问两个字。
1.如估唔服气，我哋讲：好唔（奋）气。呢个（奋）字点写？2.潜水又叫“mei”水，有句话叫：mei过珠江唔湿身。呢个mei字点写？
Re:问两个字。
漢語有「不忿氣」。至於mei6﹐《廣州話方言詞典》用「昧」﹐但完全冇意思。
首先﹐有一個「𠬛」字（「沒」字除去三點水）﹐篆書寫「𠬸」（上回下又）。下便我用（上回下又）代替冇三點水個「沒」字。
《說文》分開﹕
①「𠬛（上回下又）﹐入水有所取也」﹔
②「𩑦（上回下又+「頁」）﹕內頭水中也」﹔《段注》﹕「與水部之沒義同而別」
③「沒」﹕沈也。從水從（上回下又）﹔《段注》﹕「沒者全入於水」。
《段注》﹕「今則𠬛（上回下又）、𩑦（上回下又+「頁」）廢而沒專行矣。」
所以我認為應該用「沒」﹐異讀mei6。
Re:问两个字。
唔该晒！而家识写啦：
1.好唔忿气。
2.没水过河南。没过珠江唔湿身。 em12:
Re:问两个字。
觉得用个“没”字唔系几妥。呢个“没”，粤语只读mut6，国语里面都有“淹没”呢个词。mei6水个mei6应该另有其字。Re:问两个字。
「沒」粵語讀mut6﹐但編《粵語審音配詞字庫》其中一個學者話﹐「沒」又異讀mei6。我哋或者認為一個學者太少﹐但「巧」讀kiu2都係淨有一個學者噉講。另外﹐《段注》改正讀音﹕「（上回下又）﹐讀若沬（氵未）。沬（氵未），各本作沫（氵末）。」
根據《粵語審音配詞字庫》﹐呢個沬（氵未）讀mui6。所以﹐就算「沒」今日讀mut6﹐最低限度有過一個mui6音。《廣州話方言詞典》嗰個「昧」都係讀mui6。mui6同mei6就接近得多。
Re:问两个字。
今日查咗一下《广州方言词典》，第142页上写住：[没] mei 潜水：~水 | ~落水底 | 识水性嘅~得好耐 || 集韵队韵莫佩切：“沉溺也”
我谂，用“没”冇错，至少有一本词典证实。
Re:问两个字。
[没] mei 集韵队韵莫佩切：“沉溺也”集韵队韵都系读mui6，解为“沉”或者“溺”
“没水”就应该系用咗沉嘅意思
“没”字可能系本字
Re:问两个字。
我認為應該是“沕”字。沕，潛藏也。《集韻》作莫佩切。
襲九淵之神龍兮，沕深潛以自珍。——賈誼·弔屈原賦
Re:问两个字。
晕低。查《粤语审音配词字库》，沕读mat “物”。查简装《新华字典》，冇“沕”字。查unicode (www.unicode.com)，沕发mat6、 mei6音。意思系 deep, (cantonese) dive。但unicode係英文网站，懂嘅人唔多。查《国语辞典》，沕冇潜水嘅意思。
碰到生字，大家都会去查字典。如果我写“沕水”，人哋真係唔知我噏乜。“沕”有可能係本字，但“没”应该係常用字。
頁:
[1]