Re:問一下繁體字問題
簡化字「复」對應正體字「復」、「複」同「覆」。簡單嘅方法去決定用「復fuk6」、「複fuk1」定「覆fuk1」就係靠佢哋讀音同字義嘅分別啦。Re:問一下繁體字問題
多謝樓上嘅，而家清楚好多其實論壇可唔可以開設一個繁體字欄目？（置頂貼）
專門歸納簡化咗嘅漢字同正體之間嘅聯系？有時候我覺得如果有一個歸納，以后睇繁體文案會比較好，尤其喺個別字非常容易弄錯。
Re:問一下繁體字問題
我覺得知識應該係一點一滴去累積。你覺得呢啲係分唔清嘅問題，或者對於人哋嚟講係瞭如指掌。皆因人哋本身用傳統字，對呢啲分別自細就識。而對於生長喺大陸嘅人嚟講，好難區分開嚟。我觀點認爲，本網已經係一個繁體網站，冇必要講解，不過如果有人問到，自然會有有心人作答。不必另立條目啦。
Re:問一下繁體字問題
殺人王既提議係唔係想講繁體字同佢相對應既簡體字？？？
Re:問一下繁體字問題
desmond在2006-4-10 19:32:20說道：簡化字「复」對應正體字「復」、「複」同「覆」。簡單嘅方法去決定用「復fuk6」、「複fuk1」定「覆fuk1」就係靠佢哋讀音同字義嘅分別啦。覆----顛覆、反覆
復----回復
複----複製
係我日常見到嘅用法。
「复」字同樣存在於 big5 碼中，但係好少港台人用。
另想問一問，[帶協] 呢個詞，相應國語係[提携]，咁解有冇錯？
Re:問一下繁體字問題
highyun在2006-4-8 11:58:06說道：正体嘅“晒”同“曬”系完全唔同嘅，前者系范围副词，表示“全部”嘅意思，摆喺动词后面，例如“食晒”“搞掂晒”等等；而“曬”系动词，如“曬太阳”“曬衫”等。夢兄认为“澌”系“晒”嘅本字，几有意思。
“澌”字到底係唔係“晒”字嘅本字，我認為應該認真研究、探討一吓。
Re:問一下繁體字問題
cactus在2006-4-12 14:35:28說道：「复」字同樣存在於 big5 碼中，但係好少港台人用。
另想問一問，[帶協] 呢個詞，相應國語係[提携]，咁解有冇錯？
“复”是“復”的本字。字義與“復”同。
“帶協”应作“帶挈”，意思你倒是說對了。
Re:問一下繁體字問題
用咩方法可以登陸台北市政府網站，喺大陸直接輸入登陸冇用嘅。Re:問一下繁體字問題
desmond在2006-4-10 19:32:20說道：簡化字「复」對應正體字「復」、「複」同「覆」。簡單嘅方法去決定用「復fuk6」、「複fuk1」定「覆fuk1」就係靠佢哋讀音同字義嘅分別啦。「覆」唔再簡化為「复」。
「回復」有「回復現狀」同埋「答覆」嘅意思﹐因為「回復」通「回覆」。所以簡化字「回复」（答覆）唔算錯。我寫「回覆」。
《國語辭典》﹕「復、複、覆三字本義各異。復為還、返，複為有夾裡的衣服，覆為翻倒、傾倒的意思。但因就其本義都可以引申為再、又、重等義，所以『反復』也或作『反複』、『反覆』，『重複』也或作『重覆』、『重復』等。但在某些語詞的特定用法上，卻不可相混。如『復興』不作『複興』、『覆興』，『複數』不作『復數』、『覆數』，『覆蓋』不作『復蓋』、『複蓋』。因此使用這三字，除其意義相通部分外，仍應注意各字單用本義之區別。」
Re:問一下繁體字問題
“回復”“回覆”绝对唔同，首先系读音唔同。而且，“回復現狀”同“答覆”根本就系两回事，一个系自己恢复到原来噉样，一个系回答人哋嘅嘢，点可以相通呢？Re:問一下繁體字問題
《國語辭典》解釋「回復」﹕①回旋反覆。唐‧柳宗元‧夢歸賦：「若有鉥予以往路兮，馭儗儗以回復。」
②回答、答覆。文明小史‧第五十五回：「錢莊上掌櫃進去，回復了秦鳳梧，秦鳳梧正驚得呆了。」
③恢復。如：「回復國籍」。
如果怕《國語辭典》嘅解釋太古老﹐呢度有一個教育網﹐twowin-- twowin社群 - 說文解字http://www.idea-tw.com.tw/teacher/china_word.php
第 12 期有一篇《「復」、「複」、「覆」?》
http://www.idea-tw.com.tw/teacher/china_word.php?menu1=19#12-1
這三個字，都有再次的意思，但在用法上，已因習慣而定型，所以並不是皆可通用的。一般說來，「復」和「覆」在「反復」、「答復」、「復信」、「回復」等詞都可通用，餘則不可，像「復仇」就不可寫成「覆仇」，「復古」也不可通「覆古」。而「復」與「複」，在「重復」、「復習」等詞亦可通用，餘則不宜。「復」多指「恢復」、「反覆」；而「複」則指重疊而言。因此「複印」、「複決」、「複詞」、「複製」、「複雜」等詞，不可寫成「復」。「復古」、「復位」、「復返」、「復活」、「復原」、「復甦」、「復興」等詞，也不可與「複」相通。「覆亡」、「覆水」、「覆沒」、「覆蓋」等詞，也不可以用「復」與「複」。
最後﹐《粵語審音配詞字庫》話「復」可以讀fuk1（「同『覆』字」）。
不過﹐我主要係同「回复」搵理由﹐因為我自己寫「回覆」。
Re:問一下繁體字問題
google中文名「谷歌」一詞睇到簡化字嘅缺憾。山谷嘅「谷」字竟然代替咗「穀」字。唉，簡化字嘅缺憾……Re:問一下繁體字問題
谷歌 有豐收之意，此 谷 字應解作 谷物（穀物），而非 山谷。簡化字將 穀 字和 谷 字合併成一個 谷 字。唉……
在線漢典對 谷 字嘅解釋︰
http://www.zdic.net/zd/zi/zdice8zdicb0zdicb7.htm
谷
（③④穀）
gǔ
(1) ㄍㄨˇ
(2) 两山间的夹道或流水道，或指两山之间：山～。河～。
(3) 喻困境：进退维～（进退两难）。
(4) 庄稼和粮食的总称：五～。百～。
(5) 粟的别称，亦指稻的子实：～物。～米。稻～。
(6) 姓。
Re:問一下繁體字問題
“谷歌”还有一深層意思是“硅谷之歌”，所以用簡體字反而更能體現其一語雙關。
不過個人對這個名字很不喜歡，完全無法與搜索引擎進行聯想，
則使我在使用“聯想”電腦時也無法聯想得到。
還不而用“罟彀”，“罟”，網也。“彀”，“天下英雄，入吾彀中矣。”
取其“天下之網頁，盡入吾彀中”之意。
Re:問一下繁體字問題
thanks 夢星羽Re:問一下繁體字問題
請教一下，[体][體]有咩分別呢？Re:問一下繁體字問題
根據《異體字字典》﹐http://140.111.1.40/yitib/frb/frb00037.htm﹐「体」係﹕①粗劣。同「笨」。
②「笨」嘅異體。
③「體」嘅異體（內地用咗嚟做簡化字）。
Re:問一下繁體字問題
中國人的身體變身体,呻笨乎? em4:Re:問一下繁體字問題
《異體字字典》個網站又打唔開。唉，咁都有罪。
Re:問一下繁體字問題
原來“体”字原先係“笨”嘅異體，幾有意思。从人部，表示人蠢。唔知幾時開始用做“體”嘅異體。形音義相差咁遠，點解可以借嚟做異體呢？