唔该，讲粗口都正宗少少喇 (ZT)
文/xixiho唔该，讲粗口都正宗少少喇--有感于广州话文化传承
前2日夜晚同学聚会，结果打算去"哥哥”，咁啱嗰日4.1，就去”哥哥”唱哥哥嘅歌嚟怀念哥哥，我隐隐然觉得，嗰日会有奇遇。
原本约8点但系我6点多些少已经去到中山二院门口，冇法，揾饭吃，啱好隔篱有间嘢，开饭先。
叫咗个西多士，真系好钟意吃西多士，跟住发觉有啲唔妥，服务员好好态度噉话：阿生，唔好意思冇晒刀叉，用筷子喇!
......
有冇搞错啊，吃西多士用筷子？？？
算了，今日愚人节特备节目。
于是我尽力用筷子夹开，啊唔系，系叉开、厾开、撬开嗰2块炕到几熟, 然后个边又几厚嘅面包，多次努力之后发觉都系好艰难，于是决定用牙咬成嚿“齿”开。
正当我努力”齿”嘅时候，隔篱台来咗3个人，听口音系一个类似外地, 2个类似广州嘅，然后佢哋就喺度吹水了。嗰个类似外地人似乎好多嘢讲，不过佢可能学习广州话过程中遇到一啲问题，讲3句话唔汤唔水嘅广州话就插2句广州话粗口，但系无论系语气助词、形容词、名词，佢都似乎剩系识讲嗰个字嘅粗口。就系一个“7”字，有一句几乎令我喷多士出来：“你条7头啊，咁7犀利都得。”（佢对面嗰个系女嘅）。
晕喇~~~~
对面2个人居然唔觉得奇怪？
经过多年耳濡目染，对于广州话粗口嘅精髓都可以话略知一二了，对于代表嘅意思就唔使讲一定清楚喇，最记得以前有人曾经讲过16字粗口歌，唔记得内容，剩系记得笑死我。
有好多人话，广州话文化日益息微，好担心以后出街要讲“煲冬瓜”，所以发扬广州话文化，任重道远、刻不容缓。
如果，身为广州人，对于广州市井语言文化入边最难以割舍但系又好似最污糟嘅“粗口文化”都难以承继，噉以后我哋成日要讲个“日”字？？？难以想象广州人唔识讲广州话粗口。
广州话文化需要传承，唔单止作为广州新一代嘅我哋需要学习好多以前嘅广州话用法，假如见到外地人，都可以教佢哋讲广州话，无论系广州话嘅精髓部分，譬如粤曲，定系市井文化，譬如粗口，如果我哋唔将正确嘅广州话传播出去，就好似你吃西多士用筷子一样，就好似你听到人哋用个“7”字形容女生一样，你觉得好奇怪，实际上都系好奇怪，但系假如吃嗰个、讲嗰个唔觉得奇怪，噉以后学佢吃、学佢讲嘅人就唔会觉得奇怪了，噉以后“7”字就系拿来形容女生了，男生？用个“系”字喇!
所以，你讲粗口，都唔该，正宗少少喇!
<P>你系咪想话要发扬粗口文化啊？</P> <P>粗口都係文化嘅一部分，唔可以因為佢市井就避而不談。</P>
<P>好多名著，例如《水滸》，入面都有好多粗口，例如“鳥”、“屌”等，呢啲就係生活嘅一部分。反映現實生活嘅文學作品，點解唔可以包括粗口？</P> <P>有一句几乎令我喷多士出来：「你条7头啊，咁7犀利都得。」（佢对面嗰个系女嘅）。</P>
<P>呢个你唔喷我都喷啊～真系超低能劲搞笑！</P>
<P>不过人哋都系“揾食啫，犯法啊”</P> <P>但係寫呢篇嘢條友都好多錯字囉~</P>
<P>我而家唔講粵語詞，就一個“式微”佢都可以寫成“息微”嘅~</P>
頁:
[1]