舊式粵語
舊式粵語 近排睇o左幾套劇集講60年代香港，搞到我突然之間想學舊式粵語。。。我識幾句o既。。例如： 『你都mo解o既』 , 『周身唔聚財『。。。有mo人可以講多D比我聽？？ Thank you 曬！ {:3_72:} 本帖最後由 khchu95 於 2018-3-27 17:15 編輯[刪除] 話時話, 粵語長片都好中意講「撚化」。 話時話, 粵語長片都好中意講「撚化」。
a_qi 發表於 2010-4-9 22:57 http://bbs.cantonese.asia/images/common/back.gif
「撚化」就系整古嘅意思。 食饭唔食 = 食唔食饭
冇天装
想棍晒我D钱
作左人地个女仔
做女
契家佬
老举
你去边树（处）
大便小便左便右便（边）
因下条裤有几长
群埋班人玩有衰无好
陀衰家 回覆 5# youngfs
Yes ar Yes ar!!! Thx! Very useful. 中國的語言博大精通啊 乜6楼讲英文噶？ 應該係「老姖」啊係咪啊？
重有嘅係：「拉 laa 55阿姨做份問卷啊！」我一聽到呢句就知佢係老廣州。 尋日睇葉問2, 發現佢成日講"過我", "過你"
例如:
"畀件西餅過我"
"連累過你" (意思係連累咗你, 唔係曾經連累你)
其實係佛山人特別鍾意咁講
定係嗰年代興咁講? 60年代不算舊
50年代的殘片口音更純正一些。 話時話葉問2 個男主角講野有點矯揉造作, 佢又講「過你」, 又講「作為一個......」搞到我暈陀陀 「借問聲」＝「請問」 打水圍：周圍格價
糴米：買米
食過夜粥：學過吓功夫，有番兩度散手
拆白黨：騙子黨羽
綠衣：百年前嘅警察
做乜噉嚤：做乜噉慢
煲冇米粥：得過講字
你唔嫌我籮疏，我唔嫌你米碎。 本帖最後由 HKCantonese 於 2012-5-9 09:02 編輯
60年代流行飛仔，70年代流行招積。 交際花：穿梭於有錢人圈子打滾而得到好處的女士
西南二伯父：乜都話好
梳打埠：澳門
藍燈籠：警車（舊時Jeep仔）
黑箱車：專載死人
大飛：接載偷渡客或走私用嘅快艇
大眼鷄：機動漁船 拐子佬（上世紀中曾經流行，消失一段時間，近日再度出現。） 樓主講嘅
"你都mo解o既" = "你都無解嘅"
"有mo人可以講多D比我聽？" ="有無人可以講多啲畀我聽？"
乜呢啲好舊式咩？
呢啲而家都有人講架﹗ 我都好歡喜舊陣時嘅廣東話。
舊底啲人講說話呢，同你慢慢嚟，着啲着啲咁講，有文有路，聽落好舒服咁個。
唔學得家陣後生，耍機關槍咁一圇咀亂噏廿四。
仲有呢，聽一位世伯話，舊時講說話冇咁沙塵，凡事都留幾分薄面過人哋。
譬如話，你想講一件事幹但又未曾作實，唔想「放流料」，
咁央樣就會話「我相信，......」。
又譬如，你想講人哋唔啱，之又唔想令到人地唔落得臺呢，
就會話「得罪講句，......」。
仲有，想講自己嘅辦法，又唔想一竹篙打沈人家嘅意願，
就講「唔啱咁吖嗱，......」
舊時嘅說話，特色實在係好多，一時三刻都唔講得晒。
閒時睇下粵語長片，實係獲益良多。 絕對同意樓上馬萬千兄之見，舊時，或對上一兩代的人，即使文化不高，所講的「俗話」總帶三分雅意，徐疾有致，令聽的人感舒服。現今之輩，當教師的、評論時政財經的，幾乎句句「其實．．．」「睇返／睇番．．．」「．．．嚟講」 機關槍咁一輪嘴，聽的人根本無時間空間去思考其說話內容，有時連聽清楚字音也感辛苦。
是太受西方思想影響，太自由之過。是百份百文化倒退。
頁:
[1]
2