得閒寫咗支無乜韻嘅板眼
粵語就得人撐，噉啲文化就點呀樣？文化．家陣．真正係危危呀乎。
估話廣東．個啲音樂．係會有人嚟聽呀，殊不知一日．兩日．就俾人睇呀低！
唉也．個啲大戲呢．應該係嶺南嘅傳統嘛！又點知．聽個啲係．多數係阿呀嬋。
又去講下．個啲粵話嘅詩詞呀，竟然有人．講話呢啲係打油呀詩。
再講粵話寫個古仔．係有啲新呀意，唉．竟然有人．話佢係寫唔呀掂。
話說廣東嘅粵繡．係有人．聽見咯，之不過．曉得個粵繡．就得個幾呀位。
喂．聽聞廣東嘅唐樓．的確係幾正呀，唔知呢類嘅唐樓．又幾多人嚟保呀衛？
拿．我家陣唔係．寫緊「Rap」呀，板眼呢家野．你又曉呀唔呀曉？
唔該你多啲．就去下品呀茗呀，粵話．與共傳統．係要人去保呀衛。
簡易版:
粵語就得人撐，文化就點樣？文化家陣真正危危乎。
估話廣東音樂係會有人嚟聽，殊不知一日兩日就俾人睇低！
大戲應該係嶺南傳統！又點知聽個啲多數係阿嬋。
又去講下粵話詩詞，有人講話係打油詩。
粵話寫個古仔係有新意，有人話佢寫唔掂。
廣東粵繡有人聽見，曉得粵繡就得個幾位。
廣東唐樓的確幾正，呢類唐樓幾多人保衛？
我家陣唔係寫緊「Rap」，板眼你又曉唔曉？
唔該你多啲就去下品茗，粵話與共傳統係要人去保呀衛。 支持你
粵文化唔單指粵語
仲有好多畀粵語情况更加危殆
但是就畀人忽略 如果连语言都无埋，其他的就更加5使讲啦。
我细细个就听粤曲，去长堤排队买飞体嘎。帝女花，紫钗记都识唱嘎。其实，你自己体5起伊d也，5等于距地5存在咯，5等于我地5想保护。
我地宜家系连最最最根本的粤语都保护5到，开始被强迫退化，好心up咯。 粵文化用粵語表述先啱聽，冇粵語，乜都冇。 貓児:
支持之餘,若果可以用粵話作歌謠文章重好!:loveliness:
千祈唔好對自己寫嘅粵話有「自卑感」,唔試下寫反之對自己無益
claracy與共外外星人 :
粵話固之要保護,咁粵話衍生出嚟嘅野呢?
粵曲大戲做開有條路,有人撐腰,係唯一一個算係安全嘅文化
我無睇唔起騎樓,騎樓買少見少.我無睇唔起粵謳,粵謳幾乎絕跡(好難聽得返)
粵話所衍生出嚟嘅野越小,粵話可能會越牙煙
所以,我勸喻諸粵人撐粵話之餘,要保護我哋嘅文化傳統,唔好一味崇洋,要崇粵
頁:
[1]